Galasi anmàn-bɔ̀ 5:1 - Ɛmɛẅi ankà ankrànkràn 2003

¹ Krisì srú bɔ̀ die ô bɔ̀ srɔ anwrɔn kora hɔ̀n annanwɔrɛ mɛ̀n. Nyɛ́n ẅɛn nɛ̀n ɛshishiemɛ̀n, nyɛ́n bɩ́ vru teze ny'edomɛ̀n nyɛ́n hɔ́n anwɔ̀nẅiemɛ̀n.

Galasi anmàn-bɔ̀ 5:1 Iomraidhean Croise

Matie 23:4

Yɔ bɩ́ ɛnlowrú srɔnsrɔn yɔ wɔrɔ anwrɔn kɩ yɔ sɩ́ wá yɔ ɛkɔrɛ̀ antie-ẅì mùan yɔ wɔrɔ ɛnlowrú lɔ.

Lükɛ̀n 5:38

Ke jí le nɛ̀n gbrɛ́ ankùa wrù mán ɔhɔnán, ô nɛ̀n gbrɛ́ ankùa cüɛ mán ɔhɔnán.

Ɔkɔ̀hɔ̀n-wá-bɔ̀ kɔ̀hɔ̀n hán 15:10

Zɛtɛn zɛtɛ lɔ, ecitan kruhú kɛ nyɛ wɔɛn Ɔwɔ nyɛ nyan, kɩ nye ji nyɛ́n wɔrɔ ankaẅì-bùtan-ẅɛn-bɔ̀ léyi kè sɩ̀ dù Zhüifɛ̀n-bɔ̀ nɔn, ɛnlowru léyi nyɛ́n nancüì hɔ̀n mán nyɛ́n mumù nyɛ́n sɩ̀ wɔrɔ rɔ́ nɛ́n?

Rɔmɛ̀n-anmàn-bɔ̀ 6:14

Annanwɔrɛmɛ̀n lɔ, ɛgbàn ke sɩ̀ vru ẅɛn ɛkɔrɛ̀-srɔn ny'ɛwú, ɔmuhi nyɛ́n sɩ̀ dù ɛnyànmàn kɔrɛ̀-levri wú, tɛ́n nyɛ́n dú Ɔwɔ-boafɔ̀n mɛ̀n nɔn.

Rɔmɛ̀n-anmàn-bɔ̀ 6:18

Yɛ mrɛ́n nyɛ̀n ɛgbàn mɛ̀n yɛ sɔhɔ́ kɩ nyɛ́n bru ɛnyrɔnnan ci-bɩtan-kɔ̀hɔ́n mɛ̀n.

Rɔmɛ̀n-anmàn-bɔ̀ 7:3

Ke dú kɛ ɛnnyɔnwrɔn lɔ kɛ srɔ ɛncɔnwrɔn nyàntɛn hi ɛnvra léyi nɛ́n cüì dú ɔkɔrɛ-bɔ̀ mɛ̀n nɔn, ɛnnyɔnwrɔn ndɔ lɔ kɛ hán ɛncɔnwrɔn-bi-gbàn; tɛ́n ke dú kɛ nɛ́n cüì ke wù, nɛ srɔ ɛnnyɔnwrɔn kora ɛnyànmàn zìwú, kɩ ne le dú ɛncɔnwrɔn nyàntɛn hi, nɛ́n sɩ̀ vru dú ɛncɔnwrɔn-bi-gbàn-hán mɛ̀n.

Rɔmɛ̀n-anmàn-bɔ̀ 7:6

Tɛ́n zɛtɛ̀ lɔ, bɔ̀ sɩ̀ vrù dù ɛnyànmàn kɔrɛ̀-levri wúɛ, ɔmuhi bɔ̀ wú eci léyi kɛ ẅɛn bɔ̀ hɛ́n ɛgbàn tamɛ̀n nɔn, n'ɛmɛ̀n. Ɛkɔrɛ̀levri dù bɔ́ lɛ hán Ɔwɔ ci-bɩtan-kɔ̀hɔ̀n eci-hán wrù mɛ̀n, Ɛnhɛ́n Prɔnprɔn kɔrɛ̀levriemɛ̀n, kɩ kè sɩ̀ vrù dù eci-hán gbànvri ndɔ léyi ɛnyànmàn merɛ́n nɔn n'ɛkɔrɛ̀levri mɛ̀n.

Rɔmɛ̀n-anmàn-bɔ̀ 8:15

Ɔmuhi Ɛnhɛ́n léyi nyɛ́n cɔ̀ nɔn, kè sɩ̀ dù Ɛnhɛ́n léyi kɛ srɔ nyɛ̀n anwɔ̀n-bɔ̀ kɩ kɛ hán ɛnjansù ke vru ke yɩ́ ny'ɛnbɔrɛ lɔ; tɛ́n Ɛnhɛ́n Prɔnprɔn de kɛ srɔ nyɛ̀n Ɔwɔ-ẅì hɔ̀n kɩ kɛ hán bɔ̀ bɔ́ di bobo bɔ́ dɔ́ Ɔwɔ le: “Ô mɛ́n Dade!”

Rɔmɛ̀n-anmàn-bɔ̀ 8:2

Ɔmuhi Ɛnhɛ́n Prɔnprɔn nyànmàn léyi kɛ tán ɛwúvà-kɔrɛ̀ Zhezü Krisì bɩmɛ̀n nɔn, bɩ́ mɛ́n sɔhɔ́ ɛgbàn nyànmàn mán owù tamɛ̀n.

1 Korɛntɛ̀n anmàn-bɔ̀ 15:58

Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.

1 Korɛntɛ̀n anmàn-bɔ̀ 16:13

Nyɛ́n yɛ́ ɛshishiemɛ̀n ankaẅì-bùtan-ẅɛn mɛ̀n, nyɛ́n ẅɛn edùyì, nyɛ́n ẅɛn ecüì.

1 Korɛntɛ̀n anmàn-bɔ̀ 7:22

Ɔmuhi ɔwɔ̀n-wrɔn léyi Ɛẅɛnwrɔn bi nɔn, nɛ̀n srɔ ɔwrɔn kora léyi dú Ɛẅɛnwrɔn tɛn nɔn; ɔmu zri lɔ, ɔwrɔn kora léyi Krisì bi nɔn, nɛ̀n dú Krisì wɔ̀n-wrɔn.

2 Korɛntɛ̀n anmàn-bɔ̀ 11:20

Nye shrì nyɛ tán yɛ hán nyɛ̀n anwɔ̀n-bɔ̀ ci, yɛ frɛ́n nyɛ̀n, ye bɩ́ nyɛ̀n ɛci edomɛ̀n yɛ sɔhɔ́, yɛ nyan nyɛ̀n ɛwú, yɛ cüran nyɛ̀n ansa anvɛmɛ̀n.

2 Korɛntɛ̀n anmàn-bɔ̀ 3:17

Tɛ́n, ebɩ́ léyi dú “Ɛẅɛnwrɔn” nɔn, ɛnu lɔ n'ɛmɛ̀n kɛ dɔ̀ le Ɛnhɛ́n; kɩ ɛyri léyi Ɔwɔ Hɛ́n ndù nɔn, nanvrɛn lɔ ɔwrɔncüe ndù.

Galasi anmàn-bɔ̀ 2:4

anwrɔn-nɛ́n-muan-ẅì hɔ̀n, ɛyɔ̀n-bɔ̀ léyi dú bɔ̀ ɛmɛ̀n nɔn, ke ji kɛ̀ hán ye wi nɛ̀n wúcɔ̀-dòmɛ̀n, kɩ yɔ sɩ̀ cɔ̀ n'ɛhán yri rɔ̀a. Anwrɔn ndɔ hɔ̀n lɔ bru bɔ́ fɛcüè lɔ mɛ̀n, ô kɛ̀ kprá bɔ́ ɛkɔrɛ̀-levri léyi dú Zhezü Krisì yri và, ô kè vru kè sɩ́ bɔ̀ ɛnyànmàn wɔ̀nẅìemɛ̀n.

Galasi anmàn-bɔ̀ 3:25

Zɛtɛ̀ léyi ankaẅì-bùtan vra cɔ̀ nɔn, bɔ̀ sɩ̀ vrù dù ɛnan-wrɔn ndɔ lɔ n'ɛkɔrɛ̀-levri wúɛ.

Galasi anmàn-bɔ̀ 4:26

Tɛ́n anhobɩ́ Zherüzalɛmɛ̀n lɔ nɛ̀n sɩ̀ dù anwɔ̀nẅiemɛ̀n, kɩ nɛ́n de nɛ̀n dù bɔ́ muan nɔn.

Galasi anmàn-bɔ̀ 4:31

Ɔmu zri lɔ de, anwrɔn-nɛ́n-muan-ẅì hɔ̀n bɔ̀ sɩ̀ dù ɛnnyɔnwrɔn léyi dú ɔwɔ̀n-hi nɔn n'ɛẅì hɔ̀n, tɛ́n bɔ̀ dú ɛnnyɔnwrɔn kora ẅì hɔ̀n.

Galasi anmàn-bɔ̀ 4:9

Tɛ́n zɛtɛ̀ léyi nyɛ́n nyri Ɔwɔ (kɩ Ɔwɔ mán nyri nyɛ̀n zɛtɛ̀ lɔ nɔn), anwɔntan kɛ hán ke cì kɛ̂ nye vru ɛmɛẅi nyɛ hɔ́n ɛjɛ̀ mán ɛmian hɛ́n cüì hɔ̀n yriɛ? Nye ji nyɛ́n vru nyɛ́n srɔ y'anwɔ̀n-bɔ̀a?

Galasi anmàn-bɔ̀ 5:13

Tɛ́n, nyɛ tɛn, anwrɔn-nɛ́n-muan-ẅì hɔ̀n, ye bi nyɛ̀n ô nyɛ́n ẅɛn ny'edomɛ̀n. Tɛ́n nyɛ́n bɩ bɩ́ ny'edomɛ̀n-ẅɛ̀n ndɔ lɔ nyɛ́n srɔ ɛkɔrɛ̀-levri ci, ô nyɛ́n hán ny'ɛnkruemɛ̀n ci léyi ny'ɛwúvà mumù lɔ ke ji nɔn. Tɛ́n nyɛ́n teze ny'edomɛ̀n nyɛ́n tán ɛcüɛ̀n, ô nyɛ́n dú nyɛ́n dùku ny'eci-bɩ̀tan kɔhɔ̀n mɛ̀n.

Efɛzɛ̀n anmàn-bɔ̀ 6:14

Nyɛ́n krɔn kpehɛ́n nyɛ́n nyɔn: annanwɔrɛ kè dú nyɛ́n pɛtɛ̀n nyɛ́n nyɔn ɛwùe; ɛnnyrɔnnan kè dú nyɛ́n anhà-kɔ́n ceci;

Filipɛ̀n anmàn-bɔ̀ 1:27

Tɛ́n, ny'esùnàn kè ci Krisì Mɛẅi ankà Ankrankran ci-hán lɔ wú. Ɔmu lɔ de, ke dú kɛ mɛ hɔ́n nyan nyɛ̀n, kɩ mɛ́n sɩ́ dú nyɛ̀n ɛmɛ̀n mán, mɛ lɛ yá le nyɛ́n dú ɔbɔ̀sɔ mɛ̀n ɛshishiemɛ̀n mán ɛnhɛ́n zriemɛ̀n, kɩ nyɛ kɔ́n anhà ɛnbɔrɛ zriemɛ̀n, ankaẅì-bùtan léyi nyɛ cɔ́ Ɛmɛẅi ankà Ankrankran lɔ wú nɔn hɩ kruhú.

1 Tesalonikɛ̀n anmàn-bɔ̀ 3:8

Zɛtɛ̀ lɔ bɔ̀ dú ɛwúvà wrù mɛ̀n, ɔmuhi nyɛ́n ẅɛn nɛ̀n ɛshishiemɛ̀n nyɛ́n hɛ́n nyɛ́n mán Krisì mɛhi ny'ɔbɔ̀sɔ̀ lɔ mɛ̀n nɔn.

2 Tesalonikɛ̀n anmàn-bɔ̀ 2:15

Ɔmu lɔ, anwrɔn-nɛ́n-muan-ẅì hɔ̀n, nyɛ́n nyɔn ɛshishiemɛ̀n, ô ankà-yé léyi bɔ̀ tán nyɛ̀n ankà-dɔ́ mɛ̀n mán b'owrú yüre mɛ̀n nɔn, nyɛ́n ẅɛ̀n hɛ́n.

Ebre-bɔ̀ 10:23

Bɔ̀ ẅɛn esɛ́ léyi bɔ́ gbú n'ɔmùan nɔn ɛshishiemɛ̀n bɔ̀ hɛ́n, ɔmuhi Ɔwɔ ke di ɔmùan-zri n'ɔmùan-wá hɔ̀n lɔ mɛ̀n nɔn.

Ebre-bɔ̀ 3:14

Annanwɔrɛ mɛ̀n lɔ, bɔ̀ dú Krisì sɛnkɛn-bɔ̀, ke dú kɛ bɔ́ ẅɛn nɛ̀n eshishiemɛ̀n hàn mán kɛ cɔ́ ɔtrɔ vra, esɛ́ léyi bɔ̀ ẅɛn ɛnkrubɔmɛ̀n nɔn.

Ebre-bɔ̀ 3:6

Tɛ́n Krisì dú ɔmùan-zri-di-wrɔn, nɛ́n léyi nɛ̀n dú ɛnkru, Ɔwɔ wɔn lɔ mɛ̀n nɔn. Kɩ bɔ̀ dú n'ɔwɔn lɔ, ke dú kɛ bɔ́ bɩ́ b'ankàẅì-bùtan mán bɔ́ esɛ́ ke dú b'ɔmùan-gbú-ci.

Ebre-bɔ̀ 4:14

Bɔ̀ ẅɛn ɛshishiemɛ̀n ankàẅì-bùtan léyi bɔ́ sɔ́n lele bɔ́ yé nɔn. Annanwɔrɛ mɛ̀n lɔ, bɔ̀ ẅɛn Ɔwɔ-cice-wrɔn cüìcüì tɔ̀n léyi nhɔ̀n, hàn mán cɔ́ Ɔwɔ mumù zìwú: nɛ́n de nɛ̀n dú Zhezü, Ɔwɔ Ẅì lɔ nɔn.

1 Piɛrɛ̀n 2:16

Nyɛ́n nyrɔn ny'edomɛ̀n kɛ̀ hán anwrɔn kora hɔ̀n hɔ́; tɛ́n nyɛ́n bɩ́ bɩ́ ny'anwrɔn kora hɔ̀n kɔrɛ̀levri lɔ nyɛ́n bán ɛgbàn, tɛ́n nyɛ́n hán Ɔwɔ ci-bɩtan-bɔ̀ kɔ̀hɔ̀n.

2 Piɛrɛ̀n 2:19

Yɔ wá yɔ ɔmùan le yɔ lɛ srɔ yɔ anwrɔn kora hɔ̀n, tɛ́n yɔ dùku mán yɔ dú anwɔ̀n-bɔ̀ léyi y'edù-ci kɛ jrɛ́ eci nɔn, ɔmuhi ɔwrɔnwrɔn dú eci léyi sevri ká nɛ̀n nɔn n'ɔwɔ̀n-wrɔn.

Zhüdɛ̀n 1:3

Annyran anvrɛn hɔ̀n, mɛ̀n ẅɛn ny'owrú merɛ́n ankà dú mɛ̀n ɛnkruemɛ̀n kpankpan, ô mɛ̀n dɔ́ nyɛ̀n ɛnkrukɔrɛ̀ ankà léyi dú bɔ́ tɛn nɔn. Tɛ́n, mɛ kàn le, ke ji le mɛ̀n hán kèkrèmɛ̀n mɛ̀n yüre nyɛ̀n owrú ndɔ lɔ, ô mɛ̀n yɩ́ nyɛ̀n edù, nyɛ́n kɔ́n anhà nyɛ́n tán ankaẅìbùtan léyi Ɔwɔ tán n'anwrɔn hɔ̀n léyi nɛ̀n mrɛ́n nɛ̀n bɩ́ brɛzri nɔn.

Ɔwɔ-mɛ̀n-yrikàn 2:25

Tɛ́n nyɛ́n ẅɛn ɛshishiemɛ̀n eci léyi nyɛ́n ẅɛ̀n nɔn, hàn kɩ mɛ̀n và.

Ɔwɔ-mɛ̀n-yrikàn 3:3

Ankà-yé léyi ɛ cɔ̀ mán ɔmu le ɛ̀ hán ɛ̀ yá nɛ̀n nɔn, è krosi v'edomɛ̀n; è di ɔmùan zri n'ɛtɛ̀sɛ̀n, ô ɛ̀ crɔn v'eci-hán-ci. Ke dú kɛ è sɩ̀ gbɛ́ anvɛ̀, mɛ lɛ và ẅɛn mɛ́n kɛ lɛ hán ɛci-yerɛ-wrɔn hɔ́, kɩ e sɩ̀ nyri ɛnvra léyi mɛ lɛ và nɔn.