Lükɛ̀n 1:1 - Ɛmɛẅi ankà ankrànkràn 2003

¹ Brɛ̀su Teofilɛ̀n, Anwrɔn bobrebe de ji ɛyri ô kè merɛ́n ɛci hɔ̀n léyi vá bɔ̀ ɛmɛ̀n nɔn y'owrú.

Lükɛ̀n 1:1 Iomraidhean Croise

Markɛ̀n 16:20

N'ɛsɛ̀nkɛn-bɔ̀ hɔ́n ɛyri lɔ fɛn kɛ dɔ́ yɔ Ɛmɛẅi ankà Ankrànkràn lɔ. Ɛẅɛnwrɔn kɛ wá yɔ ɛkɔrɛ̀ y'ɔkɔ̀hɔ̀n-hán-mɛ̀n kɩ ke yé yɔ le y'Ɔwɔ ankà-dɔ̀ lɔ dú annànwɔrɛ, ɔmuhi yɔ hán anvɛmɛ̀n-frɛ́n-ci nɔn.]

Zhan 20:31

Tɛ́n ankà léyi dú nɛ̀n ɛmɛ̀n nɔn, ye merɛ́n nɛ̀n, ô nyɛ́n bùtan ankaẅì le Zhezü dú Ebɩ̀die-wrɔn, Ɔwɔ Ẅì. Kɩ ke dú kɛ nye bú n'ankà nyɛ tán ankaẅì hô, nyɛ lɛ cɔ́ ɛkɔrɛ̀ n'ebɩ́mɛ̀n.

Rɔmɛ̀n-anmàn-bɔ̀ 14:5

Ɔwrɔn tɔ̀n tɛn, ɛnbì jan hɔ̀n ẅɛn vɔ̀nshɛ́ vrán ɛnbì ndɔ hɔ̀n, kɩ ɔwrɔn nyantɛn tɛn ɛnbì hɔ̀n lɔ fɛn dú zri. Ke ji le ɔwrɔnwrɔn kɛ ẅɛn esɛ́ n'ankà-tro mɛ̀n.

Rɔmɛ̀n-anmàn-bɔ̀ 4:21

Nɛ̀n ẅɛn esɛ́ kpankpan le Ɔwɔ ẅɛn ɔkɔrɛ̀-srɔn kɛ lɛ hán n'ɔmùan-wá ci lɔ.

Kɔlɔsèn anmàn-bɔ̀ 2:2

Me ji le y'ɛnbɔrɛ lɔ, edùyì kè yɩ́ ɛmɛ̀n, yɔ dú ɛcüɛ̀n-bɔ̀sɔ mɛ̀n, ô yɔ di ɛnnɛ̀ncüì esɛ́ léyi annanwɔrɛ kruemɛ̀n-ẅɛ̀n kɛ tán nɔn mɛ̀n. Ɔmu lɔ de yɔ lɛ nyri Ɔwɔ ankɔ́nda ankà-bán-ankà lɔ, hɩ mɛ̀n kɛ dɔ̀ le Krisì dùku:

Kɔlɔsèn anmàn-bɔ̀ 4:12

Epafrasɛ̀n léyi dú nɛ́n mán ny'ɛmɛ̀n-wrɔn tɔ̀n nɔn, ke bi nyɛ̀n nyan; Zhezü Krisì ci-bɩ̀tan-wrɔn ndɔ lɔ dú nyɛ́n Ɔwɔ-sɛ̀n-tán mɛ̀n ɛnvra lɔ fɛn edùyiemɛ̀n, ô nyɛ́n nyɔn ɛshishiemɛ̀n ɛnhɛ́n mɛ̀n mán ɛsɔ́mɛ̀n, nyɛ́n krɔn kpehɛ́n nyɛ́n hán Ɔwɔ kɔrɛ̀-zì-ci.

1 Tesalonikɛ̀n anmàn-bɔ̀ 1:5

Annanwɔrɛ mɛ̀n lɔ, ɛnvra léyi bɔ̀ dɔ́ nyɛ̀n Ɛmɛẅi ankà ankrankran lɔ nɔn, kè sɩ̀ dù anmùan mɛ̀n ankà-dɔ̀ tɛ̀-kɩ, tɛ́n Ɛnhɛ́n Prɔnprɔn kɔrɛ̀-srɔn, n'ɛkɔrɛ̀-wá mán n'esɛ́ annanwɔrɛ mɛ̀n mɛhi. Nyɛ́n nyri ɔmu le bɔ̀ hán bɔ̀ ẅɛn bɔ́ edomɛ̀n ny'ɛmɛ̀n, ny'anvrɛn kruhú.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Anhyrɛmɛ̀n timote 4:17

Tɛ́n Ɛẅɛnwrɔn wá mɛ̀n ɛkɔrɛ̀ kɩ tán mɛ̀n ecüì, hán tán kɩ mɛ̀n cɔ́ n'ɛmɛẅi ankà dɔ́ yri anvrɛnvrɛn, kɩ mɛ̀n hán tán anwrɔn hɔ̀n lɔ fɛn léyi kè sɩ̀ nyrì Ɔwɔ nɔn, cɔ́ n'ankà lɔ yá. Kɩ nɛ̀n mrɛ́n mɛ̀n gɔ̀ngɔ̀sɔvɛ̀ mùan mɛ̀n nɛ̀n sɔhɔ́.

Ebre-bɔ̀ 10:22

Zɛtɛn bɔ̀ sɔ̀nba Ɔwɔ ɛtɛ̀sɛ̀n ɛnbɔrɛ zriemɛ̀n mán esɛ́ mɛ̀n; bɔ̀ bɩ́ ɛnbɔrɛ fifi léyi ankàtro gbangbàn cɔhɔ́ ɛmɛ̀n, mán edùwru léyi ye bɩ́ ɛnshi fifi ye jru nɔn.

Ebre-bɔ̀ 6:11

Tɛ́n bɔ́ ji le, ɔwrɔn wrɔn kè yé edùyì n'eci-hán mɛ̀n hàn mán ɔtrɔ mɛ̀n, ô ny'esɛ́ lɔ kɛ̀ sá nmù kokroho.