Biblia Todo Logo
Bìoball air-loidhne

- Sanasan -




Galasi anmàn-bɔ̀ 6:1 - Ɛmɛẅi ankà ankrànkràn 2003

1 Anwrɔn-nɛ́n-muan-ẅì hɔ̀n, ke dú kɛ ɔwrɔn tɔ̀n ke bru ɛgbàn mɛ̀n hô, nyɛ́n léyi nyɛ́n ẅɛn Ɔwɔ Hɛ́n nɔn, nyɛ́n bɩ́ nɛ̀n nyɛ́n sɩ́ ɛnlevri ankrankran wú; tɛ́n nyɛ́n ẅɛn ɛnbɔrɛ-wɔ̀ n'ɛtɛ̀sɛ̀n. Kɩ nyɛ́n mán nyɛ́n wá esùva anvrɛnvrɛn, ô nyɛ́n bɩ́ teze ny'edòmɛ̀n ɔwɔɛ̀nnyan mɛ̀n.

Faic an caibideil Dèan lethbhreac




Galasi anmàn-bɔ̀ 6:1
41 Iomraidhean Croise  

Nyɛ́n bɩ́ m'ejüedì gbànkàn lɔ, ô nyɛ́n teze mɛ̀n, mɛ̀n yé nyɛ̀n ankà, ɔmuhi mɛ́n wɔ̀ kɩ mɛ́n dú ɛnhyɔ̀bɔ-wrɔn nɔn, kɩ nyɛ lɛ cɔ́ ɛwrɔncüe léyi dú nyɛ́n dùku nyɛ tɛn nɔn.


Piɛrɛ̀n yɛ́ ɛntrɛ, ebɩ́ vriemɛ̀n. Ɔwɔ-cice-wrɔn cüìcüì ci-bɩtan-hi tɔ̀n sɔnba nɛ̀n ɛtɛ̀sɛ̀n kɩ kɛ dɔ́ nɛ̀n le: “Vɛ́n mán, è dú Zhezü, Galile-wrɔn ndɔ lɔ ɛtɛ̀sɛ̀n.”


kɩ ankà léyi Zhezü dɔ̀ nɔn, bru Piɛrɛ̀n: “Ɔkɔ̀sɔ̀-cüì ke sɩ̀ di nkù, kɩ ɛ lɛ dɔ́ andɛ̀n-anhɔ̀n le, è sɩ̀ nyrì mɛ̀n.” Piɛrɛ̀n srɔ ɛntrɛ kɩ ke wú eyú obòto mɛ̀n.


Nyɛ́n hɔ̀n nyɛ́n ji Owrú Prɔnprɔn mɛ̀n ankà-dɔ̀ ndɔ lɔ n'ɛmɛ̀n: ‘Ɛcüɛ̀n de me ji nɔn, tɛ́n kè sɩ̀ dù annɔ̀n cice.’ Ɔmuhi, mɛ̀n sɩ̀ và ɛci-ankrànkràn-hán-bɔ̀ kruhú, tɛ́n anwrɔn hɔ̀n léyi nyɛ krɛ́ eci-gbàngbàn-hán-bɔ̀ nɔn yɔ kruhú de mɛ́n và nɔn.”


Nyɛ́n ẅɛn ɔwrɔn léyi ankaẅì-bùtan cɛcɛ nɔn anvrɛnvrɛn, kɩ ke sɩ́ ji le nyɛ́n kɛ́n n'ankà-tro ankà ezì.


Bɔ́ léyi ankaẅì-bùtan ẅɛn bɔ̀ ecüì nɔn, ke ji le bɔ̀ bɩ́ ɛnbɔrɛ wɔwɔ mɛ̀n, anwrɔn hɔ̀n léyi ankaẅì-bùtan kè sɩ̀ ẅɛ̀n ecüì nɔn, y'ɛzɛ̀n-ci-hán lɔ. Ke sɩ́ ji le bɔ́ ji eci léyi dú bɔ́ ɛcüɛn-ci nɔn.


Ke dú kɛ bɔ́ hán bɔ́ ɛnbɔrɛmɛ̀n ci hɔ̀n léyi bɔ́ ji nɔn hô, bɔ́ hɔ́n owúemɛ̀n; tɛ́n ke dú kɛ bɔ́ hán Ɛnhɛ́n Prɔnprɔn ci hɔ̀n léyi ke ji nɔn hô, bɔ́ hɔ́n ɛwúvà-kɔrɛ̀ mɛ̀n mán anwɔwɔ mɛ̀n.


Kɩ, ke dú kɛ ɔwrɔn tɔ̀n ke tro le nɛ̀n nyɔn ɛwúɛ, nɛ̀n wá esùva, ô nɛ́n bɩ́ bore hɛ.


Ke dú kɛ Ɔwrɔn tɔ̀n ke tro le nɛ̀n dú Ɔwɔ mɛẅi ankà-dɔ́-wrɔn, kɩ ne tro le nɛ̀n cɔ́ ɛnhɛ́n mɛ̀n cice, ke ji le nɛ̀n nyrì le owrú léyi mɛ̀n merɛ́n nɔn, dú Ɛẅɛnwrɔn nyànmàn tɔ̀n.


Ɔwrɔn léyi ẅɛn Ɔwɔ Hɛ́n nɔn, ke le nyri eci lɔ fɛn, tɛ́n ɔwrɔnẅì zriɛmɛ́n ke sɩ̀ ci nɛ̀n ɛmrɛ̀n rɔ́.


Annanwɔrɛ mɛ̀n lɔ, anwrɔn-nɛ́n-muan-ẅì hɔ̀n, mɛ̀n sɩ̀ cɔ̀ nyɛ̀n ankà-dɔ́ yri kɛ̀ hàn anwrɔn hɔ̀n léyi ẅɛn Ɔwɔ Hɛ́n nɔn: mɛ̀n dɔ́ nyɛ̀n ankà hán ɛnhibù ndɔ lɔ bɔ̀ hɔ́, hán ɛẅì hɔ̀n léyi dú Krisì ankaẅì-bùtan mɛ̀n nɔn.


Ecitan de nyɛ cüɛ̀n nɛ́n? Mɛ̀n bɩ́ ɛtɛ̀ kpò mɛ̀n vá nyɛ̀n ɛmɛ̀n, kale mɛ̀n bɩ́ ɛnbɔrɛ léyi ɛcüɛ̀n mán anwɔwɔ yɩ́ ɛmɛ̀n nɔn mɛ̀n vàà?


Nyɛ́n bɩ́ krɔ ny'edomɛ̀n ny'ɔbɔ̀sɔ̀ lɔ mɛ̀n ke dú kɛ kè sɩ̀ dù ɔmùan-krɔn zriemɛ̀n, ô nyɛ́n dú Ɔwɔ sɛ́n mɛ̀n ɛnvra cá mɛ̀n; tɛ́n ɛnvra lɔ kɛ vácì hô, nyɛ́n vru nyɛ́n bɔ̀sɔ ny'edomɛ̀n, kè sɩ̀ dù ɔmu lɔ hô, nyɛ́n sɩ̀ ẅɛn ny'edomɛ̀n nyɛ́n hɛ́n rɔ́, kɩ nye le bru Anwa-wrɔn wɔ̀ɛn-nyan lɔ mɛ̀n.


Mɛ̀n Pɔlɛ̀n, mɛ́n dùku me bi nyɛ̀n: mɛ̀n léyi mɛ̀n dú, edomɛ̀n-ɛnhi-sɩemɛ̀n ɛnvra léyi me dú nyɛ̀n ɛmɛ̀n, hán ɔmu le yɛ dɔ̀ nɔn, tɛ́n mɛ ẅɛn ɛnkru shishi ɛnvra léyi mɛ́n sɩ́ dú nyɛ̀n ɛmɛ̀n nɔn. Krisì bɔrɛ-wɔ̀ mán n'ɛzrɔ lɔ mɛ̀n,


hɩ le kruhú de ke ji le zɛtɛ̀ lɔ, nyɛ́n bɩ́ ɛgbàn nyɛ́n ce nɛ̀n, nyɛ́n yɩ́ nɛ̀n edù, ô nɛ́n bɩ́ dú obòtò vriemɛ̀n, kɛ hán tán n'esɛ́ lɔ fɛn kɛ hɔ́n ɛzrɛ́n mɛ̀n.


Hɩ le kruhú, mɛ dɔ́ nyɛ̀n le, nyɛ́n yé nɛ̀n ɛcüɛ̀n léyi nyɛ́n ẅɛn n'ɛwú nɔn.


ɛnbɔrɛ-wɔ̀ mán edomɛ̀n-ẅɛ̀n-hɛ́n. Annanwɔrɛ mɛ̀n lɔ, ɛnyànmàn ke sɩ́ kɛ́n eci-hán-ci ndɔ hɔ̀n lɔ ezì!


Anwrɔn-nɛ́n-muan-ẅì hɔ̀n, bɔ́ Ɛẅɛnwrɔn Zhezü Krisì boafɔ̀n kè dú nyɛ̀n ɛmɛ̀n. Kè dú ɔmu lɔ.


Ɔtrɔmɛ̀n lɔ, anwrɔn-nɛ́n-muan-ẅì hɔ̀n, bɔ̀ yé nyɛ̀n esùnan léyi ke ji le nyɛ́n ẅɛ̀n ô Ɔwɔ kɛ̀ cüɛn nyɛ̀n nɔn. Annànwɔrɛ mɛ̀n lɔ, esùnan ndɔ lɔ de nyɛ́n ẅɛ̀n nɔn. Tɛ́n zɛtɛ̀ lɔ, bɔ́ sán nyɛ̀n kɩ bɔ́ sɛ́n nyɛ̀n Ɛẅɛnwrɔn Zhezü bɩmɛ̀n: nyɛ́n vru nyɛ́n hán kɛ̀ vrán.


Kɩ, nyɛ́n bɩ́ hán nɛ̀n egbri-wrɔn ci, tɛ́n nyɛ́n bi-dɔ́ nɛ̀n ɔwrɔn-nɛ́n-muan-ẅì mɛ̀n.


ke ji le nɛ̀n yé n'ezì-kɛ́n-bɔ̀ ankà anwɔwɔ mɛ̀n: me bú tán le, Ɔwɔ kɛ lɛ tán yɔ ɛnkru-sàn-crɔn, ô yɔ nyri ankà annanwɔrɛ.


Nyɛ́n nán esù ɛnlevri léyi nyrɔn anvrɛnvrɛn nɔn wú, ô ɛnan léyi kɛ soze nɔn, ke bɩ́ cɔ́ ɛnlɔẅiɛ, tɛ́n nɛ̀n cɔ́ ɛkɔrɛ̀ kpàkprà.


Nyɛ́n tro anwrɔn hɔ̀n léyi dú anwɔn-mɛ̀n-wá-wɔn mɛ̀n nɔn y'ankà, kɛ hán le yɔ mɛhi de nyɛ́n dú anwɔn-mɛ̀n-wá-wɔn mɛ̀n. Nyɛ́n tro anwrɔn hɔ̀n léyi yɛ hán ɛgbàn, ɔmuhɩ nyɛ́n mán ny'edùwru lɔ dú ɛgbànkan ci nɔn.


Ny'ɛmɛ̀n lɔ ɔwrɔn tɔ̀n ke tro le nɛ̀n dú ankà-nyri-wrɔn hán? Nɛ̀n hán tán yɔ kán n'esù ankrankran nàn, n'eci-hán, n'edomɛ̀n ɛnhi-sɩ́ mán n'ankà-nyrì-ẅɛn mɛ̀n.


Bɔ́ hán ɛzɛ́n-ci ɛci bobrebe hán mɛ̀n. Ke dú kɛ ɔwrɔn tɔ̀n ke sɩ́ zɛ́n n'ankà-dɔ́ mɛ̀n hô, nɛ̀n dú ɔwrɔn anvrɛnvrɛn tɔ̀n léyi kɛ lɛ bɔ̀sɔ n'edùwru lɔ tɛ̀ nɔn.


Tɛ́n nyɛ́n ẅɛn Krisì wá kè dú ny'ɛnbɔrɛ hɔ̀n lɔ mɛ̀n, kɛ hán ny'Ɛẅɛnwrɔn hɔ́. Ɛnbì lɔ fɛn nyɛ́n krɔn kpehɛ́n, ô nyɛ́n dɔ́ ankà nyɛ́n tán ny'edomɛ̀n ɛnvra léyi ye le yrɛ nyɛ̀n ny'esɛ́ léyi nyɛ́n ẅɛn Ɔwɔ mɛ̀n nɔn n'ɛwú ankà.


Ke dú kɛ ɔwrɔn tɔ̀n kɛ kán nɛ́n muanẅì kɛ hán ɛgbàn léyi ke sɩ̀ sɩ́ nɛ̀n owúemɛ̀n nɔn, ke ji le nɛ̀n sɛ̀n, kɩ Ɔwɔ kɛ lɛ tán nɛ́n muanẅì ndɔ lɔ ɛwúvà-kɔrɛ̀. Ndɔ lɔ zrɔ tán anwrɔn hɔ̀n léyi ke sɩ́ hán owú gbàn nɔn. Tɛ́n ɛgbàn tɔ̀n ndù ke sɩ́ owúemɛ̀n, kɩ mɛ́n sɩ́ wá tán yɛ sɛ́n Ɔwɔ ɛgbàn ndɔ lɔ kruhú.


Lean sinn:

Sanasan


Sanasan