Galasi anmàn-bɔ̀ 4:6 - Ɛmɛẅi ankà ankrànkràn 2003

⁶ Ɔwɔ hán n'Ɛnẅì Hɛ́n vá bɔ́ ɛnbɔrɛ hɔ̀n lɔ mɛ̀n, ô kè yé tán le nyɛ́n dú n'ɛẅì hɔ̀n annanwɔrɛ: Ɛnhɛ́n léyi ke di bobo le: “Abba, ô mɛ́n Dade!”

Galasi anmàn-bɔ̀ 4:6 Iomraidhean Croise

Markɛ̀n 14:36

Kɩ nɛ dɔ̀ le: “Ô mɛ́n Dade, ɛ̀ ẅɛn eci lɔ fɛn kɔrɛ̀levri; ɛ̀ hán ejüezì gbànkàn grashɛ̀n ndɔ lɔ kɛ̀ cɔhɔ́ mɛ̀n ezìwú. Ɛnvra lɔ fɛn kè sɩ̀ dù hɩ le me ji nɔn, tɛ́n hɩ le e ji nɔn.”

Lükɛ̀n 11:13

Anwrɔn gbangbàn hɔ̀n léyi dú nyɛ̀n nɔn, nye nyri tán ny'ɛẅì hɔ̀n ɛci ankrànkràn. Andɛ̀n ɛbɛ de bɔ́ Zi léyi dú anhobɩ́ nɔn, ke sɩ̀ tán n'Ɛnhɛ́n Prɔnprɔn lɔ, anwrɔn hɔ̀n léyi kɛ sán nɛ̀n nɔn!”

Lükɛ̀n 11:2

Zhezü kɛ dɔ́ yɔ le: “Ɛnvra léyi nyɛ sɛ́n-ɔwɔ nɔn, nyɛ́n dɔ̀ le: ‘Dade, v'ebi lɔ fɩ̀; v'ɛyri-ẅɛ̀n lɔ kɛ̀ vá ɛnu ɛnhi.

Zhan 14:16

Mɛ lɛ sán Dade kɛ̀ tán nyɛ̀n ɔwrɔn nyantɛn tɔ̀n kɛ wá nyɛ̀n ɛkɔrɛ̀, annanwɔrɛ Hɛ́n Prɔnprɔn, ô nɛ̀n dú nyɛ̀n ɛmɛ̀n ɛnvra lɔ fɛn.

Zhan 15:26

“Ɔwrɔn léyi kɛ lɛ wá nyɛ̀n ɛkɔrɛ̀ nɔn kɛ lɛ và: nɛ́n de nɛ̀n dú annanwɔrɛ Hɛ́n léyi dú Dade yri kɛ và nɔn. Me le yüre nyɛ̀n nɛ́n, Dade bɩmɛ̀n, kɩ ne le di mɛ̀n dalɛfuɛ.

Zhan 16:7

Ɔmu tɛ̀kɩ, mɛ̀n dɔ́ nyɛ̀n ankà annanwɔrɛ: zrɔ tán ɔmu le nyɛ kruhú mɛ̀n hɔ̀n, ɔmuhi, ke dú kɛ mɛ̀n sɩ̀ hɔ̀n hàn hô, ɔwrɔn léyi kɛ lɛ wá nyɛ̀n ɛkɔrɛ̀ nɔn, ke sɩ̀ vá nyɛ̀n ɛtɛsɛ̀n. Tɛ́n, ke dú kɛ mɛ hɔ̀n hô, me le yüre nyɛ̀n nɛ́n.

Zhan 3:34

Ɔwrɔn léyi Ɔwɔ wá ɔkɔhɔ̀n nɔn kɛ dɔ́ Ɔwɔ-mùanwú-ankà, ɔmuhi Ɔwɔ kɛ tán nɛ̀n kokroho n'Ɛnhɛ́n lɔ nɔn.

Zhan 7:39

Zhezü kɛ dɔ́ Ɛnhɛ́n Prɔnprɔn léyi, anwrɔn hɔ̀n léyi ke bú n'ankà kɛ tán ankaẅì kɛ lɛ cɔ̀ nɔn yi ankà. Hɩ vra lɔ mɛ̀n, Ɛnhɛ́n Prɔnprɔn kɛ vá và, ɔmuhi Zhezü kɛ vá bru n'eci-zrɔ lɔ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 16:7

Ɛnvra léyi yɔ cɔ́ Mizi kpɔsɔ wú tɛ̀sɛ̀n nɔn, yɔ wá yɔ hɔ́n Bitini kpɔsɔ wú, tɛ́n Zhezü Hɛ́n lɔ kè sɩ̀ tán yɔ ɛkɔrɛ̀-levri.

Rɔmɛ̀n-anmàn-bɔ̀ 5:5

Esɛ́ ndɔ lɔ ke sɩ́ wú bɔ̀ edù, ɔmuhi Ɔwɔ tán bɔ̀ n'ɛcüɛ̀n dú bɔ́ ɛnbɔrɛ hɔ̀n lɔ mɛ̀n, Ɛhɛ́n Prɔnprɔn léyi nɛ̀n tán bɔ̀ nɔn hɩ mɛ̀n.

Rɔmɛ̀n-anmàn-bɔ̀ 8:9

Tɛ́n nyɛ́n, nyɛ́n sɩ́ hán nyɛ́n dùku ny'ɛwúvà ci; ny'ɛwúvà lɔ dú Ɛnhɛ́n Prɔnprɔn mɛ̀n, ɔmuhi Ɔwɔ Hɛ́n Prɔnprɔn dú nyɛ̀n ɛmɛ̀n nɔn. Ɔwrɔn léyi kè sɩ̀ ẅɛ̀n Krisì Hɛ́n lɔ nɔn, nɛ̀n sɩ̀ dù Krisì tɛn.

1 Korɛntɛ̀n anmàn-bɔ̀ 15:45

Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Kpàkpà-wrɔn, Adamɛ̀n srɔ ɔwrɔnẅì kɔrɛkɔrɛ”; tɛ́n ɛmɛẅitrɔ Adamɛ̀n dú Ɛnhɛ́n léyi kɛ tán ɛwúvà nɔn.

2 Korɛntɛ̀n anmàn-bɔ̀ 1:22

nɛ̀n tán bɔ̀ n'ebɩ kɩ nɛ̀n wá bɔ́ ɛnbɔrɛ hɔ̀n lɔ mɛ̀n Ɛnhɛ́n Prɔnprɔn kè dù kɛ̀ hán anhoba-ci, anvrɛn hɔ̀n léyi nɛ̀n wá nɛ̀n hɛ́n bɔ̀ hán nɔn hɩ kruhú.

2 Korɛntɛ̀n anmàn-bɔ̀ 3:17

Tɛ́n, ebɩ́ léyi dú “Ɛẅɛnwrɔn” nɔn, ɛnu lɔ n'ɛmɛ̀n kɛ dɔ̀ le Ɛnhɛ́n; kɩ ɛyri léyi Ɔwɔ Hɛ́n ndù nɔn, nanvrɛn lɔ ɔwrɔncüe ndù.

Efɛzɛ̀n anmàn-bɔ̀ 1:13

Nyɛ́n mán ɛnvra léyi nyɛ́n yá annanwɔrɛ Mɛẅi ankà Ankrankran léyi vá sɩ́ nyɛ̀n ɛnkrukɔrɛ̀ nɔn, nyɛ́n bú Krisì ankà nyɛ́n tán ankaẅì; zɛtɛn, Ɔwɔ wá nyɛ̀n n'eci-woroan-ci ɛwú, ɛnvra léyi nɛ̀n tán nyɛ̀n Ɛnhɛ́n Prɔnprɔn léyi nɛ̀n wá ɔmùan nɔn.

Efɛzɛ̀n anmàn-bɔ̀ 2:18

Annanwɔrɛ mɛ̀n lɔ, Krisì mɛ̀n de bɔ lɛ fɛn, Zhüifɛ̀n-bɔ̀ mán yɔ hɔ̀n léyi kè sɩ̀ dù Zhüifɛ̀n-bɔ̀ nɔn, bɔ́ lɛ srɔ Ɔwɔ Zi ziwú tɛ̀, Ɛnhɛ́n Prɔnprɔn zri lɔ n'ecüìemɛ̀n.

Efɛzɛ̀n anmàn-bɔ̀ 4:30

Nyɛ́n bɩ́ hán Ɛnhɛ́n Prɔnprɔn léyi Ɔwɔ tán nyɛ̀n nɔn ɛnhyɔ̀bɔ̀ kɛ cɔ̀a; nɛ̀n dú dalɛfùɛ-di-wrɔn léyi ke yé le ɛnbì kɛ lɛ và, Ɔwɔ kɛ lɛ mrɛ́n nyɛ̀n ɛgbàn mɛ̀n kokroho kɛ̀ sɔhɔ́.

Efɛzɛ̀n anmàn-bɔ̀ 6:18

Ndɔ lɔ fɛn, nyɛ́n sán nɛ̀n Ɔwɔ-sɛ́n mɛ̀n. Hɛ̀ɛ̀, nyɛ́n sɛ́n ɛnvra lɔ fɛn, Ɛnhɛ́n Prɔnprɔn kɔrɛ̀-wá mɛ̀n. Hɩ mɛ̀n lɔ, anvɛmɛ̀n ke cüe nyɛ̀n, ô nyɛ́n dú ɛnvra lɔ fɛn ɔmùan-zri-diemɛ̀n. Nyɛ́n sɛ̀n nyɛ́n tán Ɔwɔ-fɛcüè lɔ fɛn;

Filipɛ̀n anmàn-bɔ̀ 1:19

ɔmuhi mɛ̀n nyri ɔmu le ndɔ lɔ fɛn ke le dú m'ɛnkrukɔrɛ̀, ny'Ɔwɔ-sɛ̀n mán Zhezü Krisì Hɛ́n kɔrɛ̀-wá léyi kɛ vá sɩ́ mɛ̀n nɔn, n'ɛkɔrɛ̀levri mɛ̀n.

1 Tesalonikɛ̀n anmàn-bɔ̀ 4:8

Hɩ le kruhú de, ɔwrɔn léyi kɛ kɔ́n ankà-yé ndɔ hɔ̀n lɔ ke die nɔn, nɛ́n sɩ́ kɔ́n ɔwrɔn zriɛmɛ́n nɛ́n diɛ, tɛ́n Ɔwɔ léyi kɛ tán nyɛ̀n n'Ɛnhɛ́n Prɔnprɔn de nɛ kɔ́n die nɔn.

1 Piɛrɛ̀n 1:11

Yɔ ji kèkrèmɛ̀n, ô yɔ cɔ́ ɛnvra lɔ mɛ̀n mán eci-hán-ci hɔ̀n léyi Krisì Hɛ́n kɛ tán; ɔmuhi Ɛnhɛ́n ndɔ léyi dú y'ɛmɛ̀n nɔn, gɔ́ dɔ́ yɔ ɛgbànkàn léyi Krisì kɛ lɛ srɔ́n ɛsù mán ecizrɔ léyi zɛtɛn ke le dú nɛ tɛn nɔn hɩ ankà.

Zhüdɛ̀n 1:20

Tɛ́n nyɛ́n, annyran anvrɛn hɔ̀n, ny'ɛwúvà kè dú ɛnvra lɔ fɛn ny'ankaẅìbùtan prɔnprɔn mɛ̀n. Nyɛ́n sɛ́n Ɔwɔ Ɛnhɛ́n Prɔnprɔn korɛ̀srɔn mɛ̀n.

Ɔwɔ-mɛ̀n-yrikàn 19:10

Mɛ̀n bore nɛ̀n annan zìwú, ô mɛ̀n cüe nɛ̀n ankɔrɛ̀ ezìwúɛ, tɛ́n nɛ dɔ́ mɛ̀n le: “E bɩ́ hán ndɔ lɔ! Mɛ̀n dú eci-bɩtan-wrɔn hán vɛ́n hɔ́, kɩ mɛ́n dù hán ɔmuan-ẅì hɔ̀n léyi di ɔmùan-zri annànwɔrɛ ankà léyi Zhezü yé nɔn wú. Ɔwɔ de ke ji le è cüe ankɔrɛ̀ ezìwúɛ nɔn!” Annanwɔrɛ ankà léyi Zhezü yé nɔn, nyàn eci léyi kɛ nyrɔn Ɔwɔ-mùanwú-ankà-dɔ́-bɔ̀ nɔn.