Ebre-bɔ̀ 4:9 - Ɛmɛẅi ankà ankrànkràn 2003

⁹ Ɔmu lɔ de, ɛwrɔncüe tɔ̀n léyi cá ɛbi-ɔbɔɛn bì lɔ nɔn, ɛbi-ɔbɔ̀ɛn bì ndɔ lɔ ye bɩ́ ce Ɔwɔ fɛcüè.

Ebre-bɔ̀ 4:9 Iomraidhean Croise

Matie 1:21

Ne le bî ɛncɔnwrɔn-ẅì tɔ̀n, ɛ̀ wá nɛ̀n ebi Zhezü, ɔmuhi nɛ lɛ mrɛ́n nɛ́n fɛcüè lɔ ɛgbàn mɛ̀n nɛ̀n sɔhɔ́ nɔn.”

Titɛ̀n 2:14

Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

Ebre-bɔ̀ 11:25

Nɛ cüɛn ɔmu le, nɛ́n mán Ɔwɔ fɛcüè mɛhi yɛ hán yɔ ɛgbàn, kɩ nɛ̀n dú ɛgbàn pɔpüɛ̀ brá mɛ̀n, ɛnvra bruemɛ̀n.

Ebre-bɔ̀ 3:11

M'ɛmɛ̀nhyì-bɩ lɔ mɛ̀n, mɛ̀n wá ɔmùan ndɔ lɔ: Yɔ sɩ̀ bru ɛnhiwú anmàn léyi mɛ̀n hán ɛwrɔncüe-yri mɛ̀n hɛ́n yɔ hàn nɔn mrìmrì!”

Ebre-bɔ̀ 4:1

Ɔwɔ wá bɔ̀ ɔmùan le bɔ́ le bru ɛwrɔncüe yri léyi nɛ̀n hán nɛ̀n hɛ́n bɔ̀ hán nɔn. Bɔ̀ wá esùva anvrɛnvrɛn, ô ny'ɛmɛ̀n lɔ, ɔwrɔn zriɛmɛ́n ɛwrɔncüe-yri ndɔ lɔ, n'ebru-yri ke bɩ́ wí nɛ̀n ɛwú.

Ebre-bɔ̀ 4:10

Ɔmuhi ɔwrɔn léyi ke bru ɛwrɔncüe yri léyi Ɔwɔ hán hɛ́n nɛ̀n nɔn, ne bɩ́ n'ɔkɔ̀hɔ̀n-hán wrɔncüe, hán ɔmu le Ɔwɔ mán bɩ́ n'ɛwrɔncüe nɔn hɔ́.

Ebre-bɔ̀ 4:3

Bɔ́ léyi bɔ́ bù tán ankaẅì nɔn, bɔ́ le bru ɛwrɔncüe-yri ndɔ lɔ, hɩ Ɔwɔ dɔ̀ le: “M'ɛmɛ̀nhyì-bɩ lɔ mɛ̀n, mɛ̀n wá ɔmùan ndɔ lɔ: yɔ sɩ̀ bru ɛnhiwú anmàn léyi mɛ̀n hán ɛwrɔncüe-yri mɛ̀n hɛ́n yɔ hàn nɔn mrìmrì!” Nɛ̀n dɔ́ ankà lɔ, tɛ́n n'ɔkɔhɔ̀n trɔ ɛnhibù krubɔmɛ̀n hàn hɛ́n.

Ebre-bɔ̀ 4:8

Annanwɔrɛ mɛ̀n lɔ, kè dú kɛ Zhozüe kɛ̀ nyrɔn fɛcüè kè sɩ́ ɛwrɔncüe-yri ndɔ lɔ mɛ̀n hô, Ɔwɔ ke sɩ̀ vru dɔ́ ɛnbì nyantɛn tɔ̀n ankà.

1 Piɛrɛ̀n 2:10

Ɛnbiɛhɛ́n vra lɔ nyɛ́n sɩ̀ dù Ɔwɔ fɛcüè-bɔ̀ tɛ́n, tɛ́n zɛtɛ̀ lɔ nyɛ́n dú nɛ́n fɛcüè; ɛnbiɛhɛ́n vra lɔ nyɛ́n sɩ̀ cɔ̀ Ɔwɔ-yɔ̀bɔ̀-nyrì, tɛ́n zɛtɛ̀ lɔ nyɛ́n cɔ́ Ɔwɔ-yɔ̀bɔ̀-nyrì.

Ɔwɔ-mɛ̀n-yrikàn 14:13

Zɛtɛn mɛ̀n yá anhobɩ́ sùva tɔ̀n kɛ dɔ́ mɛ̀n le: “È merɛ́n ankà ndɔ lɔ: ‘Ɛnbɔrɛbru dú anwrɔn hɔ̀n léyi zɛtɛ̀ lɔ ke wú Ɛẅɛnwrɔn ci-bɩ̀tan kɔ̀hɔ́n mɛ̀n nɔn!’ – ‘Hɛ̀ɛ̀, yɔ dú ɛnbɔrɛbruemɛ̀n, ɔmu lɔ de Ɛnhɛ́n kɛ dɔ̀ nɔn. Yɔ lɛ cɔ́ y'ɔkɔ̀hɔ̀n-shishi-hán wrɔncüe, ɔmuhi anvrɛn léyi yɔ hán nɔn, kɛ kɛ́n yɔ ɛsɛ̀n!’ ”

Ɔwɔ-mɛ̀n-yrikàn 21:4

Ne le wurɛn y'anvɛ-shi lɔ fɛn. Owù ke sɩ̀ vru dùɛ, ɛbrà ke sɩ̀ vru dùɛ, obòtò ke sɩ̀ vru dùɛ, ɛgbànkàn ke sɩ̀ vru dùɛ. Annanwɔrɛ mɛ̀n lɔ ɛnbiɛhɛ́n-ci hɔ̀n lɔ kɛ lɛ zrɛ́n.”