Ebre-bɔ̀ 2:8 - Ɛmɛẅi ankà ankrànkràn 2003

⁸ è cüe nɛ̀n eci lɔ fɛn annantrɛ̀ mɛ̀n hán.” Ke dú kɛ Ɔwɔ bɩ́ eci lɔ fɛn wá ɔwrɔnẅì kɔrɛ̀levri wú, ndɔ lɔ n'ɛmɛ̀n kɛ dɔ̀ le, nɛ̀n sɩ̀ tezè eci ẅì zriɛmɛ́n léyi ke sɩ̀ dú ɔwrɔnẅì kɔrɛ̀levri wú nɔn. Ɔmu tɛ̀kɩ, bɔ́ sɩ́ kán ɔmu le zɛtɛ̀ lɔ eci lɔ fɛn ke dú ɔwrɔnẅì kɔrɛ̀levri wú nɔn.

Ebre-bɔ̀ 2:8 Iomraidhean Croise

Matie 28:18

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

Zhan 13:3

Zhezü dùkú mán nyri ɔmu le Ɔwɔ yri de nɛ́n dù nɛ và nɔn, kɩ ne le vru nɛ̀n hɔ́n Ɔwɔ yri, kɩ Ɔwɔ wá ɛci lɔ fɛn n'ɛkɔrɛ̀srɔn wú.

Zhan 3:35

Ɛnẅì nɛ́n zi kɛ cüɛ́n Ɛnẅì, kɩ tán nɛ̀n ɛkɔrɛ̀srɔn eci lɔ fɛn mɛ̀n.

1 Korɛntɛ̀n anmàn-bɔ̀ 15:27

Annanwɔrɛ mɛ̀n lɔ ye merɛ́n le: “Ɔwɔ cüe nɛ̀n eci lɔ fɛn annantrɛ̀ mɛ̀n.” Tɛ́n nyɛ́n nyrì le, ankà-dɔ̀ ndɔ lɔ “Eci lɔ fɛn” ke sɩ́ wá Ɔwɔ ɛmɛ̀n, nɛ́n léyi nɛ wá eci lɔ fɛn Krisì antamɛ̀n nɔn.

Ebre-bɔ̀ 1:13

Ɔwɔ kɛ vá dɔ́ n'ɛkùyüre-wrɔn tɔ̀n mrìmrì le: “Và yɛ́ mɛ̀n ezi-kɔrɛ̀-korɛa, me ji mɛ̀n hán v'ɛgbri-bɔ̀ kɛ̀ srɔ v'annantrɛ̀-wú-hɛ́n ci.”

Ebre-bɔ̀ 1:2

tɛ́n zɛtɛ lɔ, ɛnvra trɔ mùan mɛ̀n lɔ, nɛ̀n dɔ́ bɔ̀ ankà n'Ɛnẅì Zhezü mɛ̀n. N'ɛmɛ̀n de Ɔwɔ hán eci lɔ fɛn nɔn, kɩ nɛ́n de Ɔwɔ wá nɛ̀n ɛci hɔ̀n lɔ fɛn, y'ɛẅɛnwrɔn nɔn.

Ebre-bɔ̀ 2:5

Annanwɔrɛ mɛ̀n lɔ, kè sɩ̀ dù Ɔwɔ kùyüre-bɔ̀ tamɛ̀n de Ɔwɔ kɛ̀ wà ɛnhibù wrù léyi kɛ lɛ và, hɩ bɔ́ dɔ́ n'ankà nɔn.

1 Piɛrɛ̀n 3:22

nɛ́n léyi nɛ̀n hɔ́n anhobɩ́, nɛ̀n yɛ́ Ɔwɔ ezì-kɔrɛ̀a, nanvrɛn de nɛ̀n ẅɛn ɛyri Ɔwɔ kùyüre-bɔ̀ mán anhobɩ́ kɔrɛ̀srɔn-bɔ̀ wú nɔn.

Ɔwɔ-mɛ̀n-yrikàn 1:18

Mɛ̀n dú ɔkɔrɛ-wrɔn. Mɛ́n wù, tɛ́n zɛtɛ̀ lɔ mɛ̀n dú ɔkɔrɛ-wrɔn ɛnvra lɔ fɛn. Mɛ̀n ẅɛn ɛkɔrɛ̀srɔn owù mán owú-bɔ̀ hi wú.

Ɔwɔ-mɛ̀n-yrikàn 1:5

kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,