Ebre-bɔ̀ 13:2 - Ɛmɛẅi ankà ankrànkràn 2003

² Nyɛ́n nyrì ẅɛn nɛ́nnyan-bɔ̀, esùva ke bɩ́ yru nyɛ̀n n'ɛhán mɛ̀n. Annanwɔrɛ mɛ̀n, eci lɔ n'ɛhán mɛ̀n lɔ, anwrɔn janbɔ̀ bɩ́ Ɔwɔ-kùyüre-bɔ̀ nɛ́nnyan-bɔ̀, kɩ yɔ sɩ̀ cɔ̀ yɔ nyrìɛn.

Ebre-bɔ̀ 13:2 Iomraidhean Croise

Matie 25:35

Ɔmuhi ɔmùanwù ẅɛn mɛ̀n, kɩ nyɛ́n tán mɛ̀n ɛci-zî; ɛnshi mùanwù ẅɛn mɛ̀n, kɩ nyɛ́n tán mɛ̀n ɛnshi mɛ́n mì; mɛ́n dú nɛ̀nnyàn-wrɔn kɩ nyɛ́n bɩ́ mɛ̀n nyɛ́n sɩ́ ɛbemɛ̀n;

Matie 25:40

Ɛnnɛ̀ncüì lɔ kɛ lɛ mrɛ́n yɔ ɔmùan le: ‘Mɛ dɔ́ nyɛ̀n annànwɔrɛ mɛ̀n le: ɛnvra totɔtɔ̀n léyi nyɛ́n hán eci ndɔ lɔ nyɛ́n tán ɛẅì hɔ̀n léyi dú nmàn ẅì hɔ̀n, ke dú ɛnzri mán, mɛ̀n de nyɛ́n hán nyɛ́n tán mɛ̀n nɔn.’

Matie 25:43

mɛ́n dú nɛ̀nnyàn-wrɔn, kɩ nyɛ́n sɩ̀ bɩ́ mɛ̀n nyɛ́n sɩ̀ ɛbemɛ̀n; mɛ́n sɩ̀ ẅɛ̀n ɛci edomɛ̀n kɩ nyɛ́n sɩ̀ ku mɛ̀n ɛci edù; mɛ́n dú ɛnlɔẅiɛ mɛ̀n mán anwɔn-mɛ̀n-wá-wɔn-mɛ̀n, kɩ nyɛ́n sɩ̀ wà mɛ̀n esùva.’

Ɔkɔ̀hɔ̀n-wá-bɔ̀ kɔ̀hɔ̀n hán 16:15

Yɛ wá Lidi mán n'ɛmɛ̀n-bɔ̀ ɛnshi ɛnkru. Zɛtɛn nɛ̀n bi bɔ̀ kɩ nɛ dɔ̀ le: “Ke dú kɛ nye tro le mɛ̀n ẅɛn Ɛẅɛnwrɔn ankaẅì-bùtan hô, nyɛ́n và nyɛ́n dú m'ebɩ́ lɔ mɛ̀n.” Kɩ nɛ̀n ẅɛn bɔ̀ krekremɛ̀n bɔ̀ shrì bɔ̀ bru n'ebɩ́ lɔ mɛ̀n.

Rɔmɛ̀n-anmàn-bɔ̀ 12:13

Nyɛ́n wá nyɛ́n muan-ẅì hɔ̀n ɛkɔrɛ̀ y'ɛmìan lɔ mɛ̀n, ô nyɛ́n nyrì ẅɛn nɛ̀nnyàn-bɔ̀ ɛnvra lɔ fɛn.

Rɔmɛ̀n-anmàn-bɔ̀ 16:23

Gahiüsɛ̀n, m'ebɩ-nɛ́n-zi, ke bi nyɛ̀n nyan. N'ebɩ́ lɔ mɛ̀n de Ɔwɔ fɛcüè lɔ fɛn kɛ borɛ ɛkru nɔn. Erastɛ̀n, anmàn-kùa-hɛ́n-wrɔn ke bi nyɛ̀n nyan, ɔmu zri lɔ de Kartüsɛ̀n mán ke bi nyɛ̀n nyan nɔn. [

Kpàkpà timote 3:2

Ke ji le Ɔwɔ-fɛcüè-wrɔn cüìcüì kè dú ɛnyrɔnnanwrɔn anvrɛnvrɛn, ɛnnyɔnwrɔn zri nɛ́n cüì, nɛ́n bɩ́ dú ɛntàn-kɔ́n-wrɔn, nɛ̀n ẅɛn ɛnkruemɛ̀n mán ɛwá, nɛ̀n nyrì ẅɛn nɛ̀nnyànwrɔn, ô nɛ̀n nyrì yé eci;

Kpàkpà timote 5:10

ô ye nyri n'ɛci ankrànkràn hɔ̀n léyi nɛ̀n hán nɔn, mán ɔmu le nɛ̀n hán nɛ̀n wɔrɔ n'ɛẅì hɔ̀n, nɛ̀n nyrì ẅɛn nɛ̀nnyàn-bɔ̀, nɛ̀n jru ankaẅì-bùtan-ẅɛn-bɔ̀ annan, nɛ̀n wá ɛmian bɔ̀ ɛkɔrɛ̀, ô nɛ̀n hán ɛci anvrɛnvrɛn mɛ̀ntɛ mɛ̀ntɛ hɔ̀n.

Titɛ̀n 1:8

Ke ji le nɛ̀n nyrì ẅɛn nɛ̀nnyàn-bɔ̀, ô nɛ̀n ji eci léyi zrɔ nɔn. Ke ji le nɛ̀n ẅɛn ankà-nyrì, nɛ̀n dú ɛnyrɔnnan-wrɔn, nɛ̀n dú prɔnprɔn, ô nɛ̀n nyrì ẅɛn n'edomɛ̀n.

1 Piɛrɛ̀n 4:9

Nyɛ́n nyrì ẅɛn ny'edomɛ̀n nɛ̀nnyànbɔ̀, ezì-mù ke bɩ́ dú ɛmɛ̀n.

3 Zhan 1:5

Anyran anvrɛn, e di ɔmùan-zri eci lɔ fɛn léyi ɛ hán tán anwrɔn nɛ́n-muan-ẅì, yɔ hɔ̀n léyi dú ɛmɛ̀n nyàntɛn mɛ̀n-bɔ̀ nɔn mán.