Galasi anmàn-bɔ̀ 3:1 - Ɛmɛẅi ankà ankrànkràn 2003

¹ Galasi anmàn-bɔ̀, ɔbrɔ̀sà-bɔ̀! Antɔnwrɔn de wá nyɛ̀n anwa ɛnkruemɛ̀n nɛ́n? Tɛ́n, Zhezü Krisì wù lɔ cehɛ́n de ye yé nyɛ̀n ɛgbàn-hán-tɛ̀ wú nɔn.

Galasi anmàn-bɔ̀ 3:1 Iomraidhean Croise

Matie 24:24

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci ɛvrivri hɔ̀n mán eci-woroan-ci, ô yɔ frɛ́n anwrɔn, bɔ̀ sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le bore.

Matie 7:26

Tɛ́n ɔwrɔn totɔtɔ̀n léyi ke die m'ankà-dɔ̀ nukùɛ, hɩ ke sɩ́ hán n'ɛkɔrɛ̀zì-ci nɔn, ne le dù kɛ lɛ cá ɔbrɔ̀sà-wrɔn léyi ku n'ɔwɔn ɛnhiẅia mɛ̀n nɔn.

Lükɛ̀n 24:25

Zɛtɛn Zhezü kɛ dɔ́ yɔ le: “Ɛkruemɛ̀n-woro-bɔ̀, ny'ankaẅɩ̀-bùtan sùnàn kɛ moɛ́n Ɔwɔ-mùanwú-ankà-dɔ́-bɔ̀ tɛsɛ̀n!

Ɔkɔ̀hɔ̀n-wá-bɔ̀ kɔ̀hɔ̀n hán 16:6

Ɛnhɛ́n Prɔnprɔn kè sɩ̀ tán yɔ ɛkɔrɛ̀levri yɔ dɔ́ Ɔwɔ ankà Azi kpɔsɔ wú lɔ, hán tán kɩ yɔ vɔ́n Frizhi mán Galasi kpɔsɔ wú.

Ɔkɔ̀hɔ̀n-wá-bɔ̀ kɔ̀hɔ̀n hán 6:7

Ɔwɔ ankà-dɔ̀ lɔ kɛ sán bonyi ɛyri lɔ fɛn. Ɛsɛ̀nkɛn-bɔ̀ lɔ kɛ sán cüɛn Zherüzalɛmɛ̀n anmàn, kɩ Ɔwɔ-bɔ̀ bobrebe sɩ́ y'edomɛ̀n ɛnhi tán ankaẅì-bùtan, Zhezü bɩmɛ̀n.

Rɔmɛ̀n-anmàn-bɔ̀ 10:16

Tɛ́n yɔ lɛ fɛn yɔ sɩ̀ bɩ́ Ɛmɛẅi ankà Ankrankran lɔ. Annanwɔrɛ mɛ̀n lɔ Ezàhi kɛ dɔ̀ le: “Ɛẅɛnwrɔn, antɔnwrɔn de bú Ɛmɛẅi ankà Ankrankran léyi bɔ́ dɔ̀ nɔn, n'ankà tán ankaẅì nɛ́n?”

Rɔmɛ̀n-anmàn-bɔ̀ 2:8

Tɛ́n, ne le bɩ́ n'ɛmɛ̀nhyì mán nɛ́n gbɔ̀kɔ̀ nɛ̀n yé anwrɔn hɔ̀n léyi kɛ kɛ́n nɛ̀n ezì, ke sɩ́ ji annanwɔrɛ ankà kɩ ke bɩ́ eci-gbàngbàn-hán ankà nɔn.

Rɔmɛ̀n-anmàn-bɔ̀ 6:17

Tɛ́n Ɔwɔ kɛ̀ cɔ́ ɛmrɛ́n: nyɛ́n léyi nyɛ́n gɔ̀ dú ɛgbàn wɔ̀n-bɔ̀ nɔn, zɛtɛ̀ lɔ nyɛ́n bɩ́ ny'ɛnbɔrɛ lɔ fɛn nyɛ́n wá ankà-yé léyi nyɛ́n cɔ̀ nɔn wú.

1 Korɛntɛ̀n anmàn-bɔ̀ 11:26

Annanwɔrɛ mɛ̀n lɔ, hàn kɩ kɛ lɛ cɔ́ ɛnvra léyi Ɛẅɛnwrɔn kɛ lɛ và nɔn, nyɛ dɔ́ n'ɔwú ankà, ɛnvra lɔ fɛn léyi nyɛ rá abùtùkumɛ́n ndɔ lɔ kɩ nye mi ɛntàn grashɛ̀n ndɔ lɔ nɔn.

1 Korɛntɛ̀n anmàn-bɔ̀ 2:2

Ɔmuhi mɛ̀n wá le mɛ́n sɩ̀ dɔ́ eci zriɛmɛ́n ankà ɛnvra léyi me le bɩ, mɛ̀n dú nyɛ̀n ɛmɛ̀n, ke dú kɛ kè sɩ̀ dù Zhezü Krisì ankà, annannan le Zhezü Krisì léyi yɛ gɔ́n-brɛ́ ɛgbàn-hán-tɛ̀ domɛ̀n nɔn.

2 Korɛntɛ̀n anmàn-bɔ̀ 10:5

ɛci hɔ̀n lɔ fɛn léyi tùtre mɛ̀n, kɛ kɛ́n Ɔwɔ nyrì-ankà ezì nɔn, bɔ́ crɛ yɔ cüe, bɔ́ srɔ anwɔn-mɛ̀n-wá-wrɔn, ankà-tro lɔ fɛn, ô bɔ̀ hán nɛ̀n nɛ̀n ẅɛn Krisì wá.

2 Korɛntɛ̀n anmàn-bɔ̀ 11:3

Tɛ́n, hán ɔmu le Ɛvɛ̀n teze n'edomɛ̀n bru ɛnlɛbrì tanwrɔn lɔ mɛ̀n nɔn, mɛ ẅɛn ɛnjansù le, ny'ɛnkruemɛ̀n-ẅɛ̀n ke bɩ́ jrɛ́a, ô ke sɩ́ nyɛ̀n esù she Krisì cüɛ̀n-mùan-zri-dì fifi lɔ tɛ̀sɛ̀n.

Galasi anmàn-bɔ̀ 1:2

Anwrɔn-nɛ́n-muan-ẅì hɔ̀n lɔ fɛn léyi dú ɛnu lɔ nɔn cɔ́ mɛ̀n, ô bɔ̀ yüre Ɔwɔ-fɛcüè-bɔ̀ léyi dú Galasi anmàn nɔn, owrú ndɔ lɔ ô kɛ̀ dɔ́ yɔ le:

Galasi anmàn-bɔ̀ 1:6

Ny'ejüi léyi nyɛ́n crɛ̀ sɔ́n Ɔwɔ esù-kpràkprà-nán mɛ̀n nɔn, hɩ ci-hán lɔ kɛ frɛ́n mɛ̀n anvɛmɛ̀n: nɛ̀n bi nyɛ̀n Krisì boafɔ̀n lɔ mɛ̀n, kɩ nyɛ tɛn nyɛ́n crɛ ezì nyɛ́n kɛ́n Ɛmɛẅi ankà nyantɛn léyi nye bɩ nyɛ hán Ɛmɛẅi ankà Ankrankran nɔn.

Galasi anmàn-bɔ̀ 2:14

Ɛnvra léyi mɛ̀n kán ɔmu le y'esùnàn ke sɩ́ ci annanwɔrɛ Mɛẅi ankà Ankrankran lɔ wú nɔn, mɛ̀n dɔ́ Piɛrɛ̀n anwrɔn lɔ fɛn zìwú le: “Vɛtɛn è dú Zhüifɛ̀n-wrɔn, ɛnu lɔ, v'ɛwúvà lɔ, kè sɩ̀ dù kɛ̀ hàn yɔ léyi yɔ sɩ̀ dù Zhüifɛ̀n-bɔ̀ nɔn, kɩ e sɩ́ hán Zhüifɛ̀n-bɔ̀ nyànmàn-ci. Anhɔntan de ɛ lɛ hán ô ɛ̀ ẅɛn kèkrèmɛ̀n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ̀ hán Zhüifɛ̀n-bɔ̀ wúvà ci-hán-ci nɛ́n?”

Galasi anmàn-bɔ̀ 3:3

Ɔbrɔ̀sà tán de nyɛ́n ẅɛn ɔmu lɔ nɛ́n? Ɔkɔ̀hɔ̀n léyi nyɛ́n bukru Ɔwɔ Hɛ́n kɔrɛ̀levri mɛ̀n, nye ji nyɛ́n trɔ nɛ̀n ɛhán zɛtɛ̀ lɔ nyɛ́n dùku ny'ecüiemɛ̀n hàn?

Galasi anmàn-bɔ̀ 4:9

Tɛ́n zɛtɛ̀ léyi nyɛ́n nyri Ɔwɔ (kɩ Ɔwɔ mán nyri nyɛ̀n zɛtɛ̀ lɔ nɔn), anwɔntan kɛ hán ke cì kɛ̂ nye vru ɛmɛẅi nyɛ hɔ́n ɛjɛ̀ mán ɛmian hɛ́n cüì hɔ̀n yriɛ? Nye ji nyɛ́n vru nyɛ́n srɔ y'anwɔ̀n-bɔ̀a?

Galasi anmàn-bɔ̀ 5:11

Mɛ tɛn tɛ́n, anwrɔn-nɛ́n-muan-ẅì hɔ̀n, ke dú kɛ, ke dú annanwɔrɛ le mɛ̀n vru mɛ dɔ́ wúcɔ̀-dɔmɛ̀n-wi ankà, cɛci kruhú kɛ ye vru yɛ kɔ́n mɛ̀n anhàa? Ndɔ lɔ wú, ke dú kɛ yɛ dɔ́ Krisì gbàn-hán-tɛ̀ domɛ̀n gɔ̀n brɛ́ ankà hô, ke sɩ̀ vru dù ɛnkruemɛ̀n-jrɛ́ ankà kɛ̀ tán ɔwrɔn zriɛmɛ́n.

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Efɛzɛ̀n anmàn-bɔ̀ 4:14

Zɛtɛn, bɔ́ sɩ̀ vru dú ɛẅì hɔ̀n léyi Ɔwɔ ankà-dɔ̀ nyàntɛn hɔ̀n dɔ̀nwrɔ̀n kɛ kɛ́n sɩ́ ɛzɛnmɛ̀n, kɩ ɛfrɛ́n-bɔ̀ kɛ wán sɩ́ ɛzrɛ́n levri wú nɔn.

Efɛzɛ̀n anmàn-bɔ̀ 5:15

Ɔmu lɔ, nyɛ́n wá esùva anvrɛnvrɛn ny'ɛwúvà ẅɛn mɛ̀n. Nyɛ́n bɩ́ nán esù kɛ hán ɔbrɔ̀sà-bɔ̀ hɔ́, tɛ́n kɛ̀ hán ankà-nyri-bɔ̀ hɔ́.

2 Tesalonikɛ̀n anmàn-bɔ̀ 1:8

nɛ lɛ vá ɛnhyà wɔnsɛ́n mɛ̀n, ô nɛ̀n hán anwrɔn hɔ̀n léyi kɛ kɔrɔ ke sɩ́ ji kè nyri Ɔwɔ, hɩ ke sɩ́ ẅɛn bɔ́ Ɛẅɛnwrɔn Zhezü Mɛẅi ankà Ankrankran lɔ kɛ hɛ́n hàn nɔn, ɛgbàn.

Kpàkpà timote 6:4

nɛ̀n dú tùtre-wrɔn mán ɔbrɔ̀sà-wrɔn léyi kɛ̀ sɩ̀ nyrì eci zriɛmɛ́n nɔn. Ecüìwrɔn mán ankà-sí lɔẅiɛ dú nɛ̀n edòmɛ̀n ankà-dɔ̀ wú. Nanvrɛn de yɛ cɔ́ ecüì-hi-kɔ̀n, ɛjìkɔ̀n, ɛwora, ɔwrɔn ankàtro-gbàngbàn-ẅɛ̀n,

Ebre-bɔ̀ 11:8

Ankaẅìbùtan de hán Abrahamɛ̀n wá Ɔwɔ ɛnvra léyi Ɔwɔ bí nɛ̀n nɔn: nɛ̀n hɔ́n ɛnhi wú anmàn tɔ̀n wú léyi Ɔwɔ kɛ tán nɛ̀n kè dú nɛ tɛn nɔn. Nɛ́n hɔ̀n, kɩ nɛ́n sɩ́ nyri ɛyri léyi nɛ hɔ̀n nɔn.

Ebre-bɔ̀ 5:9

Ɛnvra léyi ye sɩ́ nɛ̀n ɛwú n'eci-ankrànkràn-hán mɛ̀n nɔn, nɛ̀n srɔ ɛnkrukɔrɛ̀ léyi ke sɩ́ trɔa nɔn yi ɛnshibɛ́ nɛ̀n tán anwrɔn hɔ̀n léyi ẅɛn n'ɔwá nɔn.

1 Piɛrɛ̀n 1:22

Ankà annanwɔrɛ anhyɛyì de fi nyɛ̀n edòmɛ̀n nɔn, ô nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n hɔ́. Zɛtɛn nyɛ́n cüɛn ny'edomɛ̀n anvrɛnvrɛn mɛ̀n, ɛnbɔrɛ fifiemɛ̀n.

1 Piɛrɛ̀n 4:17

Ɛmrɛ̀nci vra lɔ ncɔ̀a, kɩ Ɔwɔ fɛcüè de yɛ gɔ́ ci ɛmrɛ̀n nɔn. Tɛ́n, ke dú kɛ ɛmrɛ̀ncì lɔ ke bukru bɔ́ yri, anhɔntan de kɛ lɛ hán kè dú ɔtrɔ mɛ̀n lɔ, ɛnvra léyi nɛ lɛ bó nwù nɛ tán anwrɔn hɔ̀n léyi ke sɩ́ ji kè bú Ɔwɔ Mɛẅi ankà Ankrankran kɛ tán ankaẅì nɛ́n?

2 Piɛrɛ̀n 2:18

Yɔ dɔ́ ankà woro hɔ̀n ke sevri, kɩ ke sɩ́ ẅɛn ɛnkru, yɔ bɩ́ y'anvɛvrà ankàtro hɔ̀n lɔ yɔ krɔ́n antanwrɔn ô yɔ ẅɛn anwrɔn hɔ̀n léyi ɛnvra bruemɛ̀n srɛ́ di fɛcüè ci-gbàngbàn-hán-bɔ̀ léyi dú ɛzɛ́n mɛ̀n nɔn anta.

Ɔwɔ-mɛ̀n-yrikàn 18:3

Ɛnhi-wú-anmàn hɔ̀n lɔ fɛn mi n'ɛnbramɛ̀n-ci-hán mɛ̀nhyì-tàn wɔnsɛn lɔ. Ɛnhi wú nɛncüì hɔ̀n lɔ dú eci-gbàngbàn-hán mɛ̀n nɛ́n mán yɔ mɛhi kɩ ɛnhi wú anhàn-zhrɛ-bɔ̀ di ɛnnɛ̀ncüì n'eci-ankrànkràn-cüɛ̀n léyi ke sɩ̀ ẅɛ̀n ɔtrɔ nɔn wú.”

Ɔwɔ-mɛ̀n-yrikàn 2:20

Tɛ́n mɛ̀n ẅɛn ebrè tɔ̀n me le di mɛ́n: ɛ̀ tán Zhezabɛlɛ̀n ɛkɔrɛ̀levri, ɛnnyɔnwrɔn ndɔ léyi ke bú n'edomɛ̀n kɛ hán Ɔwɔ-mùan-wú-ankà-dɔ́-hi nɔn. Nɛ zrɛ́n m'ɛci-bɩ̀tan-bɔ̀, nɛ wá tán yɔ, yɔ hán ɛci gbàngbàn kɩ nɛ hán yɔ, yɔ rá ɛcice nɔ̀n hɔ̀n léyi yɛ tán antɛ̀buri nɔn.