Ebre-bɔ̀ 1:2 - Ɛmɛẅi ankà ankrànkràn 2003

² tɛ́n zɛtɛ lɔ, ɛnvra trɔ mùan mɛ̀n lɔ, nɛ̀n dɔ́ bɔ̀ ankà n'Ɛnẅì Zhezü mɛ̀n. N'ɛmɛ̀n de Ɔwɔ hán eci lɔ fɛn nɔn, kɩ nɛ́n de Ɔwɔ wá nɛ̀n ɛci hɔ̀n lɔ fɛn, y'ɛẅɛnwrɔn nɔn.

Ebre-bɔ̀ 1:2 Iomraidhean Croise

Matie 13:39

egbri-wrɔn léyi kɛ tɛ́ ɛfi gbàngbàn nɔn, dú anwa-wrɔn; ɛci-küɛ-vra, dú ɛnhibù trɔ vra; kɩ ɛci-küɛ-bɔ̀ dú Ɔwɔ-kùyüre-bɔ̀.

Matie 17:5

Yɔ dú ankà dɔ́ mɛ̀n, ɛnvra léyi ɛnwì-gbú tɔ̀n gbrɛ́n, kɩ vá murɛn yɔ ɛwú, kɩ ɛnwì-gbú lɔ mɛ̀n esùva tɔ̀n kɛ dɔ̀ le: “Ɔwrɔn ndɔ lɔ dú m'ɛcüɛn Ẅì léyi mɛ̀n bɩ́ mɛ́n pɔ̀püɛ̀ lɔ fɛn mɛ̀n wá ɛwú nɔn. Nyɛ́n die nɛ̀n nukùɛ!”

Matie 21:38

Tɛ́n, ɛnvra léyi ɛkɛ̀tɛ̀-kɔ̀hɔ̀n-hán-bɔ̀ lɔ kán ɛnẅì lɔ nɔn, yɔ dɔ́ y'edomɛ̀n le: ‘Nyàn anja-di-wrɔn lɔ! Bɔ̀ hɔ̀n, bɔ̀ wri nɛ̀n kɩ bɔ́ lɛ srɔ ɛkɛ̀tɛ́-nɛ́n-zi hɔ̀n!’

Matie 26:63

Tɛ́n Zhezü kɛ kɛ́n ɔmùan hɛ́n. Zɛtɛn Ɔwɔ-cice-wrɔn cüìcüì kɛ dɔ́ nɛ̀n le: “Ɔkɔrɛ Wɔ lɔ n'ebɩ́ mɛ̀n, mɛ wá tán mɛ́n, è shri bɔ̀ anmùan mɛ̀n, ɔmùan-wá mɛ̀n: è dú Ebɩdie-wrɔn, Ɔwɔ Ẅì lɔa?”

Matie 28:18

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

Matie 3:17

Kɩ esùva tɔ̀n dú anhobɩ́ kɛ dɔ̀ le: “Ɔwrɔn ndɔ lɔ dú m'ɛcüɛn Ẅì; mɛ́n pɔ̀püɛ̀ lɔ fɛn dú nɛ̀n ɛmɛ̀n.”

Markɛ̀n 1:1

Ɛnu lɔ de Ɛmɛẅi ankà Ankrànkràn léyi kɛ dɔ́ Ɔwɔ ẅì Zhezü Krisì ankà nɔn, dú n'ɛnkrubɔmɛ̀n.

Markɛ̀n 12:6

Ɔwrɔn zri léyi wɔrɔ dú nɛ̀n ɛtɛ̀sɛ̀n nɔn, dú n'ɛcüɛ́n ẅì lɔ. Ɔtrɔmɛ̀n lɔ nɛ̀n wá yi ɔkɔ̀hɔ̀n, ɔkɔ̀hɔ̀n-hán-bɔ̀ lɔ yri, kɩ nɛ dɔ̀ le: ‘M'ɛnẅì tɛ́n, yɔ lɛ ẅɛn n'ɛwá.’

Markɛ̀n 12:7

Tɛ́n ɔkɔ̀hɔ̀n-hán-bɔ̀ lɔ kɛ dɔ́ y'edomɛ̀n le: ‘Nyàn ɔwrɔn léyi kɛ lɛ srɔ anja-di-wrɔn nɔn de kɛ và nɔn! Bɔ̀ hɔ̀n bɔ́ wri nɛ̀n, kɩ ɛkɛ̀tɛ̀ lɔ kɛ lɛ srɔ bɔ́ tɛ́n!’

Zhan 1:10

Ɔwrɔn léyi dú ankà-dɔ̀ nɔn dú ɛnhibù wú. N'ɛmɛ̀n de Ɔwɔ hán ɛnhibù, kɩ zɛtɛn ɛnhibù kè sɩ̀ nyri nɛ̀n.

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Zhan 1:3

N'ɛmɛ̀n de Ɔwɔ hán ɛci lɔ fɛn, kɩ ɛci lɔ fɛn léyi ndù nɔn, ci n'ɛmɛ̀n srɔ.

Zhan 13:3

Zhezü dùkú mán nyri ɔmu le Ɔwɔ yri de nɛ́n dù nɛ và nɔn, kɩ ne le vru nɛ̀n hɔ́n Ɔwɔ yri, kɩ Ɔwɔ wá ɛci lɔ fɛn n'ɛkɔrɛ̀srɔn wú.

Zhan 13:32

Kɩ ke dú kɛ Ɔwɔ ci-zrɔ ke yé n'edomɛ̀n ɛnẅì lɔ mɛ̀n hô, Ɔwɔ mán kɛ lɛ hán n'Ɛnẅì ci-zrɔ ke le dú nɛ̀n edomɛ̀n kɛ̀ srɔ́, kɩ nɛ lɛ hán yi ɛnvra buriemɛ̀n.]

Zhan 15:15

Mɛ́n sɩ̀ vru bi nyɛ̀n eci-bɩ̀tan-bɔ̀a, ɔmuhi eci-bɩ̀tan-wrɔn lɔ nɛ̀n sɩ̀ nyrɩ̀ eci léyi n'ɛẅɛnwrɔn kɛ hán nɔn. Me bi nyɛ̀n annyran hɔ̀n, ɔmuhi mɛ̀n hán nyɛ̀n nyɛ́n nyri eci lɔ fɛn léyi Dade yé mɛ̀n nɔn.

Zhan 16:15

Eci lɔ fɛn léyi Dade ẅɛ̀n nɔn, dú mɛ tɛn mán. Hɩ le kruhú de mɛ́n dɔ̀ le, Ɛnhɛ́n kɛ lɛ cɔ́ eci léyi dú mɛ tɛ́n nɔn kɩ nɛ lɛ dɔ́ nyɛ̀n yi ankà nɔn.”

Zhan 17:2

Ɔmuhi ɛ̀ tán nɛ̀n ɛkɔrɛ̀srɔn anwrɔnẅì lɔ fɛn wú, ô nɛ̀n hán anwrɔn lɔ fɛn léyi ɛ̀ tán nɛ̀n nɔn, kɛ̀ cɔ́ ɛwúvà léyi ke sɩ́ trɔa nɔn.

Zhan 3:16

Ɔmuhi Ɔwɔ zeze cüɛ́n ɛnhibù-wú-bɔ̀ kɩ nɛ̀n tán yɔ n'Ɛnẅì zri lɔ, ô ɔwrɔn totɔtɔ̀n léyi kɛ ẅɛn n'ankaẅì-bùtan nɔn ke bɩ́ wúɛ, tɛ́n nɛ̀n cɔ́ ɛwúvà léyi ke sɩ́ trɔa nɔn.

Zhan 3:25

Zɛtɛn Zhan sɛ̀nkɛn-bɔ̀ mán Zhüifɛ̀n-wrɔn tɔ̀n mɛhi dú ecüìwrɔn mɛ̀n y'edomɛ̀n fì ankà kruhú.

Zhan 5:26

Ɔmuhi, ɔmu zri léyi Ɛnẅì-nɛ́n-zi ẅɛn ɛkɔrɛ̀-srɔn kɛ tán ɛwúvà nɔn, ɔmu zri lɔ de nɛ̀n tán Ɛnẅì mán ɛkɔrɛ̀srɔn kɛ̀ tán ɛwúvà nɔn.

Zhan 5:27

Kɩ nɛ̀n tán Ɛnẅì ɛkɔrɛ̀srɔn kè ci ɛmrɛ̀n, ɔmuhi Ɛnẅì lɔ dú ɔwrɔnẅì Ẅì nɔn.

Zhan 9:29

Bɔ́ nyri ɔmu le Ɔwɔ dɔ́ Mohizì ankà; tɛ́n nɛ tɛn, bɔ́ sɩ̀ nyrì ɛyri léyi nɛ́n dù nɛ và nɔn!”

Ɔkɔ̀hɔ̀n-wá-bɔ̀ kɔ̀hɔ̀n hán 10:36

Nɛ̀n yüre Izraɛlɛ̀n fɛcüè Zhezü krisì mɛẅi ankà wɔwɔ, Krisì léyi dú anwrɔn lɔ fɛn Ẅɛnwrɔn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:17

‘Ɔwɔ kɛ dɔ̀ le, nyàn eci léyi kɛ lɛ wɔɛ́n ɛmɛẅi trɔ vra hɔ̀n lɔ nɔn: Mɛ lɛ hán m'Ɛnhɛ́n kè bonyi anwrɔnẅì lɔ fɛn wú; ny'ɛẅì hɔ̀n wúcɔ̀ mán wúyɔ̀ kɛ lɛ srɔ Ɔwɔ-mùanwú-ankà-dɔ́-bɔ̀, mɛ lɛ dɔ́ nyɛ́n sùgban-bɔ̀ lɔ ankà Ɔwɔ-mɛ̀n-yri-kàn mɛ̀n, kɩ ny'anwrɔn cüìcüì hɔ̀n lɔ mɛ lɛ dɔ́ yɔ ankà ndà mɛ̀n.

Rɔmɛ̀n-anmàn-bɔ̀ 1:4

tɛ́n Ɛnhɛ́n Prɔnprɔn mɛ̀n lɔ, yɛ hán nɛ̀n, nɛ̀n srɔ Ɔwɔ Ẅì ɛkɔrɛ̀srɔn mɛ̀n ɛnvra léyi nɛ̀n dú owúemɛ̀n nɛ̀n frɔ́ nɔn.

Rɔmɛ̀n-anmàn-bɔ̀ 8:17

Bɔ̀ dú n'ɛẅì hɔ̀n, ke dú ɔmu lɔ hô, bɔ́ mán bɔ́ lɛ cɔ́ anvrɛn léyi Ɔwɔ wá nɛ́n fɛcüè ɔmùan, bɔ́ mán Krisì mɛhi bɔ́ le dú n'anvrɛn lɔ mɛ̀n; ɔmuhi ke dú kɛ bɔ́ mán Krisì mɛhi bɔ́ kán ɛgbàn hô, bɔ́ mán nɛ́n mɛhi bɔ́ le dú n'eci-zrɔ lɔ mɛ̀n.

1 Korɛntɛ̀n anmàn-bɔ̀ 2:7

Hɔ̂, mɛ dɔ́ Ɔwɔ ankà-nyrí ankà-bán-ankà, léyi yɛ bán anwrɔnẅì. Ɔwɔ gɔ́ mrɛ́n nɛ̀n nbɩ, ô kɛ̀ hán bɔ̀ bɔ́ dú n'eci-zrɔ lɔ mɛ̀n ɛnvra léyi ɛnhibù kɛ vá bukru nɔn.

1 Korɛntɛ̀n anmàn-bɔ̀ 8:6

annànwɔrɛ mɛ̀n lɔ, bɔ́ tɛn, Ɔwɔ zri kɩ dù, Ɔwɔ Zi, nɛ́n léyi nɛ̀n hán eci lɔ fɛn, kɩ n'ɛkruhú de bɔ̀ dú ɛwúvà mɛ̀n nɔn; kɩ Ɛẅɛnwrɔn zri kɩ dù, Zhezü Krisì, n'ɛmɛ̀n de eci lɔ fɛn dù, kɩ n'ɛkruhú bɔ̀ dú ɛwúvà mɛ̀n.

Galasi anmàn-bɔ̀ 4:4

Tɛ́n ɛnvra léyi yɛ wá, ncɔ̀ nɔn, Ɔwɔ hán n'Ɛnẅì nvà: ye bî nɛ̀n ɛnnyɔnwrɔn mɛ̀n kɩ nɛ̀n dú Zhüifɛ̀n-bɔ̀ nyànmàn kɔrɛ̀-levri wú,

Efɛzɛ̀n anmàn-bɔ̀ 1:10

Ankɔ́nda ci-hán ndɔ léyi Ɔwɔ kɛ lɛ tro n'ɛhán ɛnhibù trɔ vra nɔn, dú hɩ le nɛ lɛ borɛ eci lɔ fɛn léyi dú anhobɩ́ mán ɛnhi nɔn ɛkru, ɛfrawrɔn zri tɛ̀sɛ̀n, Krisì.

Efɛzɛ̀n anmàn-bɔ̀ 3:9

Ke ji le mɛ̀n sɩ́ ɛyri-kán mɛ̀n, kè dú anwrɔnẅì lɔ fɛn tɛn, Ɔwɔ ankɔ́nda ankà-bán-ankà ci-hán lɔ. Nɛ́n léyi nɛ̀n dú ɛci hɔ̀n lɔ fɛn hán-wrɔn, nɛ́n tɛ̀hɛ́n ɛbán mɛ̀n ankɔ́nda ci-hán ndɔ lɔ ɛnvra lɔ fɛn mɛ̀n,

Ebre-bɔ̀ 1:5

Annanwɔrɛ mɛ̀n lɔ, Ɔwɔ kɛ vá dɔ́ n'ɛkùyüre-bɔ̀ lɔ ɔtɔ̀n mrìmrì le: “Vɛ́n de è dú m'Ɛmẅì nɔn, bukru ɛnyɔncì lɔ nɔn, mɛ̀n dú e Zi.” Kɩ Ɔwɔ kùyüre-wrɔn tɔ̀n tɛsɛ̀n, nɛ vá dɔ́ mrìmrì le: “Me le dú nɛ́n Zi tɔ̀n kɩ ne le dú m'Ɛnẅì tɔ̀n.”

Ebre-bɔ̀ 1:8

Tɛ́n Ɛnẅì lɔ wú, nɛ́n dɔ̀ le: “V'ɛgbú-tòbù, ô Ɔwɔ, yɛ hán dú ɛnvra lɔ fɛn. Ɛnyrɔnnan mɛ̀n de ɛ̀ ẅɛn ɛyri v'ɛnnɛ̀ncüì-dúyri lɔ nɔn.

Ebre-bɔ̀ 11:3

Ankaẅìbùtan mɛ̀n, de bɔ́ nyrì le, Ɔwɔ mùan-ankà-dɔ̀ de hán anhobɩ́ mán ɛnhi, ɔmu lɔ de eci léyi yɛ kàn nɔn, dú eci léyi ye sɩ́ kán nɔn, n'ɛmɛ̀n srɔ nɔn.

Ebre-bɔ̀ 2:3

Zɛtɛn, anhɔntan de bɔ́ lɛ hán, ô bɔ́ bɩ́ cɔ́ ɛgbàn wɔ̀ɛn-dì, ke dú kɛ bɔ́ sɩ́ wá ɛnkrukɔrɛ̀ ndɔ lɔ n'ankà ɛnkruemɛ̀n nɛ́n? Ɛẅɛnwrɔn dùku dú ɛnvrakpà wrɔn dɔ́ n'ankà, zɛtɛn anwrɔn hɔ̀n léyi yá Ɛẅɛnwrɔn ɔmùan nɔn, dɔ́ nɛ́n vɔ̀nshɛ́-ẅɛn-ankà.

Ebre-bɔ̀ 3:6

Tɛ́n Krisì dú ɔmùan-zri-di-wrɔn, nɛ́n léyi nɛ̀n dú ɛnkru, Ɔwɔ wɔn lɔ mɛ̀n nɔn. Kɩ bɔ̀ dú n'ɔwɔn lɔ, ke dú kɛ bɔ́ bɩ́ b'ankàẅì-bùtan mán bɔ́ esɛ́ ke dú b'ɔmùan-gbú-ci.

Ebre-bɔ̀ 4:14

Bɔ̀ ẅɛn ɛshishiemɛ̀n ankàẅì-bùtan léyi bɔ́ sɔ́n lele bɔ́ yé nɔn. Annanwɔrɛ mɛ̀n lɔ, bɔ̀ ẅɛn Ɔwɔ-cice-wrɔn cüìcüì tɔ̀n léyi nhɔ̀n, hàn mán cɔ́ Ɔwɔ mumù zìwú: nɛ́n de nɛ̀n dú Zhezü, Ɔwɔ Ẅì lɔ nɔn.

Ebre-bɔ̀ 5:8

Nɛ̀n dú Ɔwɔ Ẅì, ɔmu tɛ̀kɩ nɛ̀n nyri ɔwá ci-hán n'ɛgbànkàn hɔ̀n lɔ mɛ̀n.

Ebre-bɔ̀ 7:28

Mohizì nyanmàn lɔ kɛ wá ecice-bɔ̀ cüìcüì anwrɔn hɔ̀n léyi kè sɩ̀ krɔ̀n kpehɛ́n nɔn; tɛ́n Ɔwɔ-mùan-wá-ankà-dɔ̀ léyi yɛ dɔ́ ɛnyànmàn mɛẅi nɔn kɛ wá Ɔwɔ-cice-wrɔn cüìcüì, Ɔwɔ Ẅì léyi ye sɩ́ ɛwú ɛzrɔ krutrɔ mɛ̀n ɛnvra lɔ fɛn nɔn.

Ebre-bɔ̀ 7:3

Ye sɩ̀ nyrì nɛ́n zi, nɛ́n muan, nɛ́n nancüì zriɛmɛ́n; Ɛyri zriɛmɛ́n ye sɩ́ dɔ́ n'ebî mán n'owú ankà. Nɛ́n dù nɛ̀n cá Ɔwɔ Ẅì: nɛ̀n dú Ɔwɔ cice-wrɔn ɛnvra lɔ fɛn mɛ̀n.

Ebre-bɔ̀ 9:26

Kè sɩ̀ dù ɔmu lɔ hô, nɛ lɛ kán ɛgbàn andɛ̀n bɔbrebe ɛnhibù krubɔmɛ̀n anhɛ́n. Annanwɔrɛ mɛ̀n lɔ, nɛ̀n srɔ ɛdɛ̀n zri brɛzri zɛtɛ̀ lɔ, ɛnvra trɔ mùan mɛ̀n, ô nɛ̀n bɩ́ nɛ́n mumù n'edòmɛ̀n nɛ̀n ce, ô nɛ̀n ẅɛn ɛgbàn nɛ̀n sɔhɔ́.

1 Piɛrɛ̀n 1:20

Ɔwɔ wá eci-hán ndɔ lɔ ɛnvra léyi ɛnhibù kɛ vá bukru, kɩ ɛnvra trɔ mùan mɛ̀n lɔ, nɛ̀n yé eci-hán ndɔ lɔ ny'anvrɛn kruhú.

2 Piɛrɛ̀n 3:3

Eci lɔ fɛn mɛ̀n, nyɛ́n nyrì le, ɛnvra trɔ mùan mɛ̀n lɔ, anwrɔn hɔ̀n léyi ke ji kɛ̀ ẅɛn yɔ dùku y'ankàtro wúvà nɔn kɛ lɛ srɔ. Yɔ lɛ hán nyɛ̀n ɛnhyürɛ̀

Zhüdɛ̀n 1:18

Annanwɔrɛ mɛ̀n lɔ, yɔ dɔ́ nyɛ̀n le: “Ɛnvra trɔ mùan mɛ̀n lɔ, anwrɔn ke le dù kɛ lɛ hán nyɛ̀n ɛnhyürɛ̀ kɩ ke le dú y'ankàtro gbàngbàn wúvà mɛ̀n.”