Galasi anmàn-bɔ̀ 2:9 - Ɛmɛẅi ankà ankrànkràn 2003

⁹ Zhakɛ̀n, Piɛrɛ̀n mán Zhan hɔ̀n léyi ndù hán Ɔwɔ-fɛcüè bù-nan hɔ́ nɔn, nyri ɔmu le Ɔwɔ wá mɛ̀n ɔkɔ̀hɔ̀n vɛ́n ndɔ lɔ antamɛ̀n; zɛtɛn yɔ tán bɔ̀ ɛkɔrɛ̀, Barnabasɛ̀n mán mɛ̀n, ɔmùan-krɔn ci-hán mɛ̀n. Ɔmu lɔ de, bɔ lɛ fɛn ɔmùan-krɔn mɛ̀n lɔ, bɔ̀ wá le, bɔ́ eci-hán mɛ̀n lɔ, bɔ́ lɛ hɔ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn y'anwanzi bɔ̀ hán ɔkɔ̀hɔ̀n, kɩ yɔ tɛn yɔ lɛ hɔ́n Zhüifɛ̀n-bɔ̀ yri.

Galasi anmàn-bɔ̀ 2:9 Iomraidhean Croise

Matie 16:18

Kɩ mɛ̀n, mɛ dɔ́ mɛ́n annànwɔrɛ mɛ̀n le, è dú obù kɩ obù, ndɔ lɔ wú, me le ku mɛ́n fɛcüè wɔn lɔ. Owù dùku mán kè sɩ̀ ẅɛ̀n ɛkɔrɛ̀srɔn n'ɛwú.

Lükɛ̀n 22:8

Zhezü wá Piɛrɛ̀n mán Zhan ɔkɔhɔ̀n, kɩ kɛ dɔ́ yɔ le: “Nyɛ́n hɔ̀n nyɛ́n gbrɛ́ bɔ́ Ɛẅɛnwrɔn-bemɛ̀n-cì koran ci-zî lɔ.”

Zhan 1:42

Kɩ Andre bɩ́ Simɔn hɔ́n Zhezü ɛtɛsɛ̀n. Zhezü nyan nɛ̀n kɩ kɛ dɔ̀ le: “È dú Simɔn, Zhan ẅì; Ye le bi mɛ́n zɛtɛn Sefasɛ̀n.” (N'ɛmɛ̀n kɛ dɔ̀ le “Obù”.)

Ɔkɔ̀hɔ̀n-wá-bɔ̀ kɔ̀hɔ̀n hán 12:17

Piɛrɛ̀n hán yɔ ɛkɔrɛ̀ le yɔ kɛ́n ɔmùan yɔ hɛ́n, kɩ nɛ̀n dɔ́ yɔ ɔmu le Ɛẅɛnwrɔn hán nɛ̀n nɛ̀n dú anwɔn-mɛ̀n-wá-wɔn mɛ̀n nɛ̀n srɔ ɛntrɛ nɔn. Piɛrɛ̀n vru kɛ dɔ̀ le: “Nyɛ́n dɔ́ Zhakɛ̀n mán anwrɔn-nɛ́n-muan-ẅì hɔ̀n ndɔ hɔ̀n lɔ ankà lɔ.” Zɛtɛn Piɛrɛ̀n srɔ ɛntrɛ kɩ hɔ́n ɛyri nyantɛn.

Ɔkɔ̀hɔ̀n-wá-bɔ̀ kɔ̀hɔ̀n hán 15:13

Ɛnvra léyi yɔ dɔ́ ankà trɔ nɔn, Zhakɛ̀n bɩ́ ankà-dɔ̀ kɩ kɛ dɔ̀ le: “Anwrɔn-nɛ́n-muan-ẅì hɔ̀n, nyɛ́n die mɛ̀n nukùɛ!

Ɔkɔ̀hɔ̀n-wá-bɔ̀ kɔ̀hɔ̀n hán 15:7

Ɛnvra léyi yɔ wrɔ́n ecüì sheshe trɔ nɔn, Piɛrɛ̀n bɩ́ ankà-dɔ̀ kɩ kɛ dɔ̀ le: “Anwrɔn-nɛ́n-muan-ẅì hɔ̀n, nyɛ́n nyri ɔmu le ɛnvra sheshemɛ̀n de ny'ɛmɛ̀n lɔ, Ɔwɔ mrɛ́n mɛ̀n bɩ, ô mɛ̀n dɔ́ anwrɔn hɔ̀n léyi ke sɩ̀ dù Zhüifɛ̀n-bɔ̀ nɔn, Ɛmɛẅi ankà Ankrankran lɔ, ô yɔ cɔ̀ yɔ yá, ô yɔ ẅɛn ankaẅì-bùtan.

Ɔkɔ̀hɔ̀n-wá-bɔ̀ kɔ̀hɔ̀n hán 4:36

Nyàn sɛnpò tɔ̀n; ɔwrɔn tɔ̀n léyi ye bi Zhozɛfɛ̀n, nɛ̀n dú Ɔwɔ-cɔ̀-krɛ́-wrɔn, ye bî nɛ̀n Shiprɛ̀n anmàn, nɛ́n de ɔkɔ̀hɔ̀n-wá-bɔ̀ ke bi nɛ̀n Barnabasɛ̀n (hɩ mɛ̀n kɛ dɔ̀ le “ɔwrɔn léyi ke yɩ́ anwrɔn edù nɔn”),

Rɔmɛ̀n-anmàn-bɔ̀ 1:5

N'ɛmɛ̀n lɔ, Ɔwɔ tán mɛ̀n n'ɛcüɛ̀n, ô mɛ̀n dú ɔkɔ̀hɔ̀n-wá-wrɔn Krisì ci-zrɔ mɛ̀n, ô mɛ̀n hán anwrɔn hɔ̀n lɔ fɛn léyi dú ɛnhi wú nɔn kè bú n'ankà kɛ̀ tán ankaẅì, ô kɛ̀ hán n'ɛkɔrɛ̀zì-ci.

Rɔmɛ̀n-anmàn-bɔ̀ 12:3

Ecice-ci léyi Ɔwɔ tán mɛ̀n n'ɛcüɛ̀n lɔ mɛ̀n nɔn, hɩ kruhú de mɛ dɔ́ tán nyɛ lɛ fɛn le: nyɛ́n bɩ́ ẅɛn ankà-tro ke sevri kɛ vrán nyɛ́n mumù. Tɛ́n nyɛ́n ẅɛn ankà-tro hɔ̀n léyi vɛ́n nyɛ̀n, ɔwrɔnwrɔn n'ankaẅì-bùtan léyi Ɔwɔ tán nɛ̀n nɔn hɩ wú.

Rɔmɛ̀n-anmàn-bɔ̀ 15:15

Ɔmu tɛ̀kɩ, mɛ̀n merɛ́n nyɛ̀n owrú ɛkɔrɛ̀levriemɛ̀n, ô owrú lɔ mɛ̀n, mɛ̀n kore nyɛ̀n ankà léyi nyɛ́n gɔ́ nyrì nyɛ́n hɛ́n nɔn. Mɛ̀n merɛ́n owrú ɔmu lɔ ɛkɔrɛ̀-wá léyi Ɔwɔ tán mɛ̀n nɔn hɩ wú,

1 Korɛntɛ̀n anmàn-bɔ̀ 15:10

Tɛ́n Ɔwɔ boafɔ̀n mɛ̀n lɔ, mɛ̀n dú eci léyi dú mɛ̀n nɔn, kɩ nboafɔ̀n léyi Ɔwɔ tán mɛ̀n nɔn kè sɩ̀ srɔ̀ eci woro: tɛ́n, mɛ̀n hán ɔkɔ̀hɔ̀n vrán ɔkɔ̀hɔ̀n-wá-bɔ̀ lɔ fɛn; annanwɔrɛ mɛ̀n lɔ kè sɩ̀ dù mɛ̀n, tɛ́n Ɔwɔ boafɔ̀n de hán ɔkɔ̀hɔ̀n m'ɛmɛ̀n nɔn.

2 Korɛntɛ̀n anmàn-bɔ̀ 11:5

Mɛ́n sɩ́ tro le mɛ̀n dú ɛnhi mɛ̀n vrán ny'ɔkɔ̀hɔ̀n-wá-bɔ̀ léyi nye tro le sevri nɔn!

2 Korɛntɛ̀n anmàn-bɔ̀ 12:11

Mɛ dɔ́ ankà kɛ hán nmù-wrɔn hɔ́, tɛ́n nyɛ́n de nyɛ́n wá tán mɛ̀n nɔn. Nyɛ́n de ke ji le nyɛ́n dɔ́ ankà nyɛ́n tán mɛ̀n. Ɔmuhi ke dú kɛ mɛ̀n sɩ̀ dù eci zriɛmɛ́n hô, nyɛ́n nyri ɔmu le mɛ̀n sɩ̀ dù ɛnhi kɛ̀ vràn ny'ɔkɔ̀hɔ̀n-wá-bɔ̀ léyi nye tro le sevri nɔn.

2 Korɛntɛ̀n anmàn-bɔ̀ 8:4

Yɔ sɛ́n bɔ̀ bɔ̀ tán yɔ ɛkɔrɛ̀levri, ô yɔ mán yɔ wá ankaẅì-bùtan-ẅɛn-bɔ̀ léyi dú Zhüde kpɔsɔ wú nɔn ɛkɔrɛ̀.

Galasi anmàn-bɔ̀ 1:18

Ɛnnànwàn kru anhɔ̀n vacì yakɛ mɛ̀n hɔ́n Zherüzalɛmɛ̀n anmàn, ô mɛ̀n nyri Piɛrɛ̀n, kɩ mɛ̀n cɔ́ nɛ̀n mɛhi bɔ̀ yɛ́ ɛnyanbì kru anhyrɛ̀.

Galasi anmàn-bɔ̀ 2:1

Ɛnnànwàn kru ɛvà-anzɔ̀ vacì, mɛ̀n vru ɛmɛẅi mɛ̀n vá Zherüzalɛmɛ̀n anmàn, mɛ̀n mán Barnabasɛ̀n mɛhi; mɛ̀n vru mɛ̀n bɩ́ Titɛ̀n mɛhi bɔ́ hɔ̀n.

Galasi anmàn-bɔ̀ 2:2

Mɛ̀n hɔ́n nanvrɛn, ô mɛ̀n nyri Ɔwɔ ankà léyi ke ji kɛ̀ dɔ́ mɛ̀n nɔn. Ɛmɛ̀n krubɔrɛ tɔ̀n léyi mɛ̀n mán ɛnkru-ɛvrivri-bɔ̀ mɛhi bɔ́ ẅɛ̀n nɔn, mɛ̀n dɔ́ yɔ́ Ɛmɛẅi ankà Ankrànkràn léyi mɛ dɔ́ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn. Mɛ́n sɩ́ ji le m'ɔkɔ̀hɔ̀n léyi mɛ̀n hán mán hɩ le mɛ vá ɛhán yri nɔn, kɛ̀ srɔ eci woro.

Galasi anmàn-bɔ̀ 6:3

Ke dú kɛ ɔwrɔn tɔ̀n ke tro le nɛ̀n ẅɛn vɔ̀nshɛ́, tɛ́n nɛ̀n sɩ̀ dù eci zriɛmɛ́n, nɛ frɛ́n n'edomɛ̀n.

Efɛzɛ̀n anmàn-bɔ̀ 2:20

Nyɛ́n dú ɔwɔn léyi ye kù, kɩ ɔkɔhɔ̀n-wá-bɔ̀ mán Ɔwɔ-mùanwú-ankà-dɔ́-bɔ̀ dú ɛnhi-nan-bù, kɩ Zhezü Krisì dùku dú Ɔwɔn-kàvà-mɛ̀n-bù.

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Kɔlɔsèn anmàn-bɔ̀ 1:29

Ɔkɔ̀hɔ̀n ndɔ lɔ, n'ɛhán mɛ̀n lɔ, mɛ hán ɔkɔ̀hɔ̀n kɩ mɛ̀n dú ecüìwrɔn mɛ̀n, Krisì cüì léyi kɛ tán mɛ̀n nɔn, n'ɛkɔrɛ̀-srɔn mɛ̀n.

Kpàkpà timote 3:15

Tɛ́n, ke dú kɛ m'ɛvà lɔ kɛ mɔ̀ɛn hô, ɛwrú-ẅì ndɔ hɔ̀n lɔ ke le yé mɛ́n esù léyi ke ji le ɛ̀ nán Ɔwɔ mɛ̀n lɔ mɛ̀n nɔn, hɩ mɛ̀n kɛ dɔ̀ le Wɔ Fɛcüè kɔrɛkɔrɛ léyi dú ɔwɔn-hi-nan-bù, hɩ kɛ ẅɛn ankaẅì annanwɔrɛ hɛ́n nɔn.

1 Zhan 1:3

Eci léyi bɔ́ kàn, mán ankà léyi bɔ̀ yá nɔn, nyɛ́n mán bɔ́ dɔ́ tán nyɛ̀n; ɔmu lɔ de nyɛ lɛ cɔ́ bɔ̀ bò dú ɔbɔ̀sɔ̀ léyi bɔ̀ ẅɛn Ɔwɔ Zi mán n'Ɛnẅì Zhezü-Krisì mɛ̀n nɔn.

Ɔwɔ-mɛ̀n-yrikàn 3:12

Ɔkɔ̀nká-wrɔn lɔ, mɛ lɛ srɔ nɛ̀n m'Ɔwɔ lɔ n'ecice wɔn hinan-bù, kɩ nɛ́n sɩ̀ vru dú nanvrɛn lɔ nɛ̀n srɔ mrìmrì. N'ɛwú lɔ, me le merɛ́n m'Ɔwɔ bi mán m'Ɔwɔ anmàn bi, Zherüzalɛmɛ̀n wrù léyi dú anhobɩ́ kakɛ hɩ m'Ɔwɔ hán và. N'ɛwú lɔ me le vru mɛ̀n merɛ́n m'ebi wrù lɔ.