Galasi anmàn-bɔ̀ 4:12 - Ɛmɛẅi ankà ankrànkràn 2003

¹² Anwrɔn-nɛ́n-mùan-ẅì hɔ̀n, mɛ sɛ́n nyɛ̀n, nyɛ́n dù nyɛ́n cá mɛ̀n, ɔmuhi mɛ̀n hán m'edomɛ̀n ndú cá nyɛ̀n nɔn. Nyɛ́n sɩ̀ hán mɛ̀n eci gbàngbàn zriɛmɛ́n.

Galasi anmàn-bɔ̀ 4:12 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 21:21

Zɛtɛn nyàn ankà léyi yɛ dɔ́ yɔ nɔn: e yé Zhüifɛ̀n-bɔ̀ lɔ fɛn léyi dú fɛcüè nyantɛn mɛ̀n nɔn, kè teze Mohizɛ̀n nyànmàn lɔ; ɛ dɔ́ yɔ, yɔ bɩ́ wí y'ɛẅì hɔ̀n wúcɔ̀ domɛ̀n, ô yɔ bɩ́ hán Zhüifɛ̀n nyànmàn ci-hán-ci.

2 Korɛntɛ̀n anmàn-bɔ̀ 2:5

Ke dú kɛ ɔwrɔn tɔ̀n kɛ wá obòtò ke sɩ́, kè sɩ̀ dù m'ɛkruhú de nɛ̀n wà obòtò lɔ nɔn, tɛ́n nyɛ lɛ fɛn ny'ɛkruhú, kɩ bɔ́ bɩ́ dɔ́ ke fɛ ɛwú, tɛ́n ny'ɛmɛ̀n lɔ anwrɔn cá kruhú.

2 Korɛntɛ̀n anmàn-bɔ̀ 6:11

Bɔ̀ dɔ́ nyɛ̀n ankà annanwɔrɛ mɛ̀n, bɔ́ nyran anvrɛn hɔ̀n Korɛntɛ̀n anmàn-bɔ̀, bɔ̀ vuru, bɔ́ ɛnbɔrɛ lɔ ecüìcüì bɔ̀ tán nyɛ̀n.

2 Korɛntɛ̀n anmàn-bɔ̀ 6:13

Zɛtɛn, mɛ dɔ́ nyɛ̀n ankà kɛ hán m'ɛẅì hɔ̀n hɔ́: nyɛ́n shri bɔ́ ɛcüɛn-bɔrɛ lɔ nyɛ́n bɩ, nyɛ́n vuru ny'ɛnbɔrɛ lɔ ecüìcüì nyɛ́n tán bɔ̀!

Galasi anmàn-bɔ̀ 2:14

Ɛnvra léyi mɛ̀n kán ɔmu le y'esùnàn ke sɩ́ ci annanwɔrɛ Mɛẅi ankà Ankrankran lɔ wú nɔn, mɛ̀n dɔ́ Piɛrɛ̀n anwrɔn lɔ fɛn zìwú le: “Vɛtɛn è dú Zhüifɛ̀n-wrɔn, ɛnu lɔ, v'ɛwúvà lɔ, kè sɩ̀ dù kɛ̀ hàn yɔ léyi yɔ sɩ̀ dù Zhüifɛ̀n-bɔ̀ nɔn, kɩ e sɩ́ hán Zhüifɛ̀n-bɔ̀ nyànmàn-ci. Anhɔntan de ɛ lɛ hán ô ɛ̀ ẅɛn kèkrèmɛ̀n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ̀ hán Zhüifɛ̀n-bɔ̀ wúvà ci-hán-ci nɛ́n?”

Galasi anmàn-bɔ̀ 4:11

Ny'ankà ke ku mɛ̀n ɛnkrɛ̀ta: ejüedì lɔ fɛn léyi mɛ̀n kán ny'ɛwú nɔn ke le dú eci woroɛ?

Galasi anmàn-bɔ̀ 4:13

Ke bru nyɛ̀n eci le kruhú léyi kpàkpà mɛ̀n lɔ mɛ̀n dɔ́ nyɛ̀n Ɛmɛẅi ankà Ankrànkràn lɔ nɔn: ɔmuhi mɛ̀n dú ɛnlɔẅiɛ mɛ̀n nɔn.

Galasi anmàn-bɔ̀ 6:14

Mɛ tɛn tɛ́n, m'ɔmùan-gbù ke le dú bɔ́ Ɛẅɛnwrɔn Zhezü Krisì gbàn-hán-tɛ̀ wú kɩ; annanwɔrɛ mɛ̀n lɔ, n'ɛkɔrɛ̀levriemɛ̀n de ɛnhibù wú m'ɛkruhú kɩ mɛ̀n wú ɛnhibù kruhú.

Galasi anmàn-bɔ̀ 6:18

Anwrɔn-nɛ́n-muan-ẅì hɔ̀n, bɔ́ Ɛẅɛnwrɔn Zhezü Krisì boafɔ̀n kè dú nyɛ̀n ɛmɛ̀n. Kè dú ɔmu lɔ.