Galasi anmàn-bɔ̀ 3:2 - Ɛmɛẅi ankà ankrànkràn 2003

² Me ji le, nyɛ́n mrɛ́n ankà-yrɛ zri ndɔ lɔ ɔmùan nyɛ́n tán mɛ̀n: nyɛ́n cɔ́ Ɛnhɛ́n léyi Ɔwɔ yüre nyɛ̀n ɔmuhi eci lɔ fɛn mɛ̀n nyɛ́n wá ɛnyànmàn, kale, ɔmuhi nyɛ́n yá, kɩ nyɛ́n bú Ɛmɛẅi ankà Ankrankran lɔ, n'ankà nyɛ́n tán ankaẅì nɛ́n?

Galasi anmàn-bɔ̀ 3:2 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 15:8

Kɩ Ɔwɔ léyi nyri anwrɔnẅì ɛnbɔrɛ mɛ̀n ankà-tro nɔn, yé le nɛ̀n bɩ́ yɔ kɩ nɛ̀n tán yɔ Ɛnhɛ́n Prɔnprɔn hán ɔmu le nɛ̀n tán bɔ́ mán nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:38

Piɛrɛ̀n mrɛ́n yɔ ɔmùan le: “Nyɛ́n crɔn ny'eci-hán-ci, ô ɔwrɔnwrɔn kɛ̀ hán yɛ wá nɛ̀n ɛnshi ɛnkru Zhezü Krisì bɩmɛ̀n, ô ny'ɛgbàn hɔ̀n lɔ kè bɩ ce nyɛ̀n. Zɛtɛn nyɛ lɛ cɔ́ Ɔwɔ cice-ci lɔ, Ɛnhɛ́n Prɔnprɔn.

Ɔkɔ̀hɔ̀n-wá-bɔ̀ kɔ̀hɔ̀n hán 8:15

Ɛnvra léyi Piɛrɛ̀n mán Zhan cɔ́ Samari kpɔsɔ wú nɔn, yɔ sɛ̀n yɔ tán ankaẅì-bùtan-ẅɛn-bɔ̀, ô yɔ cɔ́ Ɛnhɛ́n Prɔnprɔn.

Rɔmɛ̀n-anmàn-bɔ̀ 1:17

Annanwɔrɛ mɛ̀n lɔ, Ɛmɛẅi ankà Ankrankran lɔ ke yé ɔmu le Ɔwɔ kɛ tán anwrɔnẅì ɛnyrɔnnan n'ezìwú nɔn; ankaẅì-bùtan zriemɛ̀n kɩ, dú ɛnkrubɔmɛ̀n mán ɔtrɔmɛ̀n, hán ɔmu le Owrú Prɔnprɔn kɛ dɔ̀ nɔn hɔ́: “Ɔwrɔn léyi dú ɛnyrɔnnan mɛ̀n ankaẅì-bùtan-ẅɛn mɛ̀n nɔn, nɛ lɛ cɔ́ ɛwúvà.”

1 Korɛntɛ̀n anmàn-bɔ̀ 9:21

Ɔmu zri lɔ, ɛnvra léyi mɛ̀n mán anwrɔn hɔ̀n léyi kè sɩ̀ nyrì Mohizì nyànmàn mɛhi bɔ́ yɛ́ nɔn, mɛ ẅɛn ɛwúvà kɛ hán yɔ hɔ́, mɛ́n sɩ́ crɛ-nyan ɛnyànmàn ndɔ lɔ, ô mɛ̀n cɔ́ yɔ. Ndɔ lɔ ke sɩ́ yé le Ɔwɔ nyànmàn ke sɩ́ hán mɛ̀n eci zriɛmɛ́n, ɔmuhi mɛ̀n dú Krisì nyànmàn kɔrɛ̀-levri wú nɔn.

2 Korɛntɛ̀n anmàn-bɔ̀ 11:4

Annanwɔrɛ mɛ̀n lɔ, nyɛ cüɛn ɔmu le ɔwrɔn tɔ̀n kɛ̀ và kɛ̀ dɔ́ nyɛ̀n Krisì léyi kè sɩ̀ cà ndɔ léyi bɔ̀ dɔ́ nyɛ̀n n'ankà nɔn; nyɛ́n vru nyɛ́n krɔn kpehɛ́n ô nyɛ́n shri ɛnhɛ́n tɔ̀n mán ɛmɛẅi ankà léyi kè sɩ̀ cà Ɛnhɛ́n Prɔnprɔn mán Ɛmɛẅi ankà Ankrankran léyi nyɛ́n cɔ́ b'antamɛ̀n nɔn.

Galasi anmàn-bɔ̀ 3:14

Ɔmu lɔ de ɛnshi-fù léyi yɛ wá Abrahamɛ̀n ɔmùan nɔn, yɛ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mán, Zhezü Krisì kɔrɛ̀-levri mɛ̀n, ɛnshi-fù ndɔ lɔ de bɔ́ lɔ fɛn bɔ́ cɔ́ ankaẅì-bùtan mɛ̀n, Ɛnhɛ́n léyi Ɔwɔ wá ɔmùan nɔn n'ɛmɛ̀n.

Galasi anmàn-bɔ̀ 3:3

Ɔbrɔ̀sà tán de nyɛ́n ẅɛn ɔmu lɔ nɛ́n? Ɔkɔ̀hɔ̀n léyi nyɛ́n bukru Ɔwɔ Hɛ́n kɔrɛ̀levri mɛ̀n, nye ji nyɛ́n trɔ nɛ̀n ɛhán zɛtɛ̀ lɔ nyɛ́n dùku ny'ecüiemɛ̀n hàn?

Galasi anmàn-bɔ̀ 3:5

Ɛnvra léyi Ɔwɔ kɛ tán nyɛ̀n n'Ɛnhɛ́n kɩ kɛ hán anvɛmɛ̀n-frɛ́n-ci ny'anwanzi, nɛ hán eci lɔ ɔmuhi nyɛ́n ẅɛn ɛnyànmàn wá kale ɔmuhi nyɛ yá kɩ nye bú Ɛmɛẅi ankà Ankrankran lɔ nyɛ tán ankaẅì nɛ́n?

Ebre-bɔ̀ 2:4

Ɛnvra zri lɔ, Ɔwɔ tán yɔ dalɛfuɛ-dì lɔ ecüì, kɩ hán eci woroanci mán anvɛmɛ̀n-frɛ́nci mɛ̀ntɛ mɛ̀ntɛ, ɔmu zri lɔ nɛ̀n dɛ́ Ɛnhɛ́n Prɔnprɔn cice lɔ, hán ɔmu le nɛ́n cüɛ̀n nɔn hɔ́.

Ebre-bɔ̀ 4:2

Ɔmuhi bɔ̀ cɔ́ Ɔwɔ mùan ankà-dɔ̀ hán anwrɔn hɔ̀n léyi dú ɛnnùwì nɔn hɔ́. Tɛ́n, yɔ yá ɛmɛẅi ankà ndɔ lɔ kɩ yɔ sɩ̀ cɔ̀ nɛ́n vɔ̀nshɛ́, ɔmuhi ɛnvra léyi yɔ yá ankà lɔ nɔn, yɔ sɩ̀ bɩ́ nɛ̀n ankaẅìbùtan mɛ̀n.

Ebre-bɔ̀ 6:4

Annanwɔrɛ mɛ̀n lɔ, anhontan kɛ lɛ hán kè dù tán anwrɔn hɔ̀n léyi ke vru kɛ vá y'ɛwúvà gbànvri lɔ mɛ̀n nɛ́n? Yɔ cɔ́ ɛdɛ̀n zri Ɔwɔ yrikàn. Yɔ cɔ́ anhobɩ́ kɔrɛwá mán Ɛnhɛ́n Prɔnprɔn. Yɔ nyri ɔmu le Ɔwɔ mùan ankà-dɔ̀ zrɔ kɩ yɔ kán eci léyi dú ɛwúvà wrù léyi dú ezì kɛ và nɔn, n'ɛkɔrɛ̀srɔn hɔ̀n. Kɩ ɔmu tɛ̀ki yɔ vru yɔ vá y'ɛwúvà gbànvri lɔ mɛ̀n. Sɔtan yɔ vru yɔ hán yɔ crɔn ɛnkru, ɔmuhi, yɔ tɛn yɔ vru yɔ bɩ́ Ɔwɔ Ẅì yɔ hɛ́n ɛgbàn-hán-tɛ̀ wú kɩ anwrɔn lɔ fɛn zìwú yɔ wɔra nɛ̀n.

1 Piɛrɛ̀n 1:12

Ɔwɔ hán tán n'ɔmùan-wú-ankà-dɔ́ bɔ̀ nyri ɔmu le ɛmɛẅi ankà léyi nɛ̀n wá yɔ antamɛ̀n nɔn, kè sɩ̀ dù yɔ dùku yɔ tɛn, tɛ́n ny'ankà de yɔ dɔ̀ nɔn. Ɛmɛẅi ankà ndɔ lɔ, nyɛ́n cɔ́ nɛ̀n zɛtɛ̀ lɔ Ɔwɔ-ankà-dɔ́-bɔ̀ mùan mɛ̀n; yɔ dɔ́ Ɛmɛẅi ankà Ankrankran lɔ, Ɛnhɛ́n Prɔnprɔn léyi dú anhobɩ́ nvà nɔn, n'ɛkɔrɛ̀srɔn mɛ̀n. Kɩ Ɔwɔ kùyüre-bɔ̀ dùku mán ke ji kè nyri Ɛmɛẅi ankà Ankrànkràn ndɔ lɔ.