Galasi anmàn-bɔ̀ 2:6 - Ɛmɛẅi ankà ankrànkràn 2003

⁶ Tɛ́n anwrɔn hɔ̀n léyi yɛ krɛ́ ɛnkru-ɛvrivri-bɔ̀ nɔn (annanwɔrɛ mɛ̀n lɔ, eci léyi dú yɔ nɔn ke sɩ́ hán mɛ̀n eci zriɛmɛ́n, ɔmuhi Ɔwɔ ke sɩ́ ci ɔwrɔn anvɛ wú mrɛ̀n nɔn), zɛtɛn anwrɔn ndɔ hɔ̀n lɔ kè sɩ̀ wà ɛnyànmàn wrù kɛ̀ tàn mɛ̀n.

Galasi anmàn-bɔ̀ 2:6 Iomraidhean Croise

Matie 22:16

Yɔ wá y'ɛsɛ̀nkɛn-bɔ̀ mán Herɔdɛ̀n zìwú bɔ̀ jan ɔkɔ̀hɔ̀n kɛ̀ hɔ̀n dɔ́ Zhezü le: “Ankà-yé-wrɔn, bɔ́ nyri ɔmu le ɛ dɔ́ ankàẅì ankà: E yé annànwɔrɛ ankà léyi Ɔwɔ ke ji nɔn, ɔwrɔn ankà ke sɩ́ ẅɛn mɛ́n ɛnjansù, kɩ e sɩ́ ci ɔwrɔn zriɛmɛ́n anvɛwú mrɛ̀n.

Markɛ̀n 12:14

Kɩ yɔ và yɔ yrɛ nɛ̀n ankà: “Ankà-yé-wrɔn, bɔ́ nyrì le ɛ dɔ́ ankà ɔmùan zri; e sɩ́ ci anwrɔn zriɛmɛ́n anvɛwú-mrɛ̀n, ɔmuhi ɔwrɔnẅì sù mán ɔwrɔnẅì vrisì ke sɩ́ kɛ́n mɛ́n Ɔwɔ ankà-dɔ̀ anmùan mɛ̀n kɛ hɛ́n hán, kɩ ɛ dɔ́ ankà annànwɔrɛ eci léyi Ɔwɔ ke ji nɔn wú. Ɛ̀ dɔ́ bɔ̀, ke dú kɛ bɔ́ ɛnyànmàn lɔ kɛ wá tán ye di Sezarɛ̀n anmàn wɔɛ̀n hàn? Zɛtɛn bɔ́ yrɛ mɛ́n: bɔ̀ dì le kale bɔ́ bɩ́ dìɛ?”

Lükɛ̀n 20:21

Kɩ, ye yrɛ nɛ̀n ankà ndɔ lɔ: “Ankà-yé-wrɔn, bɔ́ nyri ɔmu le, ankà léyi ɛ dɔ̀, hɩ e yé nɔn, dú ankàẅì; e sɩ́ ci ɔwrɔn zriɛmɛ́n anvɛ-wú-mrɛ̀n, kɩ e yé ankà annànwɔrɛ esùnàn léyi Ɔwɔ kɛ cüɛ̀n nɔn wú.

Ɔkɔ̀hɔ̀n-wá-bɔ̀ kɔ̀hɔ̀n hán 10:34

Zɛtɛn Piɛrɛ̀n bɩ́ ankà-dɔ̀ kɩ dɔ̀ le: “Zɛtɛ̀ lɔ, me nyri annanwɔrɛ le Ɔwɔ ke sɩ́ hán eci kɛ vɛ́n ɔwrɔn zriɛmɛ́n tɛ̀sɛ̀n:

Ɔkɔ̀hɔ̀n-wá-bɔ̀ kɔ̀hɔ̀n hán 5:36

Kɛ vá moɛ̀n, Tedasɛ̀n nvà, nɛ́n léyi nɛ krɛ́ n'edomɛ̀n ɔwrɔn ankrankran; ɔwrɔn ɛkoẅì-ɛẅia kɛ́n nɛ̀n ɛsɛ̀n. Tɛ́n ye wri nɛ̀n, anwrɔn hɔ̀n léyi dú nɛ̀n ɛmɛẅi nɔn bonyì kɩ nɛ́n fɛcüè lɔ zrɛ́n mrìmrì.

Rɔmɛ̀n-anmàn-bɔ̀ 2:11

ɔmuhi Ɔwɔ ke sɩ́ mrɛ́n ɔwrɔn zriɛmɛ́n ke teze hɛ̀ nɔn.

2 Korɛntɛ̀n anmàn-bɔ̀ 11:5

Mɛ́n sɩ́ tro le mɛ̀n dú ɛnhi mɛ̀n vrán ny'ɔkɔ̀hɔ̀n-wá-bɔ̀ léyi nye tro le sevri nɔn!

2 Korɛntɛ̀n anmàn-bɔ̀ 12:11

Mɛ dɔ́ ankà kɛ hán nmù-wrɔn hɔ́, tɛ́n nyɛ́n de nyɛ́n wá tán mɛ̀n nɔn. Nyɛ́n de ke ji le nyɛ́n dɔ́ ankà nyɛ́n tán mɛ̀n. Ɔmuhi ke dú kɛ mɛ̀n sɩ̀ dù eci zriɛmɛ́n hô, nyɛ́n nyri ɔmu le mɛ̀n sɩ̀ dù ɛnhi kɛ̀ vràn ny'ɔkɔ̀hɔ̀n-wá-bɔ̀ léyi nye tro le sevri nɔn.

2 Korɛntɛ̀n anmàn-bɔ̀ 5:16

Nyàn eci le kruhú léyi bɔ́ sɩ́ vru ẅɛn ɔwrɔn zriɛmɛ́n anhyɛyì n'ɔwrɔnẅì antà-dùwrú wú nɔn. Kɩ ke dú kɛ, ɛnbìɛhɛ́n vra lɔ, bɔ̀ bɩ́ Krisì bɔ̀ srɔ ɔwrɔnẅì, zɛtɛ̀ lɔ, bɔ́ sɩ́ vru bɩ́ nɛ̀n bɔ́ hán ɔwrɔnẅìɛ.

Galasi anmàn-bɔ̀ 2:2

Mɛ̀n hɔ́n nanvrɛn, ô mɛ̀n nyri Ɔwɔ ankà léyi ke ji kɛ̀ dɔ́ mɛ̀n nɔn. Ɛmɛ̀n krubɔrɛ tɔ̀n léyi mɛ̀n mán ɛnkru-ɛvrivri-bɔ̀ mɛhi bɔ́ ẅɛ̀n nɔn, mɛ̀n dɔ́ yɔ́ Ɛmɛẅi ankà Ankrànkràn léyi mɛ dɔ́ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn. Mɛ́n sɩ́ ji le m'ɔkɔ̀hɔ̀n léyi mɛ̀n hán mán hɩ le mɛ vá ɛhán yri nɔn, kɛ̀ srɔ eci woro.

Galasi anmàn-bɔ̀ 6:3

Ke dú kɛ ɔwrɔn tɔ̀n ke tro le nɛ̀n ẅɛn vɔ̀nshɛ́, tɛ́n nɛ̀n sɩ̀ dù eci zriɛmɛ́n, nɛ frɛ́n n'edomɛ̀n.

Ebre-bɔ̀ 13:17

Nyɛ́n die ny'ɛnyrɔnnan-bɔ̀ nukùɛ, ô nyɛ́n sɩ́ ny'edomɛ̀n ɛnhi nyɛ́n tán yɔ. Annanwɔrɛ mɛ̀n lɔ, yɔ dú bɔ́ ɛnán mɛ̀n ɛnbì lɔ fɛn, ɔmuhi yɔ ẅɛn eci-krɛ̀ yɔ mán Ɔwɔ mɛhi nɔn. Nyɛ́n hán tán, ô yɔ cɔ́ y'ɔkɔ̀hɔ̀n lɔ n'ɛhán-yri pɔpüɛ̀ mɛ̀n, kɩ ke bɩ́ dú obòto mɛ̀n, eci-hán ndɔ lɔ ke sɩ̀ sɩ́ nyɛ̀n vɔ̀nshɛ́ zriɛmɛ́n.

Ebre-bɔ̀ 13:7

Ɛcüìcüì-bɔ̀ léyi kɛ nyrɔn nyɛ̀n, kɩ dɔ́ nyɛ̀n Ɔwɔ mùan-ankà nɔn, y'ankà kè bru nyɛ̀n. Nyɛ́n tro y'ɛwúvà léyi yɔ ẅɛ̀n kɩ yɔ wù nɔn yi ankà, ô nyɛ́n ván y'ankaẅìbùtan lɔ.

1 Piɛrɛ̀n 1:17

Ny'ɔwɔ-sɛ̀n hɔ̀n lɔ mɛ̀n, nyɛ tán Ɔwɔ ebi, Ezi, nɛ́n léyi nɛ́n sɩ̀ ẅɛ̀n anmùan anhyrɛ̀, kɩ ne ci anwrɔnẅì lɔ fɛn ɛmrɛ̀n, ɔwrɔnwrɔn v'eci léyi ɛ̀ hán nɔn, hɩ wú; hɩ le kruhú de ɛnvra léyi wɔrɔ, hɩ nye le dú ɛnu hi-wúvà lɔ mɛ̀n nɔn, ke ji le ny'esùnan kè yé ɔwá léyi nyɛ tán Ɔwɔ nɔn.