Galasi anmàn-bɔ̀ 6:3 - Ɛmɛẅi ankà ankrànkràn 2003

³ Ke dú kɛ ɔwrɔn tɔ̀n ke tro le nɛ̀n ẅɛn vɔ̀nshɛ́, tɛ́n nɛ̀n sɩ̀ dù eci zriɛmɛ́n, nɛ frɛ́n n'edomɛ̀n.

Galasi anmàn-bɔ̀ 6:3 Iomraidhean Croise

Lükɛ̀n 18:11

Ɔwɔ-nyanmàn-sùva-wá-wrɔn lɔ nyɔn ɔhɔnán, kɩ kɛ sɛ́n Ɔwɔ kɛ dɔ̀ le: ‘Ô Ɔwɔ, mɛ tán mɛ́n ɔkuɛ̀n, ɔmuhi mɛ̀n sɩ̀ dù kɛ̀ hàn anwrɔn ndɔ hɔ̀n léyi dú ɛci-yerɛ-bɔ̀, ɛci-gbangbàn-hán-bɔ̀ mán wúcɔ̀-hi-bi-bɔ̀; mɛ tán mɛ́n ɔkuɛ̀n, ɔmuhi mɛ̀n sɩ̀ dù kɛ̀ hàn anmàn-wɔɛ̀n-yrɛ-wrɔn ndɔ lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 5:36

Kɛ vá moɛ̀n, Tedasɛ̀n nvà, nɛ́n léyi nɛ krɛ́ n'edomɛ̀n ɔwrɔn ankrankran; ɔwrɔn ɛkoẅì-ɛẅia kɛ́n nɛ̀n ɛsɛ̀n. Tɛ́n ye wri nɛ̀n, anwrɔn hɔ̀n léyi dú nɛ̀n ɛmɛẅi nɔn bonyì kɩ nɛ́n fɛcüè lɔ zrɛ́n mrìmrì.

Rɔmɛ̀n-anmàn-bɔ̀ 12:16

Ny'ɛwúvà kè dú ɔmùan-krɔn mɛ̀n nyɛ́n mán nyɛ́n nyran hɔ̀n mɛhi. Nyɛ́n bɩ́ ji nmù-ci ɛvrivri hán, tɛ́n nyɛ́n cüɛn eci-hán léyi vɛ́n nyɛ̀n nɔn. Nyɛ́n bɩ́ bɩ́ ny'edomɛ̀n nyɛ́n hán ankà-nyri-bɔ̀.

Rɔmɛ̀n-anmàn-bɔ̀ 12:3

Ecice-ci léyi Ɔwɔ tán mɛ̀n n'ɛcüɛ̀n lɔ mɛ̀n nɔn, hɩ kruhú de mɛ dɔ́ tán nyɛ lɛ fɛn le: nyɛ́n bɩ́ ẅɛn ankà-tro ke sevri kɛ vrán nyɛ́n mumù. Tɛ́n nyɛ́n ẅɛn ankà-tro hɔ̀n léyi vɛ́n nyɛ̀n, ɔwrɔnwrɔn n'ankaẅì-bùtan léyi Ɔwɔ tán nɛ̀n nɔn hɩ wú.

1 Korɛntɛ̀n anmàn-bɔ̀ 13:2

Mɛ lɛ dɔ́ Ɔwɔ mɛẅi ankà léyi mɛ́n cɔ̀ nɔn, mɛ lɛ ẅɛn ankà-nyrì lɔ fɛn, ô mɛ̀n yá anvɛmɛ̀n-frɛ́n-ci hɔ̀n lɔ fɛn y'ɛmɛ̀n ankà, mɛ lɛ ẅɛn ankaẅì-bùtan kɛ lɛ hán tán mɛ̀n frɛ́ ɛnkpò hɔ̀n lɔ fɛn mɛ̀n hɛ́n ɛyri nyàntɛn, ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n.

1 Korɛntɛ̀n anmàn-bɔ̀ 3:18

Ɔwrɔn zriɛmɛ́n ke bɩ́ frɛ́n n'edomɛ̀n: ke dú kɛ ɔwrɔn tɔ̀n ny'ɛmɛ̀n lɔ ke tro le nɛ̀n ẅɛn ankà-nyrì, ɛnhibù ndɔ lɔ zìwú hô, ke ji le nɛ̀n srɔ nmù-wrɔn, ô nɛ̀n dú ankà-nyri-wrɔn annanwɔrɛ mɛ̀n.

1 Korɛntɛ̀n anmàn-bɔ̀ 8:2

Ɔwrɔn léyi ke tro le nɛ̀n nyri eci tɔ̀n nɔn, nɛ̀n sɩ̀ nyrì eci lɔ, hán ɔmu le ke ji le nɛ̀n nyrì nɔn.

2 Korɛntɛ̀n anmàn-bɔ̀ 12:11

Mɛ dɔ́ ankà kɛ hán nmù-wrɔn hɔ́, tɛ́n nyɛ́n de nyɛ́n wá tán mɛ̀n nɔn. Nyɛ́n de ke ji le nyɛ́n dɔ́ ankà nyɛ́n tán mɛ̀n. Ɔmuhi ke dú kɛ mɛ̀n sɩ̀ dù eci zriɛmɛ́n hô, nyɛ́n nyri ɔmu le mɛ̀n sɩ̀ dù ɛnhi kɛ̀ vràn ny'ɔkɔ̀hɔ̀n-wá-bɔ̀ léyi nye tro le sevri nɔn.

2 Korɛntɛ̀n anmàn-bɔ̀ 3:5

Annanwɔrɛ mɛ̀n lɔ, bɔ́ sɩ̀ ẅɛ̀n edù b'á hán ɔkɔ̀hɔ̀n ndɔ ɔmu lɔ bɔ́ dùku bɔ́ ecüì zriemɛ̀n. Eci léyi bɔ̀ ẅɛn n'ɛhán kɔrɛ̀-levri nɔn, dú Ɔwɔ yri và;

Galasi anmàn-bɔ̀ 2:6

Tɛ́n anwrɔn hɔ̀n léyi yɛ krɛ́ ɛnkru-ɛvrivri-bɔ̀ nɔn (annanwɔrɛ mɛ̀n lɔ, eci léyi dú yɔ nɔn ke sɩ́ hán mɛ̀n eci zriɛmɛ́n, ɔmuhi Ɔwɔ ke sɩ́ ci ɔwrɔn anvɛ wú mrɛ̀n nɔn), zɛtɛn anwrɔn ndɔ hɔ̀n lɔ kè sɩ̀ wà ɛnyànmàn wrù kɛ̀ tàn mɛ̀n.

Galasi anmàn-bɔ̀ 2:9

Zhakɛ̀n, Piɛrɛ̀n mán Zhan hɔ̀n léyi ndù hán Ɔwɔ-fɛcüè bù-nan hɔ́ nɔn, nyri ɔmu le Ɔwɔ wá mɛ̀n ɔkɔ̀hɔ̀n vɛ́n ndɔ lɔ antamɛ̀n; zɛtɛn yɔ tán bɔ̀ ɛkɔrɛ̀, Barnabasɛ̀n mán mɛ̀n, ɔmùan-krɔn ci-hán mɛ̀n. Ɔmu lɔ de, bɔ lɛ fɛn ɔmùan-krɔn mɛ̀n lɔ, bɔ̀ wá le, bɔ́ eci-hán mɛ̀n lɔ, bɔ́ lɛ hɔ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn y'anwanzi bɔ̀ hán ɔkɔ̀hɔ̀n, kɩ yɔ tɛn yɔ lɛ hɔ́n Zhüifɛ̀n-bɔ̀ yri.

Anhyrɛmɛ̀n timote 3:13

Tɛ́n anbɔrɛ-bɔ̀ mán anhyɔ̀n-bɔ̀ kɛ lɛ hɔ́n esù she y'eci-gbàngbàn hán mɛ̀n, yɔ lɛ frɛ́n anwrɔn ndɔ hɔ̀n kɩ yɔ mán yɔ lɛ frɛ́n yɔ.

Zhakɛ̀n 1:22

Nyɛ́n bɩ́ frɛ́n ny'edomɛ̀n Ɔwɔ ankà nukù-diemɛ̀n, tɛ́n ke ji le nyɛ́n hán n'ɛkɔrɛ̀-zì ci.

Zhakɛ̀n 1:26

Ke dú kɛ ɔwrɔn ke tro le nɛ̀n dú Ɔwɔ wrɔn kɩ nɛ́n sɩ́ nyri crɛ n'ɔwɔɛ̀n lɔ ankà-dɔ́ mɛ̀n hô, nɛ̀n dú ɛzɛ́n mɛ̀n: N'Ɔwɔ kɔ̀hɔ̀n lɔ ke sɩ̀ ẅɛ̀n vɔ̀nshɛ́.

1 Zhan 1:8

Ke dú kɛ bó tro tán le, ɛgbàn bàda bɔ̀ edomɛ̀n, bɔ́ frɛ́n bɔ́ dùku bɔ́ edomɛ̀n kɩ annanwɔrɛ bàda bɔ̀ ɛmɛ̀n.