Ebre-bɔ̀ 2:2 - Ɛmɛẅi ankà ankrànkràn 2003

² Ɛmɛẅi ankà-dɔ̀ léyi bɔ̀ cɔ́ Ɔwɔ kùyüre-bɔ̀ tamɛ̀n ɛnbiɛhɛ́n vra lɔ nɔn, yé bɔ̀ nɛ́n vɔ̀nshɛ́, kɩ ɔwrɔn totɔtɔ̀n léyi kè sɩ̀ bɩ n'ankà, kɩ kè sɩ̀ ẅɛ̀n n'ɛwá nɔn, cɔ́ ɛgbàn wɔ̀ɛn-dì léyi vɛ́n nɛ̀n nɔn.

Ebre-bɔ̀ 2:2 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 7:53

Nyɛ́n léyi nyɛ́n cɔ́ Ɔwɔ nyànmàn, Ɔwɔ-kùyüre-bɔ̀ tamɛ̀n, nyɛ́n sɩ̀ dìe ɛnyànmàn ndɔ lɔ nukùɛ!”

Galasi anmàn-bɔ̀ 3:19

Ɛnyànmàn ci-hán dú tɛtan? Ye bɩ́ nɛ̀n ye di ɛmɛ̀n, ô ye nyri eci-hán hɔ̀n léyi kɛ kɛ́n Ɔwɔ kɔrɛ̀-zì ci-hán ezì, kɩ ndɔ lɔ, hàn kɩ kɛ̀ krɔn ɛnvra léyi Abrahamɛ̀n mɛẅi-wrɔn léyi n'ɛkruhú Ɔwɔ wá ɔmùan nɔn kɛ̀ và. Ɛnyànmàn ndɔ lɔ Ɔwɔ-kùyüre-bɔ̀ bɩ́ nɛ̀n nvà, kɩ ɔwrɔn tɔ̀n srɔ ɔkɔ̀hɔ̀n-wá-wrɔn.

Ebre-bɔ̀ 1:1

Ɛnbiɛhɛ́n vra lɔ Ɔwɔ dɔ́ bɔ́ nancüì hɔ̀n ankà ɛnvra mɛ̀ntɛ mɛ̀ntɛ mɛ̀n, mán ankɔ́nda mɛ̀ntɛ mɛ̀ntɛ mɛ̀n, kɩ nɛ̀n ci Ɔwɔ-muan-wú-ankà-dɔ́-bɔ̀ mɛ̀n,

Ebre-bɔ̀ 10:28

Ɔwrɔn totɔtɔ̀n léyi kɛ fɔndɔ́n Mohizì nyanmàn lɔ nɔn, owù dú nɛ tɛn, ɛnhyɔ̀bɔ̀-nyrì bàda nɛ̀n ɛmɛ̀n, ke dú kɛ dalɛfuɛ-di-bɔ̀ anhyrɛ̀ mán anhɔ̀n ke nyri n'ɛgbàn lɔ.

Ebre-bɔ̀ 10:35

Nyɛ́n bɩ́ teze ny'esɛ́ lɔ kɛ zrɛ́n hán: anjakpà vri ndù hɛ́n kɛ vrá nyɛ̀n.

Ebre-bɔ̀ 11:26

Nɛ cüɛn ɔmu le ye gbri nɛ̀n kɛ̀ hán ebɩdie-wrɔn hɔ́, kɩ ndɔ lɔ ẅɛn vɔ̀nshɛ́ vri vrán Ezhiptɛ̀n nɛ̀ncüì-di-ci hɔ̀n lɔ fɛn, ɔmuhi n'anvɛ̀ dú anjakpà léyi dú ezì kɛ và nɔn wú.

Ebre-bɔ̀ 11:6

Tɛ́n ɔwrɔn zriɛmɛ́n ke sɩ̀ cüɛn Ɔwɔ ɛvɛ̀, ke dú kɛ nɛ̀n sɩ̀ ẅɛ̀n ankàẅì-bùtan. Annanwɔrɛ mɛ̀n lɔ, ɔwrɔn léyi kɛ sɔnba Ɔwɔ ɛtɛ̀sɛ̀n nɔn, kè nyrì le Ɔwɔ dù, kɩ anwrɔn hɔ̀n léyi ke ji nɛ̀n nɔn, nɛ bó yɔ anjakpà.

Ebre-bɔ̀ 12:25

Zɛtɛn nyɛ́n wá esùva! Nyɛ́n díe ɔwrɔn léyi kɛ dɔ́ nyɛ̀n ankà nɔn nukùɛ. Anwrɔn hɔ̀n léyi krɔ kɩ kè sɩ̀ dìe ankà-bi-dɔ́-wrɔn nukù ɛnu ɛnhibù wú nɔn, ɛgbàn-wɔ̀ɛndì lɔ, kè sɩ̀ vɔ́n yɔ ɛwú. Annànnàn le, ɛgbàn-wɔ̀ɛndì n'd'o lɔ, ke sɩ̀ vɔ́n bɔ̀ ɛwú ke dú kɛ bɔ́ crɛ ejüí bɔ́ sɔ́n ɔwrɔn léyi dú anhobɩ́ kɛ dɔ́ bɔ̀ ankà nɔn.

2 Piɛrɛ̀n 1:19

Ɔmu lɔ de bɔ́ esɛ́ vru dú Ɔwɔ-mùan-ankà-dɔ́-bɔ̀ ankà-dɔ̀ lɔ wú nɔn. Zrɔ tán le nyɛ́n ẅɛn nukù nyɛ́n hɛ́n n'ɛwúɛ: nɛ́n dù nɛ̀n cá kɛniɛn tɔ̀n léyi kɛ gbrɛ́n ɛyri yɔwɔ mɛ̀n hàn kɩ ɛcɛ̀n kɛ kɛ̀n, kɩ ɔsɔwɔrɔ̀ kùcànkrò kɛ wá nyɛ̀n pɔpüɛ̀ ɛnbɔrɛmɛ̀n nɔn.

Zhüdɛ̀n 1:5

Hán ɔmu le nyɛ́n gɔ̀ nyri ankà ndɔ lɔ anvrɛnvrɛn mɛ̀n nɔn; me ji mɛ̀n sàn kro nyɛ̀n ɔmu le Ɛẅɛnwrɔn bɩ́ Izraɛlɛ̀n fɛcüè die ɛdɛ̀n zri Ezhiptɛ̀n-hi wú anmàn, tɛ́n nɛ̀n di owúemɛ̀n anwrɔn hɔ̀n léyi kè sɩ̀ ẅɛ̀n esɛ́ n'ɛwú nɔn.