Ebre-bɔ̀ 8:2 - Ɛmɛẅi ankà ankrànkràn 2003

² Nɛ hán n'ɔkɔ̀hɔ̀n Ɔwɔ yri prɔnprɔn, hɩ mɛ̀n kɛ dɔ̀ le, dú ɛcasa-wɔn annanwɔrɛ léyi Ɛẅɛnwrɔn kù nɔn, hɩ kè sɩ̀ dù ɔwrɔnẅì kɔrɛ̀-ci nɔn.

Ebre-bɔ̀ 8:2 Iomraidhean Croise

Lükɛ̀n 24:44

Zɛtɛn nɛ dɔ́ yɔ le: “Nyàn ankà léyi mɛ̀n dɔ́ nyɛ̀n ɛnvra léyi nyɛ́n mɛhi bɔ́ dù nɔn: eci hɔ̀n léyi ye merɛ́n m'ɛwú, Mohizì nyanmàn lɔ mɛ̀n, Ɔwɔ-mùanwú-ankà-dɔ́-bɔ̀ wrú hɔ̀n lɔ mɛ̀n, mán Ɔwɔ-mrɛ́n wrú lɔ mɛ̀n nɔn, ke ji le kɛ̀ sá nmù.”

Rɔmɛ̀n-anmàn-bɔ̀ 15:8

Ananwɔrɛ mɛ̀n lɔ, mɛ dɔ́ nyɛ̀n ankaẅì-bùtan mɛ̀n le, Krisì srɔ Zhüifɛ̀n-bɔ̀ ci-bɩ̀tan-wrɔn, ô ɔmùan léyi Ɔwɔ wá yɔ nancüì hɔ̀n nɔn kɛ̀ sá nmù, ô ɔmu lɔ, kè yé Ɔwɔ-mùan-zri-dì lɔ.

2 Korɛntɛ̀n anmàn-bɔ̀ 5:1

Annanwɔrɛ mɛ̀n, bɔ́ nyri ɔmu le, ke dú kɛ ɛcàsa-wɔn leyi bɔ́ dú ɛmɛ̀n nɔn (n'ɛmɛ̀n kɛ dɔ̀ le bɔ́ ɛnu ɛnhi antà-dùwrú) kɛ jrɛ́ hô, Ɔwɔ hɛ́n bɔ̀ edúyri tɔ̀n anhobɩ́ anmàn, edúyri tɔ̀n léyi anwrɔnẅì kè sɩ̀ hàn hɩ ke le dú ɛnvra lɔ fɛn nɔn.

Kɔlɔsèn anmàn-bɔ̀ 2:11

Nɛ́n mán nyɛ́n mɛhi ny'ɔbɔ̀sɔ̀ lɔ mɛ̀n, ye wi nyɛ̀n wúcɔ̀-domɛ̀n, kè sɩ̀ dù wùcɔ́-domɛ̀n-wì léyi anwrɔnẅì kɛ hán nɔn, tɛ́n wúcɔ̀-domɛ̀n-wì léyi dú Krisì yri và hɩ kɛ mrɛ́n bɔ́ edomɛ̀n gbàn lɔ sɔhɔ́ nɔn.

Ebre-bɔ̀ 10:11

Ɔwɔ-cice-wrɔn totɔtɔ̀n, ɛnbì lɔ fɛn kɛ nyɔn ɛwú, kɛ hán ecice kɔ̀hɔ̀n; nɛ hán frɛfrɛ ecice kɔ̀hɔ̀n zri léyi ke sɩ̀ gbú ɛgbàn kɛ̀ sɔhɔ́ rɔ́a nɔn.

Ebre-bɔ̀ 10:21

Bɔ̀ ẅɛn Ɔwɔ-cice-wrɔn cüìcüì tɔ̀n dú ecüìcüì Ɔwɔ bɩ́ lɔ mɛ̀n.

Ebre-bɔ̀ 11:10

Ɔmuhi Abrahamɛ̀n kɛ vrá anmàn léyi ẅɛn ɛbù-hinan shishi nɔn, anmàn léyi Ɔwɔ dú n'ɔbɔ̀sɔ-wrɔn mán n'oku-wrɔn nɔn.

Ebre-bɔ̀ 9:1

Kpàkpà mìrɛ̀n lɔ ẅɛn ɛnyànmàn dú Ɔwɔ-sɛ́n ci-hán mɛ̀n kɩ nɛ̀n ẅɛn ɛnhiwú cice-wɔn.

Ɔwɔ-mɛ̀n-yrikàn 21:3

Mɛ̀n yá esùva cüìcüì tɔ̀n dú ɛgbú-tòbù wú kɛ và kɩ kɛ dɔ̀ le: “Zɛtɛ̀ lɔ Ɔwɔ-dúyri dú anwrɔnẅiemɛ̀n! Nɛ́n mán yɔ mɛhi yɔ le dù kɩ yɔ lɛ srɔ nɛ́n fɛcüè-bɔ̀. Ɔwɔ dùku mán ke le dú yɔ ɛmɛ̀n, ne le dú y'Ɔwɔ.