Lükɛ̀n 16:3 - Ɛmɛẅi ankà ankrànkràn 2003

³ Ɛci-krɛ́-wrɔn lɔ kɛ dɔ́ n'edomɛ̀n le: ‘M'ankà-yé-wrɔn ke le bɩ́ mɛ̀n ɛci antamɛ̀n kɛ̀ sɔhɔ́. Ecitan de mɛ lɛ hán nɛ́n? Ecüì bádá mɛ̀n edomɛ̀n hɩ m'á hán ovú kɔ̀hɔ̀n, kɩ anvɛvrà kɛ lɛ ẅɛn mɛ̀n ɛci-sán-kɔ̀hɔ̀n-hán mɛ̀n.

Lükɛ̀n 16:3 Iomraidhean Croise

Matie 20:8

Ɛnvra léyi ɔwɔɛmɛ̀n cɔ̀ nɔn, ɛkɛ̀tɛ̀-nɛ́n-zi dɔ́ n'ezìwú wrɔn lɔ le: ‘È bi ɔkɔ̀hɔ̀n-hán-bɔ̀ lɔ, ô è di ɔwrɔn-wrɔn n'ɔwɔɛ̀n. Ɛ̀ bukru ɛmɛẅi trɔ bɔ̀ lɔ yri, ô kpàkpà-bɔ̀ lɔ kɛ̀ trɔ ɛmɛẅi.’

Markɛ̀n 10:46

Zhezü mán n'ɛsɛ̀nkɛn-bɔ̀ cɔ́ Zheriko. Ɛnvra léyi Zhezü dú Zheriko anmàn nɛ́n mán n'ɛsɛ̀nkɛn-bɔ̀ mán fɛcüè vri tɔ̀n mɛhi yɔ srɔ nɔn, anvɛ̀-bɔyɛ-wrɔn tɔ̀n ye bi Bartime, Time ẅì, yɛ́ ɛnlevri mùan kɩ kɛ sán ɛci.

Lükɛ̀n 12:17

Ne tro ankà kɩ nɛ dɔ́ n'edomɛ̀n le: ‘Ecitan de ke ji le mɛ̀n hán nɛ́n? Mɛ̀n sɩ̀ ẅɛ̀n ɛyri hɩ m'á hɛ́n m'ɛci-kuɛ-ci hɔ̀n lɔ fɛn nɔn.’

Lükɛ̀n 16:2

Ɛnnɛ̀ncüì lɔ bi nɛ̀n kɩ kɛ dɔ́ nɛ̀n le: ‘Ankà tán de mɛ yá ye dɔ́ v'ɛwú nɛ́n? Ɛ̀ krɛ́ ɛci ɛ̀ tán mɛ̀n, ɔmuhi e sɩ̀ vru dú m'ɛci-krɛ́-wrɔn hàn nɔn.’

Lükɛ̀n 16:20

Ɛmian-wrɔn tɔ̀n, ye bi nɛ̀n Lazarɛ̀n, ɛci-fɔ́n bɩ́ nɛ̀n edomɛ̀n, kɩ nɛ̀n dɛ́ ɛnnɛ̀ncüì lɔ wɔn gbatà muàn.

Lükɛ̀n 16:22

Ɛmian-wrɔn lɔ nwù, kɩ Ɔwɔ-kùyüre-bɔ̀ bɩ́ nɛ̀n sɩ́ Abrahamɛ̀n tɛ̀sɛ̀n. Ɛnnɛ̀ncüì lɔ mán nwù, kɩ yɛ wá nɛ̀n ɛnhibɩ́.

Lükɛ̀n 16:4

Mɛ̀n nyri eci léyi mɛ lɛ hán nɔn! Kɩ ɛnvra léyi m'ɔkɔhɔ̀n lɔ kɛ lɛ zrɛ́n nɔn, anwrɔn ke le bɩ́ mɛ̀n ke sɩ́ ɛbemɛ̀n!’

Lükɛ̀n 18:4

Ɛnvra sheshe mɛ̀n de ɛmrɛ̀n-ci-wrɔn lɔ ke sɩ́ shriɛ kɩ zɛtɛn nɛ dɔ́ n'edomɛ̀n le: ‘Ankàẅì, mɛ̀n sɩ̀ ẅɛ̀n Ɔwɔ sù kɩ mɛ́n sɩ́ wá ɔwrɔn zriɛmɛ́n;

Zhan 9:8

Zɛtɛn n'ɛtɛsɛ̀n-bɔ̀ mán anwrɔn hɔ̀n léyi gɔ́ kán nɛ̀n ɛci sán yri nɔn, kɛ dɔ̀ le: “Kè sɩ̀ dù ɔwrɔn ndɔ lɔ de kɛ yɛ́ kɛ sán ɛci nɛ́n?”

Ɔkɔ̀hɔ̀n-wá-bɔ̀ kɔ̀hɔ̀n hán 3:2

Ecice-wɔn gbàtà, angbàtà léyi ye bi “Angbàta Fifi” nɔn, n'ɛtɛsɛ̀n lɔ ɔwrɔn tɔ̀n ndù, kɩ ɛcɛmɛ̀n hàn hɛ́n, nɛ̀n ẅɛn ɔkpɔ̀cɔ lɔẅiɛ. Ɛnbì lɔ fɛn ye sɩ́ nɛ̀n, kɩ yɛ hɛ́n nɛ̀n nanvrɛn, ô anwrɔn hɔ̀n léyi ke bru Ɔwɔ-sɛ́n-wɔn lɔ mɛ̀n nɔn, nɛ̀n sán yɔ ɛci.

Ɔkɔ̀hɔ̀n-wá-bɔ̀ kɔ̀hɔ̀n hán 9:6

Tɛ́n tɔhú, brù anmàn lɔ, kɩ nanvrɛn lɔ yɛ lɛ dɔ́ mɛ́n eci léyi ke ji le ɛ̀ hán nɔn.”

2 Tesalonikɛ̀n anmàn-bɔ̀ 3:11

Tɛ́n bɔ́ yá le ny'ɛmɛ̀n lɔ, ndɔ hɔ̀n ẅɛn ɛjɛ́-wúvà, ke sɩ́ hán eci zriɛmɛ́n, ke dú kɛ kè sɩ̀ dù anwrɔn nyàntɛn ankà-mɛ̀n-bru kɔ̀hɔ̀n kɩ yɔ hán.