Galasi anmàn-bɔ̀ 3:21 - Ɛmɛẅi ankà ankrànkràn 2003

²¹ Ndɔ lɔ n'ɛmɛ̀n kɛ dɔ̀ le ɛnyànmàn kɛ kɛ́n Ɔwɔ mùan-wá ci-hán ezìɛ? Annanwɔrɛ mɛ̀n lɔ hɔ̂! Ke dú kɛ yɛ wá ɛnyànmàn tɔ̀n, ô kɛ̀ tán anwrɔnẅì annanwɔrɛ wúvà, hɩ lɔ mɛ̀n, ɔwrɔnẅì kɛ lɛ srɔ ɛnyrɔnnan-wrɔn tɛ̀ Ɔwɔ zìwú ɛnyànmàn kɔrɛ̀-levriemɛ̀n.

Galasi anmàn-bɔ̀ 3:21 Iomraidhean Croise

Lükɛ̀n 20:16

Ɛkɛ̀tɛ̀-nɛ́n-zi kɛ lɛ và, ne le wri ɔkɔhɔ̀n-hán-bɔ̀ lɔ, kɩ ne le bɩ́ ɛkɛ̀tɛ̀ lɔ nɛ̀n wá anwrɔn nyantɛn antamɛ̀n.” Ɛnvra léyi anwrɔn yá ankà ndɔ lɔ nɔn, yɔ dɔ̀ le: “Eci ndɔ lɔ ke sɩ̀ hán rɔ́!”

Rɔmɛ̀n-anmàn-bɔ̀ 3:31

Kɛ̂ ndɔ lɔ, n'ɛmɛ̀n kɛ dɔ̀ le ankaẅì-bùtan-ẅɛ̀n lɔ kɛ hán bɔ́ srɔ ɛnyànmàn eci woro hɛ́? Hɔ̂, tɛ́n bɔ́ tán nɛ̀n, nɛ́n vɔ̀nshɛ́ annanwɔrɛ lɔ.

Rɔmɛ̀n-anmàn-bɔ̀ 3:4

Annànwɔrɛ mɛ̀n lɔ, hɔ̂, kè sɩ̀ dù ɔmu lɔ! Ɛmɛ̀n fi cehɛ́n le, Ɔwɔ kɛ hán eci annanwɔrɛ mɛ̀n, kɩ ke dú kɛ ɔwrɔn totɔtɔ̀n kɛ hán ɛyɔ̀n-ci mán, hán ɔmu le Owrú Prɔnprɔn ndɔ̀ nɔn: “Ke ji le è dú ɛnyrɔnnan mɛ̀n v'ankà-dɔ́ mɛ̀n, ô è dú ɔkɔ̀nká-wrɔn ke dú kɛ ye sɩ́ mɛ́n ɛmrɛ̀nciemɛ̀n.”

Rɔmɛ̀n-anmàn-bɔ̀ 3:6

Kè sɩ̀ dù ɔmu lɔ! Ɔmuhi ke dú ɔmu lɔ hô, anwɔntan de nɛ lɛ hán nɛ̀n ci ɛnhibù ɛmrɛ̀n nɛ́n?

Rɔmɛ̀n-anmàn-bɔ̀ 9:31

zɛtɛn Izraɛlɛ̀n fɛcüè mɛ̀n-bɔ̀ léyi ke ji ɛyri, ô kɛ̀ srɔ ɛnyrɔnnan-bɔ̀ Ɔwɔ zìwú ɛnyànmàn-esùva-wá mɛ̀n nɔn, ke sɩ́ hán ɛnyànmàn ci léyi wá nɔn.

2 Korɛntɛ̀n anmàn-bɔ̀ 3:7

Ye merɛ́n ɛnyànmàn owrú-ẅì zrizri obù wrú wú kɩ Ɔwɔ ci-zrɔ gbrɛ́n ɛnvra ndɔ lɔ mɛ̀n. Mohizì zì lɔ dú ɛgbrɛ́n vriemɛ̀n, hán tán kɩ Izraɛlɛ̀n ẅì hɔ̀n ke sɩ́ nyan nɛ̀n rɔ́a, tɛ́n ɛgbrɛ́n ndɔ lɔ dú eburi-mán-eburi mɛ̀n. Ke dú kɛ ɛnyànmàn ci hán dú owúemɛ̀n sɩ́, kɩ nɛ̀n ẅɛn ɛgbrɛ́n-ci-zrɔ ɔmu lɔ n'ɛsrɔ mɛ̀n,

Galasi anmàn-bɔ̀ 2:17

Tɛ́n zɛtɛn, ke dú kɛ bɔ́ ji bɔ̀ srɔ ɛnyrɔnnan-bɔ̀ Krisì kɔrɛ̀-levri mɛ̀n, bɔ̀ cɔ̀ bɔ́ nyrì le bɔ́ lɛ fɛn lɔ bɔ̀ dú ɛgbàn mɛ̀n hán anwrɔn hɔ̀n léyi kè sɩ̀ dù Zhüifɛ̀n-bɔ̀, kɩ ndɔ lɔ n'ɛmɛ̀n kɛ dɔ̀ le Krisì dú ɛgbàn ci-bɩ̀tan-wrɔn hán? Annanwɔrɛ mɛ̀n lɔ hɔ̂!

Galasi anmàn-bɔ̀ 2:19

Zɛtɛn, hɩ le kɛ crɛnyan ɛnyànmàn nɔn, mɛ́n wù, owù léyi ɛnyànmàn dùku tán nɔn, ô m'ɛwúvà wrù lɔ kè dú Ɔwɔ tɛn. Mɛ̀n mán Krisì mɛhi de ye wri bɔ̀ ɛgbàn-hán-tɛ̀ wú,

Galasi anmàn-bɔ̀ 2:21

Mɛ kɔrɔ, mɛ́n sɩ̀ kɔ́n Ɔwɔ boafɔ̀n mɛ̀n ze. Annanwɔrɛ mɛ̀n lɔ, ke dú kɛ ɛnyànmàn kɔrɛ̀-levri mɛ̀n de yɛ lɛ srɔ ɛnyrɔnnan-wrɔn tɛ̀ Ɔwɔ zìwú nɔn hô, zɛtɛn Krisì wù lɔ dú owù kɔra sà.

Galasi anmàn-bɔ̀ 6:14

Mɛ tɛn tɛ́n, m'ɔmùan-gbù ke le dú bɔ́ Ɛẅɛnwrɔn Zhezü Krisì gbàn-hán-tɛ̀ wú kɩ; annanwɔrɛ mɛ̀n lɔ, n'ɛkɔrɛ̀levriemɛ̀n de ɛnhibù wú m'ɛkruhú kɩ mɛ̀n wú ɛnhibù kruhú.

Ebre-bɔ̀ 11:7

Ankàẅìbùtan de tán Noé ɛkɔrɛ̀levri die Ɔwɔ ankà-bi-dɔ̀ nukù eci léyi kɛ lɛ wɔ̀ɛn, hɩ yɛ vá kàn nɔn. Nɛ̀n ẅɛn Ɔwɔ sɛ́ kɩ nɛ̀n ku ebɩdie-hɛ̀ vri tɔ̀n léyi nɛ́n mán n'ɛmɛ̀n mɛ̀n-bɔ̀ mɛhi yɔ cɔ́ ɛkɔrɛ̀ ɛmɛ̀n nɔn. Ɔmu lɔ de n'ankaẅìbùtan-ẅɛ̀n kruhú lɔ nɛ̀n bó ɛnhibù nwù kɩ nɛ̀n cɔ́ ɛnyrɔnnan Ɔwɔ zìwú.

Ebre-bɔ̀ 7:18

Ɔmu lɔ de, ɛnyànmàn gbanvri lɔ ye gbú nɛ̀n yɛ sɔhɔ́ ɔmuhi ecüì bàda nɛ̀n edomɛ̀n, kɩ nɛ̀n dú eci woro nɔn.

Ebre-bɔ̀ 7:19

Annanwɔrɛ mɛ̀n lɔ Mohizì nyanmàn kè sɩ̀ sɩ̀ eci wrù zriɛmɛ́n ɛzrɔmɛ̀n. Tɛ́n yɛ tán bɔ̀ esɛ́ ankrànkràn tɔ̀n kɩ, esɛ́ ndɔ lɔ, n'ɛkruhú bɔ́ lɛ sɔ̀nba Ɔwɔ ɛtɛ̀sɛ̀n tɛ̀.