Galasi anmàn-bɔ̀ 5:10 - Ɛmɛẅi ankà ankrànkràn 2003

¹⁰ Tɛ́n, Ɛẅɛnwrɔn kɛ tán mɛ̀n esɛ́ eci léyi kɛ crɛ nyan nyɛ̀n nɔn hɩ wú: mɛ̀n nyri annanwɔrɛmɛ̀n le nyɛ́n mán nyɛ́n sɩ̀ ẅɛn ankà-tro vɛ́n nyantɛn ke dú kɛ kè sɩ̀ dù m'ankà-tro lɔ. Tɛ́n ɔwrɔn léyi kɛ wá nyɛ̀n gbɔ̀gbɔ̀ edomɛ̀n nɔn, eci totɔtɔ̀n léyi dú nɛ̀n nɔn, nɛ lɛ cɔ́ Ɔwɔ nwù-bɔ̀.

Galasi anmàn-bɔ̀ 5:10 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 15:24

Bɔ̀ yá le anwrɔn dú bɔ́ anmàn nvà, wá nyɛ̀n ejüe, ku nyɛ̀n ɛnkrɛ̀ta y'ankà-dɔ́ mɛ̀n. Bɔ̀ sɩ̀ tán yɔ ɛkɔrɛ̀-levri zriɛmɛ́n ankà ndɔ lɔ wú.

1 Korɛntɛ̀n anmàn-bɔ̀ 5:5

zɛtɛn, ke ji le nyɛ́n bɩ́ ɔwrɔn ndɔ lɔ nyɛ́n tán anwa-wrɔn, ô n'ɛgbàn dùwrú lɔ kɛ̀ jrɛ́, tɛ́n ke ji le n'ɛnhɛ́n kɛ̀ cɔ́ ebɩ̀die Ɛẅɛnwrɔn bì lɔ.

2 Korɛntɛ̀n anmàn-bɔ̀ 1:15

Mɛ̀n ẅɛn esɛ́ ɔmu lɔ hɩ wú, kɩ mɛ̀n wá le mɛ lɛ gɔ̀ hɔ́n ny'edúyri, ô nyɛ́n cɔ́ anvrɛn-hán anhyrɛ̀.

2 Korɛntɛ̀n anmàn-bɔ̀ 10:2

mɛ sɛ́n nyɛ̀n: nyɛ́n bɩ́ hán mɛ̀n kèkrèmɛ̀n mɛ́n hán ɛnkru-shishi-ci ɛnvra léyi mɛ lɛ vá ny'edúyri nɔn; ɔmuhi me ji mɛ̀n hán ɛshishi-ci mɛ̀n yé anwrɔn hɔ̀n léyi ke tro le bɔ́ eci-hán dú anwrɔnẅìemɛ̀n tɛ̀kɩ.

2 Korɛntɛ̀n anmàn-bɔ̀ 10:6

Kɩ bɔ̀ krɔn kpehɛ́n, ô bɔ̀ kɔrɛ ezìkɛ̀n lɔ fɛn, kɩ ndɔ lɔ, ɛnvra léyi nye le yé ɔwá ci-hán anvrɛnvrɛn nɔn.

2 Korɛntɛ̀n anmàn-bɔ̀ 13:10

Nyàn eci le kruhú léyi me merɛ́n nyɛ̀n owrú ndɔ lɔ esù-she mɛ̀n nɔn: ô ɛnvra léyi me le dú nyɛ̀n ɛmɛ̀n nɔn, mɛ́n bɩ́ hán nyɛ̀n ɛnkru-shishi-ci, ɛnkru-shishi léyi Ɛẅɛnwrɔn kɔrɛ̀levri tán mɛ̀n nɔn, ɛkɔrɛ̀-levri léyi ke ji le nyɛ́n fɛcüè krubɔrɛ lɔ, kɛ̀ nán esù ɛwú kɛ̀ hɔ́n ezì, kɩ kè sɩ̀ dù hɩ le ká jrɛ́ nɛ̀n nɔn.

2 Korɛntɛ̀n anmàn-bɔ̀ 2:3

Nyàn eci le kruhú léyi mɛ̀n merɛ́n owrú hán ɔmu le mɛ̀n hán nɔn hɔ́: mɛ́n sɩ́ ji le mɛ vá ny'edúyri hô, anwrɔn dùku léyi kɛ lɛ tán mɛ̀n pɔpüɛ̀-brà nɔn, kɛ̀ hán mɛ̀n, mɛ̀n dú obòto mɛ̀n. Mɛ̀n nyri annanwɔrɛ mɛ̀n le: ɛnvra léyi me dú pɔ̀püɛ̀-bra mɛ̀n nɔn, nyɛ́n mán nyɛ́n dú ɛnbɔrɛbruemɛ̀n nyɛ lɛ fɛn.

2 Korɛntɛ̀n anmàn-bɔ̀ 2:6

Zro tán le ny'ɛmɛ̀n lɔ, ɔwrɔn ndɔ lɔ bobrebe kɛ bó nɛ̀n nwù,

2 Korɛntɛ̀n anmàn-bɔ̀ 5:16

Nyàn eci le kruhú léyi bɔ́ sɩ́ vru ẅɛn ɔwrɔn zriɛmɛ́n anhyɛyì n'ɔwrɔnẅì antà-dùwrú wú nɔn. Kɩ ke dú kɛ, ɛnbìɛhɛ́n vra lɔ, bɔ̀ bɩ́ Krisì bɔ̀ srɔ ɔwrɔnẅì, zɛtɛ̀ lɔ, bɔ́ sɩ́ vru bɩ́ nɛ̀n bɔ́ hán ɔwrɔnẅìɛ.

2 Korɛntɛ̀n anmàn-bɔ̀ 7:16

Mɛ̀n dú pɔ̀püɛ̀-brá mɛ̀n, ɔmuhi ɛnvra lɔ fɛn, mɛ̀n ẅɛn esɛ́ ny'ɛwú eci lɔ fɛn mɛ̀n nɔn.

2 Korɛntɛ̀n anmàn-bɔ̀ 8:22

Bɔ̀ hán yɔ, yɔ hɔ̀n, yɔ mán bɔ́ muan-ẅì mɛhi; bɔ̀ ci eci-hán bobrebe mɛ̀n, bɔ̀ wɔɛn nɛ̀n bɔ̀ nyan, kɩ nɛ̀n yé ɛnvra lɔ fɛn n'edùyì ci-hán ɔwɔ̀ɛn-nyan lɔ mɛ̀n. Tɛ́n zɛtɛ̀ lɔ, nɛ̀n vru nɛ̀n dú edùyiemɛ̀n, esɛ́ vri léyi nɛ̀n ẅɛn ny'ɛwú nɔn hɩ kruhú.

Galasi anmàn-bɔ̀ 1:7

Annanwɔrɛ mɛ̀n lɔ, ɛnyàntɛn zriɛmɛ́n bàdà; anwrɔn kɩ dù kɛ frɛ́n nyɛ̀n ɛnkruemɛ̀n, kɩ ke ji kɛ̀ crɔn Krisì Mɛẅi ankà Ankrankran lɔ.

Galasi anmàn-bɔ̀ 2:4

anwrɔn-nɛ́n-muan-ẅì hɔ̀n, ɛyɔ̀n-bɔ̀ léyi dú bɔ̀ ɛmɛ̀n nɔn, ke ji kɛ̀ hán ye wi nɛ̀n wúcɔ̀-dòmɛ̀n, kɩ yɔ sɩ̀ cɔ̀ n'ɛhán yri rɔ̀a. Anwrɔn ndɔ hɔ̀n lɔ bru bɔ́ fɛcüè lɔ mɛ̀n, ô kɛ̀ kprá bɔ́ ɛkɔrɛ̀-levri léyi dú Zhezü Krisì yri và, ô kè vru kè sɩ́ bɔ̀ ɛnyànmàn wɔ̀nẅìemɛ̀n.

Galasi anmàn-bɔ̀ 2:6

Tɛ́n anwrɔn hɔ̀n léyi yɛ krɛ́ ɛnkru-ɛvrivri-bɔ̀ nɔn (annanwɔrɛ mɛ̀n lɔ, eci léyi dú yɔ nɔn ke sɩ́ hán mɛ̀n eci zriɛmɛ́n, ɔmuhi Ɔwɔ ke sɩ́ ci ɔwrɔn anvɛ wú mrɛ̀n nɔn), zɛtɛn anwrɔn ndɔ hɔ̀n lɔ kè sɩ̀ wà ɛnyànmàn wrù kɛ̀ tàn mɛ̀n.

Galasi anmàn-bɔ̀ 3:1

Galasi anmàn-bɔ̀, ɔbrɔ̀sà-bɔ̀! Antɔnwrɔn de wá nyɛ̀n anwa ɛnkruemɛ̀n nɛ́n? Tɛ́n, Zhezü Krisì wù lɔ cehɛ́n de ye yé nyɛ̀n ɛgbàn-hán-tɛ̀ wú nɔn.

Galasi anmàn-bɔ̀ 4:11

Ny'ankà ke ku mɛ̀n ɛnkrɛ̀ta: ejüedì lɔ fɛn léyi mɛ̀n kán ny'ɛwú nɔn ke le dú eci woroɛ?

Galasi anmàn-bɔ̀ 4:17

Anwrɔn ndɔ hɔ̀n ndù ke yé vɔ̀nshɛ́ bobrebe léyi yɔ ẅɛn ny'ɛwú, tɛ́n y'ankà-tro kè sɩ̀ zrɔa. Eci léyi yɔ ji nɔn, yɔ mrɛ́n nyɛ̀n m'ɛtɛ̀sɛ̀n yɔ sɔhɔ́, ô nyɛ́n vɔ̀nshɛ́ ankà-tro lɔ fɛn kè dú yɔ tɛn.

Galasi anmàn-bɔ̀ 4:20

Andɛ̀n ɛbɛ de mɛ cüɛn ɔmu le mɛ̀n dú nyɛ̀n ɛmɛ̀n ɛnvra ndɔ lɔ mɛ̀n, ô mɛ̀n cɔ́ ɛyri mɛ̀n dɔ́ nyɛ̀n ankà nyàntɛn. Mɛ̀n dú ekpùsuemɛ̀n ny'ɛkruhú!

Galasi anmàn-bɔ̀ 5:12

Anwrɔn hɔ̀n léyi kɛ wá nyɛ̀n gbɔ̀gbɔ̀ edòmɛ̀n nɔn, yɔ hɔ́n esù she yɔ gbɔ̀gbɔ̀-kɔ̀hɔ̀n-hán lɔ mɛ̀n: yɔ voyan y'edomɛ̀n annan mán ankɔrɛ̀ annanwɔrɛmɛ̀n!

Galasi anmàn-bɔ̀ 5:7

Nyɛ́n bɩ́ esùnàn ankrankran ɛhɔ́n mɛ̀n lɔ! Antɔnwrɔn de jrɛ́ ny'edùyì sùnàn, ô ke bɩ́ tán nyɛ̀n ankà annanwɔrɛ kɔrɛ̀zì ci-hán-yri nɛ́n?

Galasi anmàn-bɔ̀ 6:17

Ɛnbi nyantɛn, ke sɩ́ ji le ɔwrɔn zriɛmɛ́n ke vru kɛ̀ wá mɛ̀n ejüe; ɔmuhi annrɛ̀n hɔ̀n léyi cüe mɛ̀n edomɛ̀n nɔn, ke yé le mɛ̀n dú Zhezü tɛn.

Filipɛ̀n anmàn-bɔ̀ 3:15

Bɔ́ lɛ fɛn lɔ bɔ̀ srɔ ɛcüìcüì Ɛnhɛ́n mɛ̀n, ke ji le ankà-tro ndɔ lɔ kè dú bɔ́ tɛn. Tɛ́n, ke dú kɛ nyɛ́n ẅɛn ankà-tro nyàntɛn, Ɔwɔ kɛ lɛ tán nyɛ̀n ɛyri-kàn hɩ wú.

2 Tesalonikɛ̀n anmàn-bɔ̀ 3:4

Kɩ Ɛẅɛnwrɔn kɛ tán bɔ̀ esɛ́ ny'ɛwú: bɔ̀ ẅɛn esɛ́ le nyɛ hán, kɩ nye le dú ɛmɛ̀n nyɛ́n hán eci léyi bɔ̀ wá bɔ̀ tán nyɛ̀n nɔn.

Kpàkpà timote 1:20

Y'ɛmɛ̀n lɔ yɛ cɔ́ Imene mán Alɛksandrɛ̀n; mɛ̀n bɩ́ yɔ mɛ̀n tán Anwarɔn, ô yɔ ván ɔmu le ke ji le yɛ wá Ɔwɔ nɔn.

Filemɔn 1:21

Mɛ̀n ẅɛn esɛ́ le, owrú léyi mɛ̀n merɛ́n mɛ́n nɔn, ɛ lɛ hán eci léyi mɛ sán mɛ́n nɔn; mɛ̀n nyri ɔmu le ɛ lɛ hán kɛ lɛ vrán ndɔ lɔ mán.