Lükɛ̀n 17:3 - Ɛmɛẅi ankà ankrànkràn 2003

³ Nyɛ́n wá esùva anvrɛnvrɛn! Ke dú kɛ ɔmuan-ẅì kɛ hán eci gbangbàn, ɛ̀ kran ankà è yé nɛ̀n. Ke dú kɛ nɛ ẅɛn ɛgbàn-bòtò hô, è bɩ ce nɛ̀n.

Lükɛ̀n 17:3 Iomraidhean Croise

Matie 18:21

Zɛtɛn Piɛrɛ̀n sɔnba Zhezü ɛtɛ̀sɛ̀n kɩ ke yrɛ nɛ̀n le: “Ɛẅɛnwrɔn, andɛ̀n ɛ̀bɛ de ke ji le mɛ̀n bɩ́ ɛgbàn mɛ̀n ce nmàn-ẅì ke dú kɛ nɛ hán mɛ̀n eci gbàngbàn nɛ́n? Andɛ̀n ɔbɔ̀ɛn hàn?”

Lükɛ̀n 21:34

“Nyɛ́n wá esùva! Nyɛ́n bɩ́ teze nyɛ́n hɛ́n lɔ kɛ srɔ́n ɛkoran mɛ̀n mán ɛntàn-kɔ́n mɛ̀n mán ɛnhibù wúvà ankà-trɔ lɔ mɛ̀n, ke dú ɔmu lɔ hô, ɛmrɛ̀n-ci bì lɔ kɛ lɛ ẅɛn nyɛ̀n nmù kprú

Efɛzɛ̀n anmàn-bɔ̀ 5:15

Ɔmu lɔ, nyɛ́n wá esùva anvrɛnvrɛn ny'ɛwúvà ẅɛn mɛ̀n. Nyɛ́n bɩ́ nán esù kɛ hán ɔbrɔ̀sà-bɔ̀ hɔ́, tɛ́n kɛ̀ hán ankà-nyri-bɔ̀ hɔ́.

Ebre-bɔ̀ 12:15

Nyɛ́n wá esùva hô ɔwrɔn zriɛmɛ́n ke bɩ́ crɛ ejüi kɛ kɛ́n Ɔwɔ nboafɔ̀n. Ɔwrɔn zriɛmɛ́n ke bɩ́ srɔ ɛtɛ̀ gbàngbàn léyi ke dì, kɛ ẅɛn ecrukrɛ̀ kɩ ke wri ɔwrɔn brobebe nɔn.

Zhakɛ̀n 5:19

Anwrɔn-nɛ́n-muan-ẅì hɔ̀n, ke dú kɛ ny'ɛmɛ̀n lɔ ɔwrɔn tɔ̀n kɛ cɔhɔ́ annanwɔrɛ levri wú, kɩ ɔwrɔn nyantɛn kɛ hán nɛ̀n ne vru nɛ và,

2 Zhan 1:8

Nyɛ́n wá nyɛ́n mumù ny'edomɛ̀n esùva, ô nyɛ́n bɩ́ zrɛ́n b'ɔkɔ̀hɔ̀n vɔ̀nshɛ́ lɔ, tɛ́n nyɛ́n cɔ́ ny'anjakpà lɔ kɛ sɛ́n nmù.