Lükɛ̀n 2:1 - Ɛmɛẅi ankà ankrànkràn 2003

¹ Hɩ vra lɔ, Romɛ̀n ɛnhi wú govràn léyi dú Sezarɛ̀n Ogüsɛ̀n nɔn wá tán le, Romɛ̀n ɛnhi wú bɔ̀ lɔ fɛn, kɛ̀ hɔ́n y'anmàn kɛ̀ wá ebɩ́ owrúemɛ̀n.

Lükɛ̀n 2:1 Iomraidhean Croise

Matie 22:17

Ɛ̀ dɔ́ bɔ̀, ankà-tro léyi ɛ̀ ẅɛn ankà ndɔ lɔ wú: Bɔ́ ɛnyànmàn lɔ kɛ tán bɔ̀ ɛkɔrɛ̀levri bɔ́ dì, kàle bɔ́ bɩ́ di govràn anmàn wɔɛ̀n hàn?”

Matie 24:14

Anhobɩ́ Nɛ̀ncüì-dúyri mɛẅi ankà ankrànkràn ndɔ lɔ ke le bonyí ɛnhibù mumù lɔ wú, ô fɛcüè lɔ fɛn kè di nɛ́n dalɛfuɛ. Kɩ zɛtɛn ɛnhibù trɔ vra kɛ lɛ cɔ̀.”

Markɛ̀n 14:9

Mɛ dɔ́ nyɛ̀n annànwɔrɛ mɛ̀n le: Ɛyri lɔ fɛn léyi yɛ lɛ dɔ́ Ɛmɛẅi ankà ankrànkràn lɔ ɛnhibù wú nɔn, ɛnnyɔnwrɔn ndɔ lɔ yɛ lɛ dɔ́ eci léyi nɛ̀n hán nɔn hɩ ankà.”

Markɛ̀n 16:15

Zɛtɛn nɛ dɔ́ yɔ le: “Nyɛ́n hɔ́n ɛnhibù lɔ fɛn wú nyɛ́n dɔ́ anwrɔn Ɛmɛẅi ankà Ankrànkràn lɔ.

Lükɛ̀n 2:3

Anwrɔn lɔ fɛn, ɔwrɔn wrɔn kɛ̀ hɔ́n y'anmàn, ô yɔ wá ebí owruemɛ̀n.

Lükɛ̀n 2:5

Nɛ̀n hɔ́n nanvrɛn, ô nɛ̀n wá ebi owrúemɛ̀n nɛ́n mán n'ɔmùan-sɔ́n nyɔnwrɔn Mari mɛhi. Mari dú ɛnẅì-bî vrá mɛ̀n.

Lükɛ̀n 3:1

Rɔmɛ̀n ɛnhiwú nɛ̀ncüì vri léyi ye bi Tibɛrɛ̀n nɔn, n'ɛyri-ẅɛ̀n ɛnnànwàn kru ɛvà-ɛnriemɛ̀n; hɩ vra lɔ, Pɔnsì Pilatɛ̀n dú Zhüde kpɔsɔ wú govran, Herɔdɛ̀n ẅɛn Galile, kɩ nɛ́n muanẅì Filipɛ̀n ẅɛn ɛyri Itüre mán Trakonitɛ̀n kpɔsɔ wú, Lizania ẅɛn Abilɛnɛ̀n,

Ɔkɔ̀hɔ̀n-wá-bɔ̀ kɔ̀hɔ̀n hán 11:28

Y'ɛmɛ̀n lɔ ɔwrɔn tɔ̀n ye bi Agabüsɛ̀n, tɔhú kɩ, Ɛnhɛ́n Prɔnprɔn bɩmɛ̀n kɛ dɔ̀ le, ɛnvra cá mɛ̀n ebrè vri tɔ̀n kɛ lɛ kɛ́ ɛnhibù mùmù lɔ fɛn wú. Ebrè ndɔ lɔ kɛ́ ɛnvra léyi ɛnnɛ̀ncüì Klodɛ̀n ẅɛn ɛyri nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 25:11

Ke dú kɛ yɛ bɔ́ mɛ̀n nwù, kɩ mɛ̀n hán eci léyi krɔn m'owúemɛ̀n-dì nɔn, mɛ́n sɩ́ krɔ owú léyi dú mɛ tɛn nɔn. Tɛ́n ke dú kɛ, annanwɔrɛ zriɛmɛ́n bàdà ankà hɔ̀n léyi anwrɔn ndɔ hɔ̀n lɔ kɛ dɔ́ ku mɛ̀n ɛwú nɔn, ɔwrɔnẅì zriɛmɛ́n ke sɩ̀ ẅɛ̀n ɛkɔrɛ̀levri ká bɩ́ mɛ̀n kɛ̀ tán yɔ nɔn. Me bɩ́ m'ankà lɔ mɛ wá ɛnhi wú Nɛ̀ncüì antamɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 25:21

Tɛ́n Pɔlɛ̀n bi ɛmrɛ̀ncì nyantɛn: Nɛ̀n sán, ô n'ankà lɔ ke ci Rɔmɛ̀n ɛnhi wú Nɛ̀ncüì zìwú. Mɛ̀n wá tán le yɛ hɛ́n nɛ̀n anwɔn-mɛ̀n-wá-wɔn mɛ̀n hàn kɩ kɛ krɔn ɛnvra léyi mɛ lɛ hán nɛ̀n nɛ̀n hɔ́n Ɛnnɛ̀ncüì lɔ zìwú nɔn.”

Rɔmɛ̀n-anmàn-bɔ̀ 1:8

Eci lɔ fɛn mɛ̀n, mɛ tán m'Ɔwɔ ɔkùɛn Zhezü Krisì bɩmɛ̀n, nyɛ́n lɔ fɛn ny'ɛkruhú, ɔmuhi yɛ dɔ́ ny'ankaẅì-bùtan-ẅɛn-ankà ɛnhibù mumù lɔ fɛn wú nɔn.

Filipɛ̀n anmàn-bɔ̀ 4:22

Ankaẅì-bùtan-ẅɛn-bɔ̀ lɔ fɛn dú ɛnu lɔ nɔn, annannan le, yɔ hɔ̀n léyi dú ɛnhi wú nɛ̀ncüì lɔ n'eci-bɩ̀tan-bɔ̀ nɔn, ke bi nyɛ̀n nyan.