Lükɛ̀n 12:1 - Ɛmɛẅi ankà ankrànkràn 2003

¹ Hɩ vra lɔ anwrɔn tɛ̀bru bɔrɛkru, kɩ̀ anwrɔn janbɔ̀, yɔ esùnan mɛ̀n lɔ, yɔ kasrɛ yɔ nyran hɔ̀n. Zhezü bukru kɛ dɔ́ n'ɛsɛnkɛn-bɔ̀ ankà: “Nyɛ́n wá ny'edomɛ̀n esùva Ɔwɔ-nyanmàn-sùva-wá-bɔ̀ ci-fɔ́-ci tɛsɛ̀n, hɩ mɛ̀n kɛ dɔ̀ le, y'anbrádì ci-hán tɛsɛ̀n.

Lükɛ̀n 12:1 Iomraidhean Croise

1 Piɛrɛ̀n 2:1

Zɛtɛn eci lɔ fɛn léyi dú ɛgbàndì, ɛyɔ̀n, amùan-anhyrɛ̀-dì, ecüì-hi-kɔ̀n mán ɔwrɔn ankà-gbangbàn-dɔ̀, ndɔ lɔ fɛn nyɛ́n kɔ̀n cüe.

Zhakɛ̀n 3:17

Tɛ́n ankà-nyrì léyi dú ɛwú và nɔn, nfì, kɩ zɛtɛn dú anwɔwɔ, sɔhɔ̀ mán ɔwrɔn ɛnhyɔ̀bɔ̀-nyriemɛ̀n; ɛcüɛ̀n yɩ́ nɛ̀n ɛmɛ̀n kɩ nɛ hán eci ankrankran mán ankà-nyrì; nɛ̀n di ɛnnɛ̀ncüì ɛzrɔ mɛ̀n mán eci-hán ankrànkràn mɛ̀n: nɛ̀n sɩ̀ ẅɛ̀n ɛmɛ̀n-grɔ mán anbrá-dì.

Lükɛ̀n 12:56

Anmùan-anhyrɛ̀-bɔ̀! Nye nyri eci hɔ̀n lɔ fɛn léyi dú ɛnhi mán ɛwú nɔn; zɛtɛn, ecitan kruhú kɛ nyɛ́n sɩ́ nyri, zɛtɛ̀ vra léyi nyɛ́n dú ɛmɛ̀n nɛ́n?”

1 Korɛntɛ̀n anmàn-bɔ̀ 15:3

Eci lɔ fɛn hán mɛ̀n, mɛ̀n tán nyɛ̀n ankà-yé ndɔ léyi mɛ́n mumù mɛ́n cɔ̀ nɔn: Krisì wú bɔ́ ɛgbàn kruhú hán ɔmu le Ɛwrú Prɔnprɔn hɔ̀n ndɔ̀ nɔn;

Ɔkɔ̀hɔ̀n-wá-bɔ̀ kɔ̀hɔ̀n hán 21:20

Ɛnvra léyi yɔ yá n'ankà lɔ trɔ nɔn, yɔ mrɛ́n Ɔwɔ. Zɛtɛn yɔ dɔ́ Pɔlɛ̀n le: “Ɛ kàn, ɔwrɔn-nɛ́n-mùan-ẅì, Zhüifɛ̀n-bɔ̀ tɛ̀bru kru ɛbɛ́ de srɔ Zhezü sɛ̀nkɛn-bɔ̀: yɔ lɔ fɛn, yɔ ẅɛn ɛnyànmàn ɛshishiemɛ̀n yɔ hɛ́n.

Lükɛ̀n 11:44

Muzhie dú nyɛ tɛ́n! Nyɛ́n dù nyɛ́n cá ɛzhe nanmàn hɔ̀n léyi ye sɩ́ kán, hɩ yɛ nán esù ɛwú nɔn!”

Lükɛ̀n 6:17

Zhezü mán n'ɔkɔhɔ̀n-wá-bɔ̀ mɛhi dú ɛnkpò cɛ lɔ wú kakɛ, kɩ sannyɔn ɛyri tɔ̀n léyi ɛnhi hán sɛsɛ; ɛyri léyi n'ɛsɛnkɛn-bɔ̀ bobrebe ndù nɔn. Nanvrɛn lɔ mán anwrɔn fɛcüè vri ndù: yɔ dú Zhüde kpɔsɔ wú, Zherüzalɛmɛ̀n anmàn mán anmàn ndɔ hɔ̀n léyi dú ecüe gbatà mùan, Tirɛ̀n mán Sidɔn kpɔsɔ wú;

Lükɛ̀n 5:15

Tɛ́n Zhezü bɩ́-dì bonyí ɛyri lɔ fɛn; fɛcüè bobrebe kɛ borɛkru kɛ yá n'ankà, ô nɛ̀n kɔrɛ y'ɛnlɔẅiɛ hɔ̀n lɔ.

Lükɛ̀n 5:1

Ɛnbì tɔ̀n Zezü nyɔn Zhenezarɛtɛ̀n nɛnbà cɛ gbàtà muàn, kɩ fɛcüè gbrɛnkɛn nɛ̀n ɔmuan ô kɛ̀ yá Ɔwɔ mùan ankà.

Ebre-bɔ̀ 12:22

Tɛ́n nyɛ tɛn nyɛ́n sɔ̀nba Siɔn kpò mán Ɔwɔ kɔrɛkɔrɛ dúyri tɛsɛ̀n, anhobɩ́ Zherüzalɛmɛ̀n, nyɛ́n mán n'ɛkùyüre-bɔ̀ fɛcüè mɛhi.