Galasi anmàn-bɔ̀ 2:7 - Ɛmɛẅi ankà ankrànkràn 2003

⁷ Tɛ́n, yɔ kán ɔmu le Ɔwɔ tán mɛ̀n, mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Ɛmɛẅi ankà Ankrankran lɔ, hán ɔmu le nɛ̀n tán Piɛrɛ̀n kɛ̀ dɔ́ Zhüifɛ̀n-bɔ̀ nɔn.

Galasi anmàn-bɔ̀ 2:7 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 15:12

Zɛtɛn, fɛcüè lɔ fɛn kɛ́n ɔmùan hɛ́n kɩ ye die Barnabasɛ̀n mán Pɔlɛ̀n nukùɛ kɛ dɔ́ anvɛmɛ̀n-frɛ́n-ci mán eci-woroan-ci hɔ̀n lɔ fɛn léyi Ɔwɔ ci y'ɛmɛ̀n hán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 18:6

Tɛ́n Zhüifɛ̀n-bɔ̀ lɔ kɛ kɛ́n nɛ̀n ezì kɩ kɛ wora nɛ̀n; zɛtɛn nɛ̀n korɛ n'ɛceci wɔ̀n lɔ nɛ̀n ku yɔ ɛwú kɩ nɛ dɔ́ yɔ le: “Ke dú kɛ nyɛ zrɛ́n hô, nyɛ́n dùku de nyɛ́n hán nɔn. Ke sɩ̀ dù m'ankà. Zɛtɛ̀ lɔ mɛ lɛ hɔ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn y'edúyri.”

Ɔkɔ̀hɔ̀n-wá-bɔ̀ kɔ̀hɔ̀n hán 28:28

Pɔlɛ̀n vru kɛ dɔ́ yɔ le, zɛtɛn nyɛ́n nyrì le, Ɔwɔ yüre anwrɔn hɔ̀n léyi ke sì dù Zhüifɛ̀n-bɔ̀ nɔn, n'ɛnkrukɔrɛ̀ mɛẅi ankà, kɩ yɔ tɛn, yɔ lɛ die nɛ̀n nukùɛ!” [

Ɔkɔ̀hɔ̀n-wá-bɔ̀ kɔ̀hɔ̀n hán 9:15

Tɛ́n Ɛẅɛnwrɔn kɛ dɔ́ nɛ̀n le: “Ɛ̀ hɔ̀n, ɔmuhi mɛ̀n mrɛ́n ɔwrɔn ndɔ lɔ mɛ́n bɩ, kɩ nɛ lɛ hán ɛnhi wú anmàn ndɔ hɔ̀n mán y'ɛnnɛ̀ncüì hɔ̀n kè nyri m'ebɩ́, kɩ ɔmu zri lɔ de ke le dù tán Izraɛlɛ̀n fɛcüè nɔn.

Rɔmɛ̀n-anmàn-bɔ̀ 1:5

N'ɛmɛ̀n lɔ, Ɔwɔ tán mɛ̀n n'ɛcüɛ̀n, ô mɛ̀n dú ɔkɔ̀hɔ̀n-wá-wrɔn Krisì ci-zrɔ mɛ̀n, ô mɛ̀n hán anwrɔn hɔ̀n lɔ fɛn léyi dú ɛnhi wú nɔn kè bú n'ankà kɛ̀ tán ankaẅì, ô kɛ̀ hán n'ɛkɔrɛ̀zì-ci.

Rɔmɛ̀n-anmàn-bɔ̀ 11:13

Zɛtɛ̀ lɔ nyɛ́n léyi nyɛ́n sɩ̀ dù Zhüifɛ̀n-bɔ̀ nɔn, mɛ dɔ́ nyɛ̀n le: mɛ̀n dú ɔkɔ̀hɔ̀n-wá-wrɔn léyi ye yüre fɛcüè hɔ̀n léyi kè sɩ̀ dù Zhüifɛ̀n-bɔ̀, kɩ ɔmu lɔ, mɛ̀n dú pɔpüɛ̀-brá mɛ̀n ɔkɔ̀hɔ̀n léyi dú mɛ tɛn nɔn n'ɛkruhú.

1 Korɛntɛ̀n anmàn-bɔ̀ 9:17

Ke dú kɛ mɛ́n dùku de mɛ̀n mrɛ́n ɔkɔ̀hɔ̀n lɔ mɛ́n bɩ nɔn, mɛ lɛ ẅɛn ɔwɔ̀ɛn-dì kɔrɛ̀-levri; tɛ́n ɔmuhi, yɛ wá ɔkɔ̀hɔ̀n lɔ yɛ tán mɛ̀n nɔn, mɛ hán eci léyi yɛ wá tán mɛ̀n nɔn sɔ̀hɔ̀ mɛ̀n.

Galasi anmàn-bɔ̀ 1:18

Ɛnnànwàn kru anhɔ̀n vacì yakɛ mɛ̀n hɔ́n Zherüzalɛmɛ̀n anmàn, ô mɛ̀n nyri Piɛrɛ̀n, kɩ mɛ̀n cɔ́ nɛ̀n mɛhi bɔ̀ yɛ́ ɛnyanbì kru anhyrɛ̀.

Galasi anmàn-bɔ̀ 1:6

Ny'ejüi léyi nyɛ́n crɛ̀ sɔ́n Ɔwɔ esù-kpràkprà-nán mɛ̀n nɔn, hɩ ci-hán lɔ kɛ frɛ́n mɛ̀n anvɛmɛ̀n: nɛ̀n bi nyɛ̀n Krisì boafɔ̀n lɔ mɛ̀n, kɩ nyɛ tɛn nyɛ́n crɛ ezì nyɛ́n kɛ́n Ɛmɛẅi ankà nyantɛn léyi nye bɩ nyɛ hán Ɛmɛẅi ankà Ankrankran nɔn.

Galasi anmàn-bɔ̀ 2:11

Tɛ́n ɛnvra léyi Piɛrɛ̀n vá Antiɔshɛ̀n anmàn nɔn, mɛ̀n kɛ́n nɛ̀n ezì kpete mɛ̀n, ɔmuhi n'ankà dú nwù nɔn.

Galasi anmàn-bɔ̀ 2:14

Ɛnvra léyi mɛ̀n kán ɔmu le y'esùnàn ke sɩ́ ci annanwɔrɛ Mɛẅi ankà Ankrankran lɔ wú nɔn, mɛ̀n dɔ́ Piɛrɛ̀n anwrɔn lɔ fɛn zìwú le: “Vɛtɛn è dú Zhüifɛ̀n-wrɔn, ɛnu lɔ, v'ɛwúvà lɔ, kè sɩ̀ dù kɛ̀ hàn yɔ léyi yɔ sɩ̀ dù Zhüifɛ̀n-bɔ̀ nɔn, kɩ e sɩ́ hán Zhüifɛ̀n-bɔ̀ nyànmàn-ci. Anhɔntan de ɛ lɛ hán ô ɛ̀ ẅɛn kèkrèmɛ̀n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ̀ hán Zhüifɛ̀n-bɔ̀ wúvà ci-hán-ci nɛ́n?”

Galasi anmàn-bɔ̀ 2:9

Zhakɛ̀n, Piɛrɛ̀n mán Zhan hɔ̀n léyi ndù hán Ɔwɔ-fɛcüè bù-nan hɔ́ nɔn, nyri ɔmu le Ɔwɔ wá mɛ̀n ɔkɔ̀hɔ̀n vɛ́n ndɔ lɔ antamɛ̀n; zɛtɛn yɔ tán bɔ̀ ɛkɔrɛ̀, Barnabasɛ̀n mán mɛ̀n, ɔmùan-krɔn ci-hán mɛ̀n. Ɔmu lɔ de, bɔ lɛ fɛn ɔmùan-krɔn mɛ̀n lɔ, bɔ̀ wá le, bɔ́ eci-hán mɛ̀n lɔ, bɔ́ lɛ hɔ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn y'anwanzi bɔ̀ hán ɔkɔ̀hɔ̀n, kɩ yɔ tɛn yɔ lɛ hɔ́n Zhüifɛ̀n-bɔ̀ yri.

1 Tesalonikɛ̀n anmàn-bɔ̀ 2:4

Tɛ́n, ɛnvra lɔ fɛn bɔ́ dɔ́ ankà kɛ hán ɔmu le Ɔwɔ ke ji nɔn, ɔmuhi nɛ̀n ẅɛn bɔ́ esɛ́ kɩ nɛ̀n tán bɔ̀ n'Ɛmɛẅi ankà Ankrankran lɔ nɔn. Bɔ́ sɩ́ ji anwrɔnẅì cüɛ̀n, tɛ́n Ɔwɔ cüɛ̀n léyi kɛ wɔɛn bɔ́ ɛnbɔrɛmɛ̀n ankà-tro hɔ̀n lɔ nɔn.

Kpàkpà timote 1:11

Ankà-yé ndɔ lɔ yɛ cɔ́ nɛ̀n Ɛmɛẅi ankà Ankrankran léyi yɛ wá mɛ̀n antamɛ̀n, hɩ dú eci-zrɔ-Wɔ yri nvà, nɛ́n léyi nɛ̀n dú ɛnbɔrɛbru-shi-bɛ́ nɔn.

Kpàkpà timote 2:7

Ndɔ lɔ kruhú de, yɛ wá mɛ̀n ɔkɔ̀hɔ̀n-wá-wrɔn léyi ke ji le kè yé anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, ankaẅì-bùtan mán annànwɔrɛ ankà. Mɛ́n sɩ́ ẅɛn ɛyɔ̀n, mɛ dɔ́ annànwɔrɛ ankà.

Anhyrɛmɛ̀n timote 1:11

Ɔwɔ wá tán mɛ̀n, mɛ̀n dɔ́ Ɛmɛẅi ankà Ankrankran ndɔ lɔ, ɔmuhi mɛ̀n dú n'ɔkɔhɔ̀n-wá-wrɔn mán n'eci-yé-wrɔn,

2 Piɛrɛ̀n 3:15

Nyɛ́n nyri ɔmu le Ɛẅɛnwrɔn bɔrɛ-ẅɛ̀n-hɛ́n ci-hán kɛ tán nyɛ̀n ɛkɔrɛ̀levri nyɛ́n cɔ́ ebɩdie, hán ɔmu le bɔ́ muanẅì ankrankran Pɔlɛ̀n, merɛ́n nyɛ̀n n'owrú, ankanyrì léyi Ɔwɔ tán nɛ̀n nɔn hɩ mɛ̀n.