Lükɛ̀n 11:2 - Ɛmɛẅi ankà ankrànkràn 2003

² Zhezü kɛ dɔ́ yɔ le: “Ɛnvra léyi nyɛ sɛ́n-ɔwɔ nɔn, nyɛ́n dɔ̀ le: ‘Dade, v'ebi lɔ fɩ̀; v'ɛyri-ẅɛ̀n lɔ kɛ̀ vá ɛnu ɛnhi.

Lükɛ̀n 11:2 Iomraidhean Croise

Matie 10:32

“Ke dú kɛ ɔwrɔn totɔtɔ̀n kɛ mrɛ́n ɔmùan anwrɔn lɔ fɛn zìwú le nɛ̀n dú mɛ tɛn, mɛ̀n mán mɛ lɛ mrɛ́n ɔmùan Dade léyi dú anhobɩ́ nɔn zìwú le, nɛ̀n dú mɛ tɛn;

Matie 3:2

Nɛ dɔ̀ le: “Nyɛ́n crɔn ny'eci-hán-ci, ɔmuhi Anhobɩ́-Nɛ̀ncüì-dúyri dú ɛtɛ̀sɛ̀n nɔn!”

Matie 5:16

Ɔmu lɔ de ke ji le ny'ɛyri-kàn lɔ kɛ̀ gbrɛ́n anwrɔnẅì zìwú, ô yɔ kán anvrɛn léyi nyɛ hán, ô yɔ mrɛ́n nyɛ́n Zi léyi dú anhobɩ́ nɔn.”

Lükɛ̀n 11:1

Ɛnbì tɔ̀n, Zhezü kɛ sɛ́n Ɔwɔ ɛyri tɔ̀n. Ɛnvra léyi nɛ̀n sɛ́n Ɔwɔ trɔ nɔn, n'ɛsɛnkɛn-wrɔn tɔ̀n kɛ dɔ́ nɛ̀n le: “Ɛẅɛnwrɔn, è yé bɔ̀ Ɔwɔ-sɛ̀n kɛ hán ɔmu le Zhan yé n'ɛsɛnkɛn-bɔ̀ nɔn hɔ́.”

Rɔmɛ̀n-anmàn-bɔ̀ 1:7

Nyɛ́n léyi nyɛ́n dú Rɔmɛ̀n anmàn nɔn, me merɛ́n nyɛ̀n owrú, nyɛ lɛ fɛn léyi Ɔwɔ kɛ cüɛn nyɛ̀n hɩ bi nyɛ̀n, ô nyɛ́n dú ɛwúvà-kɔrɛ̀ mɛ̀n n'ɛkruhú nɔn. Ke ji le Ɔwɔ bo Zi, mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

Rɔmɛ̀n-anmàn-bɔ̀ 8:15

Ɔmuhi Ɛnhɛ́n léyi nyɛ́n cɔ̀ nɔn, kè sɩ̀ dù Ɛnhɛ́n léyi kɛ srɔ nyɛ̀n anwɔ̀n-bɔ̀ kɩ kɛ hán ɛnjansù ke vru ke yɩ́ ny'ɛnbɔrɛ lɔ; tɛ́n Ɛnhɛ́n Prɔnprɔn de kɛ srɔ nyɛ̀n Ɔwɔ-ẅì hɔ̀n kɩ kɛ hán bɔ̀ bɔ́ di bobo bɔ́ dɔ́ Ɔwɔ le: “Ô mɛ́n Dade!”

1 Korɛntɛ̀n anmàn-bɔ̀ 1:3

Ɔwɔ léyi dú bɔ́ Zi mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

2 Korɛntɛ̀n anmàn-bɔ̀ 1:2

Ɔwɔ bɔ́ Zi mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

Galasi anmàn-bɔ̀ 1:4

Krisì dùku bɩ́ n'edomɛ̀n tán, ô bɔ̀ cɔ́ ɛgbàn-bɩ̀-ce, ô nɛ̀n ẅɛn bɔ̀ ɛnhibù wú ci gbàngbàn kɔrɛ̀srɔn wú nɛ̀n sɔhɔ́, hán ɔmu le dú bɔ́ Zi Ɔwɔ kɔrɛ̀zì-ci nɔn.

Efɛzɛ̀n anmàn-bɔ̀ 1:2

Ɔwɔ bɔ́ Zi mán Ɛẅɛnwrɔn Zhezü Krisì kɛ̀ tán nyɛ̀n ɛnshifù mán anwɔwɔ.

Filipɛ̀n anmàn-bɔ̀ 1:2

Ɔwɔ léyi dú bɔ́ Zi mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

Filipɛ̀n anmàn-bɔ̀ 4:20

Eci-zrɔ kè dú bɔ́ Zi Ɔwɔ tɛn ɛnvra lɔ fɛn. Kè dú ɔmu lɔ.

Kɔlɔsèn anmàn-bɔ̀ 1:2

Ebinyan zri lɔ dú Ɔwɔ-fɛcüè léyi dú Kɔlɔsɛ̀n anmàn, hɩ dú bɔ́ muan-ẅì hɔ̀n ɔmùan-zri-diemɛ̀n yɔ mán Krisì mɛhi y'ɔbɔ̀sɔ̀ lɔ mɛ̀n nɔn tɛn: Ɔwɔ léyi dú bó Zi nɔn, kɛ̀ tán nyɛ̀n nboafɔ̀n mán anwɔwɔ.

1 Tesalonikɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n, Silasɛ̀n mán Timote yri kɛ và. Tɛsalonikɛ̀n wɔ-fɛcüè léyi dú Ɔwɔ Zi mán Ɛẅɛnwrɔn Zhezü Krisì tɛn nɔn: nboafɔ̀n mán anwɔwɔ kè dú nyɛ tɛn.

1 Tesalonikɛ̀n anmàn-bɔ̀ 1:3

Annanwɔrɛ mɛ̀n lɔ, bɔ́ kro-sɩ́ bɔ́ edomɛ̀n Ɔwɔ bɔ́ Zi zìwú ny'ankaẅì-bùtan léyi ẅɛn vɔ̀nshɛ́, nyɛ cüɛ̀n léyi ẅɛn edùyì mán ny'esɛ́ annanwɔrɛ léyi nyɛ́n ẅɛn bɔ́ Ɛẅɛnwrɔn Zhezü Krisì wú nɔn.

2 Tesalonikɛ̀n anmàn-bɔ̀ 2:16

Bɔ́ Ɛẅɛnwrɔn Zhezü Krisì dùku mán Ɔwɔ bo Zi léyi cüɛn bɔ̀ hɩ tán bɔ̀ nɛ́n nboafɔ̀n lɔ mɛ̀n, edùsɔ tɔ̀n léyi kè sɩ̀ ẅɛ̀n ɛnkrutrɔ mán esɛ́ ankrankran nɔn,

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”

Ɔwɔ-mɛ̀n-yrikàn 15:4

Ɛẅɛnwrɔn, antɔn de ke sɩ̀ ẅɛn v'ɛwá nɛ́n? Antɔn de kɛ lɛ krɔ, ke sɩ̀ zrɔ mɛ́n eci nɛ́n? Ɔmuhi vɛ́n zri kɩ è dú prɔnprɔn, ɛnhi anmàn hɔ̀n lɔ fɛn kɛ lɛ và cüe mɛ́n ankɔrɛ̀ ezìwúɛ, ɔmuhi v'ɛnyrɔn ci-hán hɔ̀n ke yé tán yɔ, kpetemɛ̀n yɔ nyrì nɔn.”

Ɔwɔ-mɛ̀n-yrikàn 19:6

Zɛtɛn mɛ̀n yá esùva tɔ̀n cá fɛcüè bobrebe hɔ̀n sùva; esùva lɔ ke shrì kɛ hán ɛnshi vri léyi kɛ nàn kɛ hán ɛwú-kù-dì hɔ́. Nyàn ankà léyi yɛ dɔ̀ nɔn: “Aleluyà! Nyɛ́n mrɛ́n Ɛẅɛnwrɔn! Ɔmuhi Ɛẅɛnwrɔn, bɔ́ ɛkɔrɛ̀srɔn-Wɔ lɔ, yrɛ́ n'ɛyri-ẅɛ̀n lɔ!

Ɔwɔ-mɛ̀n-yrikàn 20:4

Zɛtɛn mɛ̀n kán ɛgbú-tòbù hɔ̀n: anwrɔn hɔ̀n léyi yɛ́ yɔ ɛwúɛ nɔn, cɔ́ ɛkɔrɛ̀srɔn yɔ ci ɛmrɛ̀n. Mɛ̀n vru mɛ̀n kán anhɛ́n hɔ̀n léyi ye wri y'ɔmùan-zri-dì annanwɔrɛ ankà léyi Zhezü yé mán Ɔwɔ mùan-ankà-dɔ̀ wú nɔn. Yɔ sɩ̀ cüè ɔnɔ̀n lɔ mán nɛ́n picɛ̀ lɔ ankɔrɛ̀ ezìwúɛ, kɩ yɔ sɩ̀ cɔ̀ ɔnɔ̀n nrɛ̀n lɔ, ezìwú mán ɛmànmɛ̀n. Yɔ vru yɔ vá ɔkɔrɛ-bɔ̀ mɛ̀n kɩ yɔ ẅɛn ɛyri yɔ mán Krisì mɛhi ɛnnanwàn tɛ̀buri.