Lükɛ̀n 10:7 - Ɛmɛẅi ankà ankrànkràn 2003

⁷ Nyɛ́n yɛ́ ebɩ́ ndɔ lɔ mɛ̀n, nyɛ́n zî ɛci, nyɛ́n mi ɛnshi léyi yɛ lɛ tán nyɛ̀n nɔn, ɔmuhi ɔkɔhɔ́n-hán-wrɔn, ẅɛn n'ɔwɔɛ̀n-dì kɔrɛ̀levri nɔn. Nyɛ́n bɩ́ ci èbɩ́-bɩ́, nyɛ́n hɔ́n ebɩ́ nyàntɛn tɔ̀n mɛ̀n.

Lükɛ̀n 10:7 Iomraidhean Croise

Markɛ̀n 6:10

Zhezü vru kɛ dɔ́ yɔ le: “Ɛnvra léyi nye bru anmàn tɔ̀n nɔn, nyɛ́n yɛ́ ebɩ́ léyi ye le bɩ́ nyɛ̀n nɔn mɛ̀n hàn kɩ kɛ̀ cɔ́ ɛnvra léyi nyɛ lɛ cɔhɔ́ ɛyri ndɔ lɔ nɔn.

Lükɛ̀n 10:6

Ke dú kɛ anwɔwɔ wrɔn dú ebɩ́ lɔ mɛ̀n hô, ny'anwɔwɔ lɔ kɛ lɛ và dú nɛ̀n edomɛ̀n; ke sɩ̀ dù ɔmu lɔ hô, nyɛ́n bɩ́ ny'anwɔwɔ bi-nyan lɔ nyɛ́n sɔhɔ́.

Lükɛ̀n 9:4

Ɛyri lɔ fɛn léyi ye le bɩ́ nyɛ̀n nɔn, nyɛ́n dú nanvrɛn hàn kɩ kɛ̀ krɔn ny'ɛhɔ́n vrá.

Ɔkɔ̀hɔ̀n-wá-bɔ̀ kɔ̀hɔ̀n hán 16:15

Yɛ wá Lidi mán n'ɛmɛ̀n-bɔ̀ ɛnshi ɛnkru. Zɛtɛn nɛ̀n bi bɔ̀ kɩ nɛ dɔ̀ le: “Ke dú kɛ nye tro le mɛ̀n ẅɛn Ɛẅɛnwrɔn ankaẅì-bùtan hô, nyɛ́n và nyɛ́n dú m'ebɩ́ lɔ mɛ̀n.” Kɩ nɛ̀n ẅɛn bɔ̀ krekremɛ̀n bɔ̀ shrì bɔ̀ bru n'ebɩ́ lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 16:34

Nɛ̀n hán Pɔlɛ̀n mán Silasɛ̀n hɔ́n n'ɔwɔn lɔ mɛ̀n kɩ nɛ̀n tán yɔ ɛci yɔ zî. Ɔwrɔn ndɔ lɔ mán n'ɛmɛ̀n-bɔ̀ lɔ fɛn dú pɔpüɛ̀ mɛ̀n, ɔmuhi yɔ ẅɛn ankaẅì-bùtan Ɔwɔ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 16:40

Ɛnvra léyi Pɔlɛ̀n mán Silasɛ̀n dú anwɔn-mɛ̀n-wá-wɔn mɛ̀n srɔ ɛntrɛ nɔn, yɔ hɔ́n Lidi nanvrɛn. Ɛnvra léyi yɔ kán anwrɔn-nɛ́n-muan-ẅì hɔ̀n, hɩ yɔ tán yɔ edùyì nɔn, yɔ nan hɔ̀n.

Galasi anmàn-bɔ̀ 6:6

Ɔwrɔn léyi kɛ cɔ́ Krisì mɛ̀n ankaẅì-bùtan ankà-yé lɔ nɔn, ke ji le nɛ́n mán ankà-yé-wrɔn lɔ mɛhi yɔ dɛ́ vɔ̀nshɛ́ hɔ̀n léyi ankà-yé ndɔ lɔ kɛ tán nɔn.

Kpàkpà timote 5:13

Kɩ ɛnvra léyi yɔ sɩ̀ vrù ẅɛ̀n eci zriɛmɛ́n hán nɔn, yɔ ẅɛn eci-hán wrù kɩ yɔ ci ebɩ́-bɩ́; tɛ́n eci léyi zeze krɛgbàn nɔn, yɔ srɔ ɛdrɛ́ wúyɔ̀ kɩ yɔ dɔ́ ankà lɔ fɛn, yɔ dɔ́ ankà léyi ke sɩ́ crɛ nyan yɔ nɔn.

Anhyrɛmɛ̀n timote 2:6

Ecitɛ́-wrɔn léyi hán ɔkɔ̀hɔ̀n shishi ankɛ̀tɛ́ mɛ̀n nɔn, nɛ̀n dú ɛnvrapkà wrɔn léyi ke ji le kɛ̀ cɔ́ antɛ̀ẅì nɔn.