Ebre-bɔ̀ 1:9 - Ɛmɛẅi ankà ankrànkràn 2003

⁹ Ɛ cüɛn eci léyi nyrɔn nɔn, e sɩ́ ji eci gbàngbàn, hɩ le kruhú de Ɔwɔ, v'Ɔwɔ, mrɛ́n mɛ́n nbɩ, kɩ nɛ̀n wá mɛ́n ɔkoran zhì ɛnkru, kɩ nɛ̀n mrɛ́n mɛ́n nɛ̀n bɩ́ ɛnyran hɔ̀n wanzi.”

Ebre-bɔ̀ 1:9 Iomraidhean Croise

Lükɛ̀n 4:18

“Ɛẅɛnwrɔn Hɛ́n dú mɛ̀n edomɛ̀n, nɛ̀n mrɛ́n mɛ̀n nɛ́n bɩ, ô mɛ̀n bɩ́ Ɛmɛẅí ankà Ankrànkràn lɔ mɛ̀n và sɩ́ ɛmian-bɔ̀. Nɛ̀n wá mɛ̀n ɛnzhì ɛnkru ô mɛ̀n dɔ́ anwɔn-mɛ̀n-wá-bɔ̀ ebɩ̀die ankà, mɛ̀n dɔ́ anvɛ̀-bɔyɛ-bɔ̀ ɛyri-kán ankà, ô ejuezì-bɔ̀ kɛ̀ cɔ́ ɔwrɔncüe,

Zhan 1:41

Andre srɔ́n nɛ́n muan-ẅì Simɔn ɛsù dú ɛnvrapkà wrɔn kɩ nɛ dɔ́ yi le: “Bɔ̀ cɔ́ Ebɩ̀die-wrɔn lɔ.” (N'ɛmɛ̀n kɛ dɔ̀ le “Krisì”.)

Zhan 10:17

Dade Ɔwɔ kɛ cüɛn mɛ̀n, ɔmuhi mɛ tán m'ɛwúvà lɔ, ô mɛ̀n sàn cɔ́ ɛwúvà wrù nɔn.

Zhan 20:17

Zhezü kɛ dɔ́ nɛ̀n le: “E bɩ ẅɛn mɛ̀n ɛ hɛ́n hàn, ɔmuhi mɛ vá hɔ́n Dade yri nɔn. Tɛ́n ɛ̀ hɔ̀n dɔ́ nmàn ẅì hɔ̀n le mɛ hɔ́n Dade yri, nɛ́n léyi nɛ̀n dú nyɛ́n zi mán nɔn, mɛ hɔ́n Ɔwɔ yri nɛ́n léyi nɛ̀n dú ny'Ɔwɔ mán nɔn.”

Zhan 3:34

Ɔwrɔn léyi Ɔwɔ wá ɔkɔhɔ̀n nɔn kɛ dɔ́ Ɔwɔ-mùanwú-ankà, ɔmuhi Ɔwɔ kɛ tán nɛ̀n kokroho n'Ɛnhɛ́n lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 10:38

Nyɛ́n nyri ɔmu le Ɔwɔ hán Ɛnhɛ́n Prɔnprɔn kɔrɛ̀-srɔn vá Nazàrɛtɛ̀n-wrɔn Zhezü ɛwú. Nyɛ́n vru nyɛ́n nyri ɔmu le Zhezü hán ci ɛnhi anmàn lɔ fɛn wú, hán anvrɛn, kɩ kɔrɛ anwrɔn hɔ̀n lɔ fɛn léyi dú anwa-wrɔn kɔrɛ̀-levri wú, ɔmuhi nɛ́n mán Ɔwɔ mɛhi yɔ dù nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:26

Ɛnhibù wú nɛ̀ncüì hɔ̀n wá anhà-kɔ̀n ankà esùva kɩ ɛyri-ẅɛn-bɔ̀ bɔsɔ y'edomɛ̀n ô kɛ̀ kɛ́n Ɛẅɛnwrɔn mán ɛnnɛ̀ncüì léyi nɛ́n wá ɛnzhì ɛnkru nɔn ezì.’

Ɔkɔ̀hɔ̀n-wá-bɔ̀ kɔ̀hɔ̀n hán 4:27

Ɔmuhi annanwɔrɛ mɛ̀n lɔ Herɔdɛ̀n mán Pɔnse-Pilatɛ̀n bɔsɔ y'edomɛ̀n, anmàn ndɔ lɔ mɛ̀n, yɔ mán ɛnhibù-nɛ̀nnyàn-bɔ̀-zìwú-bɔ̀ mán Izraɛlɛ̀n fɛcüè mɛhi, ô yɔ kɛ́n v'eci-bɩ̀tan-wrɔn prɔnprɔn Zhezü ezì, nɛ́n léyi ɛ wá nɛ̀n ɛnzhì ɛnkru nɔn.

Rɔmɛ̀n-anmàn-bɔ̀ 12:9

Ke ji le ɛcüɛ̀n kè dú annanwɔrɛ. Nyɛ́n sú ɛgbàn, nyɛ́n hán anvrɛn kɔ̀hɔ̀n.

Rɔmɛ̀n-anmàn-bɔ̀ 15:13

Ke ji le Ɔwɔ léyi dú esɛ́ shi-bɛ́ nɔn ke hán pɔpüɛ̀ mán anwɔwɔ ke dú nyɛ̀n ɛmɛ̀n, ny'ankaẅì-bùtan léyi nyɛ́n ẅɛn n'ɛwú nɔn, ô nyɛ́n di ɛnnɛ̀ncüì esɛ́ mɛ̀n, Ɛhɛ́n Prɔnprɔn kɔrɛ̀-srɔn mɛ̀n.

1 Korɛntɛ̀n anmàn-bɔ̀ 1:9

Ɔwɔ dùku bi nyɛ̀n nɛ́n ẅì Zhezü Krisì bɔ́ Ɛẅɛnwrɔn wúvà bɔ̀sɔ̀ lɔ mɛ̀n: ne di ɔmùan-zri n'ɔmùan-wá lɔ mɛ̀n.

2 Korɛntɛ̀n anmàn-bɔ̀ 11:31

Ɔwɔ, Ɛẅɛnwrɔn Zhezü nɛ́n Zi (kè dú ɛmrɛ́n mɛ̀n ɛnvra lɔ fɛn!) nyri ɔmu le mɛ́n sɩ́ ẅɛn ɛyɔ̀n.

Galasi anmàn-bɔ̀ 5:22

Tɛ́n eci léyi Ɛnhɛ́n Prɔnprɔn kɛ tán nɔn, dú ɛcüɛ̀n, pɔpüɛ̀, anwɔwɔ, ɛnbɔrɛ-ẅɛ̀n-hɛ́n, anvrɛn-ci-hán, ɛnbɔrɛ-wɔ-ci-hán, ɔmùan-zri-dì,

Efɛzɛ̀n anmàn-bɔ̀ 1:3

Bɔ̀ mrɛ́n Ɔwɔ léyi dú bɔ́ Ɛẅɛnwrɔn Zhezü Krisì nɛ́n Zi nɔn! Nɛ̀n fú bɔ̀ ɛnshi bɔ́ mán Krisì mɛhi b'ɔbɔ̀sɔ̀ lɔ mɛ̀n, ɛnvra léyi nɛ̀n tán bɔ̀ ɛnhɛ́n mɛ̀n shifù lɔ fɛn léyi dú anhobɩ́ nɔn.

Filipɛ̀n anmàn-bɔ̀ 2:9

Hɩ le kruhú de Ɔwɔ sɩ́ nɛ̀n ɛwú, hɛ́n nɛ̀n ɛyɛ́yri vri wú kɩ tán nɛ̀n ebɩ́ léyi dú ebɩ́ totɔtɔ̀n lɔ fɛn ɛwú nɔn.

Ebre-bɔ̀ 2:11

Tɛ́n, Zhezü léyi ke juru anwrɔnẅì ɛgbàn edomɛ̀n sɔhɔ́ mán anwrɔn hɔ̀n léyi ye fí edomɛ̀n nɔn, yɔ ẅɛn yɔ Zi zri. Hɩ le kruhú de Zhezü anvɛvrà ke sɩ́ ẅɛn hán, ɛnvra léyi ne bi yɔ nɛ́n muan-ẅì hɔ̀n nɔn.

Ebre-bɔ̀ 2:9

Tɛ́n bɔ́ kán ndɔ lɔ: ɛnvra cá mɛ̀n Zhezü dú Ɔwɔ kùyüre-bɔ̀ ɛnhi, ô Ɔwɔ nboafɔ̀n lɔ mɛ̀n, nɛ̀n wú anwrɔnẅì lɔ fɛn kruhú; kɩ bɔ́ kán nɛ̀n zɛtɛ̀ lɔ eci-zrɔ mán ɛmrɛ́n dú nɛ tɛn, owú-gbàn léyi nɛ́n kàn nɔn hɩ kruhú.

Ebre-bɔ̀ 7:26

Zhezü dú Ɔwɔ cice-wrɔn cüìcüì léyi ke ji le bɔ̀ ẅɛ̀n nɔn. Nɛ̀n dú prɔnprɔn, nɛ̀n sɩ̀ dù ɛnbramɛ̀n, ɛgbàn bàdá nɛ̀n edomɛ̀n; yɛ mrɛ́n nɛ̀n ɛgbàn-hán-bɔ̀ mɛ̀n yɛ sɔhɔ́ kɩ ye sɩ́ nɛ̀n anhobɩ́ ɛwúhɛ́n;

1 Piɛrɛ̀n 1:3

Bɔ̀ mrɛ́n Ɔwɔ Zi léyi dú bɔ́ Ɛẅɛnwrɔn Zhezü Krisì nɛ́n Zi nɔn! N'ɛcüɛ̀n vri lɔ mɛ̀n, nɛ̀n tán bɔ̀ ɛwúvà wrù tɔ̀n Zhezü Krisì wúemɛ̀n-dùfrɔ́ lɔ mɛ̀n. Ɔmu lɔ de bɔ̀ ẅɛn ɔkɔrɛ-sɛ́ tɔ̀n,

1 Zhan 1:3

Eci léyi bɔ́ kàn, mán ankà léyi bɔ̀ yá nɔn, nyɛ́n mán bɔ́ dɔ́ tán nyɛ̀n; ɔmu lɔ de nyɛ lɛ cɔ́ bɔ̀ bò dú ɔbɔ̀sɔ̀ léyi bɔ̀ ẅɛn Ɔwɔ Zi mán n'Ɛnẅì Zhezü-Krisì mɛ̀n nɔn.

Ɔwɔ-mɛ̀n-yrikàn 2:15

Ɔmu zri lɔ, è vru ɛ̀ ẅɛn anwrɔn dú mɛ́n ɛbemɛ̀n kɛ sɛ́n antɛ̀buri.