Ebre-bɔ̀ 3:5 - Ɛmɛẅi ankà ankrànkràn 2003

⁵ Mohizì tɛn, di ɔmùan zri Ɔwɔ bɩ́ mumù lɔ fɛn mɛ̀n, ɔmuhi nɛ̀n dú eci-bɩtan-wrɔn léyi yɛ wá kè di dalɛfuɛ ankà léyi Ɔwɔ kɛ lɛ dɔ̀ nɔn mɛ̀n.

Ebre-bɔ̀ 3:5 Iomraidhean Croise

Matie 24:45

“Antɔn de dú ɔmùan zri dì mán ɛnkruemɛ̀n ẅɛ̀n ci-bɩtan-wrɔn nɛ́n? Nɛ̀n dú ɔwrɔn tɔ̀n léyi n'ankà-yé-wrɔn wá antamɛ̀n, ɛci-bɩtan-bɔ̀ nyàntɛn, ô nɛ̀n wá yɔ esùva ɛci-zîemɛ̀n ɛnvra léyi nɛ̀n wá nɔn.

Matie 25:21

N'ankà-yé-wrɔn kɛ dɔ́ nɛ̀n le: ‘Kɛ zrɔ, ɔmùan-zri-dì mán eci-bɩtan-wrɔn anvrɛnvrɛn. È di ɔmùan-zri ɛci hɔ̀n léyi kè sɩ̀ ẅɛ̀n vɔ̀nshɛ́ nɔn wú, mɛ lɛ wá mɛ́n yɔ hɔ̀n léyi ẅɛn vɔ̀nshɛ́ nɔn antamɛ̀n, và cɔ́ mɛ̀n bɔ̀ brá pɔ̀püɛ̀.’

Lükɛ̀n 12:42

Ɛẅɛnwrɔn mrɛ́n ɔmùan le: “Antɔn de dú ankà-nyrì mán ɔmùan-zri-dì ci-bɩtan-wrɔn nɛ́n? Nɛ̀n dú ɔwrɔn tɔ̀n léyi n'ankà-yé-wrɔn kɛ wá nɛ̀n n'ebɩ́ lɔ antamɛ̀n, kɩ kɛ lɛ tán eci-bɩ̀tan-bɔ̀ ndɔ hɔ̀n lɔ ɛci-zî ɛnvra krɔn muàn mɛ̀n lɔ nɔn.

Lükɛ̀n 24:27

Zɛtɛn nɛ dɔ́ yɔ ankà hɔ̀n léyi Owrú Prɔnprɔn dɔ́ n'ɛwú, bukru Mohizì wrú hɔ̀n lɔ mɛ̀n hàn kɩ cɔ́ Ɔwɔ-mùanwú-ankà-dɔ́-bɔ̀ wrú hɔ̀n léyi merɛ́n nɔn.

Lükɛ̀n 24:44

Zɛtɛn nɛ dɔ́ yɔ le: “Nyàn ankà léyi mɛ̀n dɔ́ nyɛ̀n ɛnvra léyi nyɛ́n mɛhi bɔ́ dù nɔn: eci hɔ̀n léyi ye merɛ́n m'ɛwú, Mohizì nyanmàn lɔ mɛ̀n, Ɔwɔ-mùanwú-ankà-dɔ́-bɔ̀ wrú hɔ̀n lɔ mɛ̀n, mán Ɔwɔ-mrɛ́n wrú lɔ mɛ̀n nɔn, ke ji le kɛ̀ sá nmù.”

Zhan 5:39

Nyɛ hán Ɛwrú Prɔnprɔn kɔhɔ̀n, ɔmuhi nye tro le n'ɛmɛ̀n lɔ, nyɛ lɛ cɔ́ ɛwúvà léyi ke sɩ́ trɔa nɔn: yɔde annànwɔrɛmɛ̀n lɔ yɔ dɔ́ m'ankà nɔn!

Ɔkɔ̀hɔ̀n-wá-bɔ̀ kɔ̀hɔ̀n hán 28:23

Yɔ tán Pɔlɛ̀n ɛnbì, kɩ ɛnvra léyi ɛnbi lɔ cɔ̀ nɔn, yɔ vá bobrebe ɛyri léyi nɛ́n dù nɔn. Bukru ɛsɔ̀wrɔ̀ hàn kɩ cɔ́ ɔwɔɛmɛ̀n nɔn, Pɔlɛ̀n ke fi yɔ ankà léyi nɛ́n ẅɛ̀n nɔn: nɛ dɔ́ yɔ Anhobɩ́ Nɛ̀ncüì-dúyri ankà kɩ ne ji ɛyri nɛ̀n hán yɔ bɩ́ Zhezü ankà, kɩ nɛ dɔ́ Mohizɛ̀n nyànmàn mán Ɔwɔ-mùanwú-ankà-dɔ́-bɔ̀ wrú lɔ ankà.

Ɔkɔ̀hɔ̀n-wá-bɔ̀ kɔ̀hɔ̀n hán 7:37

Mohizì de vru dɔ́ Izraɛlɛ̀n ẅì hɔ̀n le: ‘Ɛẅɛnwrɔn ke le yüre nyɛ̀n Ɔwɔ-mùanwú-ankà-dɔ́-wrɔn tɔ̀n kɛ lɛ hán mɛ̀n hɔ́, ne le dú nyɛ́n fɛcüè mɛ̀n-wrɔn tɔ̀n.’

Rɔmɛ̀n-anmàn-bɔ̀ 3:21

Tɛ́n zɛtɛ̀ lɔ, Ɔwɔ yé bɔ̀ ɔmu le nɛ srɔ bɔ̀ ɛnyrɔnnan-bɔ̀ n'ezìwú, kɩ ndɔ lɔ kè sɩ̀ dù ɛnyànmàn wú ci-hán-mɛ̀n. Ɛnyànmàn mán Ɔwɔ-mùanwú-ankà-dɔ́-bɔ̀ wrú hɔ̀n lɔ gɔ́ di yi dalɛfuɛ lɔ:

1 Korɛntɛ̀n anmàn-bɔ̀ 4:2

Eci lɔ fɛn léyi ye ji ɛci-nán-wrɔn tamɛ̀n nɔn, dú ɔmùan-zri-dì.

Kpàkpà timote 1:12

Mɛ tán Zhezü Krisì bɔ́ Ɛẅɛnwrɔn ɔkùɛn, nɛ́n léyi nɛ̀n tán mɛ̀n ecüì léyi mɛ́n cɔ̀ mɛ̀n hán m'ɔkɔ̀hɔ̀n lɔ nɔn. Mɛ tán nɛ̀n ɔkùɛn, nɛ́n léyi nɛ̀n ẅɛn m'esɛ́, kɩ nɛ̀n bɩ́ mɛ̀n n'eci-bɩtan kɔ̀hɔ̀n lɔ mɛ̀n nɔn,

Ebre-bɔ̀ 1:1

Ɛnbiɛhɛ́n vra lɔ Ɔwɔ dɔ́ bɔ́ nancüì hɔ̀n ankà ɛnvra mɛ̀ntɛ mɛ̀ntɛ mɛ̀n, mán ankɔ́nda mɛ̀ntɛ mɛ̀ntɛ mɛ̀n, kɩ nɛ̀n ci Ɔwɔ-muan-wú-ankà-dɔ́-bɔ̀ mɛ̀n,

Ebre-bɔ̀ 3:2

Annanwɔrɛ mɛ̀n lɔ, Ɔwɔ mrɛ́n nɛ̀n nbɩ́ ɔkɔ̀hɔ̀n ndɔ lɔ kruhú, kɩ nɛ̀n di ɔmùan zri Ɔwɔ tɛsɛ̀n hán Mohizì léyi ye merɛ́n n'ɛwú ankà yɛ dɔ̀ le: “Nɛ̀n di ɔmùan zri, Ɔwɔ bɩ́ mumù lɔ fɛn mɛ̀n.”

Ebre-bɔ̀ 3:4

Annanwɔrɛ mɛ̀n lɔ ɔwrɔn de ke ku ɔwɔn totɔtɔ̀n lɔ fɛn nɔn; tɛ́n ɔwrɔn léyi ku eci lɔ fɛn nɔn, dú Ɔwɔ.

Ebre-bɔ̀ 8:5

Ɔkɔ̀hɔ̀n léyi ecice-bɔ̀ ndɔ hɔ̀n lɔ kɛ hán nɔn, ndù cá pícɛ̀ tɔ̀n, anhobɩ́ annanwɔrɛ ci-hán lɔ n'ɔwɔ̀n. Ndɔ lɔ ndù hán Mohizì ci-hán lɔ: ɛnvra léyi ne le ku ɛcàsa-wɔn prɔnprɔn lɔ nɔn, Ɔwɔ wá eci-hán tán nɛ̀n: “Ɛ wá esùva, ô v'ɔkɔ̀hɔ̀n lɔ kè dù kɛ̀ hán ndɔ léyi mɛ̀n yé mɛ́n ɛnkpò wú nɔn hɔ́.”

Ebre-bɔ̀ 9:24

Ɔmuhi Krisì kè sɩ̀ brù Ɔwɔ yri prɔnprɔn léyi anwrɔnẅì nkù, hɩ dú Ɔwɔ yri prɔnprɔn lɔ nɛ́n picɛ̀ annanwɔrɛ tɔ̀n nɔn. Nɛ́n bru anhobɩ́ dùku, nanvrɛn lɔ de zɛtɛ̀ lɔ ne yé n'edomɛ̀n Ɔwɔ zìwú bɔ́ kruhú.

Ɔwɔ-mɛ̀n-yrikàn 15:3

Yɔ krɛ́ Mohizì cɔ̀, nɛ́n léyi nɛ̀n dú Ɔwɔ-ci-bɩtan-wrɔn nɔn, kɩ yɔ krɛ́ Ɔwɔ-Kɔ̀kɔ̀sɛ̀-ẅì cɔ̀: “Ɛẅɛnwrɔn, ɛkɔrɛsrɔn Wɔ, V'ɛkɔrɛ̀-ci hɔ̀n sevri kɩ zrɔ! Ɛnhi wú anmàn hɔ̀n nɛ̀ncüì, V'ankɔ́nda-ci-hán hɔ̀n nyrɔn kɩ dú annanwɔrɛ!