Galasi anmàn-bɔ̀ 2:21 - Ɛmɛẅi ankà ankrànkràn 2003

²¹ Mɛ kɔrɔ, mɛ́n sɩ̀ kɔ́n Ɔwɔ boafɔ̀n mɛ̀n ze. Annanwɔrɛ mɛ̀n lɔ, ke dú kɛ ɛnyànmàn kɔrɛ̀-levri mɛ̀n de yɛ lɛ srɔ ɛnyrɔnnan-wrɔn tɛ̀ Ɔwɔ zìwú nɔn hô, zɛtɛn Krisì wù lɔ dú owù kɔra sà.

Galasi anmàn-bɔ̀ 2:21 Iomraidhean Croise

Rɔmɛ̀n-anmàn-bɔ̀ 11:6

Nɛ̀n mrɛ́n yɔ nɛ̀n bɩ́ ɛnbɔrɛ wɔwɔ mɛ̀n kɩ kè sɩ̀ dù yɔ eci-hán-ci mɛ̀n, kè sɩ̀ dù ɔmu lɔ hô, Ɔwɔ bɔrɛ-wɔ̀ lɔ ke sɩ̀ dú ɛbɔrɛ-wɔ̀ annanwɔrɛ.

Galasi anmàn-bɔ̀ 3:21

Ndɔ lɔ n'ɛmɛ̀n kɛ dɔ̀ le ɛnyànmàn kɛ kɛ́n Ɔwɔ mùan-wá ci-hán ezìɛ? Annanwɔrɛ mɛ̀n lɔ hɔ̂! Ke dú kɛ yɛ wá ɛnyànmàn tɔ̀n, ô kɛ̀ tán anwrɔnẅì annanwɔrɛ wúvà, hɩ lɔ mɛ̀n, ɔwrɔnẅì kɛ lɛ srɔ ɛnyrɔnnan-wrɔn tɛ̀ Ɔwɔ zìwú ɛnyànmàn kɔrɛ̀-levriemɛ̀n.

Ebre-bɔ̀ 7:11

Ɔwɔ cice-kɔhɔ̀n léyi dú Levi mɛ̀n mɛ̀n-bɔ̀ tɛn nɔn, dú Izraɛlɛ̀n fɛcüè nyanmàn léyi Ɔwɔ tán nɔn, mɛ̀n. Tɛ́n kè dú kɛ Ɔwɔ-cice-bɔ̀ léyi dú Levi mɛ̀n mɛ̀n-bɔ̀ nɔn, kɛ̀ hán ɔkɔ̀hɔ̀n fifi hô, Ɔwɔ cice-wrɔn nyantɛn ke sɩ̀ srɔ Mɛlkisedɛkɛ̀n dùci-hán lɔ mɛ̀n, kɩ eci zri lɔ ke sɩ̀ dú Arɔn dùci-hán.

1 Korɛntɛ̀n anmàn-bɔ̀ 15:14

kɩ ke dú kɛ Krisì kè sɩ̀ dù owúemɛ̀n kɛ̀ frɔ́a hô, bɔ̀ sɩ̀ ẅɛ̀n ankà-dɔ̀ zriɛmɛ́n, kɩ nyɛ́n mán nyɛ́n sɩ̀ ẅɛ̀n ankaẅì-bùtan eci zriɛmɛ́n wú.

Galasi anmàn-bɔ̀ 2:16

Kɩ, bɔ́ nyri ɔmu le ɔwrɔnẅì dú ɛnyrɔnnan mɛ̀n Ɔwɔ zìwú ankaẅì-bùtan léyi nɛ̀n ẅɛn Zhezü Krisì mɛ̀n, tɛ́n kè sɩ̀ dù hɩ le nɛ wá Mohizì nyànmàn lɔ nɔn. Hɩ le kruhú de, bɔ́ mán, bɔ̀ ẅɛn ankaẅì-bùtan Zhezü Krisì mɛ̀n, ô ye nyri ɔmu le bɔ̀ dú ɛnyrɔnnan-bɔ̀ ankaẅì-bùtan léyi bɔ̀ ẅɛn Krisì mɛ̀n, tɛ́n kè sɩ̀ dù hɩ le bɔ́ wá ɛnyànmàn ndɔ lɔ nɔn. Ɔmuhi ɔwrɔn zriɛmɛ́n ke sɩ̀ dú ɛnyrɔnnan-wrɔn Ɔwɔ zìwú ɔmuhi eci lɔ fɛn mɛ̀n lɔ nɛ wá Ɔwɔ nyànmàn nɔn.

Rɔmɛ̀n-anmàn-bɔ̀ 10:3

Annanwɔrɛ mɛ̀n lɔ, yɔ sɩ̀ nyrì ɔmu le Ɔwɔ kɛ srɔ anwrɔnẅì ɛnyrɔnnan-bɔ̀ n'ezìwú, kɩ yɔ ji, ô yɔ wá yɔ mumù eci léyi kɛ lɛ srɔ yɔ ɛnyrɔnnan-bɔ̀ nɔn. Ɔmu lɔ de yɔ sɩ̀ sɩ̀ y'edomɛ̀n ɛnhi ɛnkru-kɔrɛ̀-nyànmàn léyi Ɔwɔ tán nɔn zìwú.

1 Korɛntɛ̀n anmàn-bɔ̀ 15:2

N'ɛmɛ̀n de nyɛ lɛ cɔ́ ebɩ̀die, ke dú kɛ nyɛ ẅɛn nɛ̀n nyɛ hɛ́n hán ɔmu le mɛ̀n dɔ́ nyɛ̀n nɔn hɔ́; kè sɩ̀ dù ɔmu lɔ hô, nyɛ lɛ ẅɛn ankaẅì-bùtan woro.

Galasi anmàn-bɔ̀ 2:18

Annanwɔrɛ mɛ̀n lɔ, ke dú kɛ mɛ sanhán ɛnyànmàn ci léyi mɛ̀n jrɛ́ nɔn, mɛ srɔ m'edomɛ̀n ɔwrɔn tɔ̀n léyi ke sɩ́ wá ɛnyànmàn nɔn.

Rɔmɛ̀n-anmàn-bɔ̀ 8:31

Ankà tán de bɔ́ lɛ dɔ̀ kè fɛ́ ɛwú nɛ́n? Ke dú kɛ Ɔwɔ ke dú bɔ́ tɛn hô, antɔnwrɔn de kɛ lɛ kɛ́n bɔ̀ ezì nɛ́n?

Markɛ̀n 7:9

Zɛtɛn Zhezü kɛ dɔ̀ le: “Nye nyri kɔ́n Ɔwɔ nyànmàn nye ze kɩ nyɛ ẅɛn nyɛ́n dùku ny'ɛnyànmàn kɔrɛ̀zì nyɛ hɛ́n!

1 Korɛntɛ̀n anmàn-bɔ̀ 15:17

Kɩ ke dú kɛ Krisì kè sɩ̀ dù owúemɛ̀n kɛ̀ frɔa, ny'ankaẅì-bùtan lɔ dú eci-vàci-ci, kɩ nyɛ́n vru nyɛ́n dú ny'ɛgbàn hɔ̀n wanzi.

Rɔmɛ̀n-anmàn-bɔ̀ 4:25

Ɔwɔ dí nɛ̀n owúemɛ̀n bɔ́ ɛgbàn hɔ̀n lɔ kruhú kɩ nɛ̀n vru nɛ̀n sɩ́ yi ɔkɔrɛ-bɔ̀ mɛ̀n, ô nɛ̀n srɔ bɔ̀ ɛnyrɔnnan-bɔ̀ n'ezìwú.