Ebre-bɔ̀ 12:3 - Ɛmɛẅi ankà ankrànkràn 2003

³ Nyɛ́n tro n'ankà, kɛ̀ hán ɔmu le nɛ́n shrì nɛ̀n bɩ́ ezì léyi ɛgbàn-hán-bɔ̀ kɛ́n nɛ̀n nɔn. Kɩ ɔmu lɔ de nyɛ́n sɩ̀ cɔ́ ɛjɛ̀, edù ke sɩ̀ wú nyɛ̀n.

Ebre-bɔ̀ 12:3 Iomraidhean Croise

Matie 11:19

Ɔwrɔnẅì Ẅì nvà, ne zî ɛci, ne mi ɛntàn kɩ yɛ dɔ̀ le: ‘Nyɛ́n nyan ɔwrɔn ndɔ léyi, ɛci-zî mán ɛntàn-mí-ankà kɩ ke tro, nɛ̀n dú anmàn-wɔɛ̀n-yrɛ-bɔ̀ mán anwrɔn hɔ̀n léyi yɛ krɛ́ ɛci-gbàngbàn-hán-bɔ̀ nɔn yɔ nyran hɔ̀n!’ Tɛ́n ankà-nyrì léyi dú Ɔwɔ mɛ̀n nɔn ke yé n'edomɛ̀n ɛnyrɔnnan ci-hán mɛ̀n.”

Matie 12:24

Tɛ́n ɛnvra léyi Ɔwɔ-nyànmàn-sùva-wá-bɔ̀ yá yɔ ɔmùan nɔn, yɔ dɔ̀ le: “Ɔwrɔn ndɔ lɔ kɛ wrɔ́ anhɛ́n gbàngbàn ɔmuhi ‘Bɛlzebülɛ̀n’ léyi dú y'ɔwrɔn cüìcüì nɔn kɛ tán nɛ̀n ɛkɔrɛ̀srɔn!”

Matie 15:2

“Cɛci kruhú kɛ̂ v'ɛsɛ̀nkɛn-bɔ̀ tɛn ke sɩ́ ẅɛn ɛcüìcüì-bɔ̀ nyànmàn léyi tán bɔ̀ nɔn kɛ hɛ́n hán nɛ̀n? Ɔmuhi yɔ sɩ́ juru ankɔ̀rɛ̀, hán ɔmu le ɛnyànmàn kɛ wá tán nɔn kɩ yɔ zî ɛci.”

Matie 21:23

Zhezü bru Ɔwɔ-cice wɔn lɔ mɛ̀n kɩ bukru ke yé ankà; Ɔwɔ-cice-bɔ̀ cüìcüì mán Zhüifɛ̀n fɛcüè cüìcüì-bɔ̀, zɛtɛn sɔnba Zhezü ɛtɛ̀sɛ̀n kɩ ke yrɛ nɛ̀n le: “Ɛkɔrɛ̀levri tán mɛ̀n de ɛ hán ɛci ndɔ hɔ̀n lɔ nɛ́n? Antɔn de tán mɛ́n hɩ kɔrɛ̀levri lɔ nɛ́n?”

Matie 21:46

Zɛtɛn yɔ ji ɛyri ô yɔ ẅɛn nɛ̀n, tɛ́n yɔ sú fɛcüè léyi ke bɩ́ Zhezü kɛ hán Ɔwɔ-mùanwú-ankà-dɔ́-wrɔn tɔ̀n nɔn.

Matie 22:15

Ɔwɔ-nyànmàn-sùva-wá-bɔ̀ krɔn ɔmùan, ô yɔ nyri ɔmu le yɔ lɛ hán, yɔ krɔn Zhezü antanwrɔn ankà-yrɛ mɛ̀n, ô yɔ ẅɛn nɛ̀n nɔn.

Lükɛ̀n 14:1

Ɛnyanmán-bɩ̀ tɔ̀n de Zhezü hɔ́n Ɔwɔ-nyanmàn-sùva-wá-wrɔn tɔ̀n yri ɛbemɛ̀n, ɛci-zî yri. Anwrɔn hɔ̀n léyi dú nanvrɛn nɔn, kɛ sɔ́n zhezü ɛvɛ̀ esùva-wá mɛ̀n.

Lükɛ̀n 15:2

Ɔwɔ-nyanmàn-sùva-wá-bɔ̀, mán ɛnyanmàn-gbànvri-ankà-yé-bɔ̀ ke bɩ́ ɛmɛ̀nhyì kɩ kɛ dɔ́ y'edomɛ̀n le: “Ɔwrɔn ndɔ lɔ kɛ cüɛn ɛci gbangàn-hán-bɔ̀, kɩ yɔ mɛhi yɔ zî ɛci!”

Lükɛ̀n 16:14

Ɔwɔ-nyanmàn-sùva-wá-bɔ̀ kɛ yá ankà ndɔ hɔ̀n léyi Zhezü kɛ dɔ̀ nɔn, kɩ yɔ hán nɛ̀n ɛnhyürɛ̀, ɔmuhi yɔ cüɛ́n ɔkùa nɔn.

Lükɛ̀n 2:34

Simeɔn fú yɔ ɛnshi kɩ kɛ dɔ́ Zhezü nɛ́n muan Mari le: “Ɔwɔ mrɛ́n ɛnẅì ndɔ lɔ, ô nɛ̀n dú Izraɛlɛ̀n anmàn lɔ, anwrɔn bobrebe y'ejüezì mán ndɔ hɔ̀n y'ɛnkrukɔrɛ̀. Ne le dú Ɔwɔ-ci-woran-ci léyi, kɛ lɛ kɛ́n anwrɔn ezì,

Lükɛ̀n 5:21

Ɛnyanmàn-gbànvri-ankà-yé-bɔ̀ mán ɔwɔ-nyanmàn-sùva-wa-bɔ̀ bukru ke tro ankà: “Antɔn dú ɔwrɔn ndɔ lɔ, hɩ kɛ dɔ́ ɔwra-ankà tán Ɔwɔ nɛ́n? Antɔn de ke le bɩ́ ɛgbàn kè ce nɛ́n? Ɔwɔ zri kɩ ẅɛn ɛgbàn-bɩ-ce kɔrɛ̀levri!”

Zhan 10:20

Y'ɛmɛ̀n lɔ bobrebe kɛ dɔ̀ le: “Ɛnhɛ́n gbangbàn dú nɛ̀n edomɛ̀n! Nmù kɛ hán nɛ̀n! Cɛci kruhú kɛ nye die nɛ̀n nukùɛ nɛ̀n?”

Zhan 18:22

Ɛnvra léyi Zhezü dù kɛ dɔ́ ankà nɔn, ɛyri-nan-bɔ̀ lɔ ɔtɔ̀n léyi nyɔn nɛ̀n ɛtɛsɛ̀n nɔn, sɩ́ nɛ̀n nukù kɩ kɛ dɔ̀ le: “Ɔmu de ɛ dɔ́ Ɔwɔ-cice-wrɔn cüìcüì ankà nɛ́n?”

Zhan 5:16

Zɛtɛn yɔ bɩ́ ankà yɔ cɔ́ Zhezü ɔmuhi nɛ̀n kɔrɛ ɛnlɔẅiɛ-wrɔn ɛnyanmán-bì lɔ mɛ̀n nɔn.

Zhan 7:12

Yɛ dɔ́ n'ankà bobrebe fɛcüè lɔ mɛ̀n. “Nɛ̀n dú ɔwrɔn anvrɛnvrɛn”, dú anwrɔn janbɔ̀ anmùan mɛ̀n kɛ dɔ̀. “Ndɔ hɔ̀n kɛ dɔ̀ le, hɔ̂, nɛ frɛ́n anwrɔn.”

Zhan 8:13

Ɔwɔ-nyanmàn-sùva-wá-bɔ̀ kɛ dɔ́ nɛ̀n le: “E dí v'edomɛ̀n dalɛfuɛ; ankà léyi ɛ dɔ̀ nɔn ke sɩ̀ ẅɛ̀n vɔ̀nshɛ́.”

Zhan 8:52

Zhüifɛ̀n-bɔ̀ kɛ dɔ́ nɛ̀n le: “Zɛtɛ̀ lɔ, bɔ́ nyri annanwɔrɛ mɛ̀n le, ɛnhɛ́n gbangbàn dú mɛ́n edomɛ̀n! Abrahamɛ̀n nwù, Ɔwɔ-mùanwú-ankà-dɔ́-bɔ̀ mán nwù, kɩ vɛ tɛn ɛ dɔ̀ le: ‘Ɔwrɔn léyi ke die m'ankà-dɔ̀ nukùɛ nɔn, nɛ́n sɩ̀ wú mrìmrì’.

Zhan 8:59

Zɛtɛn, yɔ bi ɛbù, ô yɔ kɔ̀n sɔnran nɛ̀n. Tɛ́n Zhezü bán kɩ dú Ɔwɔ-cice-wɔn lɔ mɛ̀n srɔ ɛntrɛ.

Zhan 9:40

Ɔwɔ-nyanmàn-sùva-wá-bɔ̀ janbɔ̀ léyi nyɔn nɛ̀n ɛtɛsɛ̀n nɔn, yá ankà hɔ̀n léyi nɛ́n dɔ̀ nɔn kɩ kɛ yrɛ nɛ̀n le: “Bɔ́ mán bɔ́ dú anvɛ̀-bɔyɛ-bɔ̀a?”

1 Korɛntɛ̀n anmàn-bɔ̀ 15:58

Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.

2 Korɛntɛ̀n anmàn-bɔ̀ 4:1

Ɔwɔ, n'ɛcüɛn-bɔrɛ lɔ mɛ̀n, wá bɔ̀ ɔkɔ̀hɔ̀n ndɔ lɔ antamɛ̀n, kɩ hɩ le kruhú de bɔ̀ dú ɛnvra lɔ fɛn edùyiemɛ̀n nɔn.

2 Korɛntɛ̀n anmàn-bɔ̀ 4:16

Hɩ le kruhú de bɔ̀ dú edùyiemɛ̀n ɛnvra lɔ fɛn nɔn. Tɛ́n ke dú kɛ b'ɔwrɔnẅì dùwrú ke dú ɛjrɛ́ mɛ̀n janjan hô, bɔ́ ɛnhɛ́n dùwrú kɛ sán srɔ owrù ɛnbì ɛnbì.

Galasi anmàn-bɔ̀ 6:9

Edù ke bɩ́ ká bɔ̀ anvrɛn-hán mɛ̀n; ɔmuhi ke dú kɛ edù ke sɩ̀ wú bɔ̀ hô, bɔ́ lɛ cɔ́ bɔ́ antɛ̀-ẅì ɛnvra léyi n'ɛküɛ vra kɛ lɛ cɔ̀ nɔn.

2 Tesalonikɛ̀n anmàn-bɔ̀ 3:13

Tɛ́n, nyɛ́n, anwrɔn-nɛ́n-muan-ẅì hɔ̀n, edù ke bɩ́ ká nyɛ̀n anvrɛn-hán mɛ̀n.

Ebre-bɔ̀ 12:2

Bɔ̀ crɛ anvɛ̀ bɔ̀ kɛ́n Zhezü, nɛ́n léyi b'ankaẅìbùtan kɛ crɛ nyan nɛ̀n, ɛnkrubɔmɛ̀n hàn mán ɔtrɔmɛ̀n nɔn. Nɛ́n shrì nɛ̀n wú ɛgbàn-hán-tɛ̀ wú, kɩ anvɛvrà wù ndɔ lɔ, nɛ̀n sɩ̀ mrɛ̀n yi ankà zriɛmɛ́n, ɔmuhi nɛ̀n kán pɔpüɛ̀ léyi yɛ wá yɛ hɛ́n nɛ̀n hàn nɔn; kɩ zɛtɛ̀ lɔ nɛ̀n yɛ́ Ɔwɔ-gbútòbù lɔ n'ezìkɔrɛ̀ kɔrɛ̀a.

Ebre-bɔ̀ 12:5

Esùva yru nyɛ̀n eduyì léyi Ɔwɔ kɛ tán nyɛ̀n, hán n'ɛẅì hɔ̀n hɔ́ nɛ́n? “M'ɛnẅì ɛnjansù ke bɩ́ ẅɛn mɛ́n ɛnvra léyi Ɛẅɛnwrɔn kɛ lɛ ẅɛn mɛ́n nuku, kɩ ke sɩ́ ji le edù kè wú mɛ́n ɛnvra léyi ne le di mɛ́n ebrè nɔn.

Ebre-bɔ̀ 3:1

Nmàn-ẅì hɔ̀n, nyɛ́n dú Ɔwɔ tɛn, nɛ́n léyi nɛ̀n bi nyɛ̀n nɔn. Zɛtɛn, nyɛ́n bɩ́ Zhezü kɛ̀ hán Ɔwɔ kɔ̀hɔ̀n-wá-wrɔn mán ankaẅìbùtan-cice-wrɔn cüìcüì léyi bɔ́ sɔ́n lele bɔ́ tán nɔn.

1 Piɛrɛ̀n 2:23

Ɛnvra léyi yɛ wora nɛ̀n nɔn, nɛ̀n sɩ̀ bɩ́ ɔwɔra nɛ̀n di yɔ ɔwɔ̀ɛn; ɛnvra léyi yɛ hán nɛ̀n, nɛ̀n kán ɛgbàn nɔn, nɛ̀n sɩ̀ dɔ̀ ɛẅiɛ̀-dá ankà zriɛmɛ́n, tɛ́n nɛ̀n bɩ́ fɛn lɔ nɛ̀n wá Ɔwɔ antamɛ̀n, nɛ́n léyi ne ci ɛmrɛ̀n ɛnyrɔnnan mɛ̀n nɔn.

Ɔwɔ-mɛ̀n-yrikàn 2:3

Ɛ̀ ẅɛn ɛnbɔrɛ-ẅɛ̀n-hɛ́n-sɛ́, ɛ̀ kán ɛgbàn m'ɛkruhú, kɩ è sɩ̀ wù v'edomɛ̀n edù.