Galasi anmàn-bɔ̀ 4:4 - Ɛmɛẅi ankà ankrànkràn 2003

⁴ Tɛ́n ɛnvra léyi yɛ wá, ncɔ̀ nɔn, Ɔwɔ hán n'Ɛnẅì nvà: ye bî nɛ̀n ɛnnyɔnwrɔn mɛ̀n kɩ nɛ̀n dú Zhüifɛ̀n-bɔ̀ nyànmàn kɔrɛ̀-levri wú,

Galasi anmàn-bɔ̀ 4:4 Iomraidhean Croise

Matie 1:23

“Ɛnnyɔnwrɔn léyi kè sɩ̀ nyrì ɛncɔnwrɔn ankà nɔn ke le sî ɛmɛ̀ntɛ̀ kɩ ke le bî ɛncɔnwrɔn-ẅì tɔ̀n, ye le bi nɛ̀n Emanüɛlɛ̀n.” (N'ɛmɛ̀n kɛ dɔ̀ le “Ɔwɔ mɛhi bɔ́ dù”.)

Matie 3:15

Tɛ́n Zhezü mrɛ́n nɛ̀n ɔmùan le: “È shrì kè dú ɔmu lɔ ɛnvra ndɔ lɔ mɛ̀n. Ɔmuhi, ɔmu lɔ de ke ji le bɔ̀ hán eci léyi Ɔwɔ ke ji nɔn.” Zɛtɛn Zhan shrì kɩ wá nɛ̀n ɛnshi ɛnkru.

Matie 5:17

“Nyɛ́n bɩ́ tro le mɛ́n và, ô mɛ̀n gbú Mohizì nyànmàn mán Ɔwɔ-mùanwú-ankà-dɔ́-bɔ̀ ankà-yé lɔ mɛ̀n sɔhɔ́. Mɛ̀n sɩ̀ và yɔ ègbù-sɔhɔ́-yri, tɛ́n mɛ̀n dɔ́ y'ɛmɛ̀n ankà annànwɔrɛ.

Markɛ̀n 1:15

Zhezü kɛ dɔ̀ le: “Ɛnvra léyi yɛ wá nɔn ncɔa, ɔmuhi Anhobɩ́-Nɛ̀ncüì-dúyri lɔ bá ɛtɛ̀sɛ̀n nɔn! Nyɛ́n crɔn ɛnkru ô nyɛ́n bú Ɔwɔ Mɛẅi ankà Ankrànkràn lɔ nyɛ́n tán ankàẅì!”

Lükɛ̀n 1:31

E le sɩ́ ɛmɛ̀ntɛ̀, kɩ e le bî ɛncɔnwrɔn-ẅì tɔ̀n, n'ebɩ́ dú Zhezü.

Lükɛ̀n 1:35

Ɔwɔ-kùyüre-wrɔn lɔ mrɛ̀n nɛ̀n ɔmuàn kɩ kɛ dɔ́ nɛ̀n le: “Ɛnhɛ́n Prɔnprɔn kɛ lɛ và cɔ́ mɛ́n, kɩ Ɔwɔ léyi dú ɛwú nɔn, n'ɛkɔrɛ̀srɔn kɛ lɛ vá mɛ́n ɛwú kɛ lɛ hán ɛnẅì-gbú hɔ́. Hɩ le kruhú de Ɛnẅì Prɔnprɔn léyi ye le bî nɔn, ye le bi nɛ̀n Ɔwɔ-ẅì.

Lükɛ̀n 2:7

Mari bî ɛncɔnwrɔn-ẅì dú n'ɛnvrakpà ẅì. Nɛ̀n murɛn yi ɛci wosu, kɩ nɛ̀n drɛ́ yi annɔ̀n ci-zî bɔ̀hɔ́ mɛ̀n, ɔmuhi yɔ sɩ̀ cɔ̀ ɛyri nɛ̀nnyàn-bɔ̀ wɔn lɔ mɛ̀n nɔn.

Lükɛ̀n 20:44

Zɛtɛn Davidɛ̀n ke bi nɛ̀n ‘Ɛẅɛnwrɔn’: Anhɔntan de Ebɩ̀die-wrɔn mán ke le dú Davidɛ̀n mɛẅi wrɔn nɛ́n?”

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Zhan 10:36

Kɩ mɛ tɛn, Ɔwɔ mrɛ́n mɛ̀n nbɩ kɩ wá mɛ̀n ɔkɔhɔ̀n ɛnhibù wú. Anwɔntan de nyɛ lɛ dɔ̀ le, mɛ dɔ́ ankà gbangbàn ku Ɔwɔ ɛwú, ɔmuhi mɛ́n dɔ̀ le, mɛ̀n dú Ɔwɔ Ẅì nɛ́n?

Zhan 3:16

Ɔmuhi Ɔwɔ zeze cüɛ́n ɛnhibù-wú-bɔ̀ kɩ nɛ̀n tán yɔ n'Ɛnẅì zri lɔ, ô ɔwrɔn totɔtɔ̀n léyi kɛ ẅɛn n'ankaẅì-bùtan nɔn ke bɩ́ wúɛ, tɛ́n nɛ̀n cɔ́ ɛwúvà léyi ke sɩ́ trɔa nɔn.

Zhan 6:38

ɔmuhi mɛ̀n dú anhobɩ́ mɛ́n kàkɛ, ô mɛ̀n hán ɔwrɔn léyi wá mɛ̀n ɔkɔhɔ̀n mɛ́n và nɔn, n'ɛkɔrɛzì-ci, tɛ́n kè sɩ̀ dù mɛ tɛn léyi me ji nɔn.

Zhan 8:42

Zhezü kɛ dɔ́ yɔ le: “Ke dú kɛ Ɔwɔ kè dú nyɛ́n zi annanwɔrɛ, nyɛ lɛ cüɛn mɛ̀n, ɔmuhi mɛ̀n dú Ɔwɔ yri mɛ́n và kɩ mɛ̀n dú ɛnu lɔ n'ɛkruhú nɔn. Mɛ̀n sì và mɛ́n dùku m'ɛkɔrɛ̀levriemɛ̀n, tɛ́n nɛ́n de nɛ̀n wá mɛ̀n ɔkɔ̀hɔ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 1:7

Zhezü mrɛ́n y'ɔmùan le: “Kè sɩ̀ wá tán nyɛ̀n le, nyɛ́n nyri ɛnvra mán ɛnbì, ɔmuhi Dade wá ɛnvra hɔ̀n lɔ nɛ́n zri n'ɛkɔrɛ̀-levriemɛ̀n nɔn.

Rɔmɛ̀n-anmàn-bɔ̀ 1:3

Ɛmɛẅi ankà ndɔ lɔ kɛ crɛ nyan n'ɛnẅì, bɔ́ Ɛẅɛnwrɔn Zhezü Krisì: anwrɔnẅiemɛ̀n lɔ, nɛ̀n dú Davidɛ̀n-mɛẅi-wrɔn;

Rɔmɛ̀n-anmàn-bɔ̀ 15:8

Ananwɔrɛ mɛ̀n lɔ, mɛ dɔ́ nyɛ̀n ankaẅì-bùtan mɛ̀n le, Krisì srɔ Zhüifɛ̀n-bɔ̀ ci-bɩ̀tan-wrɔn, ô ɔmùan léyi Ɔwɔ wá yɔ nancüì hɔ̀n nɔn kɛ̀ sá nmù, ô ɔmu lɔ, kè yé Ɔwɔ-mùan-zri-dì lɔ.

Rɔmɛ̀n-anmàn-bɔ̀ 5:6

Annanwɔrɛ mɛ̀n lɔ, ɛnvra léyi bɔ́ sɩ́ nyri ɔmu le bɔ́ lɛ hán bɔ̀ dú ɛgbàn mɛ̀n bɔ̀ srɔ nɔn, Krisì wú ɛgbàn-hán-bɔ̀ kruhú ɛnvra léyi Ɔwɔ wá tán nɔn.

Rɔmɛ̀n-anmàn-bɔ̀ 8:3

Ɔwɔ hán eci léyi Mohizì nyànmàn kè sɩ̀ hàn rɔ̀a nɔn sá nmù, ɔmuhi ɔwrɔnẅì jɛ̀ ke sɩ̀ tán nɛ̀n ɛkɔrɛ̀srɔn: ɛgbàn léyi nɛ lɛ mrɛ́n nɛ̀n sɔhɔ́ nɔn, nɛ̀n bó ɔwrɔnẅì nwù n'edùwrú-ẅia lɔ mɛ̀n, kɩ nɛ̀n hán nɛ́n dùku n'ɛnẅì vá dú ɔwrɔnẅì wúvà gbànkàn lɔ mɛ̀n.

Rɔmɛ̀n-anmàn-bɔ̀ 9:5

Yɔ dú bɔ́ nancüì hɔ̀n mɛẅi-bɔ̀ kɩ Krisì léyi dú ɔwrɔnẅì mɛ̀n nɔn, dú yɔ fɛcüè lɔ mɛ̀n, nɛ́n léyi nɛ̀n dú eci lɔ fɛn wú nɔn, Ɔwɔ léyi dú ɛmrɛ́n mɛ̀n ɛnvra lɔ fɛn nɔn. Kè dú ɔmu lɔ.

Efɛzɛ̀n anmàn-bɔ̀ 1:10

Ankɔ́nda ci-hán ndɔ léyi Ɔwɔ kɛ lɛ tro n'ɛhán ɛnhibù trɔ vra nɔn, dú hɩ le nɛ lɛ borɛ eci lɔ fɛn léyi dú anhobɩ́ mán ɛnhi nɔn ɛkru, ɛfrawrɔn zri tɛ̀sɛ̀n, Krisì.

Kɔlɔsèn anmàn-bɔ̀ 2:14

Nɛ̀n jrɛ́ ɛwrú ankà-dɔ̀ lɔ fɛn léyi kɛ bó bɔ̀ nwù hɩ kè sɩ̀ dù eci ankrànkràn kɛ̀ tán bɔ̀ nɔn: nɛ̀n jrɛ́ ɛwrú ankà-dɔ̀ ndɔ lɔ ɛgbàn-hán-tɛ̀ wú.

Kpàkpà timote 2:6

léyi srɔ n'edomɛ̀n anwɔba-ci, ô nɛ̀n srú bɔ́ lɛ fɛn nɛ̀n die. Ɔmu lɔ de ɛnvra léyi yɛ wá nɔn, nɛ̀n yé tán le, Ɔwɔ ke ji le anwrɔnẅì lɔ fɛn kɛ̀ cɔ́ ebɩdie nɔn.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Ebre-bɔ̀ 2:14

Ɔmuhi ɛẅì ndɔ hɔ̀n lɔ fɛn dú anẅia mán ɛnkrɛ̀ ci nɔn, Zhezü dùku mán ndù hán yɔ hɔ́, nɛ́n mán nɛ̀n dú y'ɔwrɔnẅì wúvà lɔ mɛ̀n. Ɔmu lɔ de n'owù lɔ mɛ̀n, anwawrɔn léyi ẅɛn owú kɔrɛ̀srɔn lɔ hɛ́n nɔn, nɛ̀n bɔyɛ yi nɛ̀n wá,

Ebre-bɔ̀ 9:10

Ndɔ lɔ fɛn dú edùwrú-ẅiamɛ̀n nyànmàn léyi dú ɛcizî, ɛntàn-mì mán edomɛ̀n fì ci-hán mɛ̀ntɛ mɛ̀ntɛ. Ndɔ lɔ dú eci-hán nyànmàn hɔ̀n léyi ẅɛn vɔ̀nshɛ́ hàn mán cɔ́ ɛnvra léyi Ɔwɔ crɔn eci lɔ fɛn nɔn.

1 Zhan 4:14

Kɩ bɔ́ kàn, kɩ bɔ́ dɔ̀ le Ɔwɔ wá n'Ɛnẅì ɔkɔhɔ̀n kè dú ɛnhibù Bɩdie-wrɔn.

1 Zhan 4:2

Nyàn ɔmu le nyɛ lɛ hán nyɛ́n nyrì le Ɛnhɛ́n lɔ dú Ɔwɔ Hɛ́n nɔn: Ɔwrɔn totɔtɔ̀n léyi kɛ dɔ̀ le Zhezü Krisì srɔ annanwɔrɛ mɛ̀n ɔwrɔnẅì, ɛnhɛ́n léyi dú Ɔwɔ yri và nɔn n'ɛmɛ̀n.