Ebre-bɔ̀ 8:3 - Ɛmɛẅi ankà ankrànkràn 2003

³ Ecice-wrɔn cüìcüì totɔtɔ̀n léyi yɛ́ wá nɔn, nɛ hán ɛcice kɔ̀hɔ̀n; ke ji le bɔ́ ecice-wrɔn lɔ, nɛ́n mán nɛ̀n cɔ́ eci nɛ̀n ce.

Ebre-bɔ̀ 8:3 Iomraidhean Croise

Zhan 6:51

Mɛ̀n dú ɛci-zî kɔrɛkɔrɛ léyi dú anhobɩ́ kakɛ nɔn. Ke dú kɛ, ɔwrɔn ke zî ɛci ndɔ lɔ, ne le dú ɔkɔrɛ mɛ̀n ɛnvra lɔ fɛn. Ɛci-zî léyi mɛ lɛ tán nɔn dú m'edùwrú; mɛ tán ɛci-zî ndɔ lɔ hô, ɛnhibù ke dú ɔkɔrɛ mɛ̀n.”

Rɔmɛ̀n-anmàn-bɔ̀ 4:25

Ɔwɔ dí nɛ̀n owúemɛ̀n bɔ́ ɛgbàn hɔ̀n lɔ kruhú kɩ nɛ̀n vru nɛ̀n sɩ́ yi ɔkɔrɛ-bɔ̀ mɛ̀n, ô nɛ̀n srɔ bɔ̀ ɛnyrɔnnan-bɔ̀ n'ezìwú.

Rɔmɛ̀n-anmàn-bɔ̀ 5:6

Annanwɔrɛ mɛ̀n lɔ, ɛnvra léyi bɔ́ sɩ́ nyri ɔmu le bɔ́ lɛ hán bɔ̀ dú ɛgbàn mɛ̀n bɔ̀ srɔ nɔn, Krisì wú ɛgbàn-hán-bɔ̀ kruhú ɛnvra léyi Ɔwɔ wá tán nɔn.

Rɔmɛ̀n-anmàn-bɔ̀ 5:8

Tɛ́n Ɔwɔ yé bɔ̀ ɔmu le nɛ̀n zeze nɛ̀n cüɛn bɔ̀ nɔn: Krisì wú bɔ́ kruhú ɛnvra léyi bɔ́ vru bɔ́ dú ɛgbàn-hán-bɔ̀ nɔn.

Galasi anmàn-bɔ̀ 2:20

hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.

Efɛzɛ̀n anmàn-bɔ̀ 5:2

Ke ji le ny'ɛwúvà ci-hán lɔ kè dú ny'ɛcüɛ̀n ci-hán, kɛ̀ cá Krisì léyi cüɛ́n bɔ̀, kɩ tán bɔ̀ n'ɛwúvà, ndù hán ecice tɔ̀n mán ɛcɛ̀nbì-ci léyi Ɔwɔ kɛ cüɛ́n n'ɛndɔ̀ nɔn.

Titɛ̀n 2:14

Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

Ebre-bɔ̀ 2:17

Hɩ le kruhú de ke ji le nɛ̀n dù nɛ̀n cá nɛ́n muan-ẅì hɔ̀n eci lɔ fɛn mɛ̀n, ô nɛ̀n dú y'ecice-wrɔn cüìcüì léyi ɛcüɛ̀n yɩ́ ɛmɛ̀n, ke di ɔmùan zri Ɔwɔ ci-bɩ̀tan kɔ̀hɔ́n mɛ̀n, ô fɛcüè kɛ̀ cɔ́ ɛgbàn-bɩce.

Ebre-bɔ̀ 3:1

Nmàn-ẅì hɔ̀n, nyɛ́n dú Ɔwɔ tɛn, nɛ́n léyi nɛ̀n bi nyɛ̀n nɔn. Zɛtɛn, nyɛ́n bɩ́ Zhezü kɛ̀ hán Ɔwɔ kɔ̀hɔ̀n-wá-wrɔn mán ankaẅìbùtan-cice-wrɔn cüìcüì léyi bɔ́ sɔ́n lele bɔ́ tán nɔn.

Ebre-bɔ̀ 5:1

Ɔwɔ cice-wrɔn totɔtɔ̀n léyi yɛ mrɛ́n anwrɔnẅiemɛ̀n ye bɩ nɔn, dú Ɔwɔ ci-bɩ̀tan-wrɔn, anwrɔnẅì kɔrɛ̀wá kruhú; ne ce ɛci ɛgbàn bɩce kruhú.

Ebre-bɔ̀ 7:27

Nɛ̀n sɩ̀ dù kɛ̀ hàn Ɔwɔ cice-bɔ̀ cüìcüì hɔ̀n nyantɛn ndɔ hɔ̀n lɔ hɔ́: nɛ̀n sɩ̀ ẅɛ̀n ecice kɔ̀hɔ̀n hán ɛnbì lɔ fɛn, hɩ ká dú nɛ́n dùku n'ɛgbàn mán fɛcüè gbàn kruhú nɔn. Ɛnvra léyi nɛ̀n bɩ́ n'edomɛ̀n nɛ̀n ce eci nɔn, ecice dɛ̀n zri ndɔ lɔ, dú ɛnvra lɔ fɛn cice.

Ebre-bɔ̀ 8:4

Ke dú kɛ nɛ̀n dú ɛnhibù wú, nɛ́n sɩ̀ dú ecice-wrɔn mán, ɔmuhi ecice-bɔ̀ ndɔ hɔ̀n ndù ke ce eci hán ɔmu le Zhüifɛ̀n-bɔ̀ nyanmàn wá nɔn.

Ebre-bɔ̀ 9:14

Ke dú ɔmu lɔ de ndù nɔn hô, andɛ̀n ɛ̀bɛ́ de Krisì krɛ̀ lɔ kɛ lɛ ẅɛn vɔnshɛ́! Ɛnhɛ́n léyi kè sɩ̀ ẅɛ̀n ɔtrɔ nɔn, n'ecüiemɛ̀n de nɛ̀n bɩ́ nɛ́n dùku n'edomɛ̀n nɛ̀n ce Ɔwɔ, dú nmù sà cice. N'ɛnkrɛ̀ ke le fi bɔ́ wàwúyɛ lɔ n'ɛci-hán gbàngbàn hɔ̀n lɔ mɛ̀n, ô Ɔwɔ kɔrɛkɔrɛ lɔ, bɔ́ dú n'eci-bɩ̀tan-bɔ̀.