Galasi anmàn-bɔ̀ 4:5 - Ɛmɛẅi ankà ankrànkràn 2003

⁵ ô, nɛ̀n mrɛ́n anwrɔn hɔ̀n léyi dú ɛnyànmàn wú nɔn nɛ̀n sɔhɔ́, ô kɛ̀ tán bɔ̀ ɛkɔrɛ̀-levri ɔmu lɔ bɔ̀ srɔ Ɔwɔ ẅì hɔ̀n.

Galasi anmàn-bɔ̀ 4:5 Iomraidhean Croise

Matie 20:28

ɔmu lɔ de ɔwrɔnẅì Ẅì mán kè sɩ̀ và, ô kɛ̀ ẅɛ̀n eci-bɩtan-bɔ̀, tɛ́n nɛ́n và, ô nɛ̀n srɔ eci-bɩtan-wrɔn, nɛ̀n bɩ́ n'ɛwúvà nɛ̀n wá *anhɔ́ba, ô nɛ̀n srú anwrɔn bobrebe nɛ̀n ze.”

Lükɛ̀n 1:68

“Ɛmrɛ́n ke dú Ɛẅɛnwrɔn Izraɛlɛ̀n fɛcüè Wɔ tɛ́n, ɔmuhi nɛ̀n ẅɛn nɛ́n fɛcüè ankà tro, kɩ nɛ̀n bɩ́ yi nɛ̀n die nɔn.

Zhan 1:12

Ɔmu tɛ̀kɩ, anwrɔn janbɔ̀ shri bɩ́ nɛ̀n kɩ yɔ bú n'ankà yɔ tán ankaẅì; nɛ̀n tán yɔ ɛkɔrɛ̀-levri yɔ srɔ Ɔwɔ ẅì hɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

Rɔmɛ̀n-anmàn-bɔ̀ 10:4

Ɔmuhi Krisì nyrɔn Mohizì nyànmàn lɔ hàn kɩ cɔ́ ɛnkru, ô anwrɔn hɔ̀n léyi ẅɛn ankaẅì-bùtan nɔn, kɛ̀ srɔ ɛnyrɔnnan-bɔ̀ Ɔwɔ zìwú.

Rɔmɛ̀n-anmàn-bɔ̀ 8:14

Anwrɔn lɔ fɛn léyi Ɔwɔ Hɛ́n kɛ nyrɔn nɔn dú Ɔwɔ-ẅì hɔ̀n.

Rɔmɛ̀n-anmàn-bɔ̀ 8:15

Ɔmuhi Ɛnhɛ́n léyi nyɛ́n cɔ̀ nɔn, kè sɩ̀ dù Ɛnhɛ́n léyi kɛ srɔ nyɛ̀n anwɔ̀n-bɔ̀ kɩ kɛ hán ɛnjansù ke vru ke yɩ́ ny'ɛnbɔrɛ lɔ; tɛ́n Ɛnhɛ́n Prɔnprɔn de kɛ srɔ nyɛ̀n Ɔwɔ-ẅì hɔ̀n kɩ kɛ hán bɔ̀ bɔ́ di bobo bɔ́ dɔ́ Ɔwɔ le: “Ô mɛ́n Dade!”

Rɔmɛ̀n-anmàn-bɔ̀ 8:19

Ɔwɔ kɔrɛ̀-ci mumù lɔ fɛn kɛ vrá edù cüìcüìemɛ̀n nbì léyi Ɔwɔ kɛ lɛ hán n'ɛẅì hɔ̀n kɛ kán n'eci-zrɔ lɔ nɔn.

Rɔmɛ̀n-anmàn-bɔ̀ 8:23

Tɛ́n kè sɩ̀ dù Ɔwɔ kɔrɛ̀-ci zri kɩ: bɔ́ léyi bɔ́ gɔ̀ cɔ́ Ɛnhɛ́n Prɔnprɔn, dú ɛnvrakpà Wɔ cice-ci nɔn, bɔ́ mán bɔ́ srɔ́n nwàn ɛmɛ̀ntɛ̀ mɛ̀n bɔ́ hɛ́n, kɩ bɔ́ vrá, Ɔwɔ kɛ̀ hán bɔ̀, bɔ̀ srɔ n'ɛẅì hɔ̀n, ô kɛ̀ tán bɔ̀ ebɩdie léyi sá nmù nɔn.

Rɔmɛ̀n-anmàn-bɔ̀ 9:4

Yɔ dú Izraɛlɛ̀n fɛcüè mɛ̀n-bɔ̀: Ɔwɔ srɔ yɔ n'ɛẅì hɔ̀n, nɛ̀n tán yɔ n'ɛmɛ̀n-dù ci-zrɔ, nɛ́n mìrɛ̀n hɔ̀n lɔ, ɛnyànmàn, ɛcice kɔhɔ̀n-hán, ɔmùan-wá hɔ̀n.

Galasi anmàn-bɔ̀ 3:13

Hɩ le Krisì srɔ ɛẅìɛ̀-dá-ci bɔ́ kruhú nɔn, nɛ̀n mrɛ́n bɔ̀ ɛnyànmàn ẅìɛ̀-dá lɔ mɛ̀n nɛ̀n sɔhɔ́. Owrú Prɔnprɔn kɛ dɔ́ annanwɔrɛ mɛ̀n le: “Ɛẅìɛ̀-dà dú ɔwrɔn totɔtɔn léyi yɛ wá ɛhɛ́ ɔbɔ̀n ɛtɛ̀ domɛ̀n nɔn.”

Galasi anmàn-bɔ̀ 3:26

Ɔmuhi nyɛ lɛ fɛn nyɛ́n dú Ɔwɔ ẅì hɔ̀n ankaẅì-bùtan léyi bɔsɔ́ nyɛ́n mán Zhezü Krisì mɛhi nɔn.

Galasi anmàn-bɔ̀ 4:21

Nyɛ́n dɔ́ mɛ̀n, nyɛ́n léyi nye ji nyɛ́n dú ɛnyànmàn kɔrɛ̀-levri wú nɔn: nyɛ́n sɩ́ yá ankà léyi ɛnyànmàn ndɔ lɔ kɛ dɔ̀ nɛ́n?

Galasi anmàn-bɔ̀ 4:7

Ɔmu lɔ, è sɩ̀ vrù dù ɔwɔ̀n-wrɔn tɛ́n ɛnẅì; kɩ ɔmuhi è dú n'ɛnẅì nɔn, Ɔwɔ kɛ lɛ tán mɛ́n anja-ci léyi nɛ̀n hɛ́n n'ɛẅì hɔ̀n nɔn.

Efɛzɛ̀n anmàn-bɔ̀ 1:5

Ɔwɔ gɔ́ wá tán le nɛ lɛ srɔ bɔ̀ n'ɛẅì hɔ̀n Zhezü Krisì bɩmɛ̀n; n'ɛnhyɔ̀bɔ-nyrì lɔ mɛ̀n, nyàn eci léyi nɛ̀n ji nɔn.

Efɛzɛ̀n anmàn-bɔ̀ 1:7

Ɔmuhi, Krisì cice léyi dú nɛ́n dùku nɔn, n'ɛmɛ̀n lɔ bɔ̀ cɔ́ esrúze, kɩ bɔ́ ɛgbàn hɔ̀n lɔ bɩ́ ce bɔ̀. Ɔmu lɔ de Ɔwɔ yé bɔ̀ n'ɛnshifù nɛncüì-dì,

Efɛzɛ̀n anmàn-bɔ̀ 5:2

Ke ji le ny'ɛwúvà ci-hán lɔ kè dú ny'ɛcüɛ̀n ci-hán, kɛ̀ cá Krisì léyi cüɛ́n bɔ̀, kɩ tán bɔ̀ n'ɛwúvà, ndù hán ecice tɔ̀n mán ɛcɛ̀nbì-ci léyi Ɔwɔ kɛ cüɛ́n n'ɛndɔ̀ nɔn.

Titɛ̀n 2:14

Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

Ebre-bɔ̀ 1:3

Ɛnẅì lɔ ke yé Ɔwɔ vrisì ci-zrɔ lɔ, nɛ́n dù nɛ̀n hán ɔmu le Ɔwɔ dù nɔn, n'ankà-dɔ̀ kɔrɛ̀srɔn mɛ̀n lɔ, nɛ̀n ẅɛn n'ɛkɔrɛ̀-ci lɔ fɛn nɛ̀n hɛ́n. Ɛnvra léyi nɛ̀n juru anwrɔnẅì hɔ̀n ɛgbàn edomɛ̀n trɔ nɔn, nɛ̀n yɛ́ anhobɩ́ ɛkɔrɛ̀srɔn Wɔ zì-kɔrɛ̀-kɔrɛa.

Ebre-bɔ̀ 9:12

Ɛnvra léyi Krisì bru brɛzri ɛyri prɔnprɔn vri lɔ mɛ̀n nɔn, nɛ̀n sɩ̀ cè ɛbùrì mán ɛnnànman hɔ̀n krɛ̀; nɛ̀n ce nɛ́n dùku nɛ́n krɛ̀, kɩ ɔmu lɔ de, nɛ̀n mrɛ́n bɔ̀ ɛgbàn hɔ̀n lɔ mɛ̀n, nɛ̀n sɔhɔ́ brɛzri.

Ebre-bɔ̀ 9:15

Nyàn eci le kruhú léyi Krisì dú mìrɛ̀n wrù lɔ, n'angranmɛ̀n nyɔn-wrɔn, ô anwrɔn hɔ̀n léyi Ɔwɔ bi nɔn, kɛ̀ cɔ́ anvrɛn léyi kè sɩ̀ ẅɛ̀n ɔtrɔ, hɩ nɛ̀n wá ɔmùan nɛ̀n hɛ́n n'anwrɔn hɔ̀n nɔn. Yɔ lɛ cɔ́ anvrɛn ndɔ lɔ ɔmuhi owù tɔ̀n nvà, kɩ owù ndɔ lɔ n'ɛkruhú anwrɔnẅì cɔ́ ebɩdie ɛgbàn hɔ̀n léyi yɔ hán ɛnvrakpà mìrɛ̀n lɔ mɛ̀n nɔn.

1 Piɛrɛ̀n 3:18

Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.

Ɔwɔ-mɛ̀n-yrikàn 14:3

Anwrɔn tɛ̀buri kru bobrebe ndɔ hɔ̀n lɔ kɛ krɛ́ ɛcɔ̀ wrù tɔ̀n ɛgbú-tòbù zìwú, ɛci kɔrɛkɔrɛ hɔ̀n anzɔ̀ lɔ mán ɛcüìcüì-bɔ̀ zìwú. Ɔwrɔn zriɛmɛ́n ke sɩ̀ ván ɛcɔ̀ ndɔ lɔ rɔ́, ke dú kɛ kè sɩ̀ dù anwrɔn tɛ̀buri kru ɛkoẅi ɔbɔ̀ɛn mán ɛẅì anzɔ̀ hɔ̀n léyi yɛ mrɛ́n anwɔ̀nẅiemɛ̀n yɛ sɔhɔ́ ɛnhi wú nɔn.

Ɔwɔ-mɛ̀n-yrikàn 5:9

Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.