Ebre-bɔ̀ 3:1 - Ɛmɛẅi ankà ankrànkràn 2003

¹ Nmàn-ẅì hɔ̀n, nyɛ́n dú Ɔwɔ tɛn, nɛ́n léyi nɛ̀n bi nyɛ̀n nɔn. Zɛtɛn, nyɛ́n bɩ́ Zhezü kɛ̀ hán Ɔwɔ kɔ̀hɔ̀n-wá-wrɔn mán ankaẅìbùtan-cice-wrɔn cüìcüì léyi bɔ́ sɔ́n lele bɔ́ tán nɔn.

Ebre-bɔ̀ 3:1 Iomraidhean Croise

Zhan 17:3

Ɛwúvà léyi ke sɩ́ trɔa nɔn, dú hɩle, ke ji le ye nyri mɛ́n, vɛ́n zri léyi è dú Ɔwɔ annanwɔrɛ, ô yɔ nyri Zhezü Krisì léyi ɛ̀ wá ɔkɔhɔ̀n nɔn.

Zhan 20:21

Zhezü vru kɛ dɔ́ yɔ le: “Anwɔwɔ kè dú nyɛ tɛn! Ɔmu zri léyi Dade wá mɛ̀n ɔkɔhɔ̀n nɔn, mɛ̀n mán mɛ wá nyɛ̀n ɔkɔhɔ̀n.”

Zhan 20:27

Zɛtɛn nɛ dɔ́ Toma le: “È sɩ́ v'ɛtieẅì lɔ ɛnu, ô ɛ̀ nyan m'ɛmàn hɔ̀n lɔ; è sɩ́ v'ɛkɔrɛ̀ lɔ ezì, ô è bɩ́ nɛ̀n ɛ̀ wá m'ɛgbroẅiè lɔ mɛ̀n. E bɩ́ vru ẅɛn ankà-tro anhyrɛ̀a, è bùtan ankaẅì!”

Ɔkɔ̀hɔ̀n-wá-bɔ̀ kɔ̀hɔ̀n hán 1:15

Ɛnbì ndɔ hɔ̀n lɔ ɔtɔ̀n, ankaẅì-bùtan-ẅɛn-bɔ̀ léyi borɛkru nɔn, yɔ dú anwrɔn ɛkoẅi-ɔwole. Piɛrɛ̀n tɔhú y'anwanzi kɩ kɛ dɔ̀ le:

Rɔmɛ̀n-anmàn-bɔ̀ 11:17

Izraɛlɛ̀n dú cá ɛẅì-shi-tɛ̀ tɔ̀n léyi ye bi olivie, hɩ Ɔwɔ voyan n'andá hɔ̀n lɔ jan nɔn; kɩ andá hɔ̀n yri lɔ, nɛ̀n bɩ́ mɛ́n nɛ̀n hɛ́n, vɛ́n léyi è sɩ̀ dù Zhüifɛ̀n-wrɔn, hán ovú-tɛ̀-dá léyi yɛ kora bá ɛtɛ̀ nyantɛn domɛ̀n nɔn: vɛ́n mán zɛtɛ̀ lɔ, ɛ cɔ́ ɛtɛ̀ nyràn shi lɔ ke ci mɛ́n anẅia mɛ̀n.

Rɔmɛ̀n-anmàn-bɔ̀ 15:27

Yɔ dùku yɔ wá ɔmùan, tɛ́n annanwɔrɛmɛ̀n lɔ yɔ ẅɛn yɔ ɔwɔ̀ɛn. Ɔmuhi Zhüifɛ̀n-bɔ̀ léyi dú Krisì-sɛ̀nkɛn-bɔ̀ nɔn, dɛ́ y'ɛnhɛ́n mɛ̀n ci-ẅɛ̀n ankrankran lɔ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn; kɩ yɔ léyi yɔ sɩ̀ dù Zhüifɛ̀n-bɔ̀ nɔn, yɔ mán ke ji le yɔ wá anwrɔn hɔ̀n léyi ẅɛn y'ankà-tro ankrankran nɔn ɛkɔrɛ̀.

Rɔmɛ̀n-anmàn-bɔ̀ 15:8

Ananwɔrɛ mɛ̀n lɔ, mɛ dɔ́ nyɛ̀n ankaẅì-bùtan mɛ̀n le, Krisì srɔ Zhüifɛ̀n-bɔ̀ ci-bɩ̀tan-wrɔn, ô ɔmùan léyi Ɔwɔ wá yɔ nancüì hɔ̀n nɔn kɛ̀ sá nmù, ô ɔmu lɔ, kè yé Ɔwɔ-mùan-zri-dì lɔ.

Rɔmɛ̀n-anmàn-bɔ̀ 9:24

Bɔ́ dú ɛmɛ̀n, bɔ́ léyi nɛ̀n bi bɔ̀, kè sɩ̀ dù Zhüifɛ̀n-bɔ̀ mɛ̀n zri kɩ, tɛ́n fɛcüè nyantɛn bɔ̀ mɛ̀n mán.

1 Korɛntɛ̀n anmàn-bɔ̀ 1:2

Ebinyan lɔ dú Ɔwɔ-fɛcüè léyi dú korɛntɛ̀n anmàn, mán yɔ hɔ̀n léyi yɔ dú nanvrɛn hɩ y'ɛwúvà lɔ fɛn dú Ɔwɔ mɛ̀n, kɩ yɔ dú Ɔwɔ tɛn Zhezü Krisì ankaẅì-bùtan-ẅɛn mɛ̀n, mán anwrɔn hɔ̀n léyi ɛyri lɔ fɛn, Zhezü Krisì bɔ́ Ɛẅɛnwrɔn bɩ́ lɔ dú anmùan mɛ̀n, nɛ́n léyi nɛ̀n dú yɔ mán bɔ́ mɛhi bɔ́ Ɛẅɛnwrɔn nɔn:

1 Korɛntɛ̀n anmàn-bɔ̀ 10:17

Ɛci-zî zri kɩ dù; tɛ́n, anwrɔn bobrebe hɔ̀n léyi dú bɔ̀ nɔn, bɔ́ dú edùwrú zri, ɔmuhi, bɔ́ lɛ fɛn bɔ̀ ẅɛn ɛci-zî zri kɩ nɔn.

1 Korɛntɛ̀n anmàn-bɔ̀ 9:23

Mɛ hán ndɔ lɔ fɛn Ɛmɛẅi ankà Ankrankran lɔ kruhú, ô mɛ̀n cɔ́ anvrɛn-hán léyi dú nɛ̀n ɛwú nɔn.

2 Korɛntɛ̀n anmàn-bɔ̀ 1:7

Ɔmu lɔ de bɔ̀ ẅɛn esɛ́ vri ny'ɛwú; ɔmuhi, bɔ́ nyrì le, hán ɔmu le nyɛ́n dú bɔ́ ɛgbànkàn hɔ̀n lɔ mɛ̀n nɔn, nyɛ́n mán nyɛ́n dú ɛnbɔrɛ-bi-wá léyi bɔ́ cɔ̀ nɔn mɛ̀n.

2 Korɛntɛ̀n anmàn-bɔ̀ 9:13

Vɔ̀nshɛ́ ci-bɩ̀tan kɔ̀hɔ̀n ndɔ lɔ, kɛ lɛ tán anwrɔn bobrebe Ɔwɔ ci-zrɔ kè dú ɔwá léyi nye di nɛ́n dalɛfuɛ ny'ɔmùan-zri-diemɛ̀n Krisì Mɛẅi ankà Ankrankran lɔ wú; yɔ lɛ vru yɔ zrɔ nɛ̀n eci kè dú ny'ɛkɔrɛ̀-wá léyi kɛ tán nyɛ̀n ny'anvrɛn-ci dɛ̀, nyɛ́n mán anwrɔn ndɔ hɔ̀n mɛhi.

Efɛzɛ̀n anmàn-bɔ̀ 3:6

Nyàn ankà-bán-ankà ndɔ lɔ: Ɛmɛẅi ankà Ankrankran lɔ n'ɛmɛ̀n de, anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ cɔ́, yɔ mán Zhüifɛ̀n-bɔ̀ mɛhi anvrɛn hɔ̀n léyi Ɔwɔ kɛ tán nɛ́n fɛcüè, yɔ dú edùwrú-ẅia zri mɛ̀n mɛ̀n-bɔ̀, kɩ yɔ mán yɔ cɔ́ ɔmùan-wá-ci léyi Ɔwɔ kɛ tán Zhezü Krisì bɩ́mɛ̀n nɔn.

Efɛzɛ̀n anmàn-bɔ̀ 4:1

Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ.

Efɛzɛ̀n anmàn-bɔ̀ 4:4

Edùwrú-ẅia zri mán Ɛnhɛ́n Prɔnprɔn zri kɩ ndù, ɔmu zri lɔ de esɛ́ léyi Ɔwɔ bi nyɛ̀n n'ɛmɛ̀n nɔn, nɛ́n zri kɩ nɛ́n dù.

Filipɛ̀n anmàn-bɔ̀ 3:14

Ɔmu lɔ de, mɛ srɛ́ hɔ́n ɛsànnyɔn-yri, ô mɛ̀n cɔ́ ɔwɔɛ̀n-dì léyi Zhezü Krisì bɩmɛ̀n, Ɔwɔ bi bɔ̀, bɔ̀ và cɔ́ anhobɩ́ nɔn.

Kɔlɔsèn anmàn-bɔ̀ 1:12

Nyɛ́n tán Ɔwɔ Zi ɔkùɛn eci-zrɔ mɛ̀n: nɛ̀n hán tán nyɛ̀n ô nyɛ́n cɔ́ anvrɛn léyi nɛ̀n hɛ́n ɛnnɛ̀ncüì-dúyri yri-kàn lɔ mɛ̀n, ô kè dú anwrɔn hɔ̀n léyi dú nɛ tɛn nɔn tɛn.

Kɔlɔsèn anmàn-bɔ̀ 1:22

Tɛ́n zɛtɛ̀ lɔ, owù léyi n'Ɛnẅì cɔ́ n'edùwrú-ẅia mɛ̀n nɔn, hɩ mɛ̀n de Ɔwɔ wɔ́ nyɛ́n mán nɛ́n mɛhi angranmɛ̀n, ô nɛ̀n hán nyɛ̀n, nyɛ́n srɔ n'ezìwú prɔnprɔn mɛ̀n, ɛfifiemɛ̀n, ye bɩ́ cɔ́ ankà-gbàn zriɛmɛ́n ny'ɛwú.

Kɔlɔsèn anmàn-bɔ̀ 3:12

Nyɛ́n dú Ɔwɔ-fɛcüè mɛ̀n mɛ̀n-bɔ̀; Ɔwɔ mrɛ́n nyɛ̀n nbɩ kɩ nɛ cüɛn nyɛ̀n. Hɩ le kruhú de ke ji le ɛnbɔrɛ-wɔ̀, ɛcüɛn-bɔrɛ, edomɛ̀n-ɛnhi-sɩ́, anwɔwɔ mán ɛnbɔrɛ-ẅɛ̀n-hɛ́n kè dú ny'edòmɛ̀n-ẅɛn-ci.

1 Tesalonikɛ̀n anmàn-bɔ̀ 2:12

Bɔ̀ yɩ́ nyɛ̀n edù kɩ bɔ́ bi ɛnbɔrɛ bɔ̀ wá nyɛ̀n, bɔ̀ wá tán nyɛ̀n ɛshishiemɛ̀n le ny'esùnàn kɛ̀ cüɛn Ɔwɔ ɛvɛ̀, nɛ́n léyi ne bi nyɛ̀n ô nyɛ́n bru n'Ɛnnɛ̀ncüì-dúyri mán n'ecizrɔ lɔ mɛ̀n nɔn.

1 Tesalonikɛ̀n anmàn-bɔ̀ 5:27

Mɛ sɛ́n nyɛ̀n Ɛẅɛnwrɔn bɩmɛ̀n: nyɛ́n krɛ́ owrú ndɔ lɔ nyɛ́n tán anwrɔn-nɛ́n-muan-ẅì hɔ̀n lɔ fɛn kɛ̀ yá.

2 Tesalonikɛ̀n anmàn-bɔ̀ 1:11

Hɩ le kruhú de bɔ́ sɛ́n tán nyɛ̀n ɛnvra lɔ fɛn. Bɔ́ sán b'Ɔwɔ kɛ̀ hán nyɛ̀n nyɛ́n cɔ́ ɛwúvà léyi hɩ kruhú nɛ̀n bi nyɛ̀n nɔn. Bɔ́ sán, ô n'ɛkɔrɛ̀-srɔn lɔ mɛ̀n, nɛ̀n wá nyɛ̀n ɛkɔrɛ̀ nyɛ́n hán anvrɛn léyi dú ny'ɛnbɔrɛ mɛ̀n ci, ô nɛ̀n hán ny'ankaẅì-bùtan lɔ kɛ̀ ẅɛn edùyì.

2 Tesalonikɛ̀n anmàn-bɔ̀ 2:14

Ɛmɛẅi ankà Ankrànkràn léyi bɔ̀ dɔ́ nyɛ̀n yi ankà nɔn, hɩ wú de Ɔwɔ bi nyɛ̀n nɔn; nɛ̀n ji le nyɛ́n mán nyɛ́n dú bɔ́ Ɛẅɛnwrɔn Zhezü Krisì ci-zrɔ lɔ mɛ̀n.

Kpàkpà timote 6:12

Ɛ̀ kɔ́n ankaẅìbùtan ankrànkràn jì; è bɩ́ ɛwúvà léyi ke sɩ́ trɔa nɔn, ɔmuhi Ɔwɔ bi mɛ́n ô è nyri ɛwúvà ndɔ lɔ ɛnvra léyi ɛ̀ dɔ́ v'ankaẅìbùtan ẅɛn ankà dalɛfuɛ-di-bɔ̀ bobrebe zìwú nɔn.

Kpàkpà timote 6:2

Ke dú kɛ y'ankà-yé-bɔ̀ lɔ dú ankaẅìbùtan-ẅɛn-bɔ̀, ke sɩ́ ji le y'anwɔ̀n-bɔ̀ lɔ kɛ̀ hán yɔ wawa, ɔmuhi yɔ dú yɔ muan ẅì hɔ̀n nɔn. Tɛ́n ke ji le anwɔ̀n-bɔ̀ lɔ, kè dú y'ankà-yé-bɔ̀ ci-bɩ̀tan-bɔ̀ anvrɛnvrɛn, ɔmuhi y'ankà-yé-bɔ̀ lɔ, dú ankaẅì-bùtan-ẅɛn-bɔ̀ léyi Ɔwɔ kɛ cüɛ̀n nɔn. Nyàn eci léyi ke ji le è yé, ô ɛ̀ wá tán nɔn.

Anhyrɛmɛ̀n timote 1:9

Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n,

Anhyrɛmɛ̀n timote 2:7

È tro ɛnkruemɛ̀n anvrɛnvrɛn ankà léyi mɛ dɔ̀ nɔn. Ɛẅɛnwrɔn kɛ lɛ wá mɛ́n ɛkɔrɛ̀, ô è nyri eci lɔ fɛn.

Ebre-bɔ̀ 10:19

Ɔmu lɔ, anwrɔn-nɛ́n-muanẅì hɔ̀n, bɔ̀ ẅɛn ɛkɔrɛ̀leri bɔ́ le bru ɛyri prɔnprɔn vri lɔ, Zhezü krɛ̀ léyi ce nɔn hɩ kruhú.

Ebre-bɔ̀ 10:21

Bɔ̀ ẅɛn Ɔwɔ-cice-wrɔn cüìcüì tɔ̀n dú ecüìcüì Ɔwɔ bɩ́ lɔ mɛ̀n.

Ebre-bɔ̀ 10:23

Bɔ̀ ẅɛn esɛ́ léyi bɔ́ gbú n'ɔmùan nɔn ɛshishiemɛ̀n bɔ̀ hɛ́n, ɔmuhi Ɔwɔ ke di ɔmùan-zri n'ɔmùan-wá hɔ̀n lɔ mɛ̀n nɔn.

Ebre-bɔ̀ 13:22

Anwrɔn-nɛ́n-muanẅi hɔ̀n, mɛ wá tán nyɛ̀n le: nyɛ́n die nukù ɛnbɔrɛ-ẅɛ̀n-hɛ́n mɛ̀n, edùyi ankà-dɔ̀ ndɔ hɔ̀n lɔ mɛ̀n. Ɔmuhi owrú léyi mɛ̀n merɛ́n nyɛ̀n nɔn ke sɩ̀ zeze kɛ̀ gbɔ̀a nɔn.

Ebre-bɔ̀ 2:11

Tɛ́n, Zhezü léyi ke juru anwrɔnẅì ɛgbàn edomɛ̀n sɔhɔ́ mán anwrɔn hɔ̀n léyi ye fí edomɛ̀n nɔn, yɔ ẅɛn yɔ Zi zri. Hɩ le kruhú de Zhezü anvɛvrà ke sɩ́ ẅɛn hán, ɛnvra léyi ne bi yɔ nɛ́n muan-ẅì hɔ̀n nɔn.

Ebre-bɔ̀ 2:17

Hɩ le kruhú de ke ji le nɛ̀n dù nɛ̀n cá nɛ́n muan-ẅì hɔ̀n eci lɔ fɛn mɛ̀n, ô nɛ̀n dú y'ecice-wrɔn cüìcüì léyi ɛcüɛ̀n yɩ́ ɛmɛ̀n, ke di ɔmùan zri Ɔwɔ ci-bɩ̀tan kɔ̀hɔ́n mɛ̀n, ô fɛcüè kɛ̀ cɔ́ ɛgbàn-bɩce.

Ebre-bɔ̀ 3:12

Nmàn-ẅì hɔ̀n, nyɛ́n wá esùva, ɔwrɔn zriɛmɛ́n ny'ɛmɛ̀n lɔ, ke bɩ́ ẅɛn ɛnbɔrɛ gbàngbàn léyi ankaẅìbùtan bàdà ɛmɛ̀n, kɩ kɛ wá tán nɛ̀n, nɛ̀n kɛ́n Ɔwɔ kɔrɛkɔrɛ lɔ ezì.

Ebre-bɔ̀ 3:14

Annanwɔrɛ mɛ̀n lɔ, bɔ̀ dú Krisì sɛnkɛn-bɔ̀, ke dú kɛ bɔ́ ẅɛn nɛ̀n eshishiemɛ̀n hàn mán kɛ cɔ́ ɔtrɔ vra, esɛ́ léyi bɔ̀ ẅɛn ɛnkrubɔmɛ̀n nɔn.

Ebre-bɔ̀ 6:20

Nanvrɛn de Zhezü hɛ́ bɔ̀ ezì bru, kɩ nɛ̀n bru bɔ́ kruhú, ɔmuhi nɛ̀n srɔ Ɔwɔ cice-wrɔn cüìcüì ɛnvra lɔ fɛn, Mɛlkisedɛkɛ̀n dùci-hán lɔ mɛ̀n.

Ebre-bɔ̀ 7:26

Zhezü dú Ɔwɔ cice-wrɔn cüìcüì léyi ke ji le bɔ̀ ẅɛ̀n nɔn. Nɛ̀n dú prɔnprɔn, nɛ̀n sɩ̀ dù ɛnbramɛ̀n, ɛgbàn bàdá nɛ̀n edomɛ̀n; yɛ mrɛ́n nɛ̀n ɛgbàn-hán-bɔ̀ mɛ̀n yɛ sɔhɔ́ kɩ ye sɩ́ nɛ̀n anhobɩ́ ɛwúhɛ́n;

Ebre-bɔ̀ 7:28

Mohizì nyanmàn lɔ kɛ wá ecice-bɔ̀ cüìcüì anwrɔn hɔ̀n léyi kè sɩ̀ krɔ̀n kpehɛ́n nɔn; tɛ́n Ɔwɔ-mùan-wá-ankà-dɔ̀ léyi yɛ dɔ́ ɛnyànmàn mɛẅi nɔn kɛ wá Ɔwɔ-cice-wrɔn cüìcüì, Ɔwɔ Ẅì léyi ye sɩ́ ɛwú ɛzrɔ krutrɔ mɛ̀n ɛnvra lɔ fɛn nɔn.

Ebre-bɔ̀ 9:11

Tɛ́n Krisì nvà dú anvrɛn hɔ̀n léyi gɔ́ dù nɔn, y'Ɔwɔ-cice-wrɔn cüìcüì. Ɛcasà-wɔn tɔ̀n léyi n'ɛmɛ̀n nɛ hán n'ɔkɔ̀hɔ̀n nɔn, ẅɛn vɔ̀nshɛ́ kɩ vru sɛ́n nmu; kè sɩ̀ dù anwrɔnẅì de kè ku nɛ̀n nɔn, n'ɛmɛ̀n kɛ dɔ̀ le nɛ̀n sɩ̀ dù ɛnhibù ndɔ léyi yɛ hán nɔn tɛn.

Ebre-bɔ̀ 9:15

Nyàn eci le kruhú léyi Krisì dú mìrɛ̀n wrù lɔ, n'angranmɛ̀n nyɔn-wrɔn, ô anwrɔn hɔ̀n léyi Ɔwɔ bi nɔn, kɛ̀ cɔ́ anvrɛn léyi kè sɩ̀ ẅɛ̀n ɔtrɔ, hɩ nɛ̀n wá ɔmùan nɛ̀n hɛ́n n'anwrɔn hɔ̀n nɔn. Yɔ lɛ cɔ́ anvrɛn ndɔ lɔ ɔmuhi owù tɔ̀n nvà, kɩ owù ndɔ lɔ n'ɛkruhú anwrɔnẅì cɔ́ ebɩdie ɛgbàn hɔ̀n léyi yɔ hán ɛnvrakpà mìrɛ̀n lɔ mɛ̀n nɔn.

1 Piɛrɛ̀n 2:9

Tɛ́n nyɛ́n, nyɛ́n dú ɛnbrɛ̀ léyi yɛ mrɛ́n ye bɩ, Ɛnnɛ̀ncüì cice-bɔ̀, ɛnhi wú anmàn prɔnprɔn, fɛcüè léyi dú Ɔwɔ tɛn nɔn. Nɛ̀n bi nyɛ̀n nyɛ́n dú ɛyri yɔwɔ mɛ̀n nyɛ́n srɔ n'ɛyrikàn anvrɛnvrɛn lɔ mɛ̀n, ô nyɛ́n dɔ́ ɔkɔ̀hɔ̀n fifi hɔ̀n léyi nɛ̀n hán nɔn hɩ ankà.

1 Piɛrɛ̀n 3:5

Ndɔ lɔ de dú ɛnbiɛhɛ́n wúyɔ̀ hɔ̀n léyi kɛ sɛ́n Ɔwɔ nɔn, y'edomɛ̀n-ẅɛn-ci, yɔ léyi yɔ ẅɛn esɛ́ Ɔwɔ mɛ̀n nɔn. Yɔ sɩ́ y'edomɛ̀n ɛnhi yɔ tán yɔ cüì hɔ̀n,

1 Piɛrɛ̀n 5:1

Mɛ dɔ́ zɛtɛ̀ lɔ, anwrɔn hɔ̀n léyi ny'ɛmɛ̀n lɔ dú ɛcüìcüì-bɔ̀ Ɔwɔ fɛcüè mɛ̀n nɔn ankà. Mɛ̀n mán mɛ̀n dú ecüìcüì; mɛ̀n dú Krisì gbànkán hɔ̀n lɔ yɔ dalɛfuɛ-di-wrɔn kɩ mɛ lɛ cɔ́ n'eci-zrɔ léyi ye le yé nɔn. Nyàn eci léyi mɛ dɔ́ yɔ yɛ hán nɔn:

1 Piɛrɛ̀n 5:10

Nye le vru nyɛ́n kán ɛgbàn ɛnvra cá mɛ̀n. Tɛ́n Ɔwɔ léyi dú nboafɔ̀n lɔ fɛn shi-bɛ́ nɔn, bi nyɛ̀n ô nyɛ́n dú n'eci-zrɔ léyi kè sɩ̀ ẅɛ̀n ɛnkrutrɔ nɔn mɛ̀n, Zhezü Krisì mɛhi y'ɔbɔsɔ̀ lɔ mɛ̀n; nɛ́n dùku nɛ lɛ sàn hán nyɛ̀n, nɛ́n dùku nɛ lɛ hán nyɛ̀n nyɛ́n sàn zrɔ, nɛ lɛ tán nyɛ̀n ecüì kɩ nɛ lɛ hɛ́n nyɛ̀n edù kɛ̀ sɔ́ nyɛ̀n kɛ̀ hán Ɔwɔn hi-nan-bù hɔ́.

1 Zhan 1:3

Eci léyi bɔ́ kàn, mán ankà léyi bɔ̀ yá nɔn, nyɛ́n mán bɔ́ dɔ́ tán nyɛ̀n; ɔmu lɔ de nyɛ lɛ cɔ́ bɔ̀ bò dú ɔbɔ̀sɔ̀ léyi bɔ̀ ẅɛn Ɔwɔ Zi mán n'Ɛnẅì Zhezü-Krisì mɛ̀n nɔn.

Zhüdɛ̀n 1:1

Ebinyan ndɔ lɔ dú Zhüdɛ̀n yri kɛ và, nɛ́n léyi nɛ̀n dú Zhezü Krisì ci-bɩ̀tan-wrɔn mán Zhakɛ̀n nɛ́n muanẅì nɔn. Ebinyan zri lɔ dú anwrɔn hɔ̀n léyi Ɔwɔ bi, hɩ nɛ́n Ɔwɔ Zi nɛ cüɛ̀n, kɩ Zhezü-Krisì kɛ wá yɔ esùva nɔn tɛn:

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 18:20

Anhobɩ́, pɔpüɛ̀ kɛ̀ brá mɛ́n n'ɔgbɔ̀ngbɔ̀ lɔ wú! Ɔwɔ-fɛcüè-bɔ̀ pɔpüɛ̀ kɛ̀ brá nyɛ̀n, ɔkɔ̀hɔ̀n-wá-bɔ̀ mán Ɔwɔ-mùan-wú-ankà-dɔ́-bɔ̀! Ɔmuhi ɛgbàn léyi nɛ̀n hán nyɛ̀n nɔn, Ɔwɔ ci nɛ̀n ɛmrɛ̀n hɩ wú!