Ebre-bɔ̀ 4:2 - Ɛmɛẅi ankà ankrànkràn 2003

² Ɔmuhi bɔ̀ cɔ́ Ɔwɔ mùan ankà-dɔ̀ hán anwrɔn hɔ̀n léyi dú ɛnnùwì nɔn hɔ́. Tɛ́n, yɔ yá ɛmɛẅi ankà ndɔ lɔ kɩ yɔ sɩ̀ cɔ̀ nɛ́n vɔ̀nshɛ́, ɔmuhi ɛnvra léyi yɔ yá ankà lɔ nɔn, yɔ sɩ̀ bɩ́ nɛ̀n ankaẅìbùtan mɛ̀n.

Ebre-bɔ̀ 4:2 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 13:46

Zɛtɛn Pɔlɛ̀n mán Barnabasɛ̀n kɛ dɔ́ yɔ esɛ́ mɛ̀n le: “Ke ji le Ɔwɔ mùan ankà lɔ, nyɛ́n gɔ̀ cɔ́ nɛ̀n nyɛ́n yá. Tɛ́n ɔmuhi nyɛ́n sɩ́ ji nyɛ́n bɩ́ Ɔwɔ ankà lɔ nɔn, hɩ nye yé le nyɛ́n sɩ́ ji ɛwúvà léyi ke sɩ́ trɔa nɔn, kɛ zrɔ, zɛtɛn bɔ́ lɛ crɛ ezì bɔ̀ kɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 3:26

Zɛtɛn, ɔmu lɔ de, Ɔwɔ hán n'eci-bɩ̀tan-wrɔn gɔ́ srɔ nyɛ̀n ɛmɛ̀n, nɛ̀n hán yi và, ô kè fú nyɛ̀n ɛnshi, kɛ̀ mrɛ́n Ɔwrɔn wrɔn n'eci-gbàngbàn-hán tɛ̀sɛ̀n kɛ̀ sɔhɔ́.”

Rɔmɛ̀n-anmàn-bɔ̀ 2:25

Ke dú kɛ ɛ wá ɛnyànmàn hô, wúcɔ̀-domɛ̀n-ẅì dú ankrankran tán mɛ́n; tɛ́n ke dú kɛ e sɩ́ wá ɛnnyànmàn, ndù hán le ye sɩ̀ wì mɛ́n wúcɔ̀-domɛ̀n.

Rɔmɛ̀n-anmàn-bɔ̀ 3:3

Annanwɔrɛ mɛ̀n lɔ, y'ɛmɛ̀n lɔ, ɛnjanbɔ̀ kè sɩ̀ dì ɔmùan-zri. Tɛ́n ecitan, Ɔwɔ kɛ lɛ wrɔ́ n'ɔmùan-zri-dì lɔ ɛmɛẅi, ɔmuhi yɔ tɛn yɔ sɩ̀ dì ɔmùan-zri nɛ́n?

1 Korɛntɛ̀n anmàn-bɔ̀ 13:3

Mɛ lɛ dɛ́ m'ɛci-ẅɛn-ci hɔ̀n lɔ fɛn mɛ̀n tán ɔmùanwu-bɔ̀ kɩ me le bɩ́ m'edùwrú mɛ̀n tán ɛnhyà, ke dú kɛ mɛ̀n sɩ̀ ẅɛn ɛcüɛ̀n, ndɔ lɔ dú eci woro.

Galasi anmàn-bɔ̀ 3:2

Me ji le, nyɛ́n mrɛ́n ankà-yrɛ zri ndɔ lɔ ɔmùan nyɛ́n tán mɛ̀n: nyɛ́n cɔ́ Ɛnhɛ́n léyi Ɔwɔ yüre nyɛ̀n ɔmuhi eci lɔ fɛn mɛ̀n nyɛ́n wá ɛnyànmàn, kale, ɔmuhi nyɛ́n yá, kɩ nyɛ́n bú Ɛmɛẅi ankà Ankrankran lɔ, n'ankà nyɛ́n tán ankaẅì nɛ́n?

Galasi anmàn-bɔ̀ 3:8

Owrú Prɔnprɔn wá le Ɔwɔ kɛ lɛ hán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn kɛ̀ srɔ ɛnyrɔnnan-bɔ̀ n'ezìwú y'ankaẅì-bùtan lɔ kruhú. Hɩ le kruhú de nɛ́n gɔ̀ dɔ́ Abrahamɛ̀n ɛmɛẅi ankà ankrankran ndɔ lɔ: “Ɔwɔ ke le fú ɛnhi wú anmàn hɔ̀n lɔ fɛn léyi dú ɛnhi wú nɔn ɛnshi v'ɛkruhú.”

Galasi anmàn-bɔ̀ 4:13

Ke bru nyɛ̀n eci le kruhú léyi kpàkpà mɛ̀n lɔ mɛ̀n dɔ́ nyɛ̀n Ɛmɛẅi ankà Ankrànkràn lɔ nɔn: ɔmuhi mɛ̀n dú ɛnlɔẅiɛ mɛ̀n nɔn.

1 Tesalonikɛ̀n anmàn-bɔ̀ 1:5

Annanwɔrɛ mɛ̀n lɔ, ɛnvra léyi bɔ̀ dɔ́ nyɛ̀n Ɛmɛẅi ankà ankrankran lɔ nɔn, kè sɩ̀ dù anmùan mɛ̀n ankà-dɔ̀ tɛ̀-kɩ, tɛ́n Ɛnhɛ́n Prɔnprɔn kɔrɛ̀-srɔn, n'ɛkɔrɛ̀-wá mán n'esɛ́ annanwɔrɛ mɛ̀n mɛhi. Nyɛ́n nyri ɔmu le bɔ̀ hán bɔ̀ ẅɛn bɔ́ edomɛ̀n ny'ɛmɛ̀n, ny'anvrɛn kruhú.

1 Tesalonikɛ̀n anmàn-bɔ̀ 2:13

Ɛnvra lɔ fɛn bɔ́ tán Ɔwɔ ɔkùɛn ankà nyàntɛn kruhú: ɛnvra léyi bɔ̀ dɔ́ nyɛ̀n Ɔwɔ-mùan-ankà lɔ nɔn, nyɛ́n die nɛ̀n nukùɛ kɩ nyɛ́n bɩ́ nɛ̀n, kɩ kè sɩ̀ dù kɛ̀ hàn anwrɔnẅì mùan-ankà hɔ́, tɛ́n nyɛ́n bɩ́ nɛ̀n hán Ɔwɔ-mùan-ankà hɔ́, eci léyi dú nɛ̀n annanwɔrɛ nɔn. Ɔmu lɔ de n'eci-hán dú nyɛ̀n ɛmɛ̀n, nyɛ́n ankaẅì-bùtan-ẅɛn-bɔ̀.

Kpàkpà timote 4:8

Edùwrú ẅia cüì-tán dú eci ankrankran, tɛ́n nɛ̀n dú eci ẅiɛ; Ɔwɔ tɛ̀sɛ̀n sɔ̀nba ẅɛn vɔ̀nshɛ́ eci lɔ fɛn mɛ̀n, ɔmuhi nɛ tán bɔ̀ ɛnhibù wú wúvà kɩ nɛ wá bɔ̀ ɛwúvà wrù mùan.

Ebre-bɔ̀ 11:6

Tɛ́n ɔwrɔn zriɛmɛ́n ke sɩ̀ cüɛn Ɔwɔ ɛvɛ̀, ke dú kɛ nɛ̀n sɩ̀ ẅɛ̀n ankàẅì-bùtan. Annanwɔrɛ mɛ̀n lɔ, ɔwrɔn léyi kɛ sɔnba Ɔwɔ ɛtɛ̀sɛ̀n nɔn, kè nyrì le Ɔwɔ dù, kɩ anwrɔn hɔ̀n léyi ke ji nɛ̀n nɔn, nɛ bó yɔ anjakpà.

Ebre-bɔ̀ 3:12

Nmàn-ẅì hɔ̀n, nyɛ́n wá esùva, ɔwrɔn zriɛmɛ́n ny'ɛmɛ̀n lɔ, ke bɩ́ ẅɛn ɛnbɔrɛ gbàngbàn léyi ankaẅìbùtan bàdà ɛmɛ̀n, kɩ kɛ wá tán nɛ̀n, nɛ̀n kɛ́n Ɔwɔ kɔrɛkɔrɛ lɔ ezì.

Ebre-bɔ̀ 4:6

Anwrɔn hɔ̀n léyi dú kpàkpà-bɔ̀ yá Ɔwɔ mùan ankà-dɔ̀ lɔ nɔn, kè sɩ̀ bru ɛwrɔncüe yri ndɔ lɔ ɔmuhi yɔ krɔ yɔ sɩ̀ dìe Ɔwɔ mùan ankà nukùɛ nɔn. Tɛ́n ɛkɔrɛ̀levri vru dú tán anwrɔn nyantɛn hɔ̀n kè bru ɛyri ndɔ lɔ.

Zhakɛ̀n 1:21

Hɩ le kruhú de ke ji le, nyɛ́n kɔ́n ɛci hɔ̀n lɔ fɛn léyi kɛ wá ɛnbrá edomɛ̀n, hɩ kɛ tán eci-gbàngbàn-hán nɔn, nyɛ́n cüe. Nyɛ́n shrì nyɛ́n sɩ́ ny'edomɛ̀n ɛnhi, ô nyɛ́n bɩ́ Ɔwɔ ankà léyi tɛ́ ny'ɛnbɔrɛ lɔ mɛ̀n nɔn, ɔmuhi ne le bɩ́ nyɛ̀n nɛ̀n die tɛ̀ nɔn.

1 Piɛrɛ̀n 1:12

Ɔwɔ hán tán n'ɔmùan-wú-ankà-dɔ́ bɔ̀ nyri ɔmu le ɛmɛẅi ankà léyi nɛ̀n wá yɔ antamɛ̀n nɔn, kè sɩ̀ dù yɔ dùku yɔ tɛn, tɛ́n ny'ankà de yɔ dɔ̀ nɔn. Ɛmɛẅi ankà ndɔ lɔ, nyɛ́n cɔ́ nɛ̀n zɛtɛ̀ lɔ Ɔwɔ-ankà-dɔ́-bɔ̀ mùan mɛ̀n; yɔ dɔ́ Ɛmɛẅi ankà Ankrankran lɔ, Ɛnhɛ́n Prɔnprɔn léyi dú anhobɩ́ nvà nɔn, n'ɛkɔrɛ̀srɔn mɛ̀n. Kɩ Ɔwɔ kùyüre-bɔ̀ dùku mán ke ji kè nyri Ɛmɛẅi ankà Ankrànkràn ndɔ lɔ.