Lükɛ̀n 1:6 - Ɛmɛẅi ankà ankrànkràn 2003

⁶ Zakari mán nɛ́n hi dú ɛnyrɔnnanmɛ̀n Ɔwɔ Zìwú, kɩ yɛ wá Ɛẅɛnwrɔn nyanmàn lɔ fɛn esùva anvrɛnvrɛn.

Lükɛ̀n 1:6 Iomraidhean Croise

Lükɛ̀n 1:7

Tɛ́n ye sɩ̀ bî ɛnẅì, ɔmuhi Elizabɛtɛ̀n ke sɩ̀ bî ɛnẅì rɔ́ nɔn, kɩ yɔ anwrɔn anhyrɛ̀ lɔ mán, yɔ srɔ ɛcüìcüì nɔn.

Lükɛ̀n 16:15

Zhezü kɛ dɔ́ yɔ le: “Nyɛ́n dú anwrɔn hɔ̀n léyi ke bú y'edomɛ̀n kɛ hán ɛnyrɔn-nan-bɔ̀ anwrɔnẅì zìwú, tɛ́n Ɔwɔ nyrí ny'ɛnbɔrɛ hɔ̀n lɔ. Ɔmuhi, eci léyi anwrɔnẅì ke bɩ kɛ hán eci vri nɔn, Ɔwɔ zìwú lɔ dú eci-gbri-ci.

Lükɛ̀n 2:25

Zɛtɛn ɔwrɔn tɔ̀n dú Zherüzalɛmɛ̀n anmàn, ye bi nɛ̀n Simeɔn. Ɔwrɔn ndɔ lɔ, dú ɛnyrɔnnan-wrɔn; nɛ wá Ɔwɔ, kɩ nɛ vrá ɔwrɔn léyi kɛ lɛ và ke bɩ́ Izraɛlɛ̀n kè die nɔn. Ɛnhɛ́n Prɔnprɔn mɛhi yɔ dù,

Ɔkɔ̀hɔ̀n-wá-bɔ̀ kɔ̀hɔ̀n hán 2:25

Annànwɔrɛ mɛ̀n lɔ Davidɛ̀n dɔ́ n'ɛwú le: ‘Mɛ kán ɛnvra lɔ fɛn Ɛẅɛnwrɔn kɛ nyɔn m'ezìwúɛ, nɛ̀n dú mɛ̀n ɛtɛsɛ̀n ô gbɔ̀gbɔ̀ ke bɩ́ bru mɛ̀n edù.

Ɔkɔ̀hɔ̀n-wá-bɔ̀ kɔ̀hɔ̀n hán 23:1

Pɔlɛ̀n crɛ anvɛ̀ kɛ́n anwrɔn hɔ̀n léyi kɛ vá nɛ̀n ɛmrɛ̀nci yri nɔn kɩ kɛ dɔ̀ le: “Anwrɔn-nɛ́n-mùan-ẅì hɔ̀n, ɛnborɛ zriemɛ̀n de mɛ̀n dú Ɛẅɛnwrɔn ci-bɩ̀tan-wrɔn hàn kɩ cɔ́ zɛtɛ̀ lɔ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 24:16

Hɩ le kruhú de mɛ hán kekremɛ̀n, ô mɛ̀n ẅɛn wàwúyɛ fifi Ɔwɔ zìwú mán anwrɔnẅì zìwú nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 8:21

È sɩ̀ ẅɛ̀n eci-dɛ́-ci zriɛmɛ́n hɩ ká kɛ́n ɛkɔrɛ-levri zriɛmɛ́n ankà ndɔ lɔ mɛ̀n, ɔmuhi ɛnbɔrɛ kè sɩ̀ nyrɔn mɛ́n Ɔwɔ zìwú nɔn.

Rɔmɛ̀n-anmàn-bɔ̀ 8:4

Ɔwɔ hán eci ndɔ lɔ, ô ɛnyànmàn wú ci hɔ̀n lɔ kɛ sá nmù bɔ́ ɛmɛ̀n, bɔ́ léyi bɔ́ ɛwúvà ke sɩ́ vru crɛnyan bɔ̀, tɛ́n ke le dú Ɛnhɛ́n Prɔnprɔn mɛ̀n nɔn.

1 Korɛntɛ̀n anmàn-bɔ̀ 11:2

Mɛ mrɛ́n nyɛ̀n: m'ankà ke bru nyɛ̀n eci lɔ fɛn hán mɛ̀n kɩ nyɛ ẅɛn m'ankà-yé hɔ̀n lɔ nyɛ hɛ́n.

2 Korɛntɛ̀n anmàn-bɔ̀ 1:12

Nyàn eci le kruhú léyi ke ji le bɔ̀ gbú ɔmùan nɔn: hán ɔmu le bɔ́ wàwúyɛ lɔ ke yé nɔn, bɔ́ nyrɔn bɔ́ edomɛ̀n ɛnhibù wú, annannan le ny'ɛtɛ̀sɛ̀n, sɔ̀hɔ̀ mɛ̀n mán annanwɔrɛ léyi dú Ɔwɔ yri kɛ và nɔn mɛ̀n, kɩ bɔ́ dú ɛnyrɔn mɛ̀n Ɔwɔ boafɔ̀n mɛ̀n, kɩ kè sɩ̀ dù ɔwrɔnẅì ankà-nyriemɛ̀n.

Filipɛ̀n anmàn-bɔ̀ 2:15

ô nyɛ́n dú ɛnyrɔnnanmɛ̀n mán ɛfifiemɛ̀n, nyɛ́n dú Ɔwɔ-ẅì hɔ̀n léyi ɛgbàn zriɛmɛ́n bàdà edomɛ̀n ɛnu ɛnhibù ndɔ lɔ wú, ɛyɔ̀n-bɔ̀ mán anwrɔn gbàngbàn hɔ̀n wanzi. Ke ji le nyɛ́n dú y'ɛmɛ̀n nyɛ́n gbrɛ́n kɛ̀ hán anhobɩ́ kùcànkrò hɔ́,

Kɔlɔsèn anmàn-bɔ̀ 1:22

Tɛ́n zɛtɛ̀ lɔ, owù léyi n'Ɛnẅì cɔ́ n'edùwrú-ẅia mɛ̀n nɔn, hɩ mɛ̀n de Ɔwɔ wɔ́ nyɛ́n mán nɛ́n mɛhi angranmɛ̀n, ô nɛ̀n hán nyɛ̀n, nyɛ́n srɔ n'ezìwú prɔnprɔn mɛ̀n, ɛfifiemɛ̀n, ye bɩ́ cɔ́ ankà-gbàn zriɛmɛ́n ny'ɛwú.

1 Tesalonikɛ̀n anmàn-bɔ̀ 3:13

Nɛ̀n tán ny'ɛnbɔrɛ hɔ̀n lɔ ecüì, ô nyɛ́n srɔ prɔnprɔn, ô Ɔwɔ bɔ́ Zi zìwú lɔ, bɔ̀ fì, ɛnvra léyi bɔ́ Ɛẅɛnwrɔn Zhezü kɛ lɛ và, nɛ́n mán anwrɔnẅì lɔ fɛn léyi dú nɛ tɛn nɔn. Kè dú ɔmu lɔ.

2 Piɛrɛ̀n 3:14

Hɩ le kruhú de, m'annyran anvrɛn hɔ̀n, ɛnbɩ̀ ndɔ lɔ n'ɛnvra lɔ, nyɛ́n hán kèkrèmɛ̀n, ô nyɛ́n dú efifiemɛ̀n, ye bɩ́ cɔ́ eci-gbàngbàn zriɛmɛ́n ny'ɛwú Ɔwɔ zìwú, ô nyɛ́n mán nɛ́n mɛhi nyɛ́n dú anwɔwɔ mɛ̀n.

1 Zhan 2:29

Nyɛ́n nyri ɔmu le Krisì dú ɛnyrɔnnan-wrɔn; zɛtɛn ke ji le nyɛ́n vru nyɛ́n nyrì le, ɔwrɔn totɔtɔ̀n léyi kɛ hán ɛnnyrɔnnan-ci nɔn, nɛ̀n dú Ɔwɔ Ẅì.

1 Zhan 2:3

Ke dú kɛ bɔ́ ẅɛn Ɔwɔ nyanmàn wá, bɔ́ lɛ ẅɛn esɛ́ le bɔ̀ nyri Ɔwɔ.

1 Zhan 3:7

M'ɛẅì hɔ̀n, nyɛ́n bɩ́ teze ny'edomɛ̀n ɔwrɔn zriɛmɛ́n kɛ frɛ́n nyɛ̀n! Ɔwrɔn léyi kɛ hán eci léyi nyrɔn nɔn, nɛ̀n dú nɛ́n mumù mán ɛnnyrɔnnan mɛ̀n, hán ɔmu le Krisì dú ɛnnyrɔnnan-wrɔn nɔn.