Lükɛ̀n 13:12 - Ɛmɛẅi ankà ankrànkràn 2003

¹² Ɛnvra léyi Zhezü kán ɛnnyɔnwrɔn ndɔ lɔ nɔn, nɛ̀n bi yi, kɩ nɛ dɔ́ yi le: “V'ɛnlɔẅiɛ lɔ trɔ mɛ́n edomɛ̀n.”

Lükɛ̀n 13:12 Iomraidhean Croise

Matie 4:23

Zhezü ci Galile kpɔsɔ lɔ fɛn wú; ne yé yɔ ankà Ɔwɔ-sɛ́n-wɔn hɔ̀n lɔ fɛn léyi dú ɔkpɔsɔ lɔ wú nɔn mɛ̀n, nɛ dɔ́ Ɛmɛẅi ankà Ankrànkràn léyi dú Anhobɩ́-Nɛ̀ncüì-dúyri ankà, kɩ nɛ kɔrɛ y'ɛnlɔẅiɛ lɔ fɛn mán ɔkpɔ̀cɔ-lɔẅiɛ mɛ̀ntɛ mɛ̀ntɛ.

Matie 8:16

Ɛnvra léyi ɔwɔɛmɛ̀n ncɔ̀ nɔn, yɛ vá sɩ́ Zhezü anwrɔn bobrebe hɔ̀n léyi anhɛ́n gbàngbàn ke di ejüe edomɛ̀n nɔn. N'ankà-dɔ́ mɛ̀n Zhezü wrɔ́ anhɛ́n gbàngbàn ndɔ hɔ̀n lɔ kɩ nɛ̀n vru nɛ̀n kɔrɛ ɛnlɔẅiɛ-bɔ̀ lɔ fɛn.

Lükɛ̀n 13:11

Ɛnlɔẅiɛ-hi tɔ̀n nyɔn nanvrɛn lɔ: ɛnnanwàn kru ɛvà eẅirì de, ɛnhɛ́n gbangbàn tɔ̀n kɛ hán nɛ̀n ne vé, kɩ nɛ́n sɩ́ cɔ́ ɛ̀wú-nyɔn-yri.

Lükɛ̀n 13:13

Nɛ̀n bɩ́ ankɔrɛ̀ nɛ̀n di yi ɛwú, kɩ ɛnvra zri lɔ, ɛnnyɔnwrɔn lɔ wrɔn ɛwú, kɩ bukru kɛ mrɛ́n Ɔwɔ.

Lükɛ̀n 13:16

Kɩ ɛnnyɔnwrɔn ndɔ léyi, dú Abrahamɛ̀n mɛẅi wrɔn, hɩ anwa-wrɔn kɔra hɛ́n ɛnnanwàn kru ɛvà eẅirì nɔn, kè sɩ̀ zrɔ tán le, yɛ kɔrɛ nɛ̀n ɛnyanmán-bì lɔa?”