Galasi anmàn-bɔ̀ 5:2 - Ɛmɛẅi ankà ankrànkràn 2003

² Nyɛ́n die nukùɛ! Mɛ̀n, Pɔlɛ̀n, mɛ dɔ́ nyɛ̀n annanwɔrɛ mɛ̀n le: ke dú kɛ nyɛ hán ye wi nyɛ̀n wúcɔ̀-domɛ̀n hô, zɛtɛn Krisì srɔ ny'eci woro.

Galasi anmàn-bɔ̀ 5:2 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 15:1

Anwrɔn jan dú Zhüde kpɔsɔ wú vá Antiɔshɛ̀n anmàn kɩ bukru ke yé yɔ muan-ẅì hɔ̀n ankà-yé ndɔ lɔ: “Nyɛ́n sɩ̀ cɔ́ ɛnkru-kɔrɛ̀ ke dú kɛ ye sɩ̀ wì nyɛ̀n wúcɔ̀-domɛ̀n hán ɔmu le Mohizì nyanmàn wá tán nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 15:24

Bɔ̀ yá le anwrɔn dú bɔ́ anmàn nvà, wá nyɛ̀n ejüe, ku nyɛ̀n ɛnkrɛ̀ta y'ankà-dɔ́ mɛ̀n. Bɔ̀ sɩ̀ tán yɔ ɛkɔrɛ̀-levri zriɛmɛ́n ankà ndɔ lɔ wú.

Ɔkɔ̀hɔ̀n-wá-bɔ̀ kɔ̀hɔ̀n hán 15:5

Tɛ́n Ɔwɔ-nyanmàn-sùva-wá-bɔ̀ jan léyi srɔ ankaẅì-bùtan-ẅɛn-bɔ̀ nɔn, bɩ́ ankà kɩ kɛ dɔ̀ le: “Ke ji le ankaẅì-bùtan-ẅɛn-bɔ̀ léyi kè sɩ̀ dù Zhüifɛ̀n-bɔ̀ nɔn, kè wí wúcɔ̀-domɛ̀n, ô yɔ wá Mohizì nyanmàn lɔ.”

1 Korɛntɛ̀n anmàn-bɔ̀ 16:21

Mɛ́n dùku m'antamɛ̀n de me merɛ́n ankà-dɔ̀ ndɔ hɔ̀n lɔ nɔn: Pɔlɛ̀n binyan.

2 Korɛntɛ̀n anmàn-bɔ̀ 10:1

Mɛ̀n Pɔlɛ̀n, mɛ́n dùku me bi nyɛ̀n: mɛ̀n léyi mɛ̀n dú, edomɛ̀n-ɛnhi-sɩemɛ̀n ɛnvra léyi me dú nyɛ̀n ɛmɛ̀n, hán ɔmu le yɛ dɔ̀ nɔn, tɛ́n mɛ ẅɛn ɛnkru shishi ɛnvra léyi mɛ́n sɩ́ dú nyɛ̀n ɛmɛ̀n nɔn. Krisì bɔrɛ-wɔ̀ mán n'ɛzrɔ lɔ mɛ̀n,

Galasi anmàn-bɔ̀ 5:11

Mɛ tɛn tɛ́n, anwrɔn-nɛ́n-muan-ẅì hɔ̀n, ke dú kɛ, ke dú annanwɔrɛ le mɛ̀n vru mɛ dɔ́ wúcɔ̀-dɔmɛ̀n-wi ankà, cɛci kruhú kɛ ye vru yɛ kɔ́n mɛ̀n anhàa? Ndɔ lɔ wú, ke dú kɛ yɛ dɔ́ Krisì gbàn-hán-tɛ̀ domɛ̀n gɔ̀n brɛ́ ankà hô, ke sɩ̀ vru dù ɛnkruemɛ̀n-jrɛ́ ankà kɛ̀ tán ɔwrɔn zriɛmɛ́n.

Galasi anmàn-bɔ̀ 5:6

Ɔmuhi Ɔwrɔn léyi dú ɔbɔ̀sɔ mɛ̀n nɛ́n mán Krisì mɛhi, ke dú kɛ ye wi nɛ̀n wúcɔ̀-domɛ̀n mán, kɩ ye sɩ̀ wi nɛ̀n wúcɔ̀-domɛ̀n mán, ndɔ lɔ kè sɩ̀ ẅɛ̀n vɔ̀nshɛ́ zriɛmɛ́n: eci léyi dú ɛnkrugbɔ nɔn, dú ankaẅì-bùtan léyi dú ɛcüɛ̀n mɛ̀n nɔn.

1 Tesalonikɛ̀n anmàn-bɔ̀ 2:18

Zɛtɛn bɔ̀ ji ɛyri ô bɔ̀ vru bɔ̀ hɔ́n ny'anmàn, kɩ mɛ̀n Pɔlɛ̀n mɛ̀n ji n'ɛhán-yri, wi ɛdɛ̀n zri. Tɛ́n Anwa-wrɔn kɛ́n bɔ̀ hɛ́n.

Filemɔn 1:19

M'ɛkɔrɛ̀ wrú de dú ankà-dɔ̀ ndɔ hɔ̀n lɔ nɔn: Mɛ̀n Pɔlɛ̀n, mɛ lɛ wɔrɛ̀ tán mɛ́n. Mɛ́n sɩ́ ji mɛ̀n kore mɛ́n le, v'ɛwúvà lɔ, ɛ̀ ẅɛn mɛ̀n n'ɔwɔ̀ɛn.

Filemɔn 1:9

mɛ cüɛ̀n le mɛ̀n sán mɛ́n eci ɛcüɛ̀n bɩ́mɛ̀n. Ɔmu léyi mɛ́n dù, mɛ̀n Pɔlɛ̀n, nɛ̀ngbanvri-wrɔn, kɩ zɛtɛ̀ lɔ yɛ hɛ́n mɛ̀n anwɔn-mɛ̀n-wá-wɔn mɛ̀n Zhezü Krisì kruhú,

Ebre-bɔ̀ 4:2

Ɔmuhi bɔ̀ cɔ́ Ɔwɔ mùan ankà-dɔ̀ hán anwrɔn hɔ̀n léyi dú ɛnnùwì nɔn hɔ́. Tɛ́n, yɔ yá ɛmɛẅi ankà ndɔ lɔ kɩ yɔ sɩ̀ cɔ̀ nɛ́n vɔ̀nshɛ́, ɔmuhi ɛnvra léyi yɔ yá ankà lɔ nɔn, yɔ sɩ̀ bɩ́ nɛ̀n ankaẅìbùtan mɛ̀n.