Ebre-bɔ̀ 13:3 - Ɛmɛẅi ankà ankrànkràn 2003

³ Nyɛ́n tro anwrɔn hɔ̀n léyi dú anwɔn-mɛ̀n-wá-wɔn mɛ̀n nɔn y'ankà, kɛ hán le yɔ mɛhi de nyɛ́n dú anwɔn-mɛ̀n-wá-wɔn mɛ̀n. Nyɛ́n tro anwrɔn hɔ̀n léyi yɛ hán ɛgbàn, ɔmuhɩ nyɛ́n mán ny'edùwru lɔ dú ɛgbànkan ci nɔn.

Ebre-bɔ̀ 13:3 Iomraidhean Croise

Matie 25:36

Mɛ̀n sɩ̀ ẅɛ̀n ɛci edomɛ̀n, kɩ nyɛ́n ku mɛ̀n ɛci edù; ɛnlɔẅiɛ dá mɛ̀n, kɩ nyɛ́n hán mɛ̀n ɛci; mɛ́n dú anwɔn-mɛ̀n-wá-wɔn mɛ̀n, kɩ nyɛ́n và nyan mɛ̀n.’

Matie 25:43

mɛ́n dú nɛ̀nnyàn-wrɔn, kɩ nyɛ́n sɩ̀ bɩ́ mɛ̀n nyɛ́n sɩ̀ ɛbemɛ̀n; mɛ́n sɩ̀ ẅɛ̀n ɛci edomɛ̀n kɩ nyɛ́n sɩ̀ ku mɛ̀n ɛci edù; mɛ́n dú ɛnlɔẅiɛ mɛ̀n mán anwɔn-mɛ̀n-wá-wɔn-mɛ̀n, kɩ nyɛ́n sɩ̀ wà mɛ̀n esùva.’

Ɔkɔ̀hɔ̀n-wá-bɔ̀ kɔ̀hɔ̀n hán 24:23

Nɛ̀n wá tán gɔliɛ-wrɔn léyi dú nɛ̀n ɛtɛ̀sɛ̀n nɔn, kɛ hɛ́n Pɔlɛ̀n anwɔn-mɛ̀n-wá-wɔn mɛ̀n, tɛ́n nɛ̀n tán ɛkɔrɛ̀-levri, ô Pɔlɛ̀n nɛ́n nyran hɔ̀n kɛ̀ cɔ́ ɛyri kɛ̀ wá nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 27:3

Ɛcɛ̀n cüe kɩ bɔ́ bru Sidɔn anmàn. Zhülihüsɛ̀n léyi kɛ ẅɛn Pɔlɛ̀n anvrɛnvrɛn nɔn, tán nɛ̀n ɛkɔrɛ̀-levri nɛ̀n hɔ̀n nyan nɛ́n nyran hɔ̀n ô kɛ̀ wá nɛ̀n ɛkɔrɛ̀.

Rɔmɛ̀n-anmàn-bɔ̀ 12:15

Nyɛ́n brá pɔpüɛ̀ nyɛ́n mán anwrɔn hɔ̀n léyi dú pɔpüɛ̀ mɛ̀n nɔn, nyɛ́n wú eyú nyɛ́n mán anwrɔn hɔ̀n léyi ke wú eyú nɔn mɛhi.

1 Korɛntɛ̀n anmàn-bɔ̀ 12:26

Ke dú kɛ edùwrú yri zri kɛ kán ɛgbàn hô, ndɔ hɔ̀n lɔ fɛn mɛhi yɔ kán ɛgbàn; ke dú kɛ edùwrú yri tɔ̀n ke dú ɛmrɛ́n mɛ̀n hô, ndɔ hɔ̀n lɔ fɛn mɛhi yɔ dú pɔpüɛ̀-brá mɛ̀n.

Efɛzɛ̀n anmàn-bɔ̀ 4:1

Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ.

Kɔlɔsèn anmàn-bɔ̀ 4:18

Mɛ́n dùku de mɛ̀n merɛ́n ankà ndɔ hɔ̀n lɔ nɔn: Pɔlɛ̀n binyan. (Kè bru nyɛ̀n le mɛ̀n dú anwɔn-mɛ̀n-wá-wɔn mɛ̀n.) Ɔwɔ shifù kè dú nyɛ̀n ɛmɛ̀n.

Ebre-bɔ̀ 10:34

Nyɛ́n mán anwɔn-mɛ̀n-wá-bɔ̀ mɛhi nyɛ́n kán ɛgbàn, kɩ ɛnvra léyi ye bɩ́ nyɛ̀n ɛci yɛ sɔhɔ́ nɔn, nyɛ́n shri pɔpüɛ mɛ̀n nyɛ́n tán yɔ, ɔmuhi nyɛ́n nyri ɔmu le nyɛ́n ẅɛn ɛnnɛncüì-di-ci anvrɛnvrɛn léyi dú ɛnvra lɔ fɛn nɔn.

Ebre-bɔ̀ 11:37

Ndɔ hɔ̀n ye wri ɛbùemɛ̀n, ndɔ hɔ̀n yɛ voyan sùkùemɛ̀n kɩ ɛnvra tɔ̀n hô, ye wri yɔ anhà-kɔ́n-nyan mɛ̀n. Ɛnvra tɔ̀n hô, yɔ ci ɛyri yri yɛ cɔ́ yɔ kɔ̀kɔ̀sɛ̀ mán ɛbùrì wrú ceci, yɔ dú ɛmian mɛ̀n, ejüediemɛ̀n mán ɛgbànkanmɛ̀n.

1 Piɛrɛ̀n 3:8

Ɔtrɔ mɛ̀n lɔ, nyɛ lɛ fɛn nyɛ́n ẅɛn eci wrolo-zri-hán mán ankàtro zri; nyɛ́n cüɛn ny'edomɛ̀n kɛ̀ hán anwrɔn nɛ́n muan-ẅì hɔ̀n hɔ́, nyɛ́n dú anvrɛnvrɛn mán sɔ̀hɔ̀ mɛ̀n nyɛ́n nyran hɔ̀n tɛ̀sɛ̀n.