Lükɛ̀n 11:4 - Ɛmɛẅi ankà ankrànkràn 2003

⁴ È bɩ́ bɔ́ ɛgbàn hɔ̀n lɔ è ce bɔ̀, ɔmuhi bɔ́ mán bɔ́ bɩ́ ɛgbàn ce anwrɔn hɔ̀n léyi kɛ hán bɔ̀ ɛgbàn nɔn. E bɩ́ teze bɔ̀, bɔ́ bore ɔwɔɛ̀n-nyan mɛ̀n.’ ”

Lükɛ̀n 11:4 Iomraidhean Croise

Matie 18:35

Kɩ Zhezü vru kɛ dɔ̀ le: “Ɔmu lɔ de Dade léyi dú anhobɩ́ nɔn ke le ci nyɛ̀n ɛmrɛ̀n ke dú kɛ ɔwrɔn kè sɩ̀ bɩ ɛgbàn ke ce nɛ́n nyran n'ɛnbɔrɛ lɔ fɛn mɛ̀n.”

Matie 26:41

Nyɛ́n kpri ɛvɛ̀, nyɛ́n sɛ̀n, ô nyɛ́n bɩ́ bru ɔwɔɛ̀nnyan mɛ̀n. Ɔwrɔnẅì hɛ́n ẅɛn edùyì, tɛ́n n'anẅia ẅɛn ɛjɛ̀.”

Lükɛ̀n 11:5

Zhezü vru kɛ dɔ́ yɔ le: “Bɔ̀ crɛ̀ nyan ankà ndɔ lɔ: ny'ɛmɛ̀n lɔ ɔwrɔn tɔ̀n ẅɛn nɛ́n nyrán, nɛ́n hɔ̀n nɛ̀n cɔ́ yi ɛnnyrán wanzi kɩ nɛ dɔ́ yi le: ‘M'annyrán, vɛ́n mɛ̀n abùtùkumɛ́n anhɔ̀n.

Lükɛ̀n 13:4

Zɛtɛn, anwrɔn ɛvà-eẅirì léyi, Sɩ̀loe wɔn gbe ku ɛwú nɔn, hɩ mán, nye tro le, yɔ de yɔ dú ɛbgàn-hán-bɔ̀ vrán Zherüzalɛmɛ̀n anmàn-bɔ̀ lɔ fɛn nɛ́n?

Lükɛ̀n 22:46

Nɛ dɔ́ yɔ le: “Cɛci kruhú kɛ, nyɛ dí ndà? Nyɛ́n tɔhú, nyɛ́n sɛ́n Ɔwɔ, ô nyɛ́n bɩ́ bore ɔwɔɛ̀n-nyan mɛ̀n.”

Lükɛ̀n 8:13

Ndɔ hɔ̀n dù cá ɛbù-hiẅia: yɔ yá ankà-dɔ̀ lɔ kɩ yɔ bɩ́ nɛ̀n pɔpüɛ̀ mɛ̀n. Tɛ́n, yɔ sɩ́ teze nɛ̀n nɛ́n di annyràn, yɔ bú tán ankàẅì ɛnvra cá mɛ̀n, kɩ yɔ teze y'ankàẅì-bùtan lɔ ɛnvra léyi ejüezì kɛ srɔ́n yɔ ɛsù nɔn.

Zhan 17:15

Mɛ́n sɩ́ sɛ́n mɛ́n hô, ɛ̀ ẅɛn yɔ ɛ̀ sɔhɔ́ ɛnhibù wú, tɛ́n è bɩ́ yɔ ɛ̀ sɔhɔ́ Anwa-wrɔn tamɛ̀n.

1 Korɛntɛ̀n anmàn-bɔ̀ 10:13

Ɔwɔ̀ɛn-nyan hɔ̀n léyi nyɛ́n nyrì nɔn, dú yɔ hɔ̀n léyi anwrɔnẅì kɛ kán ɛnbì lɔ fɛn nɔn. Ɔwɔ dú ɔmùan-zri-di-wrɔn n'ɔmùan-wá hɔ̀n lɔ mɛ̀n, kɩ nɛ́n sɩ̀ tán ɛkɔrɛ̀levri, ô ɔwɔ̀ɛn-nyan cüì kɛ̀ ká nyɛ̀n; tɛ́n, ɛnvra léyi ɔwɔ̀ɛn-nyan kɛ lɛ và nɔn, nɛ lɛ tán nyɛ̀n ecüì, ô nyɛ́n kɛ́n nɛ̀n hɛ́n, kɩ ɔmu lɔ, nyɛ́n cɔ́ ɛyri nyɛ́n dú nɛ̀n ɛmɛ̀n nyɛ́n srɔ ɛntrɛ.

Kɔlɔsèn anmàn-bɔ̀ 3:13

Nyɛ́n bɔ́sɔ ny'edomɛ̀n; kɩ ke dú kɛ ny'ɛmɛ̀n lɔ ɔwrɔn tɔ̀n ke tro le nɛ́n nyran hán nɛ̀n eci gbàngbàn, nyɛ́n bɩ ce ny'edomɛ̀n, hán ɔmu le Ɛẅɛnwrɔn ke bɩ́ ce nyɛ̀n nɔn hɔ́.

2 Tesalonikɛ̀n anmàn-bɔ̀ 3:3

Tɛ́n Ɛẅɛnwrɔn dú ɔmùan-zri-di-wrɔn. Nɛ lɛ tán nyɛ̀n edùsɔ kɩ nɛ lɛ mrɛ́n nyɛ̀n Ɔwrɔn gbàngbàn tamɛ̀n nɛ̀n sɔhɔ́.

Anhyrɛmɛ̀n timote 4:18

Ɛẅɛnwrɔn ke le vru kè bɩ́ mɛ̀n kè die, kɩ nɛ lɛ hán mɛ̀n me le bru anwɔwɔ mɛ̀n, n'Anhobɩ́ Nɛ̀ncüì-dúyri lɔ. Ɛmrɛ́n kè dú nɛ tɛn ɛnvra lɔ fɛn! Kè dú ɔmu lɔ.

Zhakɛ̀n 2:13

Ɔmuhi, Ɔwɔ mán ke sɩ̀ nyrí ɔwrɔn léyi ke sɩ́ nyrí nɛ́n nyran ɛnhyɔ̀bɔ̀ nɔn; tɛ́n ɛnhyɔ̀bɔ̀-nyrì kɔ́nká ɛmrɛ̀n-cì.

Ɔwɔ-mɛ̀n-yrikàn 2:10

E bɩ́ sú ɛgbànkàn léyi ɛ lɛ cɔ̀ nɔn. Die nukùɛ: anwawrɔn kɛ lɛ wɔɛn nyɛ̀n nyan, kɩ ny'ɛmɛ̀n lɔ, ne le ku bobrebe anwɔn-mɛ̀n-wá-wɔn mɛ̀n; yɛ lɛ hán nyɛ̀n ɛgbàn ɛbi ɛvà. È di ɔmùan zri hàn kɩ kɛ cɔ́ v'owú vra, kɩ mɛ lɛ tán mɛ́n ɛkɔ̀nkà krusɔn-ci, ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.