Ebre-bɔ̀ 1:1 - Ɛmɛẅi ankà ankrànkràn 2003

¹ Ɛnbiɛhɛ́n vra lɔ Ɔwɔ dɔ́ bɔ́ nancüì hɔ̀n ankà ɛnvra mɛ̀ntɛ mɛ̀ntɛ mɛ̀n, mán ankɔ́nda mɛ̀ntɛ mɛ̀ntɛ mɛ̀n, kɩ nɛ̀n ci Ɔwɔ-muan-wú-ankà-dɔ́-bɔ̀ mɛ̀n,

Ebre-bɔ̀ 1:1 Iomraidhean Croise

Lükɛ̀n 1:55

ɛnvra lɔ fɛn nɛ̀n tán Abraham mán n'ɛmɛẅi-bɔ̀, hán ɔmu le nɛ̀n wá bɔ́ nancüì hɔ̀n ɔmuàn nɔn.”

Lükɛ̀n 1:72

Nɛ̀n yé bɔ̀ n'ɛcüɛ̀n bɔ́ nancüì hɔ̀n tɛsɛ̀n, kɩ nɛ̀n kore sɩ́ n'edomɛ̀n nɛ́n mìrɛ̀n prɔnprɔn mùan-wá lɔ.

Lükɛ̀n 24:27

Zɛtɛn nɛ dɔ́ yɔ ankà hɔ̀n léyi Owrú Prɔnprɔn dɔ́ n'ɛwú, bukru Mohizì wrú hɔ̀n lɔ mɛ̀n hàn kɩ cɔ́ Ɔwɔ-mùanwú-ankà-dɔ́-bɔ̀ wrú hɔ̀n léyi merɛ́n nɔn.

Lükɛ̀n 24:44

Zɛtɛn nɛ dɔ́ yɔ le: “Nyàn ankà léyi mɛ̀n dɔ́ nyɛ̀n ɛnvra léyi nyɛ́n mɛhi bɔ́ dù nɔn: eci hɔ̀n léyi ye merɛ́n m'ɛwú, Mohizì nyanmàn lɔ mɛ̀n, Ɔwɔ-mùanwú-ankà-dɔ́-bɔ̀ wrú hɔ̀n lɔ mɛ̀n, mán Ɔwɔ-mrɛ́n wrú lɔ mɛ̀n nɔn, ke ji le kɛ̀ sá nmù.”

Zhan 16:13

Ɛnvra léyi annanwɔrɛ Hɛ́n kɛ lɛ và nɔn, nɛ lɛ nyrɔn nyɛ̀n annanwɔrɛ lɔ fɛn mɛ̀n. Nɛ́n sɩ̀ dɔ́ ankà nɛ́n zri n'ɛkɔrɛ̀-levriemɛ̀n, tɛ́n nɛ lɛ dɔ́ ankà lɔ fɛn léyi nɛ̀n yá nɔn, kɩ nɛ lɛ dɔ́ nyɛ̀n eci léyi kɛ lɛ wɔ̀ɛn nɔn yi ankà.

Zhan 7:22

Ɔmuhi Mohizì tán nyɛ̀n ɛnyànmàn ô nyɛ́n wi wucɔ̀ edomɛ̀n nɔn, (kɩ kè sɩ̀ dù Mohizì de kè bùkru kɛ̀ hàn hɩ ci lɔ, tɛ́n nyɛ́n nancüi hɔ̀n) kɩ nye shrì kɩ nyɛ hán hɩ kɔhɔ̀n lɔ ɛnyanmán-bì vra lɔ.

Zhan 9:29

Bɔ́ nyri ɔmu le Ɔwɔ dɔ́ Mohizì ankà; tɛ́n nɛ tɛn, bɔ́ sɩ̀ nyrì ɛyri léyi nɛ́n dù nɛ và nɔn!”

Ɔkɔ̀hɔ̀n-wá-bɔ̀ kɔ̀hɔ̀n hán 13:32

Bɔ́ mùmù, bɔ́ và bɔ̀ sɩ́ nyɛ̀n Ɛmɛẅi ankà Ankrànkràn ndɔ lɔ: ɔmùan léyi Ɔwɔ wá bɔ́ nancüì hɔ̀n nɔn,

Ɔkɔ̀hɔ̀n-wá-bɔ̀ kɔ̀hɔ̀n hán 2:30

Tɛ́n nɛ̀n dú Ɔwɔ-muanwú-ankà-dɔ́-wrɔn kɩ nɛ̀n nyri ɔmu le, Ɔwɔ wá nɛ̀n ɔmùan le, nɛ́n nan-ẅì hɔ̀n lɔ ɔtɔ̀n ke le dú ɛnnɛ̀ncüì kè bɩ́ n'ɛyɛ́-yri lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 28:23

Yɔ tán Pɔlɛ̀n ɛnbì, kɩ ɛnvra léyi ɛnbi lɔ cɔ̀ nɔn, yɔ vá bobrebe ɛyri léyi nɛ́n dù nɔn. Bukru ɛsɔ̀wrɔ̀ hàn kɩ cɔ́ ɔwɔɛmɛ̀n nɔn, Pɔlɛ̀n ke fi yɔ ankà léyi nɛ́n ẅɛ̀n nɔn: nɛ dɔ́ yɔ Anhobɩ́ Nɛ̀ncüì-dúyri ankà kɩ ne ji ɛyri nɛ̀n hán yɔ bɩ́ Zhezü ankà, kɩ nɛ dɔ́ Mohizɛ̀n nyànmàn mán Ɔwɔ-mùanwú-ankà-dɔ́-bɔ̀ wrú lɔ ankà.

Ɔkɔ̀hɔ̀n-wá-bɔ̀ kɔ̀hɔ̀n hán 3:21

Zɛtɛ̀ vra lɔ, ke ji le Zhezü kɛ yɛ́ anhobɩ́ hàn kɩ kɛ cɔ́ ɛnvra léyi eci lɔ fɛn kɛ lɛ crɔn owrù, hán ɔmu le Ɔwɔ gɔ́ dɔ́ Ɔwɔ-mùanwú-ankà-dɔ́-bɔ̀ prɔnprɔn hɔ̀n mùan mɛ̀n ɛnvra sheshemɛ̀n hàn hɛ́n nɔn.

Ebre-bɔ̀ 11:18

Ɔwɔ gɔ́ dɔ́ nɛ̀n le: “Izaakɛ̀n mɛ̀n de ɛ lɛ cɔ́ ɛmɛẅì-bɔ̀ léyi mɛ̀n wá mɛ́n ɔmùan nɔn.”

Ebre-bɔ̀ 11:2

Y'ankàẅìbùtan ẅɛ̀n kruhú de Ɔwɔ bi ɛnbiɛhɛ́n bɔ̀ ɛvrivri hɔ̀n lɔ hán n'ɔkɔ̀hɔ̀n nɔn.

Ebre-bɔ̀ 12:25

Zɛtɛn nyɛ́n wá esùva! Nyɛ́n díe ɔwrɔn léyi kɛ dɔ́ nyɛ̀n ankà nɔn nukùɛ. Anwrɔn hɔ̀n léyi krɔ kɩ kè sɩ̀ dìe ankà-bi-dɔ́-wrɔn nukù ɛnu ɛnhibù wú nɔn, ɛgbàn-wɔ̀ɛndì lɔ, kè sɩ̀ vɔ́n yɔ ɛwú. Annànnàn le, ɛgbàn-wɔ̀ɛndì n'd'o lɔ, ke sɩ̀ vɔ́n bɔ̀ ɛwú ke dú kɛ bɔ́ crɛ ejüí bɔ́ sɔ́n ɔwrɔn léyi dú anhobɩ́ kɛ dɔ́ bɔ̀ ankà nɔn.

Ebre-bɔ̀ 2:2

Ɛmɛẅi ankà-dɔ̀ léyi bɔ̀ cɔ́ Ɔwɔ kùyüre-bɔ̀ tamɛ̀n ɛnbiɛhɛ́n vra lɔ nɔn, yé bɔ̀ nɛ́n vɔ̀nshɛ́, kɩ ɔwrɔn totɔtɔ̀n léyi kè sɩ̀ bɩ n'ankà, kɩ kè sɩ̀ ẅɛ̀n n'ɛwá nɔn, cɔ́ ɛgbàn wɔ̀ɛn-dì léyi vɛ́n nɛ̀n nɔn.

Ebre-bɔ̀ 2:3

Zɛtɛn, anhɔntan de bɔ́ lɛ hán, ô bɔ́ bɩ́ cɔ́ ɛgbàn wɔ̀ɛn-dì, ke dú kɛ bɔ́ sɩ́ wá ɛnkrukɔrɛ̀ ndɔ lɔ n'ankà ɛnkruemɛ̀n nɛ́n? Ɛẅɛnwrɔn dùku dú ɛnvrakpà wrɔn dɔ́ n'ankà, zɛtɛn anwrɔn hɔ̀n léyi yá Ɛẅɛnwrɔn ɔmùan nɔn, dɔ́ nɛ́n vɔ̀nshɛ́-ẅɛn-ankà.

Ebre-bɔ̀ 3:5

Mohizì tɛn, di ɔmùan zri Ɔwɔ bɩ́ mumù lɔ fɛn mɛ̀n, ɔmuhi nɛ̀n dú eci-bɩtan-wrɔn léyi yɛ wá kè di dalɛfuɛ ankà léyi Ɔwɔ kɛ lɛ dɔ̀ nɔn mɛ̀n.

Ebre-bɔ̀ 4:8

Annanwɔrɛ mɛ̀n lɔ, kè dú kɛ Zhozüe kɛ̀ nyrɔn fɛcüè kè sɩ́ ɛwrɔncüe-yri ndɔ lɔ mɛ̀n hô, Ɔwɔ ke sɩ̀ vru dɔ́ ɛnbì nyantɛn tɔ̀n ankà.

Ebre-bɔ̀ 5:5

Krisì dùku mán kè sɩ̀ srɔ n'edomɛ̀n Ɔwɔ cice-wrɔn cüìcüì kɩ kɛ̀ tán n'edòmɛ̀n ɛmrɛ́n. Ɔwɔ de srɔ nɛ̀n ecice-wrɔn cüìcüì kɩ dɔ́ nɛ̀n le: “Vɛ́n de è dú m'Ɛnẅì nɔn, bukru ɛyɔnci lɔ nɔn, mɛ̀n dú e Zi.”

Ebre-bɔ̀ 9:19

Mohizì gɔ́ dɔ́ fɛcüè zìwú ɛnyanmàn hɔ̀n lɔ fɛn ankà, hán ɔmu le ɛnyanmàn wrú ke yé nɔn. Zɛtɛn Mohizì bɩ́ ɛnnànman mán ɛbùrì krɛ̀ mán ɛnshi mɛhi ku ɛnyanmàn wrú mán fɛcüè lɔ fɛn wú, nɛ̀n bɩ́ ɛtɛ̀ léyi ye bí Izɔpɛ̀n nɔn, n'anda mán kɔ̀kɔ̀sɛ̀-tù càsa ẅie wɔnsɛn de nɛ̀n ku yɔ ɛnkrɛ̀ mán ɛnshi edomɛ̀n nɔn.