Ebre-bɔ̀ 4:3 - Ɛmɛẅi ankà ankrànkràn 2003

³ Bɔ́ léyi bɔ́ bù tán ankaẅì nɔn, bɔ́ le bru ɛwrɔncüe-yri ndɔ lɔ, hɩ Ɔwɔ dɔ̀ le: “M'ɛmɛ̀nhyì-bɩ lɔ mɛ̀n, mɛ̀n wá ɔmùan ndɔ lɔ: yɔ sɩ̀ bru ɛnhiwú anmàn léyi mɛ̀n hán ɛwrɔncüe-yri mɛ̀n hɛ́n yɔ hàn nɔn mrìmrì!” Nɛ̀n dɔ́ ankà lɔ, tɛ́n n'ɔkɔhɔ̀n trɔ ɛnhibù krubɔmɛ̀n hàn hɛ́n.

Ebre-bɔ̀ 4:3 Iomraidhean Croise

Matie 13:35

Nɛ hán ɔmu lɔ, ô Ɔwɔ-mùanwú-ankà-dɔ́-wrɔn ankà ndɔ lɔ dɔ̀ nɔn, kɛ̀ sá nmù: “Mɛ lɛ dɔ́ yɔ ankà nyandrɛn mɛ̀n, mɛ lɛ dɔ́ yɔ ɛci hɔ̀n léyi dú ɛbán mɛ̀n ɛnhibù krubɔmɛ̀n hán hɛ́n nɔn yi ankà.”

Matie 25:34

Zɛtɛn ɛnnɛ̀ncüì lɔ kɛ lɛ dɔ́ anwrɔn hɔ̀n léyi dú nɛ̀n ezì-kɔrɛ̀ nɔn le: ‘Nyɛ́n và, nyɛ́n léyi Dade fú nyɛ̀n ɛnshi nɔn, nyɛ́n bru Anhobɩ́ nɛ̀ncüì-dúyri léyi yɛ hán yɛ hɛ́n nyɛ̀n ɛnhibù krubɔmɛ̀n hán hɛ́n nɔn.

Efɛzɛ̀n anmàn-bɔ̀ 1:4

Ɛnhibù kɛ vá bukru, Ɔwɔ gɔ́ mrɛ́n bɔ̀ nbɩ̀, ô bɔ́ dú nɛ tɛn Krisì bɩmɛ̀n, ô bɔ́ dú prɔnprɔn mán ɛfifiemɛ̀n n'ezìwú. N'ɛcüɛ̀n lɔ mɛ̀n,

Ebre-bɔ̀ 3:11

M'ɛmɛ̀nhyì-bɩ lɔ mɛ̀n, mɛ̀n wá ɔmùan ndɔ lɔ: Yɔ sɩ̀ bru ɛnhiwú anmàn léyi mɛ̀n hán ɛwrɔncüe-yri mɛ̀n hɛ́n yɔ hàn nɔn mrìmrì!”

Ebre-bɔ̀ 3:14

Annanwɔrɛ mɛ̀n lɔ, bɔ̀ dú Krisì sɛnkɛn-bɔ̀, ke dú kɛ bɔ́ ẅɛn nɛ̀n eshishiemɛ̀n hàn mán kɛ cɔ́ ɔtrɔ vra, esɛ́ léyi bɔ̀ ẅɛn ɛnkrubɔmɛ̀n nɔn.

Ebre-bɔ̀ 9:26

Kè sɩ̀ dù ɔmu lɔ hô, nɛ lɛ kán ɛgbàn andɛ̀n bɔbrebe ɛnhibù krubɔmɛ̀n anhɛ́n. Annanwɔrɛ mɛ̀n lɔ, nɛ̀n srɔ ɛdɛ̀n zri brɛzri zɛtɛ̀ lɔ, ɛnvra trɔ mùan mɛ̀n, ô nɛ̀n bɩ́ nɛ́n mumù n'edòmɛ̀n nɛ̀n ce, ô nɛ̀n ẅɛn ɛgbàn nɛ̀n sɔhɔ́.

1 Piɛrɛ̀n 1:20

Ɔwɔ wá eci-hán ndɔ lɔ ɛnvra léyi ɛnhibù kɛ vá bukru, kɩ ɛnvra trɔ mùan mɛ̀n lɔ, nɛ̀n yé eci-hán ndɔ lɔ ny'anvrɛn kruhú.