Ebre-bɔ̀ 2:3 - Ɛmɛẅi ankà ankrànkràn 2003

³ Zɛtɛn, anhɔntan de bɔ́ lɛ hán, ô bɔ́ bɩ́ cɔ́ ɛgbàn wɔ̀ɛn-dì, ke dú kɛ bɔ́ sɩ́ wá ɛnkrukɔrɛ̀ ndɔ lɔ n'ankà ɛnkruemɛ̀n nɛ́n? Ɛẅɛnwrɔn dùku dú ɛnvrakpà wrɔn dɔ́ n'ankà, zɛtɛn anwrɔn hɔ̀n léyi yá Ɛẅɛnwrɔn ɔmùan nɔn, dɔ́ nɛ́n vɔ̀nshɛ́-ẅɛn-ankà.

Ebre-bɔ̀ 2:3 Iomraidhean Croise

Matie 23:33

Ɛnlɛbrì, andà-di-lɛ̀brì fɛcüè! Anhɔntan nyɛ hán tro, ô nyɛ́n bɩ́ cɔ́ ɛnhyà mɛ̀n gbàn-wɔɛ̀n-dì lɔ nɛ́n?

Matie 4:17

Ɛnvra ndɔ lɔ mɛ̀n, Zhezü bukru ke yé Ɔwɔ ankà kɩ kɛ dɔ̀ le: “Nyɛ́n crɔn ɛnkru, ɔmuhi Anhobɩ́-Nɛ̀ncüì-dúyri bá ɛtɛ̀sɛ̀n nɔn!”

Markɛ̀n 1:14

Ɛnvra léyi Zhan dú anwɔn-mɛ̀n-wá-wɔn mɛ̀n nɔn, Zhezü hɔ́n Galile kpɔsɔ wú kɛ dɔ́ anwrɔn Ɔwɔ mɛẅi ankà ankrànkràn lɔ.

Lükɛ̀n 1:2

Ye merɛ́n ankà zri léyi anwrɔn dɔ̀, hɩ kán n'ɛnkrubɔmɛ̀n, kɩ yɛ tán ɛkɔrɛ̀-levri kɛ dɔ́ Ɔwɔ ankà nɔn.

Lükɛ̀n 1:69

Nɛ̀n tán bɔ̀ ebidie kɔrɛ̀-srɔn wrɔn tɔ̀n, dú ɛnnɛ̀ncüì Davidɛ̀n n'eci-bi-tán-wrɔn, mɛẅi-bɔ̀ mɛ̀n wrɔn.

Lükɛ̀n 24:19

Zhezü ke yrɛ yɔ le: “Ɛcitan hɔ̀n hán?” Kɩ yɔ mrɛ́n nɛ̀n ɔmùan le: “Eci léyi wɔɛ́n Nazàrɛtɛ̀n-wrɔn Zhezü nɔn! Nɛ̀n dú Ɔwɔ-mùanwú-ankà-dɔ́-wrɔn léyi ɛkɔrɛ̀ srɔn nɔn. Nɛ̀n yé n'eci-hán mɛ̀n mán n'ankà-dɔ́ mɛ̀n, Ɔwɔ zìwú mán fɛcüè lɔ fɛn zìwú n'ɛkɔrɛ̀srɔn lɔ.

Zhan 15:27

Kɩ nyɛ́n mán, nye le di mɛ̀n dalɛfuɛ, ɔmuhi nyɛ́n mɛhi bɔ́ dú ɛnkrubɔmɛ̀n hàn hɛ́n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 1:22

Ɔwrɔn ndɔ lɔ, ke ji le nɛ̀n dú anwrɔn hɔ̀n léyi hɔ́n sɩ́ bɔ̀ ɛyri lɔ fɛn léyi Ɛẅɛnwrɔn Zhezü mɛhi bɔ́ cì nɔn ɔtɔ̀n, ɛnvra léyi Zhan wá nɛ̀n ɛnshi ɛnkru hàn kɩ cɔ́ ɛnbì léyi ye bɩ́ nɛ̀n yɛ sɔhɔ́ b'antamɛ̀n, ô nɛ̀n hɔ́n anhobɩ́ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 2:22

Izraɛlɛ̀n-bɔ̀, nyɛ́n die ankà léyi mɛ lɛ dɔ́ nyɛ̀n nɔn nukùɛ: Nazàrɛtɛ̀n-wrɔn Zhezü dú ɔwrɔn léyi Ɔwɔ hán tán nyɛ̀n, nyɛ́n kán n'ɛkɔrɛ̀-srɔn, n'anvɛmɛ̀n-frɛ́n-ci mɛ̀ntɛ mɛ̀ntɛ hɔ̀n mán eci-woroan-ci vɛ́nvɛ́n hɔ̀n léyi nɛ̀n hán ny'anwanzi, hán ɔmu le nyɛ́n dùku mán nyɛ́n nyrì nɔn hɔ́.

Ɔkɔ̀hɔ̀n-wá-bɔ̀ kɔ̀hɔ̀n hán 4:12

Ɛnkru-kɔrɛ̀ dú ne yri, ɔmuhi ɛyri zriɛmɛ́n ɛnhibù mumù lɔ fɛn wú, Ɔwɔ kè sɩ̀ tàn anwrɔnẅì ɔwrɔn nyantɛn zriɛmɛ́n léyi ke le bɩ́ bɔ̀ ke die nɔn.”

Rɔmɛ̀n-anmàn-bɔ̀ 11:14

Ɔkɔ̀hɔ̀n ndɔ lɔ n'ɛhán mɛ̀n lɔ, mɛ̀n ẅɛn esɛ́ le m'ɛmɛ̀n-bɔ̀ kɛ lɛ kɔ́n ecüì-hi, ô mɛ̀n bɩ́ ɛnjanbɔ̀ mɛ̀n die.

Rɔmɛ̀n-anmàn-bɔ̀ 2:3

E tro le Ɔwɔ mrɛ̀ncì lɔ kɛ lɛ vɔ́n mɛ́n ɛwú, vɛ́n léyi e ci ɛnyran hɔ̀n ɛmrɛ̀n eci léyi vɛ́n mán ɛ hán nɔn hɩ wú nɛ́n?

1 Korɛntɛ̀n anmàn-bɔ̀ 1:21

Annanwɔrɛ mɛ̀n, anwrɔnẅì mán y'ankà-nyrì lɔ fɛn mɛhi kè sɩ̀ cɔ̀ nyrì ɛyri léyi Ɔwɔ ke yé tán n'ankà-nyrì lɔ nɔn. Hɩ le kruhú de anwrɔn hɔ̀n léyi ẅɛn ankàẅì-bùtan, nmù ankà-dɔ̀ ci-hán ndɔ lɔ wú nɔn, Ɔwɔ wá kè bɩ̀ yɔ kè die.

1 Tesalonikɛ̀n anmàn-bɔ̀ 5:3

Ɛnvra léyi anwrɔn kɛ lɛ dɔ̀ le: “Eci lɔ fɛn dú anwɔwɔ mɛ̀n, ɛnanmɛ̀n”, zɛtɛn hɩ vra lɔ de, kpatakpata lɔ muzhie kɛ lɛ vá yɔ ɛwú ke le dù kɛ lɛ hán ɛmɛ̀nsɩ́-hi ẅì-bî-vra hɔ́. Ɔwrɔn zriɛmɛ́n mùzhie lɔ ke sɩ̀ vɔ́n ɛwú.

Kpàkpà timote 1:15

Nyàn ankà annanwɔrɛ tɔ̀n léyi anwrɔn lɔ fɛn ke le shrì kè bɩ nɔn: Zhezü Krisì vá ɛnhibù lɔ wú, ô kè bɩ́ ɛgbàn-hán bɔ̀ kè die. Mɛ̀n krɛgbàn mɛ̀n vrán ɛgbàn-hán-bɔ̀ lɔ fɛn,

Titɛ̀n 2:11

Ɔmuhi Ɔwɔ yé nɛ́n nboafɔ̀n léyi dú ɛnkrukɔrɛ shi-bɛ́ tán anwrɔnẅì lɔ fɛn nɔn.

Ebre-bɔ̀ 1:1

Ɛnbiɛhɛ́n vra lɔ Ɔwɔ dɔ́ bɔ́ nancüì hɔ̀n ankà ɛnvra mɛ̀ntɛ mɛ̀ntɛ mɛ̀n, mán ankɔ́nda mɛ̀ntɛ mɛ̀ntɛ mɛ̀n, kɩ nɛ̀n ci Ɔwɔ-muan-wú-ankà-dɔ́-bɔ̀ mɛ̀n,

Ebre-bɔ̀ 1:14

Ɔwɔ kùyüre-bɔ̀ dú anhɛ́n hɔ̀n léyi dú Ɔwɔ ci-bɩtan kɔ̀hɔ́n mɛ̀n nɔn kɩ: nɛ wá yɔ ɔkɔ̀hɔ̀n yɔ bɩ́ ɛkɔrɛ̀-wá yɔ hɔ́n sɩ́ anwrɔn hɔ̀n léyi kɛ lɛ cɔ́ ɛnkrukɔrɛ̀ nɔn.

Ebre-bɔ̀ 1:2

tɛ́n zɛtɛ lɔ, ɛnvra trɔ mùan mɛ̀n lɔ, nɛ̀n dɔ́ bɔ̀ ankà n'Ɛnẅì Zhezü mɛ̀n. N'ɛmɛ̀n de Ɔwɔ hán eci lɔ fɛn nɔn, kɩ nɛ́n de Ɔwɔ wá nɛ̀n ɛci hɔ̀n lɔ fɛn, y'ɛẅɛnwrɔn nɔn.

Ebre-bɔ̀ 12:25

Zɛtɛn nyɛ́n wá esùva! Nyɛ́n díe ɔwrɔn léyi kɛ dɔ́ nyɛ̀n ankà nɔn nukùɛ. Anwrɔn hɔ̀n léyi krɔ kɩ kè sɩ̀ dìe ankà-bi-dɔ́-wrɔn nukù ɛnu ɛnhibù wú nɔn, ɛgbàn-wɔ̀ɛndì lɔ, kè sɩ̀ vɔ́n yɔ ɛwú. Annànnàn le, ɛgbàn-wɔ̀ɛndì n'd'o lɔ, ke sɩ̀ vɔ́n bɔ̀ ɛwú ke dú kɛ bɔ́ crɛ ejüí bɔ́ sɔ́n ɔwrɔn léyi dú anhobɩ́ kɛ dɔ́ bɔ̀ ankà nɔn.

Ebre-bɔ̀ 4:1

Ɔwɔ wá bɔ̀ ɔmùan le bɔ́ le bru ɛwrɔncüe yri léyi nɛ̀n hán nɛ̀n hɛ́n bɔ̀ hán nɔn. Bɔ̀ wá esùva anvrɛnvrɛn, ô ny'ɛmɛ̀n lɔ, ɔwrɔn zriɛmɛ́n ɛwrɔncüe-yri ndɔ lɔ, n'ebru-yri ke bɩ́ wí nɛ̀n ɛwú.

Ebre-bɔ̀ 4:11

Bɔ̀ hán kèkrèmɛ̀n bɔ̀ bru ɛwrɔncüe ndɔ lɔ mɛ̀n; bɔ̀ hán tán ô bɔ́ ɛmɛ̀n lɔ, ɔwrɔn zriɛmɛ́n ke bɩ́ kɔrɔ kɛ hán bɔ́ nancüì hɔ̀n hɔ́, ô ke bore hɛ.

Ebre-bɔ̀ 5:9

Ɛnvra léyi ye sɩ́ nɛ̀n ɛwú n'eci-ankrànkràn-hán mɛ̀n nɔn, nɛ̀n srɔ ɛnkrukɔrɛ̀ léyi ke sɩ́ trɔa nɔn yi ɛnshibɛ́ nɛ̀n tán anwrɔn hɔ̀n léyi ẅɛn n'ɔwá nɔn.

Ebre-bɔ̀ 9:28

Ɔmu zri lɔ, Krisì mán ye bɩ ye ce eci ɛdɛ̀n zri, ô kɛ̀ mrɛ́n anwrɔn fɛcüè hɔ̀n ɛgbàn mɛ̀n kɛ̀ sɔhɔ́. Nɛ lɛ srɔ andɛ̀n anhyrɛmɛ̀n, kè sɩ̀ dù hɩ le ne le gbú ɛgbàn nɛ̀n sɔhɔ́ nɔn, tɛ́n, nɛ̀n bɩ́ ɛnkrukɔrɛ̀ nɛ̀n tán anwrɔn hɔ̀n léyi kɛ vrá nɛ̀n nɔn.

1 Zhan 1:1

Eci léyi dú ɛnkrubɔmɛ̀n nɔn, bɔ̀ yá n'ankà, bɔ̀ kán nɛ̀n bo dùku b'anvɛ̀ẅiemɛ̀n, kɩ b'ankɔrɛ̀ tɛ́ nɛ̀n: nɛ̀n dú Ɔwɔ mùan ankà-dɔ̀ léyi kɛ tán ɛwúvà-kɔrɛ̀ nɔn.

Zhüdɛ̀n 1:17

Nyɛ tɛn, annyran anvrɛn hɔ̀n, ankà léyi bɔ́ Ẅɛnwrɔn Zhezü-Krisì kɔ̀hɔ̀n-wá-bɔ̀ dɔ́ bɔ̀ ɛnbiɛhɛ́n vra lɔ nɔn, kè bru nyɛ̀n.

Ɔwɔ-mɛ̀n-yrikàn 7:10

Yɔ di bobo ecüiemɛ̀n le: “Ɛnkrukɔrɛ̀ dú b'Ɔwɔ yri và, nɛ́n léyi nɛ̀n yɛ́ ɛgbú-tòbù wú nɛ́n mán Ɔwɔ Kɔ̀kɔ̀sɛ̀-ẅì mɛhi!”