Lükɛ̀n 10:2 - Ɛmɛẅi ankà ankrànkràn 2003

² Nɛ dɔ́ yɔ le: “Ɛci-kuɛ kɔhɔ̀n vri ndù, tɛ́n ɔkɔhɔ̀n-hán-bɔ̀ ẅiɛ kɩ dù. Nyɛ́n sɛ́n ɛkɛ̀tɛ́-nɛ́n-zi kɛ̀ wá ɔkɔhɔ̀n-hán-bɔ̀ bobrebe ɔkɔhɔ̀n kɛ̀ hɔ̀n kuɛ ɛci kè sɩ́ ɛbemɛ̀n.

Lükɛ̀n 10:2 Iomraidhean Croise

Matie 20:1

“Nyàn eci léyi Anhobɩ́ Nɛ̀ncüì-dúyri dú cá nɔn: Ɛkɛ̀tɛ̀-nɛ́n-zi tɔ̀n srɔ ɛntrɛ ɔsɔ̀wrɔ̀ fùtàn, ô kè bɩ́ ɔkɔ̀hɔ̀n-hán-bɔ̀ kɛ̀ hɔ̀n hán ɔkɔ̀hɔ̀n n'ɛkɛ̀tɛ̀ lɔ mɛ̀n.

Markɛ̀n 13:34

Ke le dù kɛ lɛ hán ɔwrɔn léyi kɛ hɔ́n ɛyri: Ne bɩ́ n'ɔwɔn lɔ nɛ wá n'ɛci-bɩtan-bɔ̀ antamɛ̀n, kɩ nɛ tán ɔwrɔn zri zri ɔkɔ̀hɔ̀n kɛ̀ hán, kɩ nɛ dɔ́ ɛyri-nan-wrɔn ke bɩ́ di ndà;

Markɛ̀n 16:15

Zɛtɛn nɛ dɔ́ yɔ le: “Nyɛ́n hɔ́n ɛnhibù lɔ fɛn wú nyɛ́n dɔ́ anwrɔn Ɛmɛẅi ankà Ankrànkràn lɔ.

Markɛ̀n 16:20

N'ɛsɛ̀nkɛn-bɔ̀ hɔ́n ɛyri lɔ fɛn kɛ dɔ́ yɔ Ɛmɛẅi ankà Ankrànkràn lɔ. Ɛẅɛnwrɔn kɛ wá yɔ ɛkɔrɛ̀ y'ɔkɔ̀hɔ̀n-hán-mɛ̀n kɩ ke yé yɔ le y'Ɔwɔ ankà-dɔ̀ lɔ dú annànwɔrɛ, ɔmuhi yɔ hán anvɛmɛ̀n-frɛ́n-ci nɔn.]

Lükɛ̀n 9:1

Zhezü bɔrɛ n'ɛsɛnkɛn-bɔ̀ ɛkru kɩ tán yɔ ɛkɔrɛ̀-srɔn mán ɛkɔrɛ̀-levri, yɔ wrɔ́ anhɛ́n gbangbàn ô yɔ kɔrɛ ɛnlɔẅiɛ-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 11:19

Owù-gbànkàn léyi srɔ ɛnvra léyi ye wri Etiɛnɛ̀n nɔn, hán tán kɩ ankaẅì-bùtan-ẅɛn-bɔ̀ lɔ bonyì. Y'ɛmɛ̀n lɔ ɛnjanbɔ̀ hɔ́n Fenisi kpɔsɔ wú, Shiprɛ̀n mán Antiɔshɛ̀n anmàn, tɛ́n Zhüifɛ̀n-bɔ̀ kɩ yɔ dɔ́ Ɔwɔ ankà.

Ɔkɔ̀hɔ̀n-wá-bɔ̀ kɔ̀hɔ̀n hán 13:2

Ɛnbi tɔ̀n, ɛnvra léyi yɔ dú Ɔwɔ-cice-kɔhɔ̀n-hán mɛ̀n mán kishe bɩ́ mɛ̀n nɔn, Ɛnhɛ́n-Prɔnprɔn dɔ́ yɔ le: “Nyɛ́n mrɛ́n Barnabasɛ̀n mán Sɔlɛ̀n nyɛ́n hɛ́n ɔhɔnán, ô yɔ hán ɔkɔ̀hɔ̀n léyi hɩ kruhú mɛ̀n bi yɔ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 13:4

Barnabasɛ̀n mán Sɔlɛ̀n léyi hɔ́n Ɔwɔ-kɔhɔ̀n-hán mɛ̀n Ɛnhɛ́n Prɔnprɔn cüiemɛ̀n, nɔn bru Selesi anmàn, nanvrɛn lɔ yɔ bɩ́ ɛnhyàbri-hɛ̀ yɔ hɔ́n Shiprɛ̀n anmàn vúta wú.

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 22:21

Zɛtɛn Ɛẅɛnwrɔn dɔ́ mɛ̀n le: ‘Hɔ̀n, ɔmuhi mɛ lɛ hán mɛ́n, ɛ̀ hɔ́n ɛyri she, ɛnhi anmàn nyantɛn hɔ̀n wú nɔn!’ ”

Ɔkɔ̀hɔ̀n-wá-bɔ̀ kɔ̀hɔ̀n hán 8:4

Anwrɔn hɔ̀n léyi yɔ bonyì nɔn, ke ci Samari kpɔsɔ wú kɛ dɔ́ Ɛmɛẅi ankà Ankrànkràn lɔ.

1 Korɛntɛ̀n anmàn-bɔ̀ 12:28

Ɔmu lɔ de, Ɔwɔ-fɛcüè mɛ̀n lɔ, Ɔwɔ wá ɔkɔ̀hɔ̀n-wá-bɔ̀ kpàkpà-bɔ̀, anhyrɛmɛ̀n dú Ɔwɔ-mùanwú-ankà-dɔ́-bɔ̀, kɩ eci-yé-bɔ̀ dú anhɔnmɛ̀n; kɩ zɛtɛn yɛ wá anwrɔn hɔ̀n léyi kɛ hán anvɛmɛ̀n-frɛ́n-ci, anwrɔn hɔ̀n léyi kɛ korɛ ɛnlɔẅiɛ-bɔ̀, anwrɔn hɔ̀n léyi ẅɛn ɛkɔrɛwá cice, kɩ kɛ nyrɔn anwrɔn janbɔ̀, kɩ yɔ vru yɔ vrá ɛnbrɛ̀ vɛnvɛn nyàntɛn hɔ̀n nɔn.

1 Korɛntɛ̀n anmàn-bɔ̀ 15:10

Tɛ́n Ɔwɔ boafɔ̀n mɛ̀n lɔ, mɛ̀n dú eci léyi dú mɛ̀n nɔn, kɩ nboafɔ̀n léyi Ɔwɔ tán mɛ̀n nɔn kè sɩ̀ srɔ̀ eci woro: tɛ́n, mɛ̀n hán ɔkɔ̀hɔ̀n vrán ɔkɔ̀hɔ̀n-wá-bɔ̀ lɔ fɛn; annanwɔrɛ mɛ̀n lɔ kè sɩ̀ dù mɛ̀n, tɛ́n Ɔwɔ boafɔ̀n de hán ɔkɔ̀hɔ̀n m'ɛmɛ̀n nɔn.

2 Korɛntɛ̀n anmàn-bɔ̀ 6:1

Ɔmu lɔ, ɔmuhi bɔ́ mán Ɔwɔ mɛhi bɔ̀ dú eci-zri-hán mɛ̀n nɔn, bɔ́ sɛ́n nyɛ̀n: nboafɔ̀n léyi Ɔwɔ tán nyɛ̀n nɔn, nyɛ́n bɩ́ wú edù n'ɛwú.

Filipɛ̀n anmàn-bɔ̀ 2:21

Anwrɔn ndɔ hɔ̀n lɔ fɛn kɛ nyan y'ɔkɔ̀hɔ̀n ankà kɩ, kè sɩ̀ dù Zhezü Krisì ankà ke bru yɔ.

Filipɛ̀n anmàn-bɔ̀ 2:25

Mɛ̀n tro le dú eci anvrɛnvrɛn ke dú kɛ me yüre nyɛ̀n bɔ́ muan-ẅì Epafroditɛ̀n m'ɔkɔhɔ̀n mán m'ɛgbànkàn kɔrɛ̀-wá-wrɔn, nɛ́n léyi nyɛ́n wá nɛ̀n ɔkɔ̀hɔ̀n nɛ̀n bɩ́ ny'ɛkɔrɛ̀-wá-ci lɔ nɛ̀n và sɩ́ mɛ̀n nɔn.

Filipɛ̀n anmàn-bɔ̀ 2:30

ɔmuhi nɛ̀n bá owú tɛ̀sɛ̀n Krisì kɔhɔ̀n lɔ kruhú nɔn: nɛ̀n vá owú yri ɛnvra léyi nɛ̀n bɩ́ ny'ɛkɔrɛ̀-wá-ci léyi nyɛ́n dùku nyɛ́n sɩ̀ sɩ̀ɛ, hɩ nɛ́n bɩ̀ nɛ́n và sɩ́ mɛ̀n nɔn.

Kɔlɔsèn anmàn-bɔ̀ 1:29

Ɔkɔ̀hɔ̀n ndɔ lɔ, n'ɛhán mɛ̀n lɔ, mɛ hán ɔkɔ̀hɔ̀n kɩ mɛ̀n dú ecüìwrɔn mɛ̀n, Krisì cüì léyi kɛ tán mɛ̀n nɔn, n'ɛkɔrɛ̀-srɔn mɛ̀n.

Kɔlɔsèn anmàn-bɔ̀ 4:12

Epafrasɛ̀n léyi dú nɛ́n mán ny'ɛmɛ̀n-wrɔn tɔ̀n nɔn, ke bi nyɛ̀n nyan; Zhezü Krisì ci-bɩ̀tan-wrɔn ndɔ lɔ dú nyɛ́n Ɔwɔ-sɛ̀n-tán mɛ̀n ɛnvra lɔ fɛn edùyiemɛ̀n, ô nyɛ́n nyɔn ɛshishiemɛ̀n ɛnhɛ́n mɛ̀n mán ɛsɔ́mɛ̀n, nyɛ́n krɔn kpehɛ́n nyɛ́n hán Ɔwɔ kɔrɛ̀-zì-ci.

1 Tesalonikɛ̀n anmàn-bɔ̀ 2:9

Anwrɔn-nɛ́n-muan-ẅì hɔ̀n, annanwɔrɛ mɛ̀n lɔ, bɔ́ ɛgbànkàn mán bɔ́ edùkà ke bru nyɛ̀n: bɔ̀ hán ɔkɔ̀hɔ̀n ɛnnyran mán ɛcɛ̀n ô bɔ́ bɩ́ srɔ ɛnlowru bɔ́ tán ɔwrɔn zriɛmɛ́n, ɔmu tɛ̀kɩ bɔ́ dɔ́ nyɛ̀n Ɔwɔ Mɛẅi ankà Ankrànkràn lɔ.

1 Tesalonikɛ̀n anmàn-bɔ̀ 5:12

Amwrɔn-nɛ́n-muan-ẅì hɔ̀n, bɔ́ dɔ́ nyɛ̀n nyɛ́n wá anwrɔn hɔ̀n léyi dú nyɛ̀n ɛmɛ̀n kɛ hán ɔkɔ̀hɔ̀n, anwrɔn hɔ̀n léyi Ɛẅɛnwrɔn kɔrɛ̀levriemɛ̀n kɛ nyrɔn nyɛ̀n kɩ ke bi-dɔ́ nyɛ̀n nɔn.

2 Tesalonikɛ̀n anmàn-bɔ̀ 3:1

Ɔtrɔmɛ̀n lɔ, anwrɔn-nɛ́n-muan-ẅì hɔ̀n, nyɛ́n sɛ̀n nyɛ́n tán bɔ̀, ô Ɛẅɛnwrɔn mùan-ankà-dɔ̀ lɔ ke bonyi kpràkprà, ô kɛ̀ cɔ́ ɛmrɛ́n, hán ɔmu le eci-hán ndɔ lɔ dú nyɛ̀n ɛmɛ̀n nɔn.

Kpàkpà timote 4:10

Annànwɔrɛ mɛ̀n lɔ, ke dú kɛ bɔ́ kán ɛgbàn kɩ bɔ́ dú ɛcüìwrɔn mɛ̀n hô, bɔ̀ nyri ɔmu le, bɔ̀ bɩ́ bɔ́ esɛ́ lɔ bɔ̀ wá Ɔwɔ kɔrɛkɔrɛ lɔ mɛ̀n, nɛ́n léyi nɛ̀n dú anwrɔnẅì lɔ fɛn bɩdie-wrɔn, anannan le yɔ hɔ̀n léyi ẅɛn ankaẅìbùtan nɔn.

Anhyrɛmɛ̀n timote 4:5

Tɛ́n vɛ́n, è sɩ́ ɛnkru ɛwú eci lɔ fɛn mɛ̀n, è shri ɛgbànkàn è bɩ, ɛ̀ hán Ɛmɛẅi ankà Ankrankran lɔ n'obònyi kɔ̀hɔ̀n, ô ɛ̀ hán v'eci-bɩ̀tan kɔ̀hɔ̀n Ɔwɔ tɛsɛ̀n.

Filemɔn 1:1

Ebinyan ndɔ lɔ dú Pɔlɛ̀n yri và, nɛ́n léyi yɛ wá nɛ̀n anwɔn-mɛ̀n, ɔmuhi nɛ̀n srɔ Zhezü Krisì ci-bɩ̀tan-wrɔn nɔn, ebinyan zri lɔ dú bɔ́ muanẅì Timote yri và. Vɛ́n Filemɔn, bɔ́ nyran anvrɛn mán b'ɔkɔ̀hɔ̀n hán kɔrɛ̀-wá-wrɔn,

Ebre-bɔ̀ 3:6

Tɛ́n Krisì dú ɔmùan-zri-di-wrɔn, nɛ́n léyi nɛ̀n dú ɛnkru, Ɔwɔ wɔn lɔ mɛ̀n nɔn. Kɩ bɔ̀ dú n'ɔwɔn lɔ, ke dú kɛ bɔ́ bɩ́ b'ankàẅì-bùtan mán bɔ́ esɛ́ ke dú b'ɔmùan-gbú-ci.

Ɔwɔ-mɛ̀n-yrikàn 2:1

“È merɛ́n owrú è yüre Ɔwɔ kùyüre-wrɔn léyi dú Efɛzɛ̀n anmàn Wɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi ẅɛn okùcankro hɔ̀n ɔbɔ̀ɛn lɔ n'ezi-kɔrɛ̀ màn mɛ̀n, kɩ kɛ nán esù ansikɛ kɛniɛn hɔ̀n ɔbɔ̀ɛn lɔ y'anwanzi kɛ dɔ̀ nɔn: