Lükɛ̀n 13:3 - Ɛmɛẅi ankà ankrànkràn 2003

³ Hɔ̂, mɛ dɔ́ nyɛ̀n; tɛ́n ke dú kɛ nyɛ́n sɩ̀ crɔ̀n ny'eci-hán-ci, nyɛ́n mán nye le wù kɛ lɛ hán yɔ hɔ́.

Lükɛ̀n 13:3 Iomraidhean Croise

Matie 12:45

Zɛtɛn nɛ hɔ̀n ne bɩ́ anhɛ́n gbàngbàn hɔ̀n ɔbɔɛ̀n léyi krɛ́ ɛgbàn vrán nɛ̀n nɔn; yɔ vru ɛmɛẅi yɔ và kɩ yɔ yɛ́ ɔwɔn lɔ mɛ̀n. Ɔtrɔmɛ̀n lɔ, ɔwrɔn ndɔ lɔ wúvà kɛ sán krɛ́ ɛgbàn vrán ɛnkrubɔmɛ̀n lɔ. Kɩ ɔmu lɔ de ke le dú tán anwrɔn gbàngbàn hɔ̀n léyi dú ɛnvra ndɔ lɔ mɛ̀n bɔ̀ nɔn.”

Matie 22:7

Ɛnnɛ̀ncüì lɔ bɩ́ ɛmɛ̀nhyì: nɛ wá nɛ́n gɔliɛ-bɔ̀ ɔkɔ̀hɔ̀n wri anwrɔn wri-bɔ̀ lɔ kɩ wá y'anmàn lɔ ɛnhyà.

Matie 3:2

Nɛ dɔ̀ le: “Nyɛ́n crɔn ny'eci-hán-ci, ɔmuhi Anhobɩ́-Nɛ̀ncüì-dúyri dú ɛtɛ̀sɛ̀n nɔn!”

Lükɛ̀n 13:2

Zhezü mrɛ́n yɔ ɔmùan le: “Nye tro le, Galile-bɔ̀ léyi ye wrì nɔn, yɔ de ye dú ɛgbàn-hán-bɔ̀ vri vrán Galile-bɔ̀ ndɔ hɔ̀n lɔ nɛ́n?

Lükɛ̀n 13:4

Zɛtɛn, anwrɔn ɛvà-eẅirì léyi, Sɩ̀loe wɔn gbe ku ɛwú nɔn, hɩ mán, nye tro le, yɔ de yɔ dú ɛbgàn-hán-bɔ̀ vrán Zherüzalɛmɛ̀n anmàn-bɔ̀ lɔ fɛn nɛ́n?

Lükɛ̀n 13:5

Hɔ̂, mɛ dɔ́ nyɛ̀n; tɛ́n ke dú kɛ nyɛ́n sɩ̀ crɔ̀n ny'eci-hán-ci, nyɛ́n mán nye le wù kɛ lɛ hán yɔ hɔ́.”

Lükɛ̀n 24:47

kɩ ke ji le yɛ dɔ́ n'ankà ɛnhi wù anmàn lɔ fɛn zìwú, yɔ bukru Zherüzalɛmɛ̀n, ye bi anwrɔn kɛ̀ crɔn ɛnkru, ô kɛ̀ cɔ́ ɛgbàn-bɩ-ce.

Ɔkɔ̀hɔ̀n-wá-bɔ̀ kɔ̀hɔ̀n hán 3:19

Nyɛ́n crɔn ny'ɛci-hán-ci, ô nyɛ́n crɛ ezì nyɛ́n kɛ́n Ɔwɔ, ô nɛ̀n jru ny'ɛgbàn hɔ̀n lɔ.