Galasi anmàn-bɔ̀ 2:2 - Ɛmɛẅi ankà ankrànkràn 2003

² Mɛ̀n hɔ́n nanvrɛn, ô mɛ̀n nyri Ɔwɔ ankà léyi ke ji kɛ̀ dɔ́ mɛ̀n nɔn. Ɛmɛ̀n krubɔrɛ tɔ̀n léyi mɛ̀n mán ɛnkru-ɛvrivri-bɔ̀ mɛhi bɔ́ ẅɛ̀n nɔn, mɛ̀n dɔ́ yɔ́ Ɛmɛẅi ankà Ankrànkràn léyi mɛ dɔ́ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn. Mɛ́n sɩ́ ji le m'ɔkɔ̀hɔ̀n léyi mɛ̀n hán mán hɩ le mɛ vá ɛhán yri nɔn, kɛ̀ srɔ eci woro.

Galasi anmàn-bɔ̀ 2:2 Iomraidhean Croise

Matie 10:16

“Nyɛ́n die nukùɛ! Mɛ wá nyɛ̀n ɔkɔ̀hɔ̀n, kɩ nyɛ́n dù nyɛ́n hán kɔ̀kɔ̀sɛ̀ hɔ̀n léyi dú ovú lɛ̀tù hɔ̀n wanzi nɔn hɔ́. Nyɛ́n wá ny'edomɛ̀n esùva kɛ̀ hán ɛnlɛ̀brì hɔ̀n hɔ́, nyɛ́n dù nyɛ́n hán brɛndre hɔ̀n hɔ́, ô nyɛ́n bɩ́ di ankà mɛ̀n ebɩ́.

Ɔkɔ̀hɔ̀n-wá-bɔ̀ kɔ̀hɔ̀n hán 15:12

Zɛtɛn, fɛcüè lɔ fɛn kɛ́n ɔmùan hɛ́n kɩ ye die Barnabasɛ̀n mán Pɔlɛ̀n nukùɛ kɛ dɔ́ anvɛmɛ̀n-frɛ́n-ci mán eci-woroan-ci hɔ̀n lɔ fɛn léyi Ɔwɔ ci y'ɛmɛ̀n hán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:2

Pɔlɛ̀n mán Barnabasɛ̀n mɛhi kè sɩ̀ shrìɛ kè bɩ̀ ankà ndɔ lɔ kɩ ɛcüìwrɔn vri tɔ̀n bru yɔ angranmɛ̀n ankà ndɔ lɔ kruhú. Zɛtɛn yɛ wá le Pɔlɛ̀n, Barnabasɛ̀n mán Antiɔshɛ̀n anmàn-bɔ̀ jan kɛ lɛ hɔ́n Zherüzalɛmɛ̀n anmàn, ô yɔ cɔ́ ɔkɔ̀hɔ̀n-wá-bɔ̀ mán ɛcüìcüì-bɔ̀ yɔ dɔ́ ankà ndɔ lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 15:4

Ɛnvra léyi yɔ bru Zherüzalɛmɛ̀n anmàn nɔn, Ɔwɔ-fɛcüè-bɔ̀ ɔkɔ̀hɔ̀n-wa-bɔ̀ mán ɛcüìcüì-bɔ̀ ẅɛn yɔ anvrɛnvrɛn, kɩ yɔ dɔ́ yɔ eci léyi Ɔwɔ cí y'ɛmɛ̀n hán nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 18:9

Ɛnnyran tɔ̀n, Pɔlɛ̀n cɔ́ Ɔwɔ-mɛ̀n-yri-kàn tɔ̀n kɩ Ɛẅɛnwrɔn kɛ dɔ́ nɛ̀n le: “Ɛnjansù ke bɩ́ ẅɛn mɛ́n, tɛ́n ɛ̀ dɔ́ ankà ɛnvra lɔ fɛn, e bɩ́ kɛ́n ɔmùan ɛ hɛ́n hán,

Ɔkɔ̀hɔ̀n-wá-bɔ̀ kɔ̀hɔ̀n hán 23:11

Ɛnnyran léyi kɛ̀n nɔn, Ɛẅɛnwrɔn bɩ́ n'edomɛ̀n yé Pɔlɛ̀n kɩ kɛ dɔ́ nɛ̀n le: “Bɩ edùyì! E di mɛ̀n dalɛfuɛ ɛnu, Zherüzalɛmɛ̀n anmàn, kɩ ke ji le ɛ̀ hán eci zri lɔ Rɔmɛ̀n ɛnhi wú anmàn mán.”

Ɔkɔ̀hɔ̀n-wá-bɔ̀ kɔ̀hɔ̀n hán 5:34

Tɛ́n y'ɛmɛ̀n lɔ, Ɔwɔ-nyànmàn-sùva-wá-wrɔn tɔ̀n ndù ye bi Gamaliɛlɛ̀n, fɛcüè lɔ fɛn ẅɛn n'ɔwa. Nɛ̀n tɔhú ankà-dɔ̀-trɔ-bɔ̀ mrɛ̀ncì wanzi kɩ nɛ̀n sán le, ɔkɔ̀hɔ̀n-wá-bɔ̀ lɔ kɛ srɔ ɛntrɛ ɛnvra cá.

Rɔmɛ̀n-anmàn-bɔ̀ 9:16

Ndɔ lɔ ke sɩ́ crɛnyan ɔwrɔnẅì ci léyi ke ji nɔn mán n'edùyì-ci-hán, tɛ́n kɛ crɛnyan Ɔwɔ zri leyi ẅɛn ɛnhyɔ̀bɔ̀-nyrì nɔn.

1 Korɛntɛ̀n anmàn-bɔ̀ 1:23

Bɔ́ tɛn, bɔ́ dɔ́ Krisì léyi yɛ gɔ́n-brɛ́ ɛgbàn-hán-tɛ̀ wú nɔn n'ankà: ndɔ lɔ dú anvɛvrà-ankà tán Zhüifɛ̀n-bɔ̀ kɩ vru dú nmù ankà tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn;

1 Korɛntɛ̀n anmàn-bɔ̀ 2:2

Ɔmuhi mɛ̀n wá le mɛ́n sɩ̀ dɔ́ eci zriɛmɛ́n ankà ɛnvra léyi me le bɩ, mɛ̀n dú nyɛ̀n ɛmɛ̀n, ke dú kɛ kè sɩ̀ dù Zhezü Krisì ankà, annannan le Zhezü Krisì léyi yɛ gɔ́n-brɛ́ ɛgbàn-hán-tɛ̀ domɛ̀n nɔn.

1 Korɛntɛ̀n anmàn-bɔ̀ 9:24

Nyɛ́n nyri annanwɔrɛ mɛ̀n le, ɛsrɛ́-bɔ̀ léyi ke dú ɛsrɛ́-kɔ̀ mɛ̀n nɔn, yɔ lɔ fɛn yɔ srɛ́, tɛ́n ɛnzri kɩ kɛ cɔ́ anjapkà. Nyɛ́n srɛ́, ô kɛ̀ hán tán nyɛ́n cɔ́ anjapkà.

1 Korɛntɛ̀n anmàn-bɔ̀ 9:26

Hɩ le Kruhú de mɛ srɛ́ kɩ mɛ nyan ɛyri léyi dú ɛnkrutrɔ-yri nɔn; hɩ kruhú de mɛ cá ejì-kɔ́n-wrɔn léyi ke sɩ́ gɔ́n ɔwrɔn oworo mɛ̀n nɔn.

2 Korɛntɛ̀n anmàn-bɔ̀ 12:1

Ke ji le mɛ̀n gbú ɔmùan, kɩ mɛ̀n nyri ɔmu le ndɔ lɔ kè sɩ̀ zrɔ̀a. Tɛ́n mɛ lɛ dɔ́ zɛtɛ̀ lɔ Ɔwɔ-mɛ̀n-yri-kàn mán ankà-bán-ankà-yé léyi mɛ̀n cɔ́ Ɔwɔ yri nɔn, n'ankà.

Galasi anmàn-bɔ̀ 1:12

Kè sɩ̀ dù ɔwrɔn tɔ̀n de kɛ̀ dɔ́ mɛ̀n yakɛ kè yé mɛ̀n ankà lɔ nɔn, tɛ́n Zhezü Krisì de hán tán mɛ̀n nyri ankà lɔ nɔn.

Galasi anmàn-bɔ̀ 1:6

Ny'ejüi léyi nyɛ́n crɛ̀ sɔ́n Ɔwɔ esù-kpràkprà-nán mɛ̀n nɔn, hɩ ci-hán lɔ kɛ frɛ́n mɛ̀n anvɛmɛ̀n: nɛ̀n bi nyɛ̀n Krisì boafɔ̀n lɔ mɛ̀n, kɩ nyɛ tɛn nyɛ́n crɛ ezì nyɛ́n kɛ́n Ɛmɛẅi ankà nyantɛn léyi nye bɩ nyɛ hán Ɛmɛẅi ankà Ankrankran nɔn.

Galasi anmàn-bɔ̀ 2:6

Tɛ́n anwrɔn hɔ̀n léyi yɛ krɛ́ ɛnkru-ɛvrivri-bɔ̀ nɔn (annanwɔrɛ mɛ̀n lɔ, eci léyi dú yɔ nɔn ke sɩ́ hán mɛ̀n eci zriɛmɛ́n, ɔmuhi Ɔwɔ ke sɩ́ ci ɔwrɔn anvɛ wú mrɛ̀n nɔn), zɛtɛn anwrɔn ndɔ hɔ̀n lɔ kè sɩ̀ wà ɛnyànmàn wrù kɛ̀ tàn mɛ̀n.

Galasi anmàn-bɔ̀ 2:9

Zhakɛ̀n, Piɛrɛ̀n mán Zhan hɔ̀n léyi ndù hán Ɔwɔ-fɛcüè bù-nan hɔ́ nɔn, nyri ɔmu le Ɔwɔ wá mɛ̀n ɔkɔ̀hɔ̀n vɛ́n ndɔ lɔ antamɛ̀n; zɛtɛn yɔ tán bɔ̀ ɛkɔrɛ̀, Barnabasɛ̀n mán mɛ̀n, ɔmùan-krɔn ci-hán mɛ̀n. Ɔmu lɔ de, bɔ lɛ fɛn ɔmùan-krɔn mɛ̀n lɔ, bɔ̀ wá le, bɔ́ eci-hán mɛ̀n lɔ, bɔ́ lɛ hɔ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn y'anwanzi bɔ̀ hán ɔkɔ̀hɔ̀n, kɩ yɔ tɛn yɔ lɛ hɔ́n Zhüifɛ̀n-bɔ̀ yri.

Galasi anmàn-bɔ̀ 5:7

Nyɛ́n bɩ́ esùnàn ankrankran ɛhɔ́n mɛ̀n lɔ! Antɔnwrɔn de jrɛ́ ny'edùyì sùnàn, ô ke bɩ́ tán nyɛ̀n ankà annanwɔrɛ kɔrɛ̀zì ci-hán-yri nɛ́n?

Filipɛ̀n anmàn-bɔ̀ 2:16

ô nyɛ́n yé yɔ ɛwúvà mɛẅi ankà. Ɔmu lɔ de, me le gbú ɔmùan ny'ɛwú ɛnbì léyi Krisì kɛ lɛ và nɔn, ɔmuhi m'ɔkɔ̀hɔ̀n mán m'ɛgbànkàn ke sɩ̀ dú eci woro nɔn.

Filipɛ̀n anmàn-bɔ̀ 2:29

Ɔmu lɔ, nyɛ́n ẅɛn nɛ̀n pɔpüɛ̀ vri mɛ̀n, kè dù kɛ̀ hán ɔwrɔn-nɛ́n-muan-ẅì tɔ̀n Ɛẅɛnwrɔn bɩ́mɛ̀n. Ke ji le nyɛ́n ẅɛn ɛcüɛ̀n nyɛ́n tán anwrɔn hɔ̀n léyi ndù hán nɛ́n hɔ́ nɔn,

1 Tesalonikɛ̀n anmàn-bɔ̀ 3:5

Hɩ le kruhú de, ɔmuhi ɛvrá ndɔ lɔ, mɛ́n sɩ̀ vru cɔ́ n'ɛkɔrɛ̀-levriɛ nɔn, mɛ̀n wá Timote ɔkɔ̀hɔ̀n kɛ̀ hɔ̀n kɛ̀ nyán ny'ankaẅì-bùtan-ẅɛ̀n. Me ku ɛnkrɛ̀ta le Anwa-wrɔn kɛ lɛ hán nyɛ̀n nyɛ́n bru ɛgbàn mɛ̀n, kɛ̀ hán tán b'ɔkɔ̀hɔ̀n gbànkàn lɔ fɛn kɛ̀ srɔ eci woro.

Anhyrɛmɛ̀n timote 4:7

Mɛ̀n kɔ́n anhà ankrankran, mɛ́n hɔ̀n hàn mán mɛ̀n cɔ́ m'ɛsrɛ́-krutrɔ-yri, mɛ̀n ẅɛn ankàẅi-bùtan mɛ̀n hɛ́n.

Ebre-bɔ̀ 12:1

Bɔ tɛn, fɛcüè vri ndɔ léyi dú bɔ́ dalɛfùɛ-di-bɔ̀ nɔn, de gbrɛnkɛn bɔ̀ ɔmùan nɔn. Bɔ̀ ẅɛn eci lɔ fɛn léyi kɛ hán bɔ́ esùnan lɔ kɛ srɔn nɔn bɔ̀ sɔhɔ́, annànnàn le ɛgbàn léyi kɛ brɛ́ bɔ̀ edomɛ̀n hɩ ke sɩ́ tán bɔ̀ esù anvrɛnvrɛn nán yri, ô bɔ̀ bɩ́ ɛnbɔrɛ zriemɛ̀n ɛsrɛ́ léyi yɛ wá tán bɔ̀ nɔn ô bɔ̀ hán n'eci.