Ebre-bɔ̀ 4:1 - Ɛmɛẅi ankà ankrànkràn 2003

¹ Ɔwɔ wá bɔ̀ ɔmùan le bɔ́ le bru ɛwrɔncüe yri léyi nɛ̀n hán nɛ̀n hɛ́n bɔ̀ hán nɔn. Bɔ̀ wá esùva anvrɛnvrɛn, ô ny'ɛmɛ̀n lɔ, ɔwrɔn zriɛmɛ́n ɛwrɔncüe-yri ndɔ lɔ, n'ebru-yri ke bɩ́ wí nɛ̀n ɛwú.

Ebre-bɔ̀ 4:1 Iomraidhean Croise

Matie 24:48

Tɛ́n ke dú kɛ ɔwrɔn ndɔ lɔ dú eci-bɩtan-wrɔn gbàngbàn, nɛ lɛ dɔ̀ le: ‘Ankà-yé-wrɔn ke sɩ̀ vá zɛtɛ̀ lɔ’,

Ɔkɔ̀hɔ̀n-wá-bɔ̀ kɔ̀hɔ̀n hán 3:19

Nyɛ́n crɔn ny'ɛci-hán-ci, ô nyɛ́n crɛ ezì nyɛ́n kɛ́n Ɔwɔ, ô nɛ̀n jru ny'ɛgbàn hɔ̀n lɔ.

Rɔmɛ̀n-anmàn-bɔ̀ 11:20

Dú annanwɔrɛ. Yɛ voyan yɔ ɔmuhi ankaẅì-bùtan trɔ yɔ ɛmɛ̀n, kɩ è bɩ́ y'ɛyri lɔ, ankaẅì-bùtan léyi ɛ ẅɛ̀n nɔn hɩ kruhú. Tɛ́n e bɩ́ di tùtre hɩ wú lɔ! Kɩ ke ji le ɛ̀ wá esùva anvrɛnvrɛn.

Rɔmɛ̀n-anmàn-bɔ̀ 3:23

yɔ lɔ fɛn yɔ hán ɛgbàn kɩ yɔ lɔ fɛn yɔ sɩ́ kán Ɔwɔ ci-zrɔ lɔ.

1 Korɛntɛ̀n anmàn-bɔ̀ 10:12

Kɩ, ke dú kɛ ɔwrɔn tɔ̀n ke tro le nɛ̀n nyɔn ɛwúɛ, nɛ̀n wá esùva, ô nɛ́n bɩ́ bore hɛ.

2 Korɛntɛ̀n anmàn-bɔ̀ 6:1

Ɔmu lɔ, ɔmuhi bɔ́ mán Ɔwɔ mɛhi bɔ̀ dú eci-zri-hán mɛ̀n nɔn, bɔ́ sɛ́n nyɛ̀n: nboafɔ̀n léyi Ɔwɔ tán nyɛ̀n nɔn, nyɛ́n bɩ́ wú edù n'ɛwú.

Galasi anmàn-bɔ̀ 5:4

Nyɛ́n léyi nye ji yɛ srɔ nyɛ̀n ɛnyrɔnnan-bɔ̀ Ɔwɔ zìwú ɛnyànmàn kɔrɛ̀levriemɛ̀n nɔn, nyɛ́n mán Krisì mɛhi angranmɛ̀n gbɛ́ nyɛ̀n ɔmùan; nyɛ́n sɩ̀ vrù dù Ɔwɔ bɔafɔ̀n lɔ mɛ̀n.

Anhyrɛmɛ̀n timote 2:13

ke dú kɛ bɔ́ sɩ́ di ɔmùan-zri, nɛ tɛn ne di ɔmùan-zri, ɔmuhi nɛ́n sɩ̀ ẅɛn ɛyɔ̀n nɛ̀n tán n'edòmɛ̀n rɔ́ nɔn.”

Ebre-bɔ̀ 12:15

Nyɛ́n wá esùva hô ɔwrɔn zriɛmɛ́n ke bɩ́ crɛ ejüi kɛ kɛ́n Ɔwɔ nboafɔ̀n. Ɔwrɔn zriɛmɛ́n ke bɩ́ srɔ ɛtɛ̀ gbàngbàn léyi ke dì, kɛ ẅɛn ecrukrɛ̀ kɩ ke wri ɔwrɔn brobebe nɔn.

Ebre-bɔ̀ 12:25

Zɛtɛn nyɛ́n wá esùva! Nyɛ́n díe ɔwrɔn léyi kɛ dɔ́ nyɛ̀n ankà nɔn nukùɛ. Anwrɔn hɔ̀n léyi krɔ kɩ kè sɩ̀ dìe ankà-bi-dɔ́-wrɔn nukù ɛnu ɛnhibù wú nɔn, ɛgbàn-wɔ̀ɛndì lɔ, kè sɩ̀ vɔ́n yɔ ɛwú. Annànnàn le, ɛgbàn-wɔ̀ɛndì n'd'o lɔ, ke sɩ̀ vɔ́n bɔ̀ ɛwú ke dú kɛ bɔ́ crɛ ejüí bɔ́ sɔ́n ɔwrɔn léyi dú anhobɩ́ kɛ dɔ́ bɔ̀ ankà nɔn.

Ebre-bɔ̀ 13:7

Ɛcüìcüì-bɔ̀ léyi kɛ nyrɔn nyɛ̀n, kɩ dɔ́ nyɛ̀n Ɔwɔ mùan-ankà nɔn, y'ankà kè bru nyɛ̀n. Nyɛ́n tro y'ɛwúvà léyi yɔ ẅɛ̀n kɩ yɔ wù nɔn yi ankà, ô nyɛ́n ván y'ankaẅìbùtan lɔ.

Ebre-bɔ̀ 3:11

M'ɛmɛ̀nhyì-bɩ lɔ mɛ̀n, mɛ̀n wá ɔmùan ndɔ lɔ: Yɔ sɩ̀ bru ɛnhiwú anmàn léyi mɛ̀n hán ɛwrɔncüe-yri mɛ̀n hɛ́n yɔ hàn nɔn mrìmrì!”

Ebre-bɔ̀ 4:11

Bɔ̀ hán kèkrèmɛ̀n bɔ̀ bru ɛwrɔncüe ndɔ lɔ mɛ̀n; bɔ̀ hán tán ô bɔ́ ɛmɛ̀n lɔ, ɔwrɔn zriɛmɛ́n ke bɩ́ kɔrɔ kɛ hán bɔ́ nancüì hɔ̀n hɔ́, ô ke bore hɛ.

Ebre-bɔ̀ 4:9

Ɔmu lɔ de, ɛwrɔncüe tɔ̀n léyi cá ɛbi-ɔbɔɛn bì lɔ nɔn, ɛbi-ɔbɔ̀ɛn bì ndɔ lɔ ye bɩ́ ce Ɔwɔ fɛcüè.