Galasi anmàn-bɔ̀ 2:4 - Ɛmɛẅi ankà ankrànkràn 2003

⁴ anwrɔn-nɛ́n-muan-ẅì hɔ̀n, ɛyɔ̀n-bɔ̀ léyi dú bɔ̀ ɛmɛ̀n nɔn, ke ji kɛ̀ hán ye wi nɛ̀n wúcɔ̀-dòmɛ̀n, kɩ yɔ sɩ̀ cɔ̀ n'ɛhán yri rɔ̀a. Anwrɔn ndɔ hɔ̀n lɔ bru bɔ́ fɛcüè lɔ mɛ̀n, ô kɛ̀ kprá bɔ́ ɛkɔrɛ̀-levri léyi dú Zhezü Krisì yri và, ô kè vru kè sɩ́ bɔ̀ ɛnyànmàn wɔ̀nẅìemɛ̀n.

Galasi anmàn-bɔ̀ 2:4 Iomraidhean Croise

Lükɛ̀n 5:38

Ke jí le nɛ̀n gbrɛ́ ankùa wrù mán ɔhɔnán, ô nɛ̀n gbrɛ́ ankùa cüɛ mán ɔhɔnán.

Ɔkɔ̀hɔ̀n-wá-bɔ̀ kɔ̀hɔ̀n hán 15:1

Anwrɔn jan dú Zhüde kpɔsɔ wú vá Antiɔshɛ̀n anmàn kɩ bukru ke yé yɔ muan-ẅì hɔ̀n ankà-yé ndɔ lɔ: “Nyɛ́n sɩ̀ cɔ́ ɛnkru-kɔrɛ̀ ke dú kɛ ye sɩ̀ wì nyɛ̀n wúcɔ̀-domɛ̀n hán ɔmu le Mohizì nyanmàn wá tán nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 15:24

Bɔ̀ yá le anwrɔn dú bɔ́ anmàn nvà, wá nyɛ̀n ejüe, ku nyɛ̀n ɛnkrɛ̀ta y'ankà-dɔ́ mɛ̀n. Bɔ̀ sɩ̀ tán yɔ ɛkɔrɛ̀-levri zriɛmɛ́n ankà ndɔ lɔ wú.

Ɔkɔ̀hɔ̀n-wá-bɔ̀ kɔ̀hɔ̀n hán 20:30

Kɩ nyɛ́n dùku ny'ɛmɛ̀n lɔ, anwrɔn ndɔ hɔ̀n ke le bukru kɛ dɔ́ ɛyɔ̀n ankà ô kɛ̀ hán ankaẅì-bùtan-ẅɛn-bɔ̀ kè dú yɔ ɛmɛẅi.

Rɔmɛ̀n-anmàn-bɔ̀ 8:15

Ɔmuhi Ɛnhɛ́n léyi nyɛ́n cɔ̀ nɔn, kè sɩ̀ dù Ɛnhɛ́n léyi kɛ srɔ nyɛ̀n anwɔ̀n-bɔ̀ kɩ kɛ hán ɛnjansù ke vru ke yɩ́ ny'ɛnbɔrɛ lɔ; tɛ́n Ɛnhɛ́n Prɔnprɔn de kɛ srɔ nyɛ̀n Ɔwɔ-ẅì hɔ̀n kɩ kɛ hán bɔ̀ bɔ́ di bobo bɔ́ dɔ́ Ɔwɔ le: “Ô mɛ́n Dade!”

2 Korɛntɛ̀n anmàn-bɔ̀ 11:13

Anwrɔn ɔmu hɔ̀n lɔ yɔ dú ɛyɔ̀n kɔ̀hɔ̀n-wá-bɔ̀, ɛfrɛ́n-bɔ̀ léyi kɛ srɔ y'edomɛ̀n Krisì kɔ̀hɔ̀n-wá-bɔ̀ nɔn.

2 Korɛntɛ̀n anmàn-bɔ̀ 11:17

Annanwɔrɛ mɛ̀n lɔ, ke dú kɛ mɛ hán ɔmùan-gbú kɔ̀hɔ̀n hô, mɛ́n sɩ́ dɔ́ ankà kɛ hán ɔmu le Ɛẅɛnwrɔn ke ji nɔn, tɛ́n kɛ hán ɔmu le mɛ̀n dú nmù-wrɔn hɔ́.

2 Korɛntɛ̀n anmàn-bɔ̀ 11:20

Nye shrì nyɛ tán yɛ hán nyɛ̀n anwɔ̀n-bɔ̀ ci, yɛ frɛ́n nyɛ̀n, ye bɩ́ nyɛ̀n ɛci edomɛ̀n yɛ sɔhɔ́, yɛ nyan nyɛ̀n ɛwú, yɛ cüran nyɛ̀n ansa anvɛmɛ̀n.

2 Korɛntɛ̀n anmàn-bɔ̀ 11:26

M'ɛyri hɔ̀n bobrebe mɛ̀n lɔ, mɛ̀n srɔ́n ɛgbànkàn ɛsù; yɔ hɔ̀n léyi dú ɛnshi léyi ke yɩ̀ kɛ gbɛ́ nɔn mɛ̀n, mán ɛci-gbangbàn-hán-bɔ̀ tamɛ̀n, ɛgbànkàn hɔ̀n léyi nmàn-ẅì hɔ̀n Zhüifɛ̀n-bɔ̀ mán yɔ léyi yɔ sɩ̀ dù Zhüifɛ̀n-bɔ̀ kɛ hán mɛ̀n mɛ kàn, mɛ̀n dú ɛgbànkán mɛ̀n anmàn mán ɛyri-tra mɛ̀n, mɛ̀n dú ɛgbànkán mɛ̀n ecüe wú mán anwrɔn-nén-muan-ẅì hɔ̀n ɛyɔ̀n-bɔ̀ granmɛ̀n.

2 Korɛntɛ̀n anmàn-bɔ̀ 3:17

Tɛ́n, ebɩ́ léyi dú “Ɛẅɛnwrɔn” nɔn, ɛnu lɔ n'ɛmɛ̀n kɛ dɔ̀ le Ɛnhɛ́n; kɩ ɛyri léyi Ɔwɔ Hɛ́n ndù nɔn, nanvrɛn lɔ ɔwrɔncüe ndù.

Galasi anmàn-bɔ̀ 1:7

Annanwɔrɛ mɛ̀n lɔ, ɛnyàntɛn zriɛmɛ́n bàdà; anwrɔn kɩ dù kɛ frɛ́n nyɛ̀n ɛnkruemɛ̀n, kɩ ke ji kɛ̀ crɔn Krisì Mɛẅi ankà Ankrankran lɔ.

Galasi anmàn-bɔ̀ 4:25

Agarɛ̀n dú Sinahi kpò Arabi anmàn hi wú; nɛ̀n dú eci zri nɛ́n mán zɛtɛ̀ Zherüzalɛmɛ̀n anmàn léyi dú anwɔ̀nẅiemɛ̀n nɛ́n mán n'anwrɔn hɔ̀n lɔ fɛn mɛhi.

Galasi anmàn-bɔ̀ 4:3

Ɔmu zri lɔ, bɔ́ mán bɔ̀ dú kpàkpà mɛ̀n lɔ hán ɛẅì hɔ̀n hɔ́, bɔ́ dú ɛnhibù kɔrɛ̀-srɔn hɔ̀n hɛ́n wɔ̀n-bɔ̀.

Galasi anmàn-bɔ̀ 5:1

Krisì srú bɔ̀ die ô bɔ̀ srɔ anwrɔn kora hɔ̀n annanwɔrɛ mɛ̀n. Nyɛ́n ẅɛn nɛ̀n ɛshishiemɛ̀n, nyɛ́n bɩ́ vru teze ny'edomɛ̀n nyɛ́n hɔ́n anwɔ̀nẅiemɛ̀n.

Galasi anmàn-bɔ̀ 5:10

Tɛ́n, Ɛẅɛnwrɔn kɛ tán mɛ̀n esɛ́ eci léyi kɛ crɛ nyan nyɛ̀n nɔn hɩ wú: mɛ̀n nyri annanwɔrɛmɛ̀n le nyɛ́n mán nyɛ́n sɩ̀ ẅɛn ankà-tro vɛ́n nyantɛn ke dú kɛ kè sɩ̀ dù m'ankà-tro lɔ. Tɛ́n ɔwrɔn léyi kɛ wá nyɛ̀n gbɔ̀gbɔ̀ edomɛ̀n nɔn, eci totɔtɔ̀n léyi dú nɛ̀n nɔn, nɛ lɛ cɔ́ Ɔwɔ nwù-bɔ̀.

Anhyrɛmɛ̀n timote 3:6

Y'ɛmɛ̀n lɔ, anwrɔn janbɔ̀ ke bru anwrɔn ɛbemɛ̀n kɩ ke bɩ́ ɛnkru-fé-wúyɔ̀ hɔ̀n léyi ɛgbàn yɩ́ edomɛ̀n kɩ kɛ hán ɛmànkɔ́n mɛ̀ntɛ mɛ̀ntɛ kɔ̀hɔ̀n;

Zhakɛ̀n 1:25

Tɛ́n, ɔwrɔn léyi kɛ crɛ́n Ɔwɔ nyanmàn ankrànkràn lɔ ɛmɛ̀n anvrɛnvrɛn nɔn, ɛnyanmàn léyi kɛ tán bɔ̀ ɛkɔrɛ̀levri eci-hán mɛ̀n, hɩ kɛ ẅɛn nɛ̀n kɛ hɛ́n ɔmùan-zri-diemɛ̀n, hɩ ke sɩ́ bɩ́ nɛ̀n ke yuru esùva, hɩ kɛ hán n'ɛkɔrɛ̀-zì-ci nɔn, ɔwrɔn ndɔ lɔ, Ɔwɔ ke le fú nɛ̀n ɛnshi n'eci-hán mɛ̀n.

1 Piɛrɛ̀n 2:16

Nyɛ́n nyrɔn ny'edomɛ̀n kɛ̀ hán anwrɔn kora hɔ̀n hɔ́; tɛ́n nyɛ́n bɩ́ bɩ́ ny'anwrɔn kora hɔ̀n kɔrɛ̀levri lɔ nyɛ́n bán ɛgbàn, tɛ́n nyɛ́n hán Ɔwɔ ci-bɩtan-bɔ̀ kɔ̀hɔ̀n.

2 Piɛrɛ̀n 2:19

Yɔ wá yɔ ɔmùan le yɔ lɛ srɔ yɔ anwrɔn kora hɔ̀n, tɛ́n yɔ dùku mán yɔ dú anwɔ̀n-bɔ̀ léyi y'edù-ci kɛ jrɛ́ eci nɔn, ɔmuhi ɔwrɔnwrɔn dú eci léyi sevri ká nɛ̀n nɔn n'ɔwɔ̀n-wrɔn.

1 Zhan 4:1

M'annyran hɔ̀n nyɛ́n bɩ́ ẅɛn esɛ́ anwrɔn hɔ̀n léyi kɛ dɔ̀ le yɔ ẅɛn Ɔwɔ Hɛ́n nɔn y'ɛwú, tɛ́n nyɛ́n wɔɛn yɔ nyɛ́n nyan, ô nyɛ́n nyrì ke dú kɛ ɛnhɛ́n léyi yɔ ẅɛ̀n nɔn, dú Ɔwɔ yri và. Annanwɔrɛ mɛ̀n lɔ ɛyɔ̀n wɔ-mùan-wú-ankà-dɔ́-bɔ̀ bobrebe bonyí ɛnhibù wú.

Zhüdɛ̀n 1:4

Annanwɔrɛ mɛ̀n lɔ, anwrɔn gbàngbàn ndɔ hɔ̀n bru nyɛ̀n ɛmɛ̀n anbanmɛ̀n; yɔ jrɛ́ b'Ɔwɔ nboafɔ̀n, kɩ yɔ bɩ́ nɛ̀n yɔ wá y'ɛwúvà gbàngbàn ẅɛ̀n wú, kɩ ɔmu lɔ yɔ kɔ́n Zhezü-Krisì ze, nɛ́n léyi nɛ̀n dú b'Ankà-yé-wrɔn zri mán Ɛẅɛnwrɔn nɔn. Ɛnvra sheshe mɛ̀n de Ɛwrú Prɔnprɔn hɔ̀n kɛ dɔ́ nwù-bɔ̀ léyi ke le dú yɔ ɛwú nɔn yi ankà.