Galasi anmàn-bɔ̀ 3:11 - Ɛmɛẅi ankà ankrànkràn 2003

¹¹ Ke ji le bɔ́ nyri kpete mɛ̀n le, ɔwrɔnẅì zriɛmɛ́n ke sɩ̀ srɔ ɛnyrɔnnan-wrɔn rɔ́ Ɔwɔ zìwú, n'ɛnyànmàn kɔrɛ̀-zì ci-hán mɛ̀n, ɔmuhi ye merɛ́n le: “Ɔwrɔn léyi srɔ ɛnyrɔnnan-wrɔn ankaẅì-bùtan mɛ̀n nɔn, ne le dú ɛwúvà mɛ̀n.”

Galasi anmàn-bɔ̀ 3:11 Iomraidhean Croise

Rɔmɛ̀n-anmàn-bɔ̀ 1:17

Annanwɔrɛ mɛ̀n lɔ, Ɛmɛẅi ankà Ankrankran lɔ ke yé ɔmu le Ɔwɔ kɛ tán anwrɔnẅì ɛnyrɔnnan n'ezìwú nɔn; ankaẅì-bùtan zriemɛ̀n kɩ, dú ɛnkrubɔmɛ̀n mán ɔtrɔmɛ̀n, hán ɔmu le Owrú Prɔnprɔn kɛ dɔ̀ nɔn hɔ́: “Ɔwrɔn léyi dú ɛnyrɔnnan mɛ̀n ankaẅì-bùtan-ẅɛn mɛ̀n nɔn, nɛ lɛ cɔ́ ɛwúvà.”

Galasi anmàn-bɔ̀ 2:16

Kɩ, bɔ́ nyri ɔmu le ɔwrɔnẅì dú ɛnyrɔnnan mɛ̀n Ɔwɔ zìwú ankaẅì-bùtan léyi nɛ̀n ẅɛn Zhezü Krisì mɛ̀n, tɛ́n kè sɩ̀ dù hɩ le nɛ wá Mohizì nyànmàn lɔ nɔn. Hɩ le kruhú de, bɔ́ mán, bɔ̀ ẅɛn ankaẅì-bùtan Zhezü Krisì mɛ̀n, ô ye nyri ɔmu le bɔ̀ dú ɛnyrɔnnan-bɔ̀ ankaẅì-bùtan léyi bɔ̀ ẅɛn Krisì mɛ̀n, tɛ́n kè sɩ̀ dù hɩ le bɔ́ wá ɛnyànmàn ndɔ lɔ nɔn. Ɔmuhi ɔwrɔn zriɛmɛ́n ke sɩ̀ dú ɛnyrɔnnan-wrɔn Ɔwɔ zìwú ɔmuhi eci lɔ fɛn mɛ̀n lɔ nɛ wá Ɔwɔ nyànmàn nɔn.

Ebre-bɔ̀ 10:38

Tɛ́n Ɔwɔ kɛ dɔ̀ le, ɔwrɔn léyi dú ɛnyrɔnnan mɛ̀n m'ezìwú nɔn, ke le dú ɛwúvà mɛ̀n ankaẅìbùtan mɛ̀n, tɛ́n ke dú kɛ ne vru ɛmɛẅi, mɛ́n sɩ̀ ẅɛn ɛcüɛ̀n n'ɛwú.”

Zhakɛ̀n 1:27

Nyàn eci léyi Ɔwɔ Zí ke bɩ ke wotro ɔkɔ̀hɔ̀n fifi mán annanwɔrɛ nɔn: Yɔ wá ɛzhe-ẅì hɔ̀n mán ɛngrɔn-wúyɔ̀ hɔ̀n ɛkɔrɛ̀ y'ɛgbànkàn lɔ mɛ̀n, ô nyɛ́n wá ny'edomɛ̀n esùva ɛnu ɛnhibù wú ci-gbàngbàn lɔ fɛn tɛ̀sɛ̀n.

Zhakɛ̀n 3:2

Bɔ́ hán ɛzɛ́n-ci ɛci bobrebe hán mɛ̀n. Ke dú kɛ ɔwrɔn tɔ̀n ke sɩ́ zɛ́n n'ankà-dɔ́ mɛ̀n hô, nɛ̀n dú ɔwrɔn anvrɛnvrɛn tɔ̀n léyi kɛ lɛ bɔ̀sɔ n'edùwru lɔ tɛ̀ nɔn.

Ɔwɔ-mɛ̀n-yrikàn 5:9

Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.