Galasi anmàn-bɔ̀ 3:8 - Ɛmɛẅi ankà ankrànkràn 2003

⁸ Owrú Prɔnprɔn wá le Ɔwɔ kɛ lɛ hán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn kɛ̀ srɔ ɛnyrɔnnan-bɔ̀ n'ezìwú y'ankaẅì-bùtan lɔ kruhú. Hɩ le kruhú de nɛ́n gɔ̀ dɔ́ Abrahamɛ̀n ɛmɛẅi ankà ankrankran ndɔ lɔ: “Ɔwɔ ke le fú ɛnhi wú anmàn hɔ̀n lɔ fɛn léyi dú ɛnhi wú nɔn ɛnshi v'ɛkruhú.”

Galasi anmàn-bɔ̀ 3:8 Iomraidhean Croise

Zhan 19:37

Kɩ owrú nyàntɛn tɔ̀n vru kɛ dɔ̀ le: “Yɔ lɛ kán ɔwrɔn léyi yɔ sɔ́n ebisɛn nɔn”.

Zhan 7:38

‘Ɔwrɔn léyi ke bú m'ankà kɛ tán ankaẅì nɔn, mancüe shi léyi kɛ tán ɛwúvà-kɔrɛ̀ nɔn, ke le dú n'ɛnbɔrɛ lɔ mɛ̀n kɛ̀ gbɛ́’, hán ɔmu le Owrú Prɔnprɔn ndɔ̀ nɔn hɔ́.”

Zhan 7:42

Owrú Prɔnprɔn kɛ dɔ̀ le, Ebɩ̀die-wrɔn ke le dú Davidɛ̀n mɛẅi wrɔn tɔ̀n, kɩ ne le dú Bɛtlehɛmɛ̀n nɛ̀n và, anmàn léyi Davidɛ̀n sɔ́n ebɩ́ nanvrɛn nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 2:35

me ji mɛ̀n hán v'egbri-bɔ̀ kè srɔ v'ɛnan-wú-hɛ́n-ci.’

Rɔmɛ̀n-anmàn-bɔ̀ 9:17

Owrú Prɔnprɔn lɔ mɛ̀n, Ɔwɔ kɛ dɔ́ Ezhiptɛ̀n nɛ̀ncüì lɔ le: “Mɛ̀n wá mɛ́n ɛnnɛ̀ncüì, ô v'ɛmɛ̀n lɔ, mɛ̀n yé m'ɛkɔrɛ̀srɔn lɔ, ô m'ebɩ́dì lɔ kè bonyi ɛnhi mumù lɔ fɛn wú.”

Rɔmɛ̀n-anmàn-bɔ̀ 9:30

Ankà tán de yɛ lɛ dɔ́ n'ɛwú nɛ́n? Ankà ndɔ lɔ: ɛnhi wú anmàn nyàntɛn-bɔ̀ léyi ke sɩ̀ ji ɛyri ô kɛ̀ srɔ ɛnyrɔnnan-bɔ̀ Ɔwɔ zìwú nɔn, yɛ srɔ yɔ ɛnyrɔnnan-bɔ̀ n'ezìwú ankaẅì-bùtan-ẅɛn mɛ̀n;

Galasi anmàn-bɔ̀ 3:16

Zɛtɛn, Ɔwɔ wá Abrahamɛ̀n mán n'ɛmɛẅi-wrɔn ɔmùan. Ɛwrú Prɔnprɔn ke sɩ́ dɔ́ le: “Mán n'ɛmɛẅi-bɔ̀”, kɛ hán tán le anwrɔn bobrebe hɔ̀n ankà de yɛ dɔ̀ nɔn; Ɛwrú kɛ dɔ̀ le: “Mán v'ɛmɛẅi-wrɔn”, ankà-dɔ̀ ndɔ lɔ mɛ̀n, ne yé ɔwrɔn zri kɩ, nɛ́n de nɛ̀n dú Krisì nɔn.

Galasi anmàn-bɔ̀ 3:22

Tɛ́n Owrú Prɔnprɔn ndɔ̀ le ɛnhibù mumù lɔ fɛn dú ɛgbàn kɔrɛ̀-srɔn wú, ô ecice léyi Ɔwɔ wá ɔmùan nɔn kè dú ankaẅì-bùtan-ẅɛn-bɔ̀ tɛn, y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú.

Galasi anmàn-bɔ̀ 4:30

Tɛ́n ankà tán de Owrú Prɔnprɔn kɛ dɔ̀ nɛ́n? Ndɔ lɔ: “Ɛ̀ wrɔ́ ɔwɔ̀n-hi ndɔ lɔ mán n'ɛnẅì mɛhi; ɔmuhi ɔwɔ̀n-hi ẅì kè sɩ̀ ẅɛ̀n nɛ́n Zi anja-di-ci korɛ̀levri nɛ́n mán ɛnnyɔnwrɔn kora ẅì mɛhi.”

Ebre-bɔ̀ 4:2

Ɔmuhi bɔ̀ cɔ́ Ɔwɔ mùan ankà-dɔ̀ hán anwrɔn hɔ̀n léyi dú ɛnnùwì nɔn hɔ́. Tɛ́n, yɔ yá ɛmɛẅi ankà ndɔ lɔ kɩ yɔ sɩ̀ cɔ̀ nɛ́n vɔ̀nshɛ́, ɔmuhi ɛnvra léyi yɔ yá ankà lɔ nɔn, yɔ sɩ̀ bɩ́ nɛ̀n ankaẅìbùtan mɛ̀n.

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”