Galasi anmàn-bɔ̀ 6:2 - Ɛmɛẅi ankà ankrànkràn 2003

² Nyɛ́n wá ny'edomɛ̀n ɛkɔrɛ̀ ny'ɛnlowru wɔrɔ mɛ̀n: ɔmu lɔ de nyɛ lɛ ẅɛn Krisì nyànmàn kɔrɛ̀-zì nyɛ́n hɛ́n nɔn.

Galasi anmàn-bɔ̀ 6:2 Iomraidhean Croise

Matie 8:17

Zhezü hán eci ndɔ lɔ, ô Ɔwɔ-mùanwú-ankà-dɔ́-wrɔn Ezàhi ankà-dɔ̀ lɔ kɛ̀ sá nmù: “Nɛ̀n bɩ́ bɔ́ edomɛ̀n gbànkàn lɔ fɛn kɩ nɛ̀n bɩ́ bɔ́ ɛnlɔẅiɛ hɔ̀n lɔ fɛn nɛ̀n wɔrɔ.”

Lükɛ̀n 11:46

Zhezü mrɛ́n nɛ̀n ɔmùan le: “Muzhie dú nyɛ́n mán nyɛ tɛn, ɛnyanmàn-gbànvri-ankà-yé-bɔ̀! Nye bɩ́, ɛnlowru srɔnsrɔn nyɛ wá anwrɔn ejüi, kɩ nyɛ́n sɩ́ wá yɔ ɛkɔrɛ̀ ɛtie-ẅì mùan, ô yɔ wɔrɔ ɛnlowru hɔ̀n lɔ.

Zhan 13:34

Mɛ tán nyɛ̀n ɛnyanmàn wrù tɔ̀n: nyɛ́n cüɛn ny'edomɛ̀n. Ke ji le nyɛ́n cüɛn ny'edomɛ̀n hán ɔmu le mɛ cüɛn nyɛ̀n nɔn.

Zhan 15:12

Nyàn m'ɛnyanmàn lɔ: nyɛ́n cüɛn ny'edomɛ̀n kɛ hán ɔmu le mɛ cüɛn nyɛ̀n nɔn.

Rɔmɛ̀n-anmàn-bɔ̀ 15:1

Bɔ́ léyi ankaẅì-bùtan ẅɛn bɔ̀ ecüì nɔn, ke ji le bɔ̀ bɩ́ ɛnbɔrɛ wɔwɔ mɛ̀n, anwrɔn hɔ̀n léyi ankaẅì-bùtan kè sɩ̀ ẅɛ̀n ecüì nɔn, y'ɛzɛ̀n-ci-hán lɔ. Ke sɩ́ ji le bɔ́ ji eci léyi dú bɔ́ ɛcüɛn-ci nɔn.

Rɔmɛ̀n-anmàn-bɔ̀ 8:2

Ɔmuhi Ɛnhɛ́n Prɔnprɔn nyànmàn léyi kɛ tán ɛwúvà-kɔrɛ̀ Zhezü Krisì bɩmɛ̀n nɔn, bɩ́ mɛ́n sɔhɔ́ ɛgbàn nyànmàn mán owù tamɛ̀n.

1 Korɛntɛ̀n anmàn-bɔ̀ 9:21

Ɔmu zri lɔ, ɛnvra léyi mɛ̀n mán anwrɔn hɔ̀n léyi kè sɩ̀ nyrì Mohizì nyànmàn mɛhi bɔ́ yɛ́ nɔn, mɛ ẅɛn ɛwúvà kɛ hán yɔ hɔ́, mɛ́n sɩ́ crɛ-nyan ɛnyànmàn ndɔ lɔ, ô mɛ̀n cɔ́ yɔ. Ndɔ lɔ ke sɩ́ yé le Ɔwɔ nyànmàn ke sɩ́ hán mɛ̀n eci zriɛmɛ́n, ɔmuhi mɛ̀n dú Krisì nyànmàn kɔrɛ̀-levri wú nɔn.

Galasi anmàn-bɔ̀ 6:5

Ɔmuhi ke ji le ɔwrɔnwrɔn kɛ̀ wɔrɔ nɛ́n dùku n'ɛnlowrú lɔ nɔn.

1 Tesalonikɛ̀n anmàn-bɔ̀ 5:14

Bɔ́ wá tán nyɛ̀n, anwrɔn-nɛ́n-muan-ẅì hɔ̀n: nyɛ́n dɔ́ ɛjɛ́-bɔ̀ ankà, nyɛ́n yɩ́ ɛnjansu-bɔ̀ edù, nyɛ́n wá edùka-bɔ̀ ɛkɔrɛ̀, nyɛ́n ẅɛn ɛnbɔrɛ nyɛ́n hɛ́n yɔ lɛ fɛn y'ɛtɛ̀sɛ̀n.

Zhakɛ̀n 1:25

Tɛ́n, ɔwrɔn léyi kɛ crɛ́n Ɔwɔ nyanmàn ankrànkràn lɔ ɛmɛ̀n anvrɛnvrɛn nɔn, ɛnyanmàn léyi kɛ tán bɔ̀ ɛkɔrɛ̀levri eci-hán mɛ̀n, hɩ kɛ ẅɛn nɛ̀n kɛ hɛ́n ɔmùan-zri-diemɛ̀n, hɩ ke sɩ́ bɩ́ nɛ̀n ke yuru esùva, hɩ kɛ hán n'ɛkɔrɛ̀-zì-ci nɔn, ɔwrɔn ndɔ lɔ, Ɔwɔ ke le fú nɛ̀n ɛnshi n'eci-hán mɛ̀n.

Zhakɛ̀n 2:12

Nyɛ́n dɔ́ ankà, ô nyɛ́n hán eci, kè dù kɛ̀ cá anwrɔn hɔ̀n léyi ɛnyanmàn ke le ci ɛmrɛ̀n ô kɛ̀ tán ɛkɔrɛ̀levri eci-hán mɛ̀n nɔn.

Zhakɛ̀n 2:8

Ankaẅì, nyɛ hán eci anvrɛnvrɛn, ke dú kɛ nyɛ ẅɛn Anhobɩ́ Nɛ̀ncüì-dúyri nyanmàn kɔrɛ̀zì-ci nyɛ hɛ́n, hán ɔmu le Owrú Prɔnprɔn yé nɔn: “Ɛ̀ cüɛ́n ɛnyran-wrɔnẅì kɛ̀ hán vɛ́n mumù hɔ́.”

1 Piɛrɛ̀n 2:24

Nɛ́n dùku n'edùwru ẅia lɔ mɛ̀n, nɛ̀n bɩ́ bɔ́ ɛgbàn hɔ̀n lɔ ɛgbàn-hán-tɛ̀ wú, ô bɔ̀ wú ɛgbàn mɛ̀n, ô bɔ̀ cɔ́ ɛnyrɔnnan wúvà. N'ecifɔn hɔ̀n lɔ mɛ̀n de nyɛ́n cɔ́ ɔkɔrɛ̀ nɔn.

2 Piɛrɛ̀n 2:21

Zrɔ tán ɔmu le yɔ tɛn, ye bɩ́ nyri ɛnyrɔnnan levrí lɔ, kɩ yɔ nyri nɛ̀n, ô yɔ vru yɔ crɛ ejüi yɔ sɔ́n ɛnyanmàn prɔnprɔn léyi yɛ tán yɔ nɔn.

2 Piɛrɛ̀n 3:2

Me ji le, ankà-dɔ̀ hɔ̀n léyi ɛnbiɛhɛ́n Ɔwɔ-mùan-wú-ankà-dɔ́-bɔ̀ prɔnprɔn, bɔ́ Ɛẅɛnwrɔn mán Ebɩdiewrɔn nyànmàn tán ɔkɔ̀hɔ̀n-wá-bɔ̀ mùan mɛ̀n nɔn, kè bru nyɛ̀n.

1 Zhan 4:21

Nyàn ɛnyanmàn léyi Krisì tán bɔ̀ nɔn: Ɔwrɔn léyi kɛ cüɛn Ɔwɔ nɔn, ke ji le nɛ̀n cüɛn nɛ́n muanẅì mán.